Morgunblaðið - 09.03.1984, Blaðsíða 12

MORGUNBLAÐIÐ, FÖSTUDAGUR 9. MARZ 1984
Stöðumælar eyðilagð-
ir og myntinni stolið
FLESTIR stöðumælar í Reykjavík
hafa verið eyðilagðir, brotnir upp
og peningum stolið úr þeim. í
gærmorgun voru 24 mælar sendir
til viðgerða eftir að þeir höfðu ver-
ið brotnir upp og peningunum,
milli 200 og -300 krónur, teknir úr
þeim um helgina. Að sögn Ámunda
Isfelds, yfirmanns stöðumæla-
vörzlu hjá Reykjavíkurborg, er bú-
ið að brjóta upp um 800 stöðumæla
af liðlega eitt þúsund í eigu borgar-
innar.
Hver stöðumælir kostar um 14
þúsund krónur, þannig að tjónið
er tilfinnanlegt. „A hverjum
morgni höfum við komið að
mörgum stöðumælum, sem hafa
verið eyðilagðir. Þetta er farald-
ur sem hefur gengið yfir og virð-
ist sem unglingar hafi verið að
verki til að fjármagna fíkn sína í
spilakassa," sagði Amundi.
Starfsmenn þorgarinnar hafa
reynt að gera við stöðumælana
jafnharðan og sett þá á staurana
á nýjan leik, en ekki haft undan.
Heilu göturnar eru án stöðu-
mæla, sem eru til viðgerðar.
Morgunbladið/Júlíus.
Eftirspurn eftir bíla-
símum hefur aukizt
NÝVERIÐ voru tollar og að-
flutningsgjöld á bílasímum lögð
af. Morgunblaðið hafði sam-
band við Dóru Snorradóttur hjá
Georg Ásmundasyni & co., en
það fyrirtæki flytur inn bflasíma.
Aðspurð sagði hún eftirspurn
eftir bílasímum hefði verið tölu-
verð og afnám áðurnefndra
gjalda yrði síst til að draga úr
henni, því að verð símanna hefði
lækkað úr 115.000 kr. niður í
59.800 kr.
Þórður Magnússon hjá Heim-
ilistækjum hf. tók í sama
streng, sagði pantanir hafa
stóraukist eftir niðurfellingu
tolla og aðflutningsgjalda, sím-
tólið kostaði nú_57.500 kr., en
hafi áður kostað 105.000 kr.
Kostnaður við ísetningu bíla-
símans er frá 2.000 kr. eftir teg-
und bifreiðar. Opnunargjald
nemur 4.322,50 kr. með sölu-
skatti, en afnotagjald er 710 kr.
ársfjórðungslega. Mínútan
kostar 4,30 kr. og afgreiðslu-
gjald er 4,80 kr.
Skilyrði til notkunar bílasíma
eru góð á Norður- og Suður-
landi, en lakari á Vest- og Aust-
fjörðum. Stendur til að fylla
upp þær gloppur, sem á kerfinu
eru, og hafa 12 endurvarpar
þegar verið teknir í notkun.
Eru sem stendur tengdar 7
eða 8 rásir, sem á næstunni
verður fjölgað í 30 til að dreifa
því álagi, sem bílasíminn mun
hafa í för með sér.
Símtæki þessi eru til mikilla
þæginda fyrir lækna, dýra-
lækna, lögreglu og björgunar-
sveitir sem og bændur og aðra í
dreifbýli, því að oftlega slitna
símalínur úti á landi undan
snjóþunga og vetrarhörkum.
Verzlunarhringurinn Euromarche:
Kannar matvæla-
framboð hérlendis
ÞRÍR franskir kaupsýslumenn frá
matvælaverzlunarhringnum Euro-
marche í Frakklandi koma til ís-
lands 19. til 21. aprfl nk. Frakkarnir
hafa verið í sambandi við Albert
Guðmundsson fjármálaráðherra
sem greiða mun götu þeirra hérlend-
is, en þeir koma hingað í þeim til-
gangi að kanna möguleika á mat-
vörukaupum.
Albert Guðmundsson fjármála-
ráðherra sagði þetta franska
fyrirtæki eiga nokkurn hundruð
matvöruverzlanir í Frakklandi.
Hingað kæmu framkvæmdastjóri
fyrirtækisins, innkaupastjóri og
lögfræðingur og hefðu þeir hug á
kaupum á alls kyns matvælum,
allt frá nýmeti svo sem lambakjöti
og fiski og upp í dósamat. Albert
sagðist hafa í hyggju að innlendir
söluaðilar matvæla kæmu upp
nokkurs konar kynningarsýningu
fyrir Frakkana, en ljóst væri að ef
þeim líkaði það sem þeir sæju
mætti reikna með umfangsmikl-
um sölusamningum.
Hátt á annað hundrað félagar í Frjálsa lífeyrissjóðnum:
Ávöxtun sjóðsins hef-
ur verið mjög góð
- segir Gunnar Helgi Hálfdánarson, framkvæmdastjóri Fjár-
festingarfélags íslands, sem hefur umsjón með sjóðnum
„SJÓÐURINN hefur ekki verið
kynntur að neinu ráði fyrr en nú, en
sjóðfélagar eru nú hátt á annað
hundrað talsins úr ýmsum stéttum
þjóðfélagsins," sagði Gunnar Helgi
llálfdánarson, framkvæmdastjóri
Fjárfestingarfélags íslands, í sam-
tali við Morgunblaðið um starfsemi
Frjálsa lífeyrissjóðsins, sem félagið
hefur umsjá með.
„Sjóðurinn var stofnaður fyrir
nokkrum árum og hefur ávöxtun
hans verið mjög góð til þessa, eða
nokkuð umfram almennar verð-
lagsbreytingar í þjóðfélaginu,"
sagði Gunnar Helgi ennfremur.
Það kom fram í samtalinu við
Gunnar Helga, að sjóðurinn væri
sérsjóður og lánastarfsemi væri
ekki stunduð úr honum. Sjóðfélag-
ar fengju einfaldlega til baka það
sem þeir hefðu greitt inn á tíma-
bilinu, að viðbættri ávöxtun.
„Frjálsi lífeyrissjóðurinn starf-
ar í tveimur deildum. Annars veg-
ar sem grunnsjóður, en félagar
geta orðið allir einstaklingar, sem
leggja stund á atvinnurekstur í
eigin nafni eða annarra eða eru
ekki lögskyldaðir til að vera í öðr-
um sjóðum. Hins vegar er svokall-
aður umframsjóður, en í honum
geta allir orðið félagar, sem vegna
hárra launa fá ekki að greiða fullt
iðgjald til lífeyrissjóðs síns né
njóta fulls mótframlags atvinnu-
rekenda," sagði Gunnar Helgi
Hálfdánarson, framkvæmdastjóri
Fjárfestingarfélagsins, að end-
ingu.
Jón Engilberts
- eftir Svein
Björnsson
Af því að mér finnst dálítið
hljótt um sýningu Jóns Engil-
berts í safni ASÍ við Grensásveg
er ég knúinn til að stinga niður
penna.
Þessar myndir, sem þar eru
sýndar og hafa ekki verið sýndar
áður, eru að mínum dómi af-
burðagóðar, jafnar og fjölbreytt-
ar. Fólk gerir sér kannski ekki
grein fyrir að þetta eru sjálfstæð
listaverk, hvert fyrir sig. Þetta
eru verk, sem listamaðurinn ger-
ir í afslöppun og eiginlega í al-
gjörri hvíld frá vinnu við stór
olíumálverk og er jafnvel kominn
á hótel í útlandinu. Það getur
verið að hann hafi ætlað að nota
þessar litlu myndir í stærri verk,
en mitt álit er að þegar svona
verk eru gerð, þá geri listamað-
urinn stundum bestu verk sín.
Það vill svo til að ég þekkti vel
gengna afburðalistamenn, svo
sem Kjarval, Scheving og Jón
Engilberts og sá svona litlar
myndir hjá þeim öllum, sem, eins
og þessar myndir Jóns, höfðu
mikil áhrif á mig en ég var þá að
byrja í þessari erfiðu listgrein.
Þetta hafa verið kallaðar „skiss-
ur“ sem er ekki alveg rétt, því oft
eru þessar litlu myndir mestu
perlur listamannsins. Stundum
eru þær mjög litlar eins og t.d.
hjá Scheving, þar sem þær voru
litlu stærri en frímerki.
Það kemur í ljós á þessari sýn-
ingu í Listasafni ASÍ að mynd-
irnar eru svo jafnar að gæðum að
erfitt er að gera upp á milli
þeirra, en það er sjaldan með
stór verk.
Mér finnst að listasöfn í Iand-
inu ættu að kappkosta að ná sér í
slík verk, þar sem þau eru ótrú-
lega lágt verðlögð. Það er dálítið
skrítið að slíkt skuli ekki hafa
gerst nú. Það er eins og skilning-
ur sé ekki fyrir hverslags fjár-
sjóður og gildi er í slíkum verk-
um. Slíkt hneyksli átti sér stað
nýlega, er svona perlur voru til
sýnis eftir Þorvald Skúlason.
Það er eins og forstöðumenn
þessara listasafna okkar, opin-
berra eða hálfopinberra, skilji
ekki hversu mikil þörf er fyrir
söfnin að eignast slíkar myndir.
Þessar myndir Jóns í Lista-
safni ASÍ hafa verið nefndar
„Myndir úr lífi mínu“, sem er
ágætt heiti. Þær sýna vel hvað
Jón var sjálfstæður listamaður
og persónulegur og ólíkur öðrum
íslenskum listamönnum.
Kannski fór það í taugar ýmissa
hér á landi eins og brenna hefur
viljað við enn í dag, en slík per-
sónuleg tök eru höfuðprýði góðs
listamanns.
Sveinn Björnsson er rannsóknar-
lögreglumadur í Hafnarfírdi og
þjóökunnur listamaður.