Morgunblaðið - 14.03.1984, Blaðsíða 20

68
MORGUNBLAÐIÐ, MIÐVIKUDAGUR 14. MARZ 1984
VIÐSKIPTI
VIÐSKIPTI - EFNAHAGSMÁL - ATHAFNALÍF
— UMSJÓN SIGHVATUR BLÖNDAHL —
Hlutu styrk úr
Námssjóði VÍ
Á AÐALFIINDI Verzlunarráðs fs-
lands, 28. febrúar sl., voru afhentir
tveir styrkir úr nýstofnuðum
Námssjóði ráðsins, hvor styrkur að
upphæð kr. 50 þúsund. Styrkina
hlutu Ingólfur Skúlason og Steinn
Logi Björnsson.
Ingólfur Skúlason er fæddur
1957. Hann lauk stúdentsprófi frá
Menntaskóla Kópavogs 1977 og
kandidatsprófi í viðskiptafræði
frá Háskóla íslands 1982. Lokarit-
gerð hans fjallaði um ákvarðana-
töku stjórnvalda og birtist í Fjár-
málatíðindum sama .ár. Hann
stundar nú nám í fjármálum og
markaðsmálum við London Busi-
ness School og hyggst ljúka þar
Masters-prófi 1985.
Steinn Logi Björnsson er fæddur
1959. Hann er stúdent frá Verzl-
unarskóla íslands 1980. Hann lauk
BA-prófi í hagfræði frá Drew Uni-
versity í New Jersey 1983 og
stundar nú masters-nám við Col-
umbia University Graduate
School of Business, þar sem hann
leggur einkum stund á fjármála-
stjórn og markaðsöflun.
Námssjóður Verzlunarráðs ís-
lands var stofnaður í byrjun þessa
árs og er tilgangur hans að efla
íslenskt atvinnulíf með því að
styrkja nemendur til framhalds-
náms við erlenda háskóla eða aðra
sambærilega skóla í greinum sem
tengjast atvinnulífinu og stuðla að
framþróun þess.
Bankamenn á tölvunámskeiði.
Tæplega 200 bankastarfs-
menn sækja tölvunámskeið
Ingólfur Skúlason
Steinn Logi Björnsson
EINS og kunnugt er, er fyrirhugað
að tölvuvæða afgreiðslu í bönkum, í
því skyni að auka þjónustuna við
viðskiptavini og bæta hagræðingu í
rekstri bankanna. Allir viðskipta-
bankarnir nema Iðnaðarbankinn
hafa nú ákveðið að hafa samvinnu
við val á tækjabúnaði og hefur þegar
verið mörkuð stefna í þeim málum.
Þess má geta að Iðnaðarbankinn
tölvuvæddi sína afgreiðslu að hluta
fyrir þremur árum.
„Hér er á ferðinni mjög stórt
tölvuvæðingarverkefni, sem snert-
ir marga starfsmenn bankanna.
Hafa nokkrir bankar og sparisjóð-
ir, auk Bankamannaskólans, nú
þegar haft samstarf við stjórnun-
arfélagið um grundvallarfræðslu í
tölvufræðum fyrir starfsmenn
sína og nemendur," sagði Árni
Gunnarsson, framkvæmdastjóri
Stjórnunarfélagsins.
Markmiðið með þessum tölvu-
námskeiðum er að fræða þátttak-
endur um undirstöðuatriði er
varða tölvur, og kynna helstu
hugtök og tækjabúnað. Eiga þátt-
takendur að geta áttað sig á því
hvernig tölvan vinnur og hvað sé
hægt að framkvæma með henni. Á
myndinni má sjá þátttakendur frá
Samvinnubankanum á tölvunám-
skeiði stjórnunarfélagsins sem
haldið var vikuna 20.—23. febrúar
sl.
Nú hafa alls um 190 manns sótt
tölvunámskeið hjá stjórnunarfé-
laginu, sem haldin eru fyrir
bankastarfsmenn sérstaklega, og
enn fleiri námskeið eru í undir-
búningi. Þess má einnig geta að á
árinu 1983 sóttu um 1200 manns
89 tölvunámskeið, sem haldin voru
á því ári. Er það um 180% aukning
frá árinu 1982.
Tóbakssala jókst um
4% á síðastliðnu ári
ÁRIÐ 1983 voru seld hér á landi 524,9
tonn af tóbaki, en það er um 4,0%
meira en árið áður. Sala á sígarettum
jókst um 5,1%, vindlasalan um 2,8% og
sala á neftóbaki um 1,0%.
Hins vegar var 5,6% samdráttur í
sölu reyktóbaks. Þessar tölur eru
byggðar á upplýsingum frá Áfengis-
og tóbaksverslun ríkisins. Sígarettu-
salan f fyrra nam 437,6 milljónum
stykkja, en það samsvarar því að um
60 þúsund manns hafi reykt að með-
altali einn sígarettupakka á dag allt
árið.
Eins og kom fram í Morgunblað-
inu á dögunum jókst innflutningur
tóbaks um 40%.
Skýringin á þeim mun, sem er á
sölutölum og innflutningstölum, er
fólginn í því að birgðir af óseldu
tóbaki voru meiri en áður.
Sól hf. hefur framleiðslu á plastflöskum:
„Aðalatriðið er að flytja
þennan iðnað inn í landið“
— segir Davíð Scheving Thorsteins-
son, framkvæmdastjóri Sól hf.
