Morgunblaðið - 08.05.1984, Blaðsíða 36
Vff / ________________ ...
36 MORGUNBLAÐIÐ, ÞRIÐJUDAGUR 8. MAÍ 1984
Jón Gunnlaugsson
læknir — sjötugur
Eðli veraldar er vandi að skilja
og vefst það fyrir flestum
mönnum enn í dag. Mannseðlið er
þar margslungnast enda maður-
inn kóróna lífeðlisins og sköpun-
arinnar eða svo er okkur flestum
kennt.
Hvaðan komum við og hvert
förum við, setur enn eins og fleinn
í holdi flestra hugsandi manna.
Lífsgátuna reynum við að leysa
með þrennum hætti í dag:
1. Með vísindalegum rannsókn-
araðferðum eða á raunvísinda-
legan hátt. 2. Með hugmyndafræði
eða heimspeki. 3. Með einlægri trú
á guð og okkur æðra og óskiljan-
legt vald.
Lífsviðhorf og lífssýn flestra
mun þó mótað af öllum þessum
þáttum, þó að dæmi séu til um það
að aðeins einn háttur ráði ríkjum í
mati manna. En lffeðlið og maður-
inn eru þrátt fyrir allt ekki fræði-
greinar, ekki formúla stærðfræð-
ings eða fagurfræði listamannsins
heldur viðbrögð og svör við þeim
vandamálum, sem það að vera til
krefst lausnar á.
Læknisfræðin er núorðið oftast
talin til vísindagreina enda nálg-
ast læknar nú verkefni sín á
raunvísindalegan hátt. En læknis-
fræðin stendur á krossgötum allra
annarra vísindagreina. Hún fæst
við manninn sjálfan og meðal
annars hæfni hans til þess að
skynja og skilja, rannsaka sig
sjálfan. Það gefur augaleið að mat
mannsins á eigin gjörðum hvort
heldur ræðir um vfsindi eða annað
veraldarvafstur hlýtur að verða
vafa undirorpið. En læknir er
mannlegra og mýkra hugtak en
læknisfræði, því að kaldar yrðu
þær lækningar sem fylgdu fræði-
greininni f einu og öllu. Maðurinn
er ekki úr efni einu saman en það
er á efnishluta mannsins sem
læknisfræðin hefur helst náð valdi
og veit eitthvað um. Maðurinn er
gæddur lffi f lfkama, anda í efni,
sál sem sér og skynjar vídd og
breidd, nánd og firrð. Því er það
órafjarri að læknisfræðin hafi
skoðað og skilið manninn sjálfan.
Hér er þetta gert að umræðu-
efni vegna þess að þeir læknar
sem fæddir eru í byrjun tuttug-
ustu aldar hafa lifað ótrúlega
breytingu í starfi sínu. Segja má
að þeir hafi breyst úr lækni í
Iæknisfræðing en af fræðingum er
gnótt til á okkar dögum. Það er
trúa min að lækninn megi fólkið
þó ekki missa.
Jón Gunnlaugsson hefur helgað
líf sitt lækningum, nú þegar hann
er sjötugur, allt að fjóra áratugi
eða meira en mannsaldur f hinni
gömlu merkingu þess orðs. I öll
þessi ár var viðfangsefni hans
fólk, sem til hans hefur leitað
vegna sjúkdóms, vanlíðanar eða
vonleysis. Það er mikið álag fyrir
einlægan lækni að brjótast ára-
tugum saman í hyldýpi hins þjáða
og sjúka oft með berum höndum
og berskjaldaður einn á meðal
fólksins. Oftast ekkert sjúkrahús
eða stofnun sem hægt var að skýla
sér með. Það hefur margur læknir
bognað undan þessari byrði en Jón
ekki. Hann er við góða heilsu sjö-
tugur, beinn í baki, festulegur álit-
um, hnarreistur og hispurslaus
maður. Lffið hefur leitt hann í sjö
áratugi til heilsteyptrar lífssýnar
sennilega vegna þess að positiv-
isminn hefur haft sterkari tök á
honum en negativisminn og að
gerðir hans hafa verið eðlinu sam-
hljóma. Það er mikið að geta á
afmælisdegi mælt svo um mann
og vita það að í engu er ofmælt, þó
að sagt sé.
Lífið hagaði því þann veg að
dóttir mín, Guðrún, er gift syni
Jóns og Selmu, Gunnlaugi, og því
hafa kynni mín af þeim orðið önn-
ur en afspurn.
Mörg hafa þau átt börnin Jón og
Selma Kaldalóns:
Karen Oktavía Kaldalóns, ’44,
húsmóðir, Noregi, gift Henrik
Fries, framkvstj., og eiga þau 2
börn. Þorbjörg Kaldalóns, ’45,
fasteignasali, Kanada, gift
Edwald Balys, verkfræðingi, og
eiga þau 3 börn. Elsa Kristín
Kaldalóns, '47, snyrtifræðingur,
Noregi, gift Árna Olafssyni, hús-
gagnasmið, og eiga þau 4 börn.
