Morgunblaðið - 05.05.1983, Blaðsíða 3

MORGUNBLAÐIÐ, FIMMTUDAGUR 5. MAÍ 1983
3
„Þar þekki ég minn
Guð og mína sál“
— segir Guölaugur á Litlabakka
„HÚN HEFUR ekki verið góð núna seinast, ég var farinn að koma mikið til og
svo fékk ég inflúensu nýlega og varð fárveikur svona snöggvast, eina nótt, en
núna er ég á batavegi, kominn á lappir svolítið," sagði Guðlaugur Jóhannsson
á Litlabakka í Miðfirði í samtali við Morgunblaðið. Guðlaugur varð fyrir því
óhappi í ársbyrjun að lærbrotna er hestur sló hann, og tók það hann fjórar
stundir að komast heim til bæjar til að hringja á hjálp, rúmlega 100 metra leið.
„Ég held að það sé alveg furða
hvernig til hefur tekist með löpp-
ina. Þetta hefur gengið vel. Mér fór
þó aftur í bili við að veikjast þetta,
en ég er farinn að staulast um við
prik. En læknarnir halda aö ég
verði enginn dugnaðarforkur. Það
er nú kannski varla von.
Ég hef það gott hér, svona eins
og gerist á sjúkrahúsum. En svona
sveitamönnum bregður nú við loft-
ið. Það er náttúrulega nógu hlýtt
hérna, en ég er vanur svo góðu
lofti," sagði Guðlaugur, sem liggur
á sjúkrahúsinu á Hvammstanga.
Þangað kom hann í febrúarlok eft-
ir vist á Landspítalanum i Reykja-
vík.
„Já, ég sakna skepnanna. Og það
er kominn hugur i mig að fara að
Gudlaugur Jóhannsson er hann li
i sjúkrahúsi í Reykjavík.
líta heim eitthvað. En skepnurnar
eru allar hjá öðrum og verða. Það
er ómögulegt annað. Ég tel víst og
treysti alveg á að þær séu vel
haldnar. Þær eru hjá nágrönnum
mínum á Bjartshóli og Mýrum.
Ég hef von um að geta bráðum
flust heim, en ég hygg að lítið verði
um búskap hjá mér. Þar er nú
margt að gera, en fæst af því get ég
víst gert fyrst um sinn að minnsta
kosti. Kannski get ég slóðadregið
þegar að því kemur,“ sagði Guð-
laugur.
Guðlaugur er 85 ára og hefur bú-
ið einn að Litlabakka frá 1970 er
móðir hans dó, rúmlega eitthundr-
að ára gömul. Höfðu þau búskap
saman lengi. Guðlaugur var aðeins
nokkurra daga gamall er hann
kom að Litlabakka og er þar uppal-
in. „Ég sakna æskustöðvanna. Þar
þekkti ég minn Guð og mína sál og
það er eitthvað sem dregur mig
þangað síðan.“
Okkur er Ijóst að SAABINN er ekki ódýrasti bíllinn á markaðnum, enda þarf yfirleitt að greiða meiri
gæði svolítið hærra verði.
Til þess að koma til móts við SAAB kaupendur höfum við nú hækkað lánin í 30% af kaupverði.
Komdu og talaðu við sölumenn okkar. Skoðaðu SAABINN og keyrð'ann.
Vid leggjum okkur fram um ad létta þér kaupin.
TÖGGURHR
UMBOÐIÐ
BÍLDSHÖFÐA 16, SÍMI 81530