Morgunblaðið - 19.07.1983, Blaðsíða 21
MORGUNBLAÐIÐ, ÞRIÐJUDAGUR 19. JÚLÍ 1983
29
TÖÍSt
yja
öflug að sprengjubrotin eru talin
geta borist allt að 2 km frá
sprengjustaðnum. Slíkan 2 km radí-
us er ekki að finna á Heimaey svo
öruggt sé talið. Var því ákveðið að
flytja duflið hangandi neðan í þyrl-
unni Gró uppá Landeyjasand og
sprengja það þar.
Hálfgert stríðsástand ríkti hér
við höfnina í morgun, svæði voru
lokuð af, lögregluvakt á vegum og
menn komust ekki til vinnu sinnar
meðan á flutningi þessa viðsjár-
verða hlutar stóð. En allur er var-
inn góður og mönnum létti þegar
horft var á eftir þyrlunni þar sem
hún flaug af Eiðinu áleiðis til lands
með stríðsleifarnar dinglandi neðan
i sér.
— hkj.
m það var í, þegar búið var að sprengja
Gæðaflokkun þorskafla mjög
mismunandi eftir verstöðvum
ÞORSKAFLI línubáta fyrstu 5 mánuði þessa árs flokkaðist nær eingöngu i
fyrsta gæðaflokk svo og þorskafli handfærabáta. Þorskafli netabáta flokkað-
ist talsvert verr, en af honum fóru að meðaltali i kringum 70% í fyrsta flokk.
Um það bil 90% af þorskafla togara og botnvörpunga flokkaðist í fyrsta
gæðaflokk. Hér er einungis um að ræða landanir innanlands og eingöngu
afla þeirra báta, sem fengu meira en 50 lestir á umræddu tímabili.
Þessar upplýsingar koma meðal
annars fram i skýrslu Fiskifélags
íslands um gæðaflokkun þorskafla
fyrstu 5 mánuði þessa árs. Er þar
ekki fjallað um gæðaflokkun ann-
ars afla. í skýrslunni er ennfrem-
ur yfirlit yfir aflamagn þorsks og
aflaverðmæti einstakra skipa og
báta, svo og magn annars afla og
verðmæti hans. Þá er i skýrslunni
yfirlit yfir gæðaflokkun og afla-
magn báta eftir verstöðvum.
Þá kemur fram í skýrslunni að
þorskafli hefur flokkazt mjög mis-
munandi eftir verstöðvum. Þannig
hafa frá um 60% þorskaflans og
allt upp í 100% farið i fyrsta
gæðaflokk eftir verstöðvum. Fer
þetta nokkuð eftir þvi hvort netaf-
iskur hefur verið i meirihluta eða
ekki, en netafiskurinn flokkast
mun verr en fiskur, sem veiddur er
á handfæri, línu eða í botnvörpu.
Þetta er í fyrsta sinn, sem
skýrsla sem þessi er gefin út og
voru það Þorsteinn Gislason,
veiðimálastjóri, og Jónas Blöndal,
höfundur skýrslunnar, sem hana
kynntu. Sögðu þeir ástæðu þess,
að slik skýrsla hefði ekki verið
gefin út áður þá, að hingað til
hefði það þótt óheppilegt að út-
lendingar fengju of nákvæmar
upplysingar um gang mála hér og
ennfremur væri matið viða við-
kvæmnt mál. Nú hefði hins vegar
verið tekin upp sú stefna, að gera
landmönnum kunnugt ástand
þessara mála. Mat væri nú lakara
en áður og væri skýringa þess viða
að leita. Þá kom fram hjá þeim, að
væri meiri verðmunur á fyrsta
gæðaflokki og lægri flokkunum
myndi það hvetja sjómenn til að
vanda meira meðferð afla um
borð. Það væri til dæmis algengt
að íslenzkir sjómenn færu mun
betur með fisk, sem landa ætti er-
lendis en hér heima. Nú er verð
annars flokks fisks 77% af verði
fyrsta flokks og verð þriðja flokks
fisks 50% af verði fyrsta flokks.
Hundrað ára afmælis
Bergsstaðakirkju minnst
HUNDRAÐ ára afmælis Bergs-
staðakirkju í A-Húnavatnssýslu
var minnst á sunnudag með guðs-
þjónustu á Bergsstöðum þar sem
séra Ólafur Þ. Hallgrímsson, sókn-
arprestur, predikaði og þjónaði
fyrir altari ásamt séra Birgi Snæ-
björnssyni á Akureyri.
í guðsþjónustunni talaði séra
Gunnar Árnason, sem lengst
hefur verið prestur kirkjunnar á
þessum hundrað árum, eða 27 ár,
og Sigurjón Guðmundsson á
Fossum, formaður sóknarnefnd-
ar, rakti sögu kirkjunnar.
Átta prestar voru viðstaddir
hátíðarhöldin, en fjórir fyrrver-
andi sóknarprestar á Bergsstöð-
um færðu kirkjunni hökul að
gjöf ásamt stólu og voru þrír
þeirra viðstaddir guðsþjónust-
una.
Að aflokinni guðsþjónustu
bauð sóknarnefndin til kaffi-
samsætis í Húnaveri þar sem
margar ræður voru fluttar og
kirkjunni voru færðar árnaðar-
óskir.
Fjölmenni tók þátt í hátíðar-
höldunum, en rigning var og kalt
í veðri.
Frá hátíðarguðsþjónustunni í Bergsstaðakirkju. Morgunbladid/Björn Valdimarsson