Morgunblaðið - 21.05.1983, Blaðsíða 25

MORGUNBLAÐIÐ, LAUGARDAGUR 21. MAÍ 1983
25
APEX-farmiðar að verða uppseldir:
Otti við gengislækk-
un eina skýringin
MIKIL eftirspurn hefur að undan-
fornu verið eftir svonefndum APEX-
-farmiðum og eru þeir nú aö miklu
leyti uppseldir í sumar. APEX-
-farmiðar eru þeir ódýrustu, sem nú
er völ á til Evrópu, en miðast við að
fargjald sé greitt ákveðnum tíma,
minnst hálfum mánuði, fyrir brott-
for og gilda farseðlarnir aðeins
Húsavíkur-
fjall hvítt
sem um hávetur
Húsavík, 20. maí.
HÆGVIÐRI hefur verið þessa
líðandi viku, en hiti lítið verið
fyrir ofan frostmark, svo snjóað
hefur sama og ekkert og Húsa-
víkurfjall hvítt sem um hávetur
væri og skaflar víða á gangstétt-
um og við götur, þó þær séu auð-
ar orðnar, enda mokaðar.
Róið hefur verið alla þessa
viku og þorskafli með skárra
móti, en grásleppuveiði léleg
sem áður. Enn er beðið eftir
hinum raunverulega fyrsta
sumardegi.
FrétUriUri
fyrirfram ákveðna daga. Ein skýr-
ingin á þessu er talin vaxandi ótti
fólks við gengislækkanir.
Birgir Ólafsson, skrifstofustjóri
söluskrifstofu Flugleiða í Lækj-
argötu, sagði í samtali við Morg-
unblaðið, að ýmsar skýringar
gætu verið á þessu. Rauðir APEX-
-farmiðar væru þeir ódýrustu sem
fáanlegir væru á þessum leiðum,
eða um 70% af verði annarrar
leiðar á heilsársfarmiðum. Þá
væri framboð þessara farmiða
takmarkað. Einnig hefði borið
meira á því en undanfarin ár, að
fólk óttaðist gengislækkanir og
vildi því gjarnan greiða fargjald
með fyrra fallinu, þar sem far-
gjöldin fylgja gengisþróun dollars.
Þetta ætti ekki aðeins við APEX-
fargjöldin. Hann hefði ekki orðið
var við það áður, að fólk gæfi
gengismálum jafnmikinn gaum og
nú.
Samkvæmt upplýsingum Morg-
unblaðsins mun svipaða sögu að
segja hjá ferðaskrifstofum, það er
að fólk leggur nú meiri áherzlu en
áður á að greiða fargjöld sín og
ferðir upp og með miklum fyrir-
vara. Mun þar vera um ótta við
gengislækkanir að ræða.
Hagkaup gaf 2ja
manna herbergi í
sjúkrastöðina
„OKKUR er jtað ánægja að geta tek-
ið á með SÁA viö það að vinna gegn
vímuefnavandamálinu á lslandi,“
sagöi Sigurður Gísli Pálmason,
framkvæmdastjóri Hagkaup, þegar
hann afhenti fulltrúa gjafabréfasöfn-
unar SÁÁ, Magnúsi Kristinssyni,
gjafabréf að upphæð 54.000 kr.
Gjöf Hagkaups nægir til að út-
búa eitt tveggja manna herbergi í
sjúkrastöðinni nýju. Verður her-
bergið merkt Hagkaup, þegar
sjúkrastöðin verður tekin í gagnið
í haust eins og gjafir þeirra gef-
enda sem gefa til ákveðins verk-
þáttar.
Enn skortir töluvert á svo unnt
verði að ljúka sjúkrastöðinni á til-
skildum tíma. Þau fyrirtæki og
stofnanir, sem vilja leggja þessu
málefni lið, eru hvött til þess að
hafa samband við SÁÁ sem fyrst,
segir í frétt frá samtökunum.
Fulltrúar EBE á ráðstefnunni ásamt Jónasi Haralz, bankastjóra. Lengst til vinstri er Folmer Bang Hansen, þá Niel
Jörgen Thögersen og Klaus Ewig. Morgunblaðið/EmiHa.
Ráðstefna um EBE:
Anægja með samskipti
íslendinga við EBE
RÁÐSTEFNA um Efnahagsbanda-
lag Evrópu var haldin á Hótel Loft-
leiðum í gær. Yiðskipti og verzlun
gekkst fyrir ráðstefnunni, en megin-
tilgangur hcnnar var að kynna starf-
semi EBE: „Því,“ eins og Jónína
Michaelsdóttir, framkvæmdastjóri
Viðskipta og verzlunar, sagði í Mbl. í
gær, „við Islendingar höfum ekki
efni á því aö vera eins sinnulausir
um það sem er að gerast í Evrópu og
raun ber vitni.“ Frá EBE voru á
ráðstefnunni Folmer Bang Hansen,
Niels Jörgen Thögersen og Klaus
Ewig. Ráðstefnan stóð frá 9 til 16.30
og var vel sótt. Þó lét enginn stjórn-
málamaður sjá sig utan Tómas Arna-
son viðskiptaráðherra, en hann flutti
fyrstu ræðuna. Ráðstefnustjóri var
Jónas Haralz bankastjóri.
Eins og kunnugt er, hafa Islend-
ingar tollaívilnanir í EBE-löndun-
um, og var eitt af umræðuefnum
ráðstefnunnar samskipti íslands
við EBE í gegnum árin. Sagði
Folmer Bang Hansen að þau sam-
skipti gengju mjög vel og tók
Þórhallur Ásgeirsson hjá við-
skiptaráðuneytinu undir þau orð
hans. Þessar tollaívilnanir eru ís-
lendingum mikilvægar þegar tekið
er tillit til þess að 31% af útflutn-
ingi fslendinga er til EBE-landa.
Eftir inngangsræðu Tómasar
Árnasonar lýsti Niels Jörgen
Thögersen, yfirmaður Upplýsinga-
þjónustu EBE, ýmislegri starf-
semi EBE og þeim vandamálum
sem við væri að glíma. Sagði
Thögersen, sem er Dani, að í sínu
landi væru blöðin uppfull af því að
annað hvort væri ekkert að gerast
innan EBE eða þá að um alvarleg
vandamál væri að ræða. Sagði
Ráðstefnugestir
Thögersen að þetta væri mesti
misskilningur, því innan EBE færi
fram mikið starf. Nefndi hann í
því sambandi þá ríku áherslu sem
EBE-löndin legðu nú á að endur-
skipuleggja iðnaðinn til að gera
þeim betur fært að keppa við
Bandaríkjamenn og Japani.
Seinna á ráðstefnunni var komið
inn á samskipti EBE við þessi
lönd. Sem kunnugt er hafa Japan-
ir reynst tregir til að opna heima-
markað sinn fyrir vestrænum vör-
um þrátt fyrir gífurlegan útflutn-
ing þeirra til Vesturlanda. Þetta
hefur leitt til ýmissa vandamála
fyrir EBE-löndin, en EBE hefur
tekið þá stefnu að loka ekki mark-
aðinum fyrir Japönum heldur
þrýsta á þá.til að opna sinn.
Ýmislegt fleira bar á góma á
ráðstefnunni. Thögersen gerði
grein fyrir stefnu EBE í orkumál-
um. Benti hann á þá staðreynd að
EBE-löndin flytja inn 48% af
þeirri orku sem þau nota, þótt í
mismunandi mæli sé. Sagði hann,
að það væri stefna EBE að reyna
að koma þessari tölu niður í 40%
fyrir 1990. Það mætti gera með
skynsamlegri nýtingu orkunnar
og aukinni orkuframleiðslu EBE-
landanna.
Þá var talsvert rætt um óskir
Grænlendinga um að segja sig úr
EBE og taka upp nýtt samband
við bandalagið, svokallað OCT-
samkomulag, en það þýðir m.a., að
þeir geta flutt út sínar vörur til
EBE-landa án tolla. Sagði Thög-
ersen að í næstu viku hæfust um-
ræður á milli EBE-landanna um
þessar óskir Grænlendinga og
væri við því að búast að það gæti
tekið langan tíma að komast að
niðurstöðu, m.a. vegna þess að
ýmsar EBE-þjóðir settu það skil-
yrði fyrir OCT-samkomulagi við
Grænlendinga að þær fengju ein-
hverjar veiðiheimildir á græn-
lensku fiskveiðasvæði.
Engan kolmunna að fá
í færeyskri landhelgi
— stutt spjall við Bjarna Gunnarsson, skipstjóra á Eldborginni
„í FÆREYSKRI landhelgi var
engan kolmunna að fá. Kolmunn-
inn gekk aldrei úr brezku land-
helginni yfir miðlínuna og það hef-
ur aldrei gerst áður. Kolmunninn
fór austur með landgrunnskantin-
um og dreifir sér þaöan norður á
bóginn. Því miður höfðum við ekki
leyfí til þess að fara yfír miðlínuna.
Þeir veiddu kolmunna grimmt í
brezku landhelginni og aðeins skip
frá ríkjum Efnahagsbandalags
Evrópu og Noregi hafa heimild til
þess að veiða þar,“ sagði Bjarni
Gunnarsson, skipstjóri á Eldborg-
inni, en skipið kom inn til Hafnar-
fjarðar á miövikudag eftir að hafa
verið á Færeyjamiðum frá því 28.
aprfl.
„Sovétmenn voru að veiðum á
sömu slóðum og við. Voru með
3—4 þúsund tonna skip og fengu
þetta milli 10 til 20 tonn í holi.
Fyrir okkur er ekki arðbært að
veiða um 20 tonn á dag og þar af
um 50% smáfisk.
Giljanesið frá Færeyjum, sem
veiddi í breskri landhelgi, fram-
leiddi um 900 tonn af flökum frá
1. apríl til 5. maí. Líklegt verð-
mæti er á milli 17 og 18 milljónir
króna. Og ég veit þess dæmi að
Kronborgin frá Færeyjum hafi
fengið 1.030 tonn af kolmunna á
einum sólarhring í brezku land-
helginni. Þetta sýnir best hvað
hægt er að gera, en við verðum
að fá að fara yfir miðlínuna ef
grundvöllur á að vera fyrir ís-
lenzk skip að veiða á þessum
slóðum," sagði Bjarni Gunnars-
son.