Sólveig Kaldalóns, ’49, hjúkrunar-
fræðingur, Danmörku, gift Helge
Grane Madsen, lækni, og eiga þau
1 barn. Gunnlaugur Andreas, ’52,
cand. theol., við nám í Lundi,
kvæntur Guðrúnu Helgu Bryn-
leifsdóttur, lögfræðingi, og éiga
þau 2 börn. Sigvaldi Kaldalóns,
’54, símvirki og loftskeytamaður,
kvæntur Helgu Kristinsdóttur,
húsmóður, og eiga þau 3 börn.
Margrét Kaldalóns, ’55, félags-
ráðgjafi, hún er ógift, á eitt barn.
Þórhallur Kaldalóns, ’57, verslun-
armaður, sambýliskona Ólöf
Björnsdóttir. Þau eru barnlaus.
Eggert Stefán Kaldalóns, ’62,
verslunarmaður, ókvæntur, barn-
laus.
Svo að ættleggnum ætti að vera
borgið, þessari austfirsku og
sunnlensku blöndu, þar sem að
einu verður hljómur slaghörpunn-
ar og breiðleit ásýnd austfirskra
fjalla og skapfesta.
Það er vor í lofti. Fuglarnir eru
aftur farnir að syngja og bráðum
verður jörðin iðagræn. í maí er
mikið að gerast á íslandi. Allt
verður nú að gleði og grósku. Sjö-
tugur verður þú sigurglaður, Jón,
enda mótaður í anda vors og birtu.
Heill sé þér og þinni konu og
kynkvísl allri.
Brynleifur H. Steingrímsson
Umboðsmenn um allt land
Reykjavík
Gúmmívinnustofan hf, SKIPHOLTI 35. S.3J055 & -30360
Gúmmívinnustofan hf, RÉTTARHÁLSI 2. s.84008 & 84009
Höföadekk hf, TANGARHÖFÐA 15. s.85810
Hjólbarðastöðin sf, SKEEFAN 5. s.33804
Hjólbarðahöllin, FELLSMULA 24. s.81093
Hjólbarðaverkstæði Sigurjóns, HÁTÚNI 2a. s. 15508
Hjólbarðaverkstæði Jóns Olafssonar, ÆGISSÍÐU. s.23470
Holtadekk sf, BJARKARHOLTT, s.66401
Landíð
Hjólbarðaverkstæði Björns, LYNGÁS 5, RANG. s.99-5960
Kaupfélag Árnesinga, SELFOSSI, s.99-2000
Vélaverkstæði Björns og Kristjáns, REYÐARF'IRÐL s.97-4271
Ásbjöm Guðjónsson,STRANDGOTU 15a, ESKIF'IRÐL s.97-6337
Hjólbarðaverkstæði Jónasar, ÍSAFIKÐL s.94-3501
Hjólbarðaþjónustan, HVANNAVÖLLUM 14b, AKUREYRL s. 96-22840
Smurstöð Shell - 01is,FJÖLNISGÖTU 4a, AKUREYRL s.96-21325
Bifreiðaverkstæði Ragnars Guðmundssonar, SIGLUFIRÐL s.96-71860
Dagsverk, VALLAVEGL EGILSSTÖÐUM. s.97-1118
Hjólbarðaviðgerðin hf, SUÐURGÖTU 41, AKRANESL s.93-1379
Hjólbarðaþjónustan, DALBRAUT 13, AKRANESL s.93-1777
Bifreiðaþjónustan hf, ÞORLÁKSHÖFN. s.99-3911
Aage V Michelsen, HRAUNBÆ, HVERAGERÐL s.99-4180
Bifreiðaverkstæði Bjama, AUSTURMÖRK 11, HVERAGERÐL s.99-4535
Aðalstöðin hf, HAFNARGÖTU 86, KEFLAVÍK. s.92-1516
Reynir sf, HNJÚKABYGGÐ 31, BLÖNDUÓSI, s.95-4400
NORÐDEKK
heílsóluð radial dekk,
íslensk framíeidsía.
Framleiðandi Gúmmívinnustofan hf,
Réttarhálsi 2, R.
Við tökum fulla ábyrgð
á okkar framleiðslu
Toshiba örbylgjuofnarnir eru
með fullkominni bylgjudreifingu
Deltawave, sem er einkaleyfis-
vemduð. Rafknúinn
snúningsdiskur tryggir besta
árangur. Þú getur valið milli
5 gerða heimilisofna. Fullkomin
þjónusta.
DBTAWAVE-SFl
TOSHIBA
Pú
getur ekki
gefið
gagnlegri gjöf
EINAR FARESTVEIT & CO. HF.
BERGSTAÐASTRÆTI I0A - SlMI 16995
Með Toshiba
örbylgjuofni
sparar
þú minnst
60% af raf-
magnsnotkun við matseld, þú
sparar uppþvott, þú nýtir alla
matarafganga miklu betur og
lækkar þannig matarútgjöld fjöl-
skyldunnar.
Og síðast en ekki síst, þú styttir
þann tíma sem áður fór í matseld,
niður í hér um bil ekki neitt.
Þér er
boðið á matreiðslunámskeið
hjá Dröfn Farestveit án
endurgjalds, þar sem þú færð
íslenskan bækling með matar-
uppskriftum.
Litprentuð 192 bls.
matreiðslubók fylgireinnig.
Allar leiðbeiningar á íslensku.
Giöfin $em
- *
ræoir a