Morgunblaðið - 19.06.1984, Qupperneq 19

MORGUNBLAÐIÐ, ÞRIÐJUDAGUR 19. JÚNÍ 1984
19
Frískleg byrjun
í Vatnsdalsá
„Þetta hefur byrjað bráðvel, á
hádegi voru komnir 23 laxar á
land, en veiði hófst á laugardag-
inn,“ sagði Snorri Hauksson,
kokkur í Flóðvangi við Vatns-
dalsá.
Að sögn Snorra hafa laxarnir
verið afar vænir, aðeins einn und-
ir 10 pundum, 9 punda lax, einn 11
punda, en síðan eru allir hinir 12
til 14 punda að einum 18 punda
undanskildum, en hann er stærst-
ur. Laxarnir eru ekki með lús og
hafa flestir veiðst á maðk, en fá-
einir á flugu, einkum Þingeying.
Drýgsti veiðistaðurinn er Hóla-
kvörn og flestir laxarnir hafa
veiðst neðarlega, nokkrir einnig í
Hnausastreng.
Góð urriðaveiði
í Laxárdal
„Þetta hefur gengið alveg ljóm-
andi vel og það eru komnir um 350
urriðar á land sem náð hafa lág-
marksstærðinni, 35 sentimetrum.
Meðalþunginn er 2—3 pund og sil-
ungurinn er feitur og fínn, sér-
staklega sá smærri," sagði
Hólmfríður Jónsdóttir, veiðieftir-
litsmaður við efra veiðisvæði Lax-
ár í Laxárdal, í samtali við blm.
Mbl. í gær.
Hólmfríður sagði að veiði hefði
hafist 1. júní og fyrsta daginn
veiddust 35 fiskar á 5 stangir, en
veiða má á 18 stangir á svæðinu og
hefur sjaldnast til þessa verið full-
bókað. Stærsta fiskinn til þessa
veiddi Guðjón Tómasson við Þúfu
í Hofstaðaey, það var 6 punda
fiskur og flugan Dimma. Vinsæl-
ustu flugurnar eru að vanda
straumflugurnar Þingeyingur og
Hólmfríður, en einnig hefur Black
Ghost gefist vel, auk þess sem urr-
iðinn hefur gefið sig betur en oft
áður að hefðbundnum silungaflug-
um eins og Black Zulu. Einungis
er um fluguveiði að ræða á þessum
slóðum og sendi Hólmfríður tvo
veiðimenn til síns heima um dag-
inn eftir að hafa staðið þá að því
að beita með slímugum maðkin-
um.
Vigfús Hallgrímsson, veiðivörð-
ur við neðra svæðið, sagði í sam-
tali að 120 silungar hefðu verið
skráðir, en öll kurl væru ekki kom-
in til grafar auk þess sem fremur
fáar stangir hefðu verið í ánni
þrátt fyrir 14 stanga leyfilegt há-
mark. Hann sagði að vel hefði
veiðst fram að hvítasunnu, en
minnkað síðan. Stærsta fiskinn
veiddi Hermann Brynjarsson í Ár-
gilsstaðaflóa, 6,5 punda fisk á
Þingeying, straumflugu. Þórir
Magnússon veiddi tvo 6 punda,
annars er meðalþunginn keimlík-
ur og efra hjá Hólmfríði.
Víðidalsá dræm
Vignir Kristjánsson í veiðihús-
inu Tjarnarbrekku við Víðidalsá
sagði í gær, að 19 laxar væru
komnir á land, en veiðin hófst þar
á föstudagsmorguninn. „Þeir öfl-
uðu strax vel, veiddu fyrstu laxana
á fyrstu mínútunum og 14 fiskar
veiddust þennan fyrsta dag. Á
laugardaginn komu svo 4 iaxar á
land, á sunnudaginn enginn og i
morgun aðeins 1,“ sagði Vignir.
Hann gat þess einnig, að laxarn-
ir væru allir vænir, 10 til 12 punda
og sá stærsti 14 punda. Flestir
hafa veiðst í Fitjá og allir á „buff“.
Veitt er á 8 stangir í Víðidalsá, 6 í
nágrannaelfunni Vatnsdalsá.
Við fallegan veiðistað.
Edda Helgason:
Viðskipta- og mark-
aðsfulltrúi hjá Citybank
EDDA Helgason hefur verið ráðinn
viðskipta- og markaðsfulltrúi hjá
Citybank of London í skipa- og Is-
landsdeild bankans. í samtali við
Mbl. sagði Edda að starfíð væri
einkum fólgið í samskiptum bank-
ans og viðskiptamanna og yfírsýn yf-
ir þau viðskipti, auk þess sem hún
sæi ura að kynna þær nýjungar sem
bankinn hefur upp á að bjóða hverju
sinni á sviði fjármálaþjónustu.
Edda Helgason er fædd 14. apríl
1957 og lauk stúdentsprófi frá
Menntaskólanum í Hamrahlíð
1976. Hún lauk BA-prófi í hag-
fræði frá Columbiaháskóla í janú-
ar 1980 og MBA-prófi í rekstrarh-
agfræði frá sama skóla réttum
tveimur árum síðar. Edda starfaði
hjá útflutningsmiðstöð iðnaðarins
1982—e3 og var síðan markaðs-
ráðgjafi í eitt ár hjá fyrirtæki.
sem skipulagði ferðir í Indlandi og
Nepal. Starfinu hjá Citybank tók
Edda við í febrúar sl.
Citybank of London er hluti
Cyticorp-fyrirtækisins og er tal-
inn stærsti banki heims, sam-
kvæmt alþjóðlegum staðli. Heild-
arvelta bankans siðasta ár nam
1424 milljónum dollara, en eignir
bankans eru metnar á rúmar 24
milljónir dollara.
Club Méd er aðeins fyrirþá sem gera kröfur: Club Méd keðjan, sem rekur mörg hundruð
sumardvalarstaði víðs vegar um heimmn, er eitt virtasta og frægasta fyrirtæki sinnar tegundar. Úrval
hefurnú náð samningum við Club Méd, sem gera kleiftað bjóða í sumar dvöl á nokkrum hinna víð-
frægu klúbbstaða. Club Méd erútaf fyrir sig á afmörkuðu svæði, oftast er sérstakt klúbbhús
þar þar sem veitt er öll möguleg þjónusta og gisting er svo ýmist í íbúðum eða smáhýsum.
Aðalatriðið er að allt er innifalið: Oisting, fulltfæði, borðvín, öll þjónusta (ekkert
tips), tilsögn, aðgangur og afnot af alls konar íþróttaaðstöðu, s.s. tennis, golfi, siglingum,
sjóskíðum, köfun, seglbrettum, bogfimi, boltaleikjum, hestamennsku, hjólreiðum, . .
heilsurækt og jóga; aðgangur að skemmtunum og diskótekum, barnagæsla, skoðunar-
ferðir og fjölmargt fleira. ísumum Club Méd stöðunum þarfþó að borga aukalega t.d.
fyrir hestaleigu og golf.
Hjá Club Méd á ókeypis ekkert skylt við ómerkilegt: Allt er 1. flokks og miðað
við kröfur hinna vandíátustu. Pess vegna verður Club Méd heldur aldrei ódýrt, - en
tölurnar eru samt ótrúlega lágar þegar litið er á allt það sem er innifalið.
Club Méd St. Aubin Sur Gaillon í Normandy, klukkustundar akstur frá París.
Flug og 2 vikur kr. 23.500.
Club Méd Grand Hotel Vittel í Champagne 5 klst. akstur frá París.
Flug og 2 vikur kr. 29.100.
Club Méd Cargése á Korsíku 1 vika og 1 vika á Hótel
Montparnasse Park í París. Kr. 29.300.
Allt flug innifalið.
Brottför: 1/7, 15/7, 29/7, 12/8.
FBHOSKimrOHN ÚRVU.
Ert þú ekki samferða f sumar?
Síminn er