Morgunblaðið - 07.12.1983, Page 12
MORGUNBLAÐIÐ, MIÐVIKUDAGUR 7. DESEMBER 1983
44
Sá nýjasti frá FIAT:
Einfaldleiki er einkennandi fyrir innréttinguna.
Fiat Panda 4x4
Panda með drifi
á öllum hjólum
— Fær góða dóma erlendra bílablaða
Bflar
Sighvatur Blöndahl
KIAT-verksmiðjurnar ítölsku
kynntu á dögunum bíl, sem eflaust
á eftir að vekja athygli hér á landi,
en það er FIAT Panda 4x4, eða með
drifi á öllum hjólum. Gamla Panda-
bílnum er hreinlega lyft upp og sett-
ur undir hann nýr undirvagn. Sam-
kvæmt upplýsingum FIAT-umboðs-
ins eru fyrstu bílarnir væntanlegir
hingað til lands á næstunni, en hins
vegar annar FIAT ekki eftirspurn og
því má búast við, að erfítt verði að
fá bílinn hingað í einhverju magni.
SAMSVARAR SÉR VEL
Ef litið er á nýju Pönduna, þá
samsvarar hún sér furðulega vel,
þrátt fyrir að hún sé þetta há. Um
er að ræða lítinn fjögurra manna
bíl, sem þó hefur óvenjulega mik-
ið rými. Innrétting bílsins er
þannig hönnuð, að auðvelt er að
breyta henni. T.d. er auðvelt að
leggja sætin niður og geta þá tveir
auðveldlega sofið í bílnum. Þá er
hægt að fella aftursætin fram og
gera bílinn þannig hentugan til
flutninga.
EINFALDLEIKI
Einfaldleiki er einkennandi
fyrir bílinn. Innrétting er frekar
einföld, en þó er frágangur allur
til fyrirmyndar. Mælaborðið er
samþjappað þannig að gott er
fyrir ökumann að handleika
stjórntæki bílsins. Það vekur
reyndar athygli hversu vel sér-
fræðingum FIAT hefur tekizt að
hanna mælaborðið.
FÆR GÓÐA DÓMA
Panda 4x4 fær mjög góða dóma
í erlendum bílablöðum. Segja
blaðamenn bílinn furðuseigan i
torfæru landi, auk þess sem akst-
urseiginleikar hans séu ágætir á
venjulegum vegum þrátt fyrir
hversu hár bíllinn sé. Vinnsla
bílsins er sögð ágæt, en hann er
knúinn 4 strokka, 965 rúmsenti-
metra, 48 hestafla vél. Hámarks-
hraði er sagður vera um 135
km/klst. og meðaleyðsla sam-
kvæmt mælingum nokkurra bíla-
blaða er sögð vera um 6,5 lítrar á
100 km að meðaltali í blönduðum
akstri.
MorminblaAió/Kristján Einarsson.
Sjálfstæð fjöðrun á hverju hjóli kemur mjög vel út.
One Ten, nýi Land-Rover-inn.
One Ten sá
nýjasti frá
Land-Rover
LAND-ROVER kynnti fyrr á þessu
ári nokkuð breyttan Land-Rover af
lengri gerðinni, en nýi bfllinn hlaut
nafnið One Ten. IJm er að ræða
bfl, sem er ekki ósvipaður þeim
gamla í útlíti, en hins vegar er und-
irvagn bflsins gjörbreyttur, auk
þess sem aðrar vélar eru í boði. Þá
er innréttingin öll mun skemmti-
legri.
Á dögunum voru hér á landi
staddir menn frá Land-Rover við
gerð auglýsingakvikmyndar og
gafst mér þá tækifæri til að
prófa nýja bílinn lítillega. Að
vísu var um prufubíl að ræða,
sem síðar breyttist nokkuð í
meðförum, áður en hann kom á
markað í endanlegri mynd á
dögunum.
Það sem vakti strax athygli
var hversu innréttingin er öll
skemmtilegri. Sætin eru til
muna vandaðri og allur frágang-
ur skemmtilegri. Bíllinn er með
sæti fyrir allt að tíu manns, þrír
geta setið frammi í, þrír í milli-
röðinni og síðan fjórir aftur í,
tveir hvoru megin á hliðarbekk.
Ágætlega fer um ökumann og
einn farþega frammi í, en veru-
lega er farið að þrengja að þeim
þriðja. Rýmið í milliröð og aftur
í er ágætt.
Fljótlega varð þess síðan vart,
að fjöðrun bílsins er allt önnur
og betri, enda er hann kominn
með sjálfstæða fjöðrun á hvert
hjól. One Ten liggur ágætlega á
vegi, bæði á malbikinu og á
ósléttum malarvegum. Þegar
komið er í torfærur svarar hann
furðuvel og seiglaðist áfram.
Bíllinn er boðinn ýmist með 74
eða 114 hestafla benzínvélum,
eða með 60 hestafla dísilvél. Bíll-
inn, sem var hér á landi, var með
dísilvél, reyndar ekki þeirri sem
verður í bílnum í endanlegri
mynd. Hann var alveg ágætlega
kraftmikill, þannig að hægt er
að komast furðulangt á bílnum í
torfæru landslagi.
One Ten er með 5 gíra kassa,
þann sama og nú er boðinn í
Range-Rover-bíIunum og kemur
hann vel út. Skipting er mjög
haganleg, reyndar mun
skemmtilegri, en verið hefur f
fjögurra gíra Range-Rover-bíl-
unum. Kassinn er allur massív-
ari.