Morgunblaðið - 11.03.1983, Qupperneq 32
^Ajiglýsinga-
síminn er 2 24 80
Demantur 4®
æðstur eðaisteina
#ull & #>ilfttr
Laugavegi 35
FÖSTUDAGUR 11. MARZ 1983
Efri deild:
Kosningalagafrum-
varpið samþykkt
FYRSTA grein fruravarps til stjórnskipunarlaga um breytingu á þeim ákvæð-
um stjórnarskárinnar sem um alþingiskosningar fjalla, var samþykkt í efri
deild Alþingis í gær að viðhöfðu nafnakalli, en þá fór fram 2. umræða um
málið. Greiddu 18 þingmenn deildarinnar atkvæði með frumvarpinu, en tveir
voru á móti. Voru það þeir Egilt Jónsson (S) og Stefán Guðmundsson (F).
Aðrar greinar voru einnig samþykktar og málinu vísað til þriðju umræðu. Allt
bendir til að atkvæði falli eins við þá umræðu, en hún fer ekki fram,
samkvæmt heimildum Mbl., fyrr en þingsályktunartillögur um samkomudag
Alþingis verða samþykktar. Gæti það orðið í dag, föstudag.
Nokkrir deildarmanna gerðu
grein fyrir atkvæðum sínum við at-
kvæðagreiðsluna. Gunnar Thor-
oddsen forsætisráðherra sagði, að
hann teldi að önnur leið til leiðrétt-
ingar á tilhögun kosninga til Al-
þingis væri æskilegri en sú, sem
þetta frumvarp fæli í sér. Hins veg-
ar hefði frumvarpið náð það miklu
meirihlutafylgi meðal þingmanna,
að önnur leið hefði enga möguleika
á því að hljóta samþykki nú. Þar
sem brýn þörf væri á lagfæringu á
kosningaskipan til Alþingis, þá
segði hann já. Ólafur R. Grímsson
(Abl.) sagði, að þetta væri áfangi í
átt til leiðréttingar á atkvæðavægi.
Því segði hann já.
Stefán Guðmundsson (F) sagði,
að ljóst væri að einhver leiðrétting
á vægi atkvæða væri ekki óeðlileg,
hins vegar yrði að hafa í huga að
menn byggðu landið allt. Þá sagði
hann að óeðlilegt væri að afgreiða
málið með þessum hætti, því af-
greiða ætti stjórnarskrármálið í
heild. Því segði hann nei. Stefán
Jónsson (Abl.) sagði, að innan
þingflokks Alþýðubandalagsins
hefði verið gerð sátt um þetta mál,
þannig að þingflokkurinn stæði að
afgreiðslu málsins. Sagði hann að
sér hefði skilist að sama ætti við
um aðra þingflokka. Hins vegar
benti hann á að ef þeir sem væru á
móti þessum breytingum á vægi at-
kvæða hefðu beitt sér af fullum
þunga í málinu, þá hefði engin
samstaða náðst. Hann sagðist
kjósa að standa með félögum sín-
um í þessu máli, en ætlaði ekki að
Benzínið hefur
hækkað um 330%
— í tíð núverandi
stjórnar
BENZÍNIÐ hækkaði á dögunum
í 15,90 krónur hver lítri. Öll
hækkunin rann í ríkissjóð.
Samkvæmt upplýsingum,
sem Mbl. aflaði sér í gær, hefur
benzínlítrinn hækkað um 12,20
krónur frá því ríkisstjórnin tók
við völdum í febrúarbyrjun
1980 eða um tæp 330%. Þegar
stjórnin tók við kostaði hver
lítri 370 gkr. eða 3,70 nýkrónur,
en kostar í dag 15,90 krónur
eins og fyrr segir.
