Morgunblaðið - 02.11.1983, Blaðsíða 8
40
MORGUNBLAÐIÐ, MIÐVIKUDAGUR 2. NÓVEMBER 1983
Ljónni. Mbl./KEE
Roar Kvam,
hljómsveitarstjóri
„Dýrmætt
tækifæri
fyrir
nemendur“
„Ætli þetta sé ekki í fyrsta
sinn frá því einhverntíma um
1950 að hljómsveit tekur þátt í
sýningu hér,“ sagði Roar Kvam,
stjórnandi Passíukórsins á Akur-
eyri. Hann stjórnar 15 manna
hljómsveit í sýningunni, en einn-
ig koma fram söngvarar úr
Passíukórnum.
„Að flytja tónlist í leikhúsi
er góð reynsla fyrir hljóðfæra-
leikarana og töluvert öðruvísi
vinna en þeir eru vanir.
Hljómsveitina skipa kennarar
og nemendur Tónlistarskólans
og enginn þeirra hefur spilað
jafn langt verk. En tækifæri
fyrir nemendur til að prófa
svona vinnu er dýrmætt.
Roar Kvam í hljómsveitargryfjunni
Hljómsveitin byrjaði að æfa
mánuði fyrir frumsýningu, en
kórinn er búinn að vera með
frá upphafi, enda taka söngv-
ararnir þátt í leiknum og eru á
sviðinu.
Til þess að hljómsveitin
kæmist fyrir þurfti að taka
burt fremsta áhorfendabekk-
inn og búa þar til hljómsveit-
argryfju. Hljómburðurinn í
þessu húsi er ágætur miðað við
leikhús. Tónlistin og söngurinn
ná að blandast vel saman og ég
held að við getum verið tölu-
vert ánægð með útkomuna, þó
auðvitað leyfi maður sér aldrei
að vera fullkomlega ánægður
með það sem maður er að
gera.“
Þráinn Karlsson, leikari
Stórskemmti-
legt hlutverk
Þráinn Karlsson LJósm. mw./kee
„Doolittle eða Dúlli, eins og
samleikararnir kalla hann, er
allveg toppnáungi. Hann er svo
fullkomlega meðvitaður um
þjóðfélagsstöðu sína og virðir
hana umfram allt að það er
hreint dásamlegt. Maður sem
fyrirlítur allt peningapakk, en
getur síðan ekki komist undan
þeirri hörmung að njóta pen-
inganna þegar hann eignast þá,“
sagði Þráinn Karlsson sem leik-
ur Alfred Doolittle, föður Elísu.
Ferill Doolittle er að vísu
öllu veglegri í Pygmalion, en
þetta hlutverk er stór-
skemmtilegt, svo ég tali ekki
um sönginn og dansinn sem
fylgir því. Ég sá í leikdómi að
leikstjórinn gæti jafnvel feng-
ið símastaura til að dansa! Það
fannst mér nú ekki beint vera
hól, en þó maður sé fæddur ’39
býr ennþá í manni kraftur og
gleði yfir því að leika fyrir
áhorfendur og ekki síst fyrir
sjálfan sig.
Það er miklu til kostað við
þessa sýningu, enda til mikils
að vinna. Ég tek leikmyndina
sem dæmi. Eg hef unnið sem
smiður í þessu húsi í nær 15 ár
og ég man aldrei eftir sviðinu
svona yfirfullu af leikmynd, án
þess að það fari í raun nokkuð
fyrir henni. En Nonni (Jón
Þórisson) hefur mikið hugvit
og leikmyndin er mjög góð.“
sagði Þráinn Karlsson, Dúlli
öðru nafni, að lokum.
Marínó Þorsteinsson Ljósm. MbL/KEE.
Marinó Þorsteins-
son, leikari
Á fullt í
fangi með
þessa einu
„aríu“
„Þetta er viðamesta sýningin
sem ég hef verið í á þeim tuttugu
árum sem ég hef leikið á Akur-
eyri,“ sagði Marínó Þorsteins-
son sem fer með hlutverk Pick-
erings. „Það er virkilega gaman
að spreyta sig á söngleik, þótt ég
eigi fullt í fangi með þessa einu
„aríu“ mína. En það er með
þessa uppsetningu eins og aðrar,
að þegar vel er að unnið og allir
leggjast af krafti á eitt, þá lætur
árangurinn ekki á sér standa.
Pickering er þessi enski
sjéntilmaður sem hefur verið á
Indlandi og gengur með þá
grillu í höfðinu að hann sé að
rannsaka indverskar málvenj-
ur. Það held ég að sé nú bara
einhver hugarheimur sem
hann lifir í til að fylla upp í
tíma sem hann á alltof mikið
af.
Við erum auðvitað ánægó
með viðtökurnar og það að
hafa þessa stóru sýningu nú er
liður í uppbyggingu leikfélags-
ins sem hefur reynst vel. Þetta
höfum við gert á undanförnum
árum með sýningum eins og
Atómstöðinni, Bréfberanum
frá Arles og Jómfrú Ragn-
heiði."
Þeir heita Sigurður Ásgeirsson og Ellert Þór Jóhannsson þessir drengir og
eiga heima í gamla Austurbænum. Þeir efndu til hlutaveltu fyrir Blindrafé-
lagið og söfnuðu 670 kr. til félagsins.
Þessar ungmeyjar, sem eiga heima við Langholtsveg, Hólsveg, í Goðheimum,
Hjallavegi og víðar, efndu til hlutaveltu til ágóða fyrir Rauða kross fslands
og söfnuðu tæplega 560 kr. Þær heita Ásdís Jónsdóttir, Berglind Bragadóttir,
Ásta Sif Gísladóttir, Harpa Gísladóttir, Sigrún Edda Eðvarðsdóttir, Guðlaug
María Júlíusdóttir og Perla Ingólfsdóttir. — Á myndina vantar úr þessu
hlutaveltu-kompaníi Soffíu Guðrúnu Magnúsdóttur.
Þessar vinkonur efndu til hlutaveltu að Melási í Garðabæ til ágóða fyrir
Styrktarfélag lamaðra og fatlaðra. — Söfnuðu þær rúmlega 660 krónum til
félagsins. Þær heita Ragna Gunnarsdóttir og Ingibjörg Lind Karlsdóttir.
Þessar ungu dömur eiga heima suður í Hafnarfirði og efndu til hlutaveltu á
Vesturvangi 10 þar í bænum til ágóða fyrir Rauða kross íslands. Þær
söfnuðu nær 700 krónum. Þær heita Guðrún Guðmundsdóttir og Bergþóra
Hjartardóttir.
Þessir drengir efndu til hlutaveltu á Blöndubakka 15 í Breiðholtshverfi til
ágóða fyrir Styrktarfélag lamaðra og fatlaðra. Þeir söfnuðu alls um 460
krónum. — Strákarnir heita: Edilon Þór Ellertsson, Sveinn Haukur Magn-
ússon, Hlynur Höskuldsson, Davíð Hauksson og Víðir Óli Guðmundsson.