Morgunblaðið - 27.05.1983, Blaðsíða 24

24
MORGUNBLAÐIÐ, FÖSTUDAGUR 27. MAÍ 1983
Snjómokstur í Siglufirði
MIKILL snjór hefur verið á Siglu- minna fé verður til framkvæmda í
firði og hafa framkvæmdir á veg- sumar vegna þess hve miklu fé
um bæjarfélagsins tafist mjög
vegna fannfergis, að sögn Óttars
Proppe, bæjarstjóra. Þá er Ijóst að
hefur verið varið til snjómoksturs.
Starfsmenn bæjarins voru önnum
kafnir í síðustu viku að ryðja snjó
af götum bæjarins og eins að
hreinsa snjóskafla, sem hlóðust
upp í vetur.
Myndir Mbl. Steingrimur Kristinsson.
i£P

V JÍ*#”:

: >

■
A *
Ný snyrtistofa
Snyrtistofan Jóna tók nýlega til starfa að Skeggjagötu 2 í Reykjavík.
Eigandi stofunnar er Jónína Hallgrímsdóttir, snyrtifræðingur. Veitt er
öll almenn þjónusta varðandi snyrtingu. Á sama stað rekur Guðrún
Hrönn Einarsdóttir, hárgreiðslustofu.
Kvennaathvarfið:
Merkjasala úti á
landi um helgina
YFIR 1,8 millj. kr. hafa komið inn i
söfnun Samtaka um kvennaathvarf
með merkjasölu í Reykjavík og
nágrenni 8.—9. aprfl sl., og í gjöfum
frá mörgum aðilum. Hafa samtökin
þegar augastað á mjög hentugu hús-
næði fyrir starfsemina, sem þau von-
ast til að geta fest sér.
Endanlegu uppgjöri er ekki lok-
ið, en þegar er séð, að heildar-
kostnaður við söfnunina er innan
við 4% af söfnunarfénu. Er það
því að þakka, að allt undirbún-
ingsstarf og framkvæmd söfnun-
arinnar var unnið í sjálfboða-
vinnu. Kvenfélög á sölusvæðinu og
nokkur skólafélög, félagar í sam-
tökunum og aðrir einstaklingar
gáfu vinnu sína við merkjasöluna
og skiluðu frábæru starfi. Auglýs-
ingastofurnar Myndamót og Sýn
gáfu alla gerð auglýsinga og fyrir-
tækið Vörumerking gaf prentun
merkjanna, Kvennasamtökin að
Hallveigarstöðum veittu ómetan-
lega hjálp með að lána samtökun-
um aðstöðu í húsakynnum sínum í
nokkra daga fyrir afgreiðslu
merkjanna.
Nú hafa ýmsir aðilar úti á landi
óskað eftir að taka þátt í þessu
átaki fyrir Kvennaathvarfið og
beðið um merki til sölu. Þar sem
athvarfið þjónar í reynd öllu land-
inu þykir samtökunum rétt að
taka þessu boði með þökkum og
hafa fengið leyfi dómsmálaráðu-
neytisins til merkjasölu úti á landi
dagana 27. og 28. maí nk.
Merkið sjálft og auglýsinga-
plakatið með sömu mynd hafa
vakið aðdáun margra, en það var
grafíklistamaðurinn Sigrid Valt-
ingojer, sem hannaði merkið og
gaf samtökunum.
Samtökin vilja þakka öllum
þeim aðilum, sem hafa stutt þau í
þessu átaki með peningagjöfum,
vinnu og velvild. Einnig ber að
þakka góðan hug almennings og
undirtektir, sem tryggt hafa frá-
bæran árangur. Kvennaathvarfið
mun ná fá eigið þak yfir höfuðið.
Kostnaður við heimilisstofnun,
rekstur og lánagreiðslur er þó um-
talsverður eins og á öðrum heimil-
um, þannig að samtökin vonast til
að njóta velvildar almennings og
opinberra aðila framvegis sem
hingað til og minna á gírónúmer
sitt 444006.
(Fréttatilkynning)
Skemmtiferð
aldraðraí
Hafnarfirði
NÆSTKOMANDI laugardag, þann
28. maí, mun Kiwanisklúbburinn
Eldborg í Hafnarfirði efna til
skemmtiferðar með aldraða Hafn-
flrðinga.
Þessi þáttur í starfsemi klúbbs-
ins er löngu orðinn að föstum lið
sem félagar í báðum hópum, þ.e.
a.s. aldraðra borgara og Eldborg-
arfélaga bíða eftir með óþreyju.
Að þessu sinni verður haldið af
stað frá íþróttahúsinu við
Strandgötu kl. 13.00 stundvíslega,
og er ferðinni heitið um Suðurnes.
Skoðuð verður hitaveita Suður-
nesja, kirkjan í Grindavík, sjó-
efnaverksmiðjan á Reykjanesi og
að lokum verður haldið til sam-
komuhússins í Garði en þar munu
eiginkonur kiwanismanna bjóða
upp á veitingar.
Þátttaka tilkynnist til Bóka-
verslunar Olivers Steins í síðasta
lagi föstudaginn 27. maí nk.
Moldarsala Lions
Lionsklúbburinn Muninn í Kópa-
vogi verður með árlega moldarsölu
næstkomandi laugardag og sunnu-
dag, hinn 28. og 29. maí. Nú er tím-
inn til að sinna vorverkunum og
vafalaust margir sem vilja notfæra
sér þessa þjónustu nú eins og áður.
í Reykjavík, Kópavogi og á
Seltjarnarnesi verður bílhlassið af
mold selt á 800 krónur, en 1.000
krónur í Garðabæ, Hafnarfirði og
Mosfellssveit.
Allur ágóði af moldarsölunni
rennur til líknarmála.
Nánari upplýsingar og pantanir
í símum: 44983 - 76759 - 72316
frá kl. 9 laugardag og sunnudag.
(Fréttatilky nning)
Eggert Guðmunds-
son sýnir í Eden
EGGERT Guðmundsson listmálari
opnar í dag málverkasýningu í Eden
í Hveragerði. Á sýningunni eru 38
verk, 24 olíumálverk og 14 teikn-
ingar. Myndirnar eru allar nýjar,
málaðar 1982 og 1983, að einni und-
anskilinni. Sýningin er sölusýning,
og eru öll verkin til sölu.
Eggert Guðmundsson, sem nú
er hátt á áttræðisaldri, hefur
haldið fjölmargar sýningar á
verkum sínum um dagana, bæði
hér heima og víða erlendis.
Skammt er síðan hann hélt stóra
sýningu í Háholti í Hafnarfirði.
„Það þýðir ekkert annað en halda
sig við efnið," sagði Eggert í sam-
tali við blaðamann Morgunblaðs-
ins i gær, „ég er hress þessa dag-
ana, til líkama og sálar, og þá þýð-
ir ekkert annað en að vinna. Þá
fyrst er maður orðinn gamall þeg-
ar maður hættir að starfa við það
sem maður hefur gaman af!“
Níræðisafmæli
NÍRÆÐUR er í dag, föstudaginn
27. maí, Sveinbjörn Sveinbjörns-
son fyrrum bóndi á Ljótsstöðum á
Höfðaströnd í Skagafirði, nú
Austurgötu 20 á Hofsósi. Eigin-
kona hans er Jóhanna Símonar-
dóttir frá Nýlendu í Hofshreppi.
Börn þeirra sjö talsins eru öll á
lífi.