Morgunblaðið - 29.12.1982, Blaðsíða 40
^uglýsinga-
síminn er 2 24 80
0V0imMaíií$>
" ■ ■! WÉF ——
^/\skriftar-
síminn er 830 33
MIÐVIKUDAGUR 29. DESEMBER 1982
Hækkun niðurgreiðslna á
olíu og 10—14% á fiskverði
Sú af hugmyndum sjávarútvegsráðherra sem hæst bar í gær
KLM vill
íslenzk
matvæli
í flugvélar
sínar
Viðræður standa milli
félagsins og Arnarflugs
„KLM-FLUGFÉLAGIÐ hollenzka
lýsti áhuga sínum við okkur að
kaupa íslenzk matvæli til nota í
flugvélum sínum, sérstaklega
sjávarafurðir eins og rækju og
hörpudisk og því gengum við í
málið og sendum þeim sýnishorn,
sem þeir hafa verið með í athugun
að undanförnu,“ sagði Stefán
Halldórsson hjá Arnarflugi, í sam-
tali við Mbl.
„Við höfum síðan verið að ræða
um hugsanlegt verð fyrir þessa
vöru, en þeim viðræðum er ekki
lokið ennþá. Hugmyndin er að
varan verði flutt reglulega héðan,
og þá yrði um ferskar sjávarafurð-
ir að ræða. Varan yrði flutt með
flugvélum Arnarflugs í innan-
landsflugi til Reykjavíkur og síðan
með þotu félagsins til Amster-
dam,“ sagði Stefán Halldórsson
ennfremur.
Stefán Halldórsson sagði að at-
hugun hefði ennfremur farið fram
á hugsanlegri samvinnu við hótel
og veitingastaði í Hollandi í þess-
um efnum, m.a. hefðu Hilton-
hótelin lýst áhuga sínum á við-
skiptum. „Það vill svo skemmti-
lega til, að einn af flugstjórum
okkar í innanlandsfluginu, Birgir
Sumarliðason, fór fyrr í þessum
mánuði með sýnishorn, sem hann
kynnti bæði fyrir KLM-mönnum
og ýmsum hótel- og veitingahúsa-
mönnum. Þráðurinn verður síðan
tekinn upp að nýju eftir áramót-
in,“ sagði Stefán Halldórsson
ennfremur.
Stefán sagði aðspurður, að ef
samningar næðust við KLM yrði
þar væntanlega um umtalsvert
magn að ræða, enda er umfang
félagsins mjög mikið. Tugir véla
félagsins fljúga vítt og breytt um
heiminn á degi hverjum. Stefán
sagði ennfremur aðspurður, að
Arnarflugsmenn hefðu lagt sig
fram við að kynna íslenzka lamba-
kjötið, en óvissara væri um fram-
hald þeirra mála.
TÍU til 14% fiskverðshækkun, fram-
lenging 7,5% olíugjalds um áramótin
og auknar niðurgreiðslur á olíu, sem
færu í 28% úr 22%, ef miðað er við
14% fiskverðshækkun er sú af hug-
myndum sjávarútvegsráðherra, sem
samkvæmt heimildum Mbl. bar hæst
í gærkvöldi varðandi fiskverðsákvörð-
un. Kkki lá þó fyrir hvar taka á pen-
inga til olíuniðurgreiðslna, en 28%
niðurgreiðsla olíu þýðir um 300 millj-
ónir króna. Nefndar hafa verið í
þessu sambandi leiðir eins og mynd-
un olíusjóðs með útflutningsgjaldi á
sjávarafurðir, gengisfelling þar sem
gcngismunur af birgðum yrði tekinn
til ráðstöfunar og hækkun söluskatts.
Fiskverðshækkun um 14% þýðir ein
sér 7% hækkun gjaldeyris. Stein-
grímur Hermannsson sjávarút-
vegsráðherra mun kynna hugmyndir
sínar um fiskverðsákvörðun í ríkis-
stjórninni í fyrramálið, en ríkisstjórn-
arfundinum, sem átti að vera í gær-
morgun, var frestað v^gna fjarvista
ráðherra.
