Morgunblaðið - 11.03.1983, Blaðsíða 19

MORGUNBLAÐIÐ, FÖSTUDAGUR 11. MARZ 1983
19
Samvinnuferðir
— Landsýn í
stærra húsnæði
SAMVINNUFERÐIR — Landsýn hefur nú lokið við breytingar og
stækkun á húsnæði sínu að Austurstræti 12. Fer starfsemin nú fram á
um 600 fm á fjórum hæðum sem allar hafa verið endurskipulagðar og
aðlagaðar að þörfum ferðaskrifstofunnar. Öll hönnum og skipulagning
framkvæmda var í höndum Valdimars Harðarsonar, arkitekts.
Húsnæði Samvinnuferða —
Landsýn hefur stækkað til muna
við þessar breytingar. Öll almenn
afgreiðsla fer fram á 1. hæð en á 2.
hæð er úrvinnsla hópferða og af-
greiðsla erlendra ferðamanna. Á
3. hæð er sérstakt aðsetur fyrir
starfsfólk í félagstengslum, fund-
arherbergi og fjármáladeild og á
4. hæð eru skrifstofur fram-
Úr afgreiðslusalnum.
kvæmdastjóra og sölustjóra auk
annarrar aðstöðu.
Hinn nýi afgreiðslusalur er ekki
hvað síst hannaður með aukna
tölvuvæðingu að leiðarljósi og er
gert ráð fyrir aðstöðu fyrir
bókunartölvurnar Alex og Corda
og um leið bætta aðstöðu til af-
greiðslu farseðla í áætlunarflugi
fyrir einstaklinga á leið í við-
skipta- eða orlofsferðir.
(Úr fréttatilkyniiingii)
Starfsmannafélag Blindrafélagsins:
Undrast ákvörðun
meirihluta stjórnar
Blindrabókasafnsins
MORGUNBLAÐINU hcfur borist eftirfarandi frá Blindrafélaginu:
Kundur í Starfsmannafélagi Blindrafélagsins haldinn aö Hamrahlíð 17, Töstu-
daginn 5. mars 1983, lýsir undrun sinni á þeirri ákvörðun meirihluta stjórnar
Blindrabókasafns íslands að hafna umsókn Arnþórs Helgasonar um stöðu deild-
arstjóra Námsbókadeildar safnsins, sem jafnframt var eina umsóknin sem barst.
Fundurinn átelur vinnubrögð
meirihlutans og að hann skuli ganga
þvert á markmið og stefnu Blindra-
félagsins sem er m.a. að stuðla að því
að blindir og sjónskertir fái vinnu
við sitt hæfi.
I auglýsingu um starfið er krafist
ákveðinnar menntunar, og er öll
stjórn Blindrabókasafnsins sam-
mála um að Arnþór Helgason hafi
allt það til að bera sem þarf til að
gegna þessu starfi, en meirihlutinn
hafnar honum á þeirri forsendu að
hann sé blindur. Benda má á, að sjá-
andi manneskja með sömu menntun
þyrfti margt að læra áður en hún
gæti tekið við starfi sem þessu.
Með ákvörðun þessari skapast
hættulegt fordæmi þar sem stofnun
sem á að stuðla að hagsmunamálum
fyrir blinda og sjónskerta, og ætti
því um leið að hafa forgöngu um at-
vinnu fyrir þá, hafnar blindum ein-
staklingi án þess að gera sér nokkra
grein fyrir hæfni hans í starfi.
Fundurinn skorar á háttvirtan
menntamálaráðherra að hnekkja
þessari ákvörðun, sbr. 4. gr. laga um
Blindrabókasafn fslands, en þar seg-
ir m.a.: „Hún (þ.e. stjórn safnsins)
ræður starfslið stofnunarinnar að
fengnum tillögum forstöðumanns
Blindrabókasafns og með samþykki
menntamálaráðuneytisins."
Fundurinn minnir á að mál þetta
getur haft ófyrirsjáanlegar afleið-
ingar í atvinnumálum blindra hér á
landi, auk þess sem þetta er skýlaust
brot á 16. gr. laga um endurhæfingu
nr. 27/1970.
Stjórn Blindrafé-
lagsins styður afsögn
Halldórs Rafnar
MORGUNBLAÐINU hefur borist eft-
irfarandi bréf frá Blindrafélaginu, en
bréf sama efnis var sent Ingvari Gisla-
syni, menntamálaráðherra. Undir bréf-
ið rituðu Sverrir Karlsson, Guðmundur
Stefánsson, Halldór S. Rafnar, Björg
Kinarsdóttir og Björn Sveinbjörnsson
Á stjórnarfundi í Blindrafélaginu,
samtökum blindra og sjónskertra á
íslandi, haldinn mánudaginn 7. mars
sl. í Blindarheimilinu, Hamrahlíð 17,
var einhuga studd ákvörðun félags-
formanns, Halldórs Rafnars, um af-
sögn hans sem formanns stjórnar
Blindrabókasafns íslands, vegna
skoðanaágreinings við meirihluta
safnstjórnar um ráðingu blinds
manns til starfa sem deildarstjóra
námsbókadeildar safnsins.
Stjórn Blindrafélagsins harmar og
mótmælir harðlega afstöðu meiri-
hluta stjórnar Blindrabókasafnsins
til þessa máls og vonast eindregið til
að þurfa ekki að endurskoða fyrri
tilboð um samstarf á sviði húsnæðis,
bókakosts og tækjaafnota fyrir safn-
ið.
Stjórn Blindrafélagsins beinir
þeirri eindregnu ósk til menntmála-
ráðherra að hann hnekki ákvörðun
meirihluta stjórnar Blindarbók-
safns.
Háskólafyrir-
lestur um heim-
speki og sögu
ARNÓR Hannibalsson, dósent í heim-
speki, flytur opinberan fyrirlestur á
vegum heimspekideildar Háskóla ís-
lands laugardaginn 12. mars 1983 kl.
14 í stofu 201 í Árnagarði.
Fyrirlesturinn nefnist „Heimspeki
og saga“ og er annar fyrirlesturinn í
röð fyrirlestra um rannsóknir á veg-
um heimspekideildar á vormisseri
1983.
Öllum er heimill aðgangur.
(Frétt frá Háskóla Islands)
MetsöluUcid á hverjum degi!
Þó að reynslan hafi sýnt, að MAZDA bílar hafi lágmarksbilana-
tíðni og mjög góða endingu, þá geta alltaf skeð óhöpp, eða
smábilanir, þannig að varahluta sé þörf.
Frá því að Bílaborg hf. hóf innflutning á MAZDA bílum fyrir
rúmum 10 árum hefur ávallt verið kappkostað eftir bestu getu
að eiga jafnan til nægar birgðir af varahlutum í allar gerðir
MAZDA bíla.
Við fullyrðum að fáir bjóði betri þjónustu á þessu sviði og að
verð á okkar orginal varahlutum stenst fyllilega
verðsamanburð við óorginal varahluti.
Því skaltu hafa í huga, að ef varahluta er þörf í MAZDA bílinn
þinn — þá skaltu leita fyrst til okkar.
MAZDA gæði — öryggi — þjónusta
rnazoa
Smiöshöföa 23 sími 812 65
Mazda eigendur!
Ohöppin
gera ekki boð
á undan sér