Morgunblaðið - 09.03.1984, Blaðsíða 26

26
MORGUNBLAÐIÐ, FÖSTUDAGUR 9. MARZ 1984
Frá Træðslufundi um sýkingavarnir á sjúkrahúsum í Domus Medica 1. mars sl.
Fjölmennur fræðslu-
fundur um sýkingavarnir
FRÆÐSLUFUNDUR Samtaka um
sýkingavamir á sjúkrahúsum var
haldinn 1. mars sl. og sóttu hann
um 240 manns.
í fréttatilkynningu sem Morg-
unblaðinu hefur borist segir
meðal annars: „Þetta var fjöl-
mennasti fundur um heilbrigð-
ismál, sem haldinn hefur verið í
Domus Medica og sennilega á
landinu, eingöngu með innlend-
um þátttakendum og ekki tengd-
ur neinni ráðstefnu.
Fjölmargir þættir sýkinga-
varna voru ræddir af hjúkrunar-
fræðingum, læknum og lyfja-
fræðingum og margar fyrir-
spurnir fram bornar. Þetta sýnir
mikinn áhuga starfsliðs sjúkra-
húsa á sýkingavörnum, en sýk-
ingavarnir er næstum það eina
svið í rekstri sjúkrahúsa þar sem
bættur hagur sjúklinga og
sparsemi í rekstri fer saman
báðum aðilum í hag.“
Samtökin voru stofnuð 8. mars
1983. Markmið þeirra er meðal
annars að efla sýkingavarnir og
hindra sýkingar á sjúkrahúsum.
Skipulagðar kannanir á tíðni
sýkinga á sjúkrahúsum hafa far-
ið fram hér á landi um fimm ára
skeið.
Stjórn samtakanna skipa Ar-
inbjörn Kolbeinsson, yfirlæknir,
formaður; Ingibjörg Guðmunds-
dóttir, hjúkrunarfram-
kvæmdastjóri, ritari; Ása St.
Atladóttir, sýkingavarnahjúkr-
unarfræðingur, gjaldk.; Inga
Teitsdóttir, sýkingavarnahjúkr-
unarfræðingur, meðstjórnandi;
Sigurður B. Þorsteinsson, lækn-
ir, meðstjórnandi.
V-Húnavatnssýsla:
„Gullna hliðið“ sýnt
við góðar undirtektir
StaAarbakka. 6. mar.s.
Ekki fer það á milli mála að
mönnum hafa fundist undanfarnir
mánuðir fremur erfiðir. Þó er ekki
hægt að segja að hér hafi komið nein
aftakaveður og frost hafa ekki verið
hörð í febrúar, en það hefur verið
mjög óstillt. Snjó hefur leyst nokkuð
en þó er allvetrarlegt víða og alstað-
ar mikil svellalög og hagar lélegir.
En þó vetur konungur hafi ekki sýnt
okkur neina sérstaka blíðu, hafa
V-Húnvetningar ekki látið það á sig
fá og haldið hin hefðbundnu þorra-
blót með venjulegu sniði í ölium
samkomuhúsum sýslunnar.
Þar eru alstaðar matföng mikil
og kjarngóð og auk þess er sitt-
hvað gert til að hressa andann,
fluttir annálar í ýmsum formum,
lesnir, sungnir eða í leikstíl, sagðir
brandarar og skrýtlur, fluttir smá
leikþættir og sitthvað fleira. Allt
er þetta að mestu heimatilbúið.
Nú stendur yfir spurninga-
keppni á vegum ungmennasam-
bands V-Húnvetninga. Er það á
milli ýmissa félaga hreppanna og
verða fjórar samkomur. Þegar
hafa tvær verið haldnar. Ásamt
keppninni eru alltaf einhver
skemmtiatriði sem félögin annast
í svipuðum anda og gerist á þorra-
blótum. Fólk fjölmennir á þessar
samkomur og virðist skemmta sér
engu síður en þó listamenn væru á
ferðinni.
Þann 1. mars síðastliðinn frum-
sýndi leikflokkuirinn á Hvamms-
tanga sjónleikinn „Gullna hliðið"
undir stjórn Þrastar Guðbjarts-
sonar. Var fullt hús og fékk leik-
urinn mjög góðar undirtektir. All-
ir þekkja þetta leikhúsverk, marg-
ir hafa séð það og heyrt það í út-
varpi. En ég hugsa að ýmsir geri
sér ekki ljóst, hve feikna mikil
vinna liggur bak viö að koma slíku
verki á svið við þær aðstæður sem
hér er við að búa. Það er því mjög
virðingarverð viðleitni til að
hressa upp á mannlífið að ráðast í
þetta og flokkurinn ætti vissulega
skilið að sýningarnar verði vel
sóttar.
Á síðastliðnu sumri stofnuðu
nokkrir ungir og hraustir menn
víðsvegar úr héraðinu flugbjörg-
unarsveit V-Húnvetninga. Meðal
fyrstu verka þeirra til fjáröflunar
mun hafa verið að þeir tóku að sér
síðari göngur á afrétt Miðfirðinga.
Síðan hafa þeir farið ýmsar smá-
ferðir til þjálfunar. Nú um síðustu
helgi fóru þeir átján saman á tíu
vélsleðum fram á Arnarvatns-
heiði. Gistu þeir í leitamannaskál-
anum Lónaborg, sem er sæmilega
gott hús með upphitunaraðstöðu.
Þetta er um 30 km vegalengd úr
byggð og gekk ferðin vel. Þeir
lentu reyndar í hríðarveðri, sér-
staklega á heimleið. Má hugsa sér
að ferðin hafi borið meiri árangur
fyrir það og við að kynnast hvaða
útbúnaður hentar best í slíkum
ferðum og hvað beri helst að var-
ast.
Benedikt.
Áfengisvarnadeild Heilsuverndarstöðvar Reykjavíkur:
Námskeið og fræðslufundir fyrir
aðstandendur vímuefnaneytenda
Dregið
í OLÍS-
getraun
OLÍUVERZLUN Lslands efndi til
verðlaunagetraunar í sérstöku
auglýsingablaði, sem fylgdi Morg-
unblaðinu fyrir nokkru. Dregið
hefur verið úr réttum svörum og
hlutu eftirtaldir verðlaun, sam-
kvæmt fréttatilkynningu, sem
Mbl. hefur borizt frá OLIS:
1. verðlaun hlaut Ýr Hinriks-
dóttir, Þórufelli 6, Reykjavík, en
verðlaun hennar er vikuferð til
Kaupmannahafnar. 2. verðlaun
hlaut Kristinn Kristinsson, Háa-
gerði 43, Reykjavík, hann hlaut í
verðlaun vikuferð til London. 3.
verðlaun, útigrill, hlaut Anna H.
Hildibrandsdóttir, Lyngmóum 1,
Garðabæ. 4. verðlaun, útigrill,
hlaut Guðrún Karla Sigurðardótt-
ir, Arnarhrauni 33, Hafnarfirði og
5. til 10. verðlaun, sem eru frjáls
úttekt hjá OLÍS fyrir 2.000 krónur
hlutu: Ólafur Átli Sigurðsson,
Kópavogsbraut 86, Kópavogi, Ás-
geir Fannar Jóhannsson, Álfheim-
um 60, Reykjavík, Haraldur V.
Ólafsson, Búlandi 8, Reykjavík,
Garðar Ingþórsson, Gnoðarvogi
52, Reykjavík, Sigurjón Grétars-
son, Breiðvangi 53, Hafnarfirði og
Ari Jóhannesson, Bólstaðarhlíð 9,
Reykjavík.
Á meðfylgjandi mynd er dregið
úr réttum lausnum.
„STARFI okkar má lýsa sem tilraun
til að benda fólki á leiðir til að lifa
lífinu án þess að vímugjafi sitji við
stjórnvölinn," sagði Lárus Már
Björnsson, félagsfræðingur á blaða-
mannafundi sem nýlega var haldinn
til kynningar á starfi áfengis-
varnadeildar Heilsuverndarstöðvar
Reykjavíkur.
Afengisvarnadeildin hefur um
sex ára skeið staöið fyrir fræðslu
og leiðbeiningum til handa að-
standendum alkóhólista og ann-
arra vímugjafaneytenda. Fer
fræðslan fram á fjögurra vikna
námskeiðum í húsakynnum SÁÁ
að Síðumúla 3. Bæði er um að
ræða kvöld- og dagnámskeið, en
námskeiðin sækja árlega um 500
manns.
Námskeiðin byggja að miklu
leyti á fræðslu um grundvallarat-
riði í farsælum mannlegum sam-
skiptum og er hópvinna þátttak-
enda mikilvægasti þáttur þeirra.
Fræðsla um skaðsemi vímugjafa
er einnig veitt á námskeiðunum og
hverjum þátttakanda sem þess
óskar er veitt einkaviðtal.
Auk námskeiðanna eru fræðslu-
fundir á sama stað á hverju
fimmtudagskvöldi. Á fundunum,
sem eru öllum opnir, er lýst afleið-
ingum neyslunnar á neytandann,
breytingum sem verða á tilfinn-
ingalífi og andlegu ástandi og
jafnvel dauða. Einnig er lýst
viðbrögðum nánustu aðstandenda
og því hvernig sjúklegt ástand
neytandans kemur með tímanum
fram í fari annarra heimil-
ismanna. Meðferðarmöguleikar
eru kynntir og fræðsluefni dreift,
auk þess sem sýnd er kvikmynd og
sagt frá starfi AA og AlAnon
samtakanna.
Auk námskeiða og fræðslufunda
hefur áfengisvarnadeildin enn-
fremur með fræðslu í skólum, fé-
lagasamtökum og ýmsum hópum
að gera og þá oftast í þvi formi að
þessir aðilar leita til deildarinnar
eftir upplýsingum og fræðslu.
Frá því að deildin tók til starfa
hefur mest borið á að þangað leiti
konur, eða um 80% þátttakenda. í
byrjun var yfirleitt um að ræða
miðaldra konur sem lengi höfðu
glímt við áfengisvandann á heim-
ilum sínum, en nú eru flestar kon-
urnar á aldrinum 20—30 ára. Þeir
karlmenn sem til deildarinnar
leita eru yfirleitt feður neytenda,
en þátttaka karlmanna og ungl-
inga hefur farið ört vaxandi.
Á blaðamannafundinum kom
m.a. fram að flestir þeir sem til
deildarinnar sækja eru búnir að
reyna allar leiðir og standa uppi
ráðalausir gegn vágestinum. Er
reynt að benda aðstandendum á
farsælar leiðir í samskiptum við
vímuefnaneytandann, þannig að
betra samband náist við hann og
aðstandendur séu betur í stakk
búnir að liðsinna honum við að
leita sér aðstoðar.
Þjónusta áfengisvarnadeildar-
innar stendur öllum til boða og
vildu forsvarsmenn hennar brýna
sérstaklega fyrir foreldrum sem
hafa áhyggjur af börnum sínum
varðandi vímugjafaneyslu, að
leita sér aðstoðar sem allra fyrst f
stað þess að bíða uns vandamálið
væri komið á alvarlegra stig.
Deildarstjóri áfengisvarnadeildar
Heilsuverndarstöðvarinnar er
Ingibjörg Björnsdóttir, en auk
hennar starfa þar sjö manns.
Ljósm. Mbl./RAX.
Fulltrúar áfengisvarnadeildarinnar. F.v. Kristín Waage, ráðgjafi, Sigurbjörg Stefánsdóttir, skrifstofumaður, Gunn-
hildur Gunnarsdóttir, ráðgjafi, Lárus Már Björnsson, félagsfræðingur og Ingibjörg Björnsdóttir, deildarstjóri. Á
myndina vantar þær Petrínu Ásgeirsdóttur, félagsráðgjafa og Guðrúnu Hafliðadóttur, fjölskylduráðgjafa.