Morgunblaðið - 12.10.1982, Blaðsíða 22

30
MORGUNBLAÐIÐ, ÞRIÐJUDAGUR 12. OKTÓBER 1982
Dagatal
fylgiblaóanna
* ALLTAF Á ÞRIÐJUDÖGUM *
IMIOTEA.
ALLTAFÁ FIMMTUDÖGUM
Alltaf á fóstudögum
ALLTAF A LAUGARDÖGUM
ALLTAF Á SUNNUDÖGUM
OG EFNISMEIRA BLAÐ!
Fimm sinnum í viku fylgir
auka fróðleikur og skemmtun
Mogganum þínum!
*
Mjólkurfræðingafélag Islands:
Fréttatilkynning VSÍ og
VMSS er full af ósann-
indum og rangfærslum
MORGUNBLAÐINU hefur borist
eftirfarandi fréttatilkynning frá
Mjólkurfræðingafélagi Islands:
Vegna fréttatilkynningar sem
Vinnuveitendasamband Islands og
Vinnumálasamband samvinnufé-
laganna hefur sent frá sér og birst
hefur í fjölmiðlum um helgina vill
samninganefnd Mjólkurfræðinga-
félags Islands gera svofellda at-
hugasemd:
Samninganefnd MPFÍ vill harð-
lega mótmæla fréttatilkynningu
áðurnefndra aðila, sem er full af
ósannindum og rangfærslum. í
hinu dæmalausa plaggi sem þeir
sendu út til fjölmiðla kemur fram
að samningar hafi tekist við nær
öll launþegafélög innan ASÍ og
vinnuveitenda sem gert var 30.
júní sl.
Hinsvegar er ekki tekið fram að
MFFI sendi atvinnurekendum
j bréf um sérkröfur mjólkurfræð-
j inga dags. 1. júní sl., eða heilum
mánuði áður en kjarasamningarn-
ir voru undirritaðir.
Þrátt fyrir það kannast enginn
úr samninganefnd vinnuveitenda
við að hafa séð þetta bréf.
Vinnuveitendur reyna á lævísan
hátt að vinna almenningsálitið sér
til handa með allskyns rangfærsl-
um og fullyrðingum um að mjólk-
urfræðingar heimti 20% launa-
hækkun.
Sú fuliyrðing atvinnurekenda að
mjólkurfræðingar hafi „vegna mis-
taka“ fengið 20% launahækkun
fyrr á þessu ári vegna úrskurðar
gerðardóms er grófleg hagræðing
á sannleikanum.
Hið rétta er að gerðardómur,
skipaður hlutlausum aðilum,
komst að þeirri niðurstöðu að laun
mjólkurfræðinga voru orðin það
lág miðað við laun annarra iðnað-
armanna að þessi 20% voru aðeins
leiðrétting á þessum mismun.
Svo berstrípaðar eru fullyrð-
ingar vinnuveitenda að þeir hika
ekki við að segja að iðnaðarmenn
taki almennt laun eftir 20. og 23.
launaflokki, og í „sértilfellum"
samkvæmt 26. launaflokki, þegar
það liggur fyrir að ekkert iðnað-
armannafélag sem VSÍ semur við
er með lægri laun en samsvarar
23.-26. launaflokki og sum allt
upp í 31. launaflokk, auk þess sem
flest fá fæðis- og flutningsgjald
eða þá einhver önnur aukalaun.
Það væri líka hollt fyrir þessa
ágætu menn að kynna sér yfir-
borganir þær sem tíðkast í iðnað-
inum. Það eru til opinberar tölur
um það.
Hver er hlutur mjólkurfræðinga
þar miðað við aðrar iðngreinar???
Hvað viðkemur 6 tíma greiðslum á
viku á næturvinnukaupi ættu at-
vinnurekendur að hafa sem fæst
orð. Þeir vita líka að margir aðrir
launþegar, t.d. verkamenn og bíl-
stjórar sem vinna í mjólkurbúum,
hafa einnig þessar greiðslur.
Þeir vita líka að sumir hafa
meira en þessa 6 tíma.
„Til að almenningur geri sér
enn betur grein fyrir málinu", svo
notuð séu orð atvinnurekenda í
títtnefndri yfirlýsingu, skal upp-
lýst að þessar aukagreiðslur eiga
sér langan aðdraganda, eða allt
frá því að mjólkurfræðingar
þurftu að vinna alla laugardaga og
annan hvern sunnudag mest allt
árið, til þess að bjarga verðmæt-
um frá skemmdum.