Lög um 7,5% olíugjald ganga úr
gildi um ármaótin og til að fram-
lengja gjaldið þá þyrftu, vegna jóla-
hlés á störfum Alþingis, að koma
bráðabirgðalög, en samkvæmt
heimildum Mbl. hefur ríkisstjórnin
í huga að komast hjá setningu
bráðabirgðalaga með samstarfi við
stjórnarandstöðuna um að olíu-
gjaldslög verði fyrsta mál Alþingis
að loknu jólahléi. Telja stjórnarlið-
ar að fordæmi sé fyrir því að nægj-
anlegt sé einhliða samkomulag við
stjórnarandstöðu um að slík laga-
setning verði fyrsta afgreiðslumál
Alþingis þegar það kemur saman á
ný um miðjan janúarmánuð. Slík
lög verði með því móti komin í gildi
áður en gert verði upp við sjómenn
fyrir fyrsta tímabil ársins, sem er
hálfur mánuður.
Mikið hefur verið fundað um
stöðu útgerðar og væntanlega fisk-
verðsákvörðun um áramótin síð-
ustu daga. Yfirnefnd verðlagsráðs
sjávarútvegsins kom saman í gær,
einnig nefnd sem skipuð er full-
trúum þingflokkanna. Þá hafa um-
ræður verið milli Steingríms Her-
mannssonar og hagsmunaaðila, að-
allega þó fulltrúa seljenda, og í dag
ræðir Steingrímur við fulltrúa fisk-
vinnslunnar. Þá hefur verið boðað-
ur þingflokksfundur í Framsóknar-
flokknum í dag þar sem fiskverðs-
ákvörðun er til umfjöllunar og
ráðherrann stefnir að því að kynna
hugmyndir sínar í ríkisstjórninni í
fyrramálið eins og fyrr segir. Sjáv-
arútvegsráðherra hefur marglýst
því yfir, að fiskverðsákvörðun eigi
að geta legið fyrir um áramótin.
Flugvallarskattur
hækkar um
25—28 prósent
Flugvallarskattur hækkar frá og
með 1. febrúar nk. um 25—28,57%,
samkvæmt ákvörðun fjármálaráð-
herra.
Flugvallarskattur í millilanda-
flugi hækkar úr 200 krónum í 250
krónur, eða um 25% og flugvall-
arskattur í innanlandsflugi hækk-
ar um 28,57%, eða úr 14 krónum í
18 krónur.
Hæstiréttur:
Eigin áhætta ef farið er í bíl
með drukknum ökumanni
IIÆSTIRÉTTUR hefur úrskurðað
að maður, sem var farþegi í bif-
reið, sem sannað þykir að drukk-
inn ökumaður stýrði og lenti i al-
varlegu umferðaróhappi, hafi tekið
á sig áhættu og geti því ekki kraf-
ist skaðabóta vegna örorku, sem
hann hlaut í slysinu. Fallist var á
að ökumaður hafi átt sök á slysinu
með því að aka drukkinn. Um var
að ræða prófmál og var málskostn-
aður aðilja, bæði í héraði og fyrir
fiæstarétti, felldur niður. Dómur
gekk í héraði á miðju ári 1980.
Tildrög þessa máls eru þau, að
á haustnóttum 1974 hittust tveir
menn í veitingahúsi í Reykjavík
og voru báðir við skál. Þeir fóru
frá veitingahúsinu saman í bif-
reið, en samkvæmt framburði
vitna var ökumaður „talsvert
drukkinn" og þótti sannað að
ótækt hefði verið af honum að
aka. Á Sogavegi skall bifreið
þeirra aftan á vörubíl með þeim
hörmulegu afleiðingum, að öku-
maður beið bana og farþegi hans
slasaðist alvarlega og hlaut var-
anlega örorku.
Sá, er fyrir örorku varð, höfð-
aði mál og krafðist fyrir Hæsta-
rétti skaðabóta að upphæð lið-
lega 1,6 milljóna króna auk
vaxta frá þeim degi er slysið átti
sér stað og var það hærri krafa
en fyrir héraði. Skýring á þessu
er, að hann vildi miða upphæð
bóta við fjárhæð ábyrgðartrygg-
inga á þeim degi, sem dómur
gekk. Á þetta féllst Hæstiréttur
ekki og úrskurðaði að bóta-
ábyrgð vátryggingarfélaga gæti
ekki farið fram úr hámarki
ábyrgðartrygginga, sem í gildi
voru þegar slysið átti sér stað'.
Mál þetta dæmdu hæstarétt-
ardómararnir Logi Einarsson,
Björn Sveinbjörnsson og Magn-
ús Þ. Torfason og Guðmundur
Jónsson og Guðrún Erlendsdótt-
ir, settir hæstaréttardómarar.
Magnús Þ. Torfason skilaði sér-
atkvæði.