Morgunblaðið - 29.12.1982, Síða 26
26
MORGUNBLAÐIÐ, MIÐVIKUDAGUR 29. DESEMBER 1982
VIÐSKIPTI
VIÐSKIPTI - EFNAHAGSMÁL - ATHAFNALÍF
Umsjón Sighvatur Blöndahl
Air France:
Rekstrarhalli fyrir-
tækisins tvöfaldast
FRANSKA ríkisflugfélagið Air
France tilkynnti nýverið, að vænt-
anlega yrði rekstrarhalli félagsins
tvöfalt meiri í ár en á síðasta ári.
Yrði hann á bilinu 7—800 milljónir
franka, sem jafngildir um 1.700—
1.950 milljónum íslenzkra króna.
Vegna erfiðrar stöðu fyrirtækis-
ins, hefur stjórn þess ákveðið, að
dreifa fyrirhuguðum kaupum Air
France og endurhönnuðum Boeing
747-vélum á lengra tímabil en áð-
ur var gert ráð fyrir.
Pierre Graudet, forseti Air
France, sagði á blaðamannafundi
fyrir skömmu, að aðalástæður
þessa slæma gengis félagsins væri
almennur efnahagssamdráttur í
heiminum, minni aukning í flutn-
ingum í lofti en ráð var fyrir gert
og svo vegna sívaxandi tilkostnað-
ar.
Fyrrgreint 7—800 milljóna
franka rekstrartap er á bilinu
3—4% af heildarveltu fyrirtækis-
ins, sem verður væntanlega á bil-
inu 18—20 milljarðar franka, sem
jafngildir 44—48,7 milljörðum ís-
lenzkra króna.
Pierre Graudet sagði ennfrem-
ur, að ljóst væri, að engin aukning
yrði í flutningum flugfélaga
heimsins á næsta ári og ætti það
auðvitað einnig við um Air
France. „Það er því augljóst mál,
að við munum stilla fjárfestingum
félagsins mjög i hóf á næstu miss-
erum.“
BMW:
Hyggjast reisa fullkomn-
ustu bílaverksmiðju heims
*
Utflutningur fyrirtækisins hefur aukizt um 24,4% á þessu ári
VESTUR-þýzka fyrirtækið BMW,
sem þekktast er fyrir framleiðslu
sína á bílum, vélum og mótorhjólum,
tilkynnti nýverið, að það hygðist
byggja fullkomnustu bílaverksmiðju
veraldar í Suður-Þýzkalandi á næstu
árum, en heildarfjárfestingin væri í
námunda við 1 milljarð vestur-
þýzkra marka, sem jafngildir liðlega
6,7 milljörðum íslenzkra króna.
Þessi ákvörðun BMW kemur
kannski ekki svo mikið á óvart
þegar það er haft í huga, að þeir
eru eitt fárra bílaframleiðslufyr-
irtækja, sem hafa sloppið alveg
áfallalaust út úr þeim almenna
samdrætti, sem átt hefur sér stað
á markaðnum undanfarin misseri.
BMW hefur haldið sínum hlut á
öllum helztu mörkuðum og heldur
aukið við sig.
Reyndar hefur síaukinn útflutn-
ingur gert það að verkum, að
fyrirtækið hefur enn aukið fram-
leiðslu sína á yfirstandandi ári,
þrátt fyrir þá staðreynd, að um-
talsverður samdráttur hefur átt
sér stað á heimsmarkaði og þá
ekki sízt á heimamarkaði BMW í
Þýzkalandi.
Á árinu 1981 jók BMW fram-
leiðslu sína um liðlega 3,1% og
voru alls framleiddir 351.545 bílar
á því ári, en á fyrstu níu mánuðum
þessa árs var aukningin frá fyrra
ári í námunda við 8,9% og allt
stefnir í, að sú aukning haldist út
árið. Útflutningur fyrirtækisins
tók mikið stökk upp á við fyrstu
níu mánuðina í ár, eða um 24,4%
og útflutningur er nú um 66% af
heildarsölu fyrirtækisins.
Hin nýja verksmiðja verður
byggð í nágrenni Regensburg í
Bayern, en gert er ráð fyrir, að
framkvæmdir hefjist fyrir alvöru
á árinu 1984 og framleiðsla verði
hafin á árinu 1986. í fyrsta áfanga
munu liðlega 1.700 starfsmenn
vinna í hinni nýju verksmiðju, en
þeim fjölgar siðan í liðlega 3.500
talsins.
BMW rekur í dag fimm verk-
smiðjur, þar af eina nýja bílaverk-
smiðju í Suður-Þýzkalandi, þar
sem hin nýja 3-lína verksmiðjunn-
ar er framleidd, en hún var kynnt
á dögunum.
Bretland:
Minnsta verðbólga
síðustu 10 árin
Verðbólga verður væntanlega um 5% í ársbyrjun 1983
VERÐBÓLGA í Bretlandi var um
6,3% í nóvembermánuði sl., en það er
lægsta verðbólga þar í landi i meira
en áratug, samkvæmt upplýsingum
brezkra yfirvalda. Þetta er sjötti mán-
uðurinn í röð, sem verðbólga fer
minnkandi í Bretlandi.
Efnahagssérfræðingar gera ráð
fyrir, að verðbólga eigi enn eftir að
minnka í Bretlandi á næstu 2—3
mánuðunum, þannig að spár stjórn-
valda um 5% verðbólgu í upphafi
Erlendar stuttfrétlir
ÞÝZKA efnahagsstofnunin „Kiel
Institute" spáir því, að atvinnu-
leysi muni fara stöðugt vaxandi í
Vestur-Þýzkalandi á næstu
misserum og muni fara yfir 3
milljónir manna á árinu 1984, en
það fór í fyrsta sinn yfir 2 millj-
ónir manna í nóvember sl.
STALPIPUVERÐ
„US Steel" lækkaði á dögunum
útsöluverð sitt á stálpípum um
20% til að minnka þær gríðar-
legu birgðir, sem safnazt hafa
upp undanfarin misseri.
„Tómatkóngurinn" H.J. Heinz
og olíufyrirtækið „Atlantic
Richfield" hafa ákveðið að sam-
einast um framleiðsiu á hinum
„fullkomna“ tómat.
RÚMENÍA
Rúmenar gera ráð fyrir um
5% hagvexti þar í landi á næsta
ári, sem er mesta aukning sem
gert er ráð fyrir í nokkru landi
Austur-Evrópu.
FRAMLEIÐSLA
Framleiðsla í Bretlandi var
minni í október en hún hefur
verið í 15 ár, en hún minnkaði
um 0,8% í október. Hún hafði
hins vegar aukizt um 0,2% í
september. Framleiðsla er nú
um 3,1% minni í Bretlandi en
hún var fyrir ári.
VOPN
John Nott, varnarmálaráð-
herra Bretlands, sagði fyrir
skömmu, að endurnýjun vopna-
búnaðar Breta vegna Falklands-
eyjastríðsins myndi kosta í ná-
munda við 1 milljarð pund, eða
liðlega 26,8 milljarða íslenzkra
króna.
LAUN
Meðallaun brezkra verka-
manna hækkuðu um 8,75% milli
ára til enda októbermánaðar sl.,
sem er sama hækkun milli ára
og til septemberloka.
NORSKUR IÐNAÐUR
Ef norskur iðnaður á að ná því
marki, að auka framleiðslu sína
um 4% á næsta ári, verður að
koma til launafrysting segja
iðnrekendur.
KÍNA
Kínverjar gera ráð fyrir um
4% hagvexti á ári næstu fimm
árin, en þeir birtu nýlega sjöttu
fimm ára efnahagsáætlun sína.
VIÐSKIPTAJÖFNUÐUR
Karl Otto Poehl, aðalbanka-
stjóri vestur-þýzka seðlabank-
ans, spáir því, að viðskiptajöfn-
uður Bandaríkjamanna verði
neikvæður um a.m.k. 25 millj-
arða dollara, en flestir banda-
rískir efnahagssérfræðingar spá
hins vegar 15—20 milljarða doll-
ara halla.
árs munu væntanlega standast
nákvæmlega.
Vísitala smásöluverðs hækkaði
um 0,5% milli mánaðanna október
og nóvember, en meðaltal hækkun-
ar vísitölu smásöluverðs á síðustu
sex mánuðum er ekki nema 0,36%,
sem jafngildir um 4,5% verðbólgu-
hraða á tímabilinu.
Um 6,3% verðbólga í nóvember
sl. er sú lægsta síðan í júlí ái*ið
1972, þegar hún var um 6,2%.
Til samanburðar við verðbólguna
í Bretlandi má geta þess, að verð-
bólga í Bandaríkjunum var um
5,1% í nóvember, um 3,1% í Japan,
um 4,9% í Vestur-Þýzkalandi, um
10,0% í Kanada, um 17,0% á Ítalíu,
um 9,0% í löndum Efnahagsbanda-
lags Evrópu, EBE, og um 7,2% í
ríkjum Efnahags- og framfara-
stofnunar Evrópu, OECD. Verð-
bólguhraðinn á Islandi, mældur
samkvæmt hækkun vísitölu fram-
færslukostnaðar, var hins vegar lið-
lega 90% í nóvember.
VERÐBÖLGA í NÖVEMBER
Bretland 6,3%
Bandaríkin 5,1%
Ves tur-Þýzkaland 4,9%
Kanada 10,0%
ítalía 17,0 %
EBE 9,0%
OECD 7, 2%
ÍSLAND 90,0%