Já, til þeirra ára sem þessir
ágætu menn bentu á laun mjólk-
urfræðinga sem dæmi um himin-
háar tekjur, þótt aldrei væri tekin
inn í dæmið öll sú gífurlega vinna
sem lá á bak við þær tekjur.
Enginn íslenskur iðnaður státar
af eins örri þróun og mjólkuriðn-
aðurinn.
Menntun mjólkurfræðinga hef-
ur stóraukist á sl. árum og sífellt
eru gerðar meiri kröfur til mennt-
unar þeirra.
Mjólkurafurðir okkar eru í stöð-
ugri sókn.
Nú er svo komið að íslenskar
mjólkurafurðir gefa þeim bestu
ekkert eftir, en það getur fram-
kvæmdastjóri Osta- og smjörsöl-
unnar vitnað um, samanber osta-
sýningu í Herning í Danmörku
fyrir stuttu.
Mjólkurfræðingar eru skyldugir
að vinna alla laugardaga og alla
sunnudaga og alla helgidaga sé
þess þörf, sem algengt er á sumr-
in.
Þeir geta því ekki farið í helg-
arvinnubann eins og tíðkast hjá
mörgum verkalýðsfélögum.
Helgarvinnan í mjólkurbúunum
hefur oft komið í veg fyrir stór-
fellda gæðarýrnun mjólkurafurða
og mun gera það í náinni framtíð.
Það er þvi augljós hagur allra að
sú vinna verði framkvæmd áfram.
Þetta geta atvinnurekendur illa
skilið, enda hefur því miður skort
mikið á að fulltrúar þeirra í samn-
inganefnd geri sér grein fyrir því
hvað mjólk í raun og veru er.
Þeir halda sumir hverjir að hún
sé eitthvert steindautt fyrirbæri
sem megi safna á lager og full-
vinna svo löngu seinna.
Er einhver búinn að gleyma
ónýtu mjólkinni í Reykjavík anno
1981?
Þessi yfirlýsing atvinnurekenda
er síst til þess fallin að leysa þessa
verkfallsdeilu sem þeir eru nú
búnir að setja í hnút. Ef það er
ætlun þeirra að neyða mjólkur-
fræðinga til að skrifa undir nauð-
ungarplaggið sem þeir hóstuðu út
úr sér sl. fimmtudag, þá er það
alger misskilningur.
Við munum standa fast við
kröfur okkar og hvika í engu þar
frá, þótt prósentutalan á kröfum
okkar sé allt í einu orðin fjórfalt
hærri samkvæmt þeirra útreikn-
ingi sjálfra, en hún var er sátta-
semjari sleit síðasta fundi sl.
föstudagskvöld.
Buið i Ameriku
Einhleypar konur takið eftir
Mates International er stærsta hjónabandsmiðlun í Norður-Ameríku. Við erum
með yfir 75.000 karlmenn á skrá hjá okkur sem óska eftir ad kynnast réttu
konunni — og það gæti verid þú. Mennirnir munu skrifa upp á 90 daga
vegabréfsábyrgð til Bandaríkjanna eða Kanada, borga flugfar og útvega ykkur
húsnæði, en allt það sem þú þarft að gera er að senda okkur góda mynd af
þér, litmynd eda svart/hvíta mynd og skrifa stutt þréf þar sem þú segir frá
sjálfri þér aldri, þyngd, áhugamálum, menntun og starfsgrein og öllum þeim
uþþlýsingum sem þú vilt koma á framfæri. Öllum umsóknum frá einhleypum
konum á aldrinum 16—55 ára verður veitt móttaka, verða að geta talaö
einhverja ensku. (Fráskildar — börn OK), verða að hafa áhuga á aö giftast og
setjast að í Bandaríkjunum eöa Kanada. Vinsamlega sendið mynd og per-
sónulegar upplýsingar: Vid erum stærstir og beztir, vid veljum mennina af
kostgæfni og göngum úr skugga um ad þeir geri þetta af einlægni og áhuga
og langi til ad kvænast og geti útvegad tilvonandi konum sínum gód heimili.
Svariö eins fljótt og unnt er, vid gefum næsta bækling út eftir 6 vikur og
verðum því að fá mynd og uþþlýsingar strax ef þú vilt láta skrá þig.
Allt þetta er ókeypis fyrir þig. Svarið í dag og sendið mynd og uþþlýsingar á
neðangreint heimilisfang — viö endurtökum — svarió í dag.
MATES INTERNATIONAL
Hudsons Bay Center
2 BloorSt. E.
Suite 2612
Toronto, Ontario,
Canada M4W 1A6