Af fyrrgreindri upphæð,
15,90 krónum, renna um 55% í
ríkissjóð í formi skatta og
gjalda.
nota tímann til handþvottar, til
þess að geta sýnt það heima í kjör-
dæminu. Því segði hann já. Tómas
Árnason (F) sagði, að leiðrétting á
vægi atkvæða væri eðlileg, en hann
væri ekki ánægður með þessa
málsmeðferð. Stöðu landsbyggðar-
innar yrði að tryggja við heildar-
endurskoðun stjórnarskrárinnar.
Hins vegar virtist sem allir væru
frekar óánægðir með þessa mála-
miðlun og benti það til þess að
náðst hefði sæmileg sátt. Því segði
hann já. Egill Jónsson (S) sagði að
þjóðin hefði ekki fengið ráðrúm til
að ræða þessar breytingar og þær
sem gerðar hefðu verið væru mjög
á kostnað dreifbýlis. Hagsmunir
dreifbýlisbúa væru ekki tryggðir og
einnig væru reiknireglur óljósar.
Því segði hann nei.
Altaristafla Kjarvals frá 1914
Morgunblaöið/Ragnar Axelsson.
Frosti Bjarnason, séra Gunnar Kristjánsson og Jóhannes S. Kjarval yngri, á Reykjavíkurflugvelli í
gærkveldi, er hin fræga altaristafla Kjarvals úr Bakkagerðiskirkju kom til borgarinnar. Taflan verður
meðal muna á kirkjulistasýningunni á Kjarvalsstöðum, sem hefst hinn 19. mars nk.
Sjá á miðopnu Mbl. í dag: „Fyrsta listaverkið sem Kjarval gerði samkvæmt beiðni hérlendis."
Steingrímur Hermannsson um stöðuna ef tiUögurnar verða samþykktar:
Ber þá siðferðilega skylda til
að taka við og stjórna landinu
Liggur ekkert fyrir um að þessir flokkar séu tilbúnir til
að mynda stjórn, segir Gunnar Thoroddsen forsætisráðherra
„ÞAÐ ER kominn þarna meirihluti og að minnsta kosti ef tillögurnar verða
samþykktar þá ber þeim siðferðilega skylda til að taka við og stjórna landinu
fram yfir þessar tvennar kosningar sem þeir eru að boða,“ sagði Steingrímur
Hermannsson, formaður Framsóknarflokksins, er hann gekk af ríkisstjórn-
arfundi um kl. 13 í gær. „Það liggur ekkert fyrir um það að þessir þrír
flokkar sem þarna er um að ræða, Sjálfstæðisflokkur, Alþýðubandalag og
Alþýðuflokkur, séu tilbúnir til að mynda stjórn nú. Mér sýnist það harla
óliklegt að slíkt komi til greina,“ sagði Gunnar Thoroddsen, forsætisráð-
herra, er hann var spurður álits á yfirlýsingum Steingríms um að tillöguflutn-
ingur flokkanna þriggja þýddi að myndast hefði nýr meirihluti á Alþingi.
Steingrímur Hermannsson og
Svavar Gestsson sátu fund með
forsætisráðherra fyrir ríkisstjórn-
arfundinn í gærmogun. Ríkis-
stjórnarfundur hófst kl. 11 og lauk
um kl. 13. Ráðherrarnir voru
spurðir er þeir komu af fundinum,
hvort dregið hefði til tíðinda í
framhaldi af yfirlýsingumn for-
ustumanna Framsóknar í fyrra-
kvöld um að þeir væru fyrir löngu
orðnir þreyttir á stjórnarsam-
starfinu og að samþykkt þings-
ályktunartillagna, sem fjalla um
að Alþingi komi saman eigi síðar
en 18 dögum eftir næstu kosingar,
geti þýtt það að þeir gangi úr rík-
isstjórn. „Ekki minnst á málið,"
sagði einn ráðherrann. Annar
sagði: „Þetta var afskaplega ljúfur
og tíðindalaus fundur."
