Morgunblaðið - 21.05.1983, Blaðsíða 2

2
MORGUNBLAÐIÐ, LAUGARDAGUR 21. MAÍ 1983
Tekur Þormóður
rammi við rekstri
Sigló-síldar?
Nl) KK verið að kanna það, hvort
mögulciki sé á því að fyrirtækið
l'ormóður rammi í Siglufirði taki að
sér rekstur Siglósíldar. Ríkið er eig-
andi Siglósíldar og skipaði það
nefnd til að kanna helztu framtíð-
armöguleika fyrirtækisins, en það
hefur átt í miklurn erfiðleikum.
Að sögn Hinriks Aðalsteinsson-
ar, stjórnarformanns Þormóðs
ramma, var ein af hugmyndum
nefndarinnar, að Þormóður
rammi tæki rekstur Siglósíldar á
leigu. Siglósíld væri í eigu ríkisins
og það ætti einnig meirihluta í
Þormóði ramma. Einnig gæti bæj-
arfélagið stutt á einhvern hátt við
bakið á fyrirtækinu. Sagði Hinrik,
að iðnaðarráðuneytið, sem hefði
Siglósíld á sínum snærum, hefði
sett áðurnefnda nefnd á stofn til
þess að reyna að finna grundvöll
fyrir áframhaldandi rekstri fyrir-
tækisins.
Guðmundur H. Guð-
mundsson látinn
GUÐMIJNDUR H. Guðmundsson,
húsgagnasmíðameistari og fyrrum
bæjarfulltrúi í Keykjavík er látinn,
84 ára að aldri. Hann var fæddur 13.
apríl 1899 í Tungu í Grafningi, sonur
Guðmundar Guðmundssonar, verzl-
unarmanns, og konu hans Dagbjart-
ar Grímsdóttur. Guðmundur stund-
aði iðnnám í Reykjavík; lauk prófi í
beykisiðn árið 1919 og í húsasmíði
1928.
Árið 1930 stofnaði Guðmundur
Húsgagnaverzlun Reykjavfkur
ásamt Jóni Magnússyni. Hann var
um tíma formaður Trésmíðafélags
Reykjavíkur og formaður Iðnað-
armannafélagsins í Reykjavík frá
1940 til 1964 og sat í stjórn Lands-
sambands iðnaðarmanna um ára-
bil. Þá átti hann sæti í stjórn Iðn-
aðarbankans um árabil.
Árið 1946 var Guðmundur kos-
inn í bæjarstjórn Reykjavíkur
fyrir Sjálfstæðisflokkinn og sat
samfellt til ársins 1962. Hann átti
sæti í hinum ýmsu ráðum og
nefndum borgarinnar. Árið 1962
var Guðmundur sæmdur heiðurs-
merki iðnaðarmanna úr gulli.
Guðmundur H. Guðmundsson
Hann var kvæntur Magdalenu
Helgu Runólfsdóttur, sem lést
1965. Þau eignuðust fimm börn og
eru þrjú á lífi, Guðbjörg Rúna,
húsmóðir, Gunnar M., hrl., og
Óskar Guðmundsson, fram-
kvæmdastjóri.
Úrslitaleikur ensku bikarkeppninnar:
Bein útsending kl. 14.
BKIN IJTSKNDING frá úrslitaleik
ensku bikarkeppninnar milli Brighton
og Manchester United verður í dag og
hefst hún klukkan 14. Sjónvarpsút-
sending mun þó hefjast fyrr, því kl.
13.15 byrjar Bjarni Kelixson með upp-
hitun fyrir knattspyrnuunnendur, sem
vænta má að bíði óþreyjufullir úrslita-
leiksins. Byrjað verður á að sýna frá
úrslitaleik Manchester United og Liv-
erpool í deildarbikarkeppninni, sem
sjónvarpað var beint frá fyrr í vor. Þá
verða einnig sýnd tíu bestu mörkinn í
Knglandi í vetur að mati þarlendra
sjónvarpsmanna og 6 bestu mörkin frá
því fyrir 9 árum og endurtekin 10 bestu
mörkin frá því í fyrra. Kinnig verða
sýndar svipmyndir frá leikjum
Brighton og Manchester United. Búast
má við að um þrjár tylftir marka verði
sýndar alls áður en úrslitaleikurinn
hefst.
Mynd á að fást frá Wembley um
13.40—13.45, en leikurinn hefst eins
og fyrr sagði kl. 14. Tryggt er að við
fáum að fylgjast með leiknum til
loka og verðlaunaafhendingunni, þó
svo leiknum verði framlengt.
Knattspyrna verður í öllum tilfellum
til um 16.30 í sjónvarpinu, því verði
leiknum lokið án framlengingar,
verður sýnt frá leik Fulham og
Derby í 2. deild í síðustu umferð
deildarkeppninnar, en ekki var hægt
að Ijúka þeim leik sökum óláta, sem
Fannst látinn
í Sundahöfn
LÍK Aðalsteins Hreinssonar,
vistmanns á Kleppsspítala, fannst
rekið í Sundahöfn í gærmorgun.
Aðalsteins hafði verið saknað frá
því á þriðjudag. Hann var 23 ára
gamall.
brutust út áður en honum lauk. Um
hálffimm leytið verður síðan sýndur
úrslitaleikur heimsmeistarakeppn-
innar í badminton í Danmörku, en
danskir sjónvarpsmenn vildu meina
að þetta hefði verið úrslitaleikur
aldarinnar í þeirri grein.
Auglýsingar í leikhléi og fyrir leik
standa undir kostnaði af beinu út-
sendingunni og gott betur.
MorgunblaSið/ KEE
Eins og sjá má af þcssari loftmynd, strandaði togarinn rétt utan við Sandgerðishöfn.
Þakklátur fyrir að veður
skyldi ekki vera verra
— segir Kristinn Pálmason, fyrsti stýrimaður á Hauki GK
LAUST eftir klukkan 13 f gær
strandaði skuttogarinn llaukur GK
25 frá Sandgerði um 50 metrum inn-
an við innsiglinguna í Sandgerðis-
höfn. Var skipið á leið út úr höfninni
er í Ijós kom, að stýri þess lét ekki
fyllilega að stjórn. Skipið bar því út
úr rennunni í átt að landi unz það
tók niðri. Knginn skipverja slasaðist
og er blaðamaður Morgunblaðsins
fór um borö í Hauk nokkru eftir að
skipið strandaði, höfðu ekki fundizt
neinar skemmdir á skipinu. Háfjara
var um klukkan 18 í gær og hallaði
skipið þá um 30 gráður, en ekki var
talin hætta á því að það legðist i
hliðina. Á flóði, klukkan um 01.30,
átti að reyna að ná skipinu á flot
með aðstoð björgunarskipsins Goð-
ins, ef á þyrfti að halda.
Blaðamaður Morgunblaðsins
fór um borð í Hauk seinni hluta
dags í gær og náði þar tali af
fyrsta stýrimanni, Kristni Pálma-
syni. Sagði Kristinn, að þeir hefðu
verið að fara út rétt eftir klukkan
eitt og verið komnir rétt út fyrir
hafnargarðinn er í ljós kom að
stýri skipsins lét ekki fyllilega að
stjórn, einhverra hluta vegna. Þar
sem innsiglingin væri þröng,
hefði ekki verið hægt að forða
skipinu frá strandi. Það hefði ekk-
ert annað verið að gera en að
bjarga því, sem bjargað varð.
Skipið hefði lagzt mjúklega á
botninn, þar sem skiptast á urðir
og klappir. Líkur væru á að skipið
væri óskemmt vegna þess hve
fljótlega hefði verið drepið á vél-
Morgunblaðid/ HG
Kristinn Pálmason, fyrsti stýrimaður, og Auðunn Stígsson háseti á brú-
arvæng Hauks á strandstað í gær. Eins og sjá má, er halli skipsins
verulegur eða um 30 gráður.
um þess og ekki reynt á það eftir
að það strandaði. Skipverjar
hefðu kannað skipið innanvert og
ofan sjólínu og ekki fundið neinar
skemmdir. Sjór hefði seitlað inn
um slorrennur og niður í vélar-
rúm og þess vegna hefði verið
gripið til þeirra öryggisráðstaf-
ana að fá kraftmiklar dælur úr
landi um borð. Þeirra hefði þó
ekki verið þörf, þannig að aldrei
hefði verið nein hætta á ferðum.
Skemmdir yrðu svo kannaðar
nánar af kafara þegar skipið yrði
komið á flot.
„Ég er þakklátur fyrir það, að
ekki skuli hafa verið verra veður.
Innsiglingin er þröng og í henni
tvö andstyggileg höft. Þetta hefur
bjargazt stórslysaiaust hjá skip-
um og bátum hingað til, en það er
vissulega kominn tími til að bæta
innsiglinguna hér,“ sagði Krist-
inn.
Skipstjóri var Torfi Sölvason og
tókst Morgunblaðinu ekki að ná
tali af honum. Haukur GK er
skuttogari af minni gerðinni, 297
lestir af stærð og er í eigu Val-
björns hf. Sandgerði.
Ákaflega mikið vantar í
tillögur Alþýðubandalags
— sagði Steingrímur Hermannsson eftir stjórnarmyndunarfund í gærkvöldi
„Alþýðubandalagsmenn lögðu
fram tillögur í mörgum liðum, en
okkur framsóknarmönnum finnst
ákaflcga mikið vanta í tillögur
þeirra um efnahagsmál. Alþýðu-
bandalagið hefur sett fram ákveðin
markmiö í baráttunni við verðbólg-
una. Við teljum það ekki nóg — það
þarf að liggja Ijóst fyrir hvernig
næsta ríkisstjórn hyggst ná fram
markmiðum sínum. Okkur finnst Al-
þýðubandalagið ekki setja markið
hátt í baráttunni við verðbólguna —
teljum að fastar þurfi að taka á í
glímunni við þann vágest," sagði
Steingrímur Hermannsson, formað-
ur Framsóknarflokksins, í gær-
kvöldi í samtali við Morgunblaðið
eftir stjórnarmyndunarfund Alþýðu-
bandalags, Framsóknarflokks, Al-
þýðuflokks, Bandalags jafnaðar-
manna og Kvennalistans.
— Telur þú líklegt, að saman
gangi með flokkunum fimm?
„Eg kannaði möguleika á mynd-
un stjórnar þessara flokka þegar
ég hafði stjórnarmyndunarumboð.
Þá komst ég að þeirri niðurstöðu,
að ólíklegt væri að þeir næðu sam-
an — til þess þyrfti nánast krafta-
verk. En kannski tekst Svavari
það; um það skal ég ekkert segja."
— Hefur eitthvað breytt þess-
ari skoðun þinni?
„Nei, það er ekkert sem hefur
breytt skoðun minni — ólíklegt er
að saman gangi," sagði Steingrím-
ur Hermannsson.
í gær voru haldnir tveir við-
ræðufundir undir stjórn Svavars
Gestssonar milli fulltrúa Alþýðu-
bandalags, Alþýðuflokks, Fram-
sóknarflokks, Bandalags jafnað-
armanna og Kvennalista. Fyrsti
fundur þeirra var haldinn í gær-
morgun, annar síðdegis og sá
þriðji er boðaður í dag.
í gær fóru einnig fram samtöl
milli fulltrúa Sjálfstæðisflokks og
Framsóknarflokks um stjórnar-
myndun og frekar er gert ráð fyrir
því, að í dag verði viðræður milli
fulltrúa Sjálfstæðisflokks, Fram-
sóknarflokks og Alþýðuflokks um
stjórnarmyndun, en tæpast verður
þar um sameiginlegan fund að
ræða.
Tilraunum til stjórnarmyndun-
ar miðaði lítið áfram í gær og á
það bæði við um hinar formlegu
viðræður og óformlegar viðræður.
í frétt í Morgunblaðinu í gær um
stjórnarmyndunarviðræður var
sagt, að fulltrúar Alþýðuflokks
hefðu kveðið upp úr um það, að
þýðingarlaust væri að halda
áfram þriggja flokka viðræðum
með Sjálfstæðisflokki og Banda-
lagi jafnaðarmanna. Morgunblað-
ið hefur traustar heimildir fyrir
þessu, en talsmenn Alþýðuflokks-
ins hafa óskað eftir að koma á
framfæri því sjónarmiði þeirra, að
þriggja flokka viðræðurnar hafi
endað á síðasta viðræðufundi að-
ila með því að Bandalag jafnað-
armanna hafi verið beðið um að
gera grein fyrir óupplýstum atrið-
um í stefnu Bandalags jafnaðar-
manna. Þær upplýsingar liggi ekki
fyrir. Alþýðuflokkur hafi hins
vegar ekki slitið þessum viðræð-
um.