Morgunblaðið - 27.05.1983, Blaðsíða 10

10
MORGUNBLAÐIÐ, FÖSTUDAGUR 27. MAÍ 1983
Gylfi Zoega fékk hæstu einkunn,
sem gefin hefur verið í MR
„Við höfum alltaf staðið saman,“ voru orð þeirra félaga Gylfa Zoöga duz scholae og Ingólfs Johannessen semi-dux scholae við skólaslit
Ljósmyndir Mbl./KÖE.
Menntaskólanum í Reykjavík slitið í 137. skipti:
í GÆR var Menntaskólanum f
Reykjavík slitið í 137. skipti og út-
skrifuðust að þessu sinni 182 stúd-
entar.
Hæstur á stúdentsprófi var Gylfi
Zoega með einkunnina 9,68, en
með því sló hann skólametið sem
Ólafur Jóhann Ólafsson setti í
fyrra með einkunninni 9,67 en nýtt
skólamet hafði þá ekki verið sett í
20 ár. Næst hæstu einkunn hlaut
Ingólfur Johannessen með ein-
kunnina 9,56 og þriðji hæstur varð
Kolbeinn Guðmundsson með ein-
kunnina 9,49. Þeir voru allir í nátt-
úrufræðideild.
f ræðu sinni gat rektor, Guðni
Guðmundsson, um húsnæðiseklu
skólans og taldi tíma vera kom-
inn til að eitthvað væri gert í því
máli þar sem það væri orðinn
fastur liður og hefði verið síð-
ustu 32 ár eða lengur að rekja
húsnæðisraunir við skólaslit.
Nemendur voru 865 í skólan-
um í vetur. Félagslíf var öflugt
að venju, Herranótt setti að
þessu sinni upp leikrit Halldórs
Laxness Prjónastofan Sólin,
sýningar voru f Hafnarbfói og
tókust vel. Málfundafélagið
Framtíðin átti aldarafmæli í
vetur og voru mikil hátíðahöld í
tllefni af því og var meðal ann-
ars efnt til ræðukeppni meðal
fyrrverandi forseta félagsins.
Við lok skólaslita færðu 25 ára
stúdentar og aðrir afmælisstúd-
entar skólanum myndsegulband
að gjöf.
Nýstúdentar voru myndaðir
úti í vorinu að loknum skólaslit-
um og hitti blm. Mbl. þar bæði
dux og semi-dux scholae. „Við
höfum verið hamingjusamir í
þessum skóla, berum hlýhug til
rektors og annarra samstarfs-
manna og þökkum þeim samver-
una,“ sögðu þeir félagar Gylfi og
Ingólfur. „Við tveir höfum alist
upp saman á Melunum og höfum
staðið saman alla tið. Það var
því ekki annað við hæfi en að við
stæðum saman í þessu líka."
Þeir brostu kankvíslega áður en
þeir stukku upp á pallana til að
ljósmyndarinn gæti fest þá á
filmu til minningar um þennan
bjarta dag. m.e.
Hvítu kollarnir settir upp sem ytra tákn þessa áfanga.
Selfoss:
Skoðanakönnun
um áfengis-
útsölu kærö
NOKKRIR íbúar á Selfossi hafa nú
kært skoðanakönnum um það hvort
áfengisútsala skuli opnuð á Selfossi.
Var kæran fyrst send bæjarstjórn, sem
vísaði málinu frá á fundi sínum 11.
maí. Þá hafa þessir íbúar vísað málinu
til félagsmálaráðuneytisins og dóms-
málaráðuneytisins.
Skoðanakönnunin fór fram sam-
hliða síðustu alþingiskosningum og
var samþykkt með 966 atkvæðum
gegn 895 eða með 71 atkvæðis mun,
aö opna áfengisútsölu á Selfossi.
Hafa þessir íbúar, 6 talsins, talið
kjörskrá ófullnægjandi og fleira at-
hugavert við framkvæmdina. í
áfengislögum segir, að yfirvöldum sé
heimilt að opna áfengisútsölu í
kaupstöðum að undafarinni kosn-
ingu eða skoðanakönnun og sé þá
meirihluti bæjarbúa fylgjandi opnun
hennar. Yfirvöld eru þó ekki bundin
af þeirri niðurstöðu. Ekki er tekið
fram í lögunum hvernig framkvæmd
atkvæðagreiðslu skuli háttað.
Siglufjörður:
Þormóður
rammi yfirtek-
ur Siglósfld
„NIÐIJRSTÐAÐAN hefur orðið sú, að
Þormóður rammi í Siglufirði tekur að
sér rekstur Sigló síldar til bráðabirgða.
Stjórnir beggja fyrirtækja hafa sam-
þykkt þetta og nú er bara eftir að
ganga frá formsatriðum. Rikið á 70%
hlutafjár í Þormóði ramma," sagði
Guðrún Hallgrímsdóttir hjá iðnaðar-
ráðuneytinu í samtali við Morgunblað-
ið.
„Iðnaðarráðuneytið skipaði fyrir
nokkru nefnd til að gera tillögur um
endurskipulag á rekstri Sigló sfldar.
Helztu niðurstöður nefndarinnar
voru þær, að nefndin taldi að
grundvöllur væri fyrir rekstri lag-
metisiðju í Siglufirði, sem fram-
Ieiddi gaffalbita og rækju til útflutn-
ings svo fremi sem rfkissjóður tæki
að sér að leysa uppsafnaðan fjár-
hagsvanda fyrirtækisins og nýir
eignaraðilar kæmu inn f reksturinn.
Sigló síld er eign ríkissjóðs og starf-
ar samkvæmt sérstökum lögum,
þannig að eignaraðild verður ekki
breytt nema að undangenginni laga-
breytingu.
Það hefur reynzt ákaflega erfitt að
vera með jafneinhæfan rekstur og
Sígló síld og því var talið betra að
tengja hana annarri framleiðslu eins
og hjá Þormóði ramma. Það, sem
kannski hefur skipt sköpum, er að
það er ekki fyrr en á þessu ári, sem
farið er að framleiða eitthvað annað
en gaffalbita, það er rækju, og
grundvöllur þeirrar framleiðslu hef-
ur alltaf verið mjög ótryggur.
Meirihluti nefndarinnar leit svo á,
að forsenda áframhaldandi rekstrar
væri að nýir eignar- og rekstraraðil-
ar kæmu inn, en ég get ekkert sagt
um það hvað gerzt hefði, ef svo hefði
ekki orðið. Þetta var niðurstaða
nefndarinnar," sagði Guðrún.
Borg, Miklaholtshreppi:
Vorlegasti
yormorgunninn
Borg, MiklaholLshrcppi, 26. maí.
VEÐRÁTTAN undanfarna sólarhringa
hefur verið norðaustlæg átt með
nokkrum stormi. Hitastig hefur um
nætur farið niður i 1 til 2 stig. Jörð
orðin þurr og skrælnuð af sífelldum
blæstri.
Sauðburður er nú langt kominn og
þrátt fyrir þrengsli í húsum hefur
hann gengið þokkalega vel. I morgun
má segja, að vorlegast hafi verið á
þessu vori. Hiti klukkan 7 var hér 7
stig, skýjaður himinn og logn.
Óvanalega margir þrestir sátu á
sjónvarpsgreiðunni og kvökuðu
óvanalega mikið. Vonandi er nú vor-
ið að koma og gróður mun taka fljótt
við sér því klaki er ekki mikill í
jörðu.
Ný ríkisstjórn er tekin við og von-
andi koma þá ný blóm og betri hagur
þjóðar. — Páll