Þingfundirnir á Alþingi í gær
voru langt frá því að vera „ljúfir
og tíðindalausir". Spennan milli
þingmanna Framsóknar og Al-
þýðubandalags birtist þar í mörg-
um myndum, m.a. réðust þing-
menn og ráðherra Alþýðubanda-
lags að forseta sameinaðs Alþing-
is, Jóni Helgasyni, er hann reyndi
að taka þingsályktunartillöguna
um að álmálið verði tekið úr hönd-
um iðnaðarráðherra á dagskrá.
Tókst alþýðubandalagsmönnum
að þæfa um þingsköp í u.þ.b. eina
klukkustund, þannig að skammt
var eftir af fundartíma þegar mál-
ið var loks tekið fyrir. Hvort dreg-
ur til tíðinda í stjórnarherbúðun-
um virtist í gær byggjast á því,
hvort þingsályktunartillögurnar
verða teknar til afgreiðslu, en með
samþykkt þeirra hóta stjórnar-
flokkarnir tveir úrsögn úr ríkis-
stjórn, eða hvort stjórnarliðar ná
samkomulagi um að „svæfa“ til-
lögurnar til að geta setið áfram í
ríkisstjórninni.
Forsætisráðherra var einnig
spurður álits á yfirlýsingu
Steingríms Hermannssonar um að
framsóknarmönnum hefði lengi
langað til að losna úr ríkisstjórn-
inni og hvort hann teldi að fram-
sóknarmenn og/eða alþýðubanda-
lagsmenn myndu ganga úr ríkis-
stjórninni ef þingsályktunartillög-
urnar yrðu samþykktar. Hann
svaraði: „Ég held að allir menn í
öllum ríkisstjórnum verði ein-
hvern tíma þreyttir, enda vitað að
í samsteypustjórnum er þreytandi
að leysa mál. En þessi mál sem
snerta rikisstjórnina nú munum
við reyna að leysa." Forsætisráð-
herra kvað nei við er hann var
spurður hvort hann væri þá einnig
orðinn þreyttur á stjórnarsam-
starfinu.
Árin 1961 til 1981:
4.500 fóstureyðingar hér á landi
Um 4.500 fóstureyðingar voru
gerðar hér á landi á árunum 1961 til
1981, samkvæmt upplýsingum er
fram koma í grein í Læknablaðinu,
sem er nýútkomið. Til samanburðar
má geta þess að hinn 1. desember
1981 voru fbúar Vestmannaeyja
samtals 4752. f sömu grein segir
einnig, að hlutfall fóstureyðinga hér
á landi sé mun lægra en á hinum
Norðurlöndunum, eða 11% á móti 24
til 41% þar.
f Læknablaðinu segir: „Frá 1961
til 1981 hafa verið gerðar um 4.500
fóstureyðingar á Islandi. Lausleg
athugun á þessum tölum síðustu
ár bendir ekki til þess að fóstur-
eyðingar séu notaðar sem getnað-
arvörn, nema ef vera skyldi á aldr-
inum yfir fertugt, en árin
1976—80 fæddu konur á þeim
aldri 297 börn en fengu 220 fóstr-
um eytt. Hlutfall fóstureyðinga af
fæðingum er lágt á íslandi. Árið
1980 var hlutfallstalan 11% hér en
24—41% á hinum Norðurlöndun-
Arnór til
Ipswich
— ef atvinnuleyfi fæst
ENSKA stórliðið Ipswich hefur
nú mikin áhuga á að kaupa Arn-
ór Guðjohnsen frá Lokeren. Ips-
wich sem er núna í 8. sæti í
ensku deildinni ætlar að selja Al-
an Brazil og á Arnór að taka
stöðu hans.
Arnór sagði í viðtali við Mbl.
í gærdag að samningar hefðu
tekist á milli sín og Ipswich, en
að hann væri ekki búinn að
skrifa undir. Ipswich gengi illa
að fá atvinnuleyfi fyrir sig í
Englandi, en það væri forsenda
fyrir því að úr sölu yrði.
Sjá nánar á íþróttasíðu.