„AÐALATRIÐIÐ er að með þessari
framleiðslu flytjum við þennan iðn-
að inn í landið, en hingað til höfum
við þurft að kaupa flöskurnar inn
erlendis frá,“ sagði Davíð Scheving
Thorsteinsson, framkvæmdastjóri
Sól hf., í samtali við Morgunblaðið í
tilefni þess, að fyrirtækið hefur sett
upp nýja vélarsamstæðu til fram-
leiðslu á pla.stf1ö.skum til notkunar
undir Sodastream-bragðefni og
Topp-ávaxtasafa og salatolíur, sem
Sól framleiðir.
„Okkur þótti heldur hart, að
þurfa að flytja allar þessar flöskur
inn til landsins, en heildarnotkun
okkar á ári er um 700.000 flöskur.
það var síðan í árslok 1981, að ég
komst í kynni við þessa framleiðslu,
sem er byggð á einkaleyfi DuPont',
en árið 1973 fékk fyrirtækið einka-
leyfi á framleiðslu flaskna úr svo-
kölluðu PET-efni, eða Polyethyl-
ene-terephthalate, sem er betur
þekkt undir nöfnunum Terylene og
Trevira," sagði Davíð ennfremur.
Það kom fram í samtalinu við
Davíð Scheving Thorsteinsson, að
Sól hf. væri fyrsta fyrirtækið á
Norðurlöndunum, sem framleiddi
flöskur úr PET-efni en stofnkostn-
aður væri gríðarlega mikill. Nefndi
Davíð sem dæmi, að kostnaðarverð
vélanna væri liðlega 10 milljónir
króna. Síðan þyrfti að fjárfesta í
mótum, sem kostuðu liðlega 1,2
milljónir króna. Þá væri ótalinn
kostnaður við húsnæði, sem þyrfti.
„Við byrjuðum að grafa fyrir hús-
inu 1. nóvember 1983 og var húsið
tilbúið um áramótin og nú er verk-
smiðjan að verða tilbúin. Reyndar
er framleiðsla þegar hafin af krafti,
en ýmsir aukahlutir eins og færi-
band, sem flytja mun flöskurnar í
framleiðslusali fyrirtækisins til
notkunar, eru ennþá í smíðum, en
verða komnir í gagnið innan tíðar."
Davíð Scheving var inntur eftir
helztu kostum þessara nýju
flaskna. „Fyrir utan að flytja fram-
leiðslu þessa inn í landið eru kost-
irnir þeir, að þessar flöskur eru
mun sterkari, en þær sem notaðar
hafa verið. Má þar nefna að flösk-
urnar þola allt að 10 metra fali án
þess að brotna. Flöskurnar eru
mjög tærar og fallegar. þá er
þyngdin aðeins um 1/20 af þyngd
jafnstórrar glerflösku. Toppurinn
er eins sléttur og á slípuðum kristal
MorgubliM/RAX.
Davíð Scheving Thorsteinsson, framkvæmdastjóri Sól hf., með nýju flösk-
una, en í hægri hendi er hann með klút úr terylene, sama efni og Haskan er
úr.
og þá gefur flaskan ekki frá sér
bragð í innihaldið, eins og vill vera
með ýmsar gerðir af plastflöskum.
Þá má nefna, að engin hættuleg
efni eins og klór eru notuð við fram-
leiðsluna."
Um framleiðsluferilinn sagði
Davíð Scheving: „Efnið er þurrkað
við 180 gráður í 6 klukkustundir,
þannig að kerfið er í raun sett í
gang klukkan 2 á nóttunni til þess
að allt sé tilbúið klukkan 8 á
morgnana. Um er að ræða fjögurra
þrepa vél, en þar er formótið steypt
og síðan hitað. þá er það teygt og
blásið og flaskan loks kæld. Afköst
vélarinnar er um 10 flöskur á mín-
útu, þannig að’ við venjulegan
vinnutíma má áætla, að framleiðsl-
ugeta okkar sé um 1 milljón flöskur
á ári, en eins og ég sagði áður þurf-
um við um 700 þúsund flöskur til
eigin framleiðslu. Framleiðslugeta
okkar væri því um 3 milljónir
flaskna ef unnið væri á þrískiptum
vöktum. I því sambandi má geta
þess, að ég hef kannað að undan-
förnu möguleikann á því, að flytja
þessar flöskur út. Engin niðurstaða
hefur ennþá fengizt í því sambandi,
en ég sé því ekkert til fyrirstöðu, að
hefja útflutning á flöskum héðan,
auk þess sem ýmsir inniendir aðilar
eins og gosdrykkjaframleiðendur
ættu að geta fært sér þessa fram-
leiðslu í nyt.“
Vélarnar eru keyptar inn frá Jap-
an, en hráefnið fær Sól hins vegar
aðallega frá Bretlandi og Vestur-
Þýzkalandi. Hráefnið kemur í formi
lítilla plastkúla og eru í 1 tonns
pakkningum. Davíð Scheving gat
þess til gamans, að það hefði tekið
uppfinningamann DuPont um 25 ár
að finna upp þessa framleiðsluað-
ferð. Hönnun flöskunnar, sem
framleidd er hér á landi, stóð hins
vegar yfir frá 21. marz 1983 til 9.
ágúst 1983. „Tíminn frá því að
fyrsti fundur var haldinn ytra og
þar til fyrsta flaskan var framleidd
var 2 ár og 2 mánuðir, en fundir
hafa verið haldnir í 8 löndum í 12
borgum, fyrir utan Reykjavík,"
sagði Davíð Scheving Thorsteins-
son, framkvæmdastjóri Sól hf., að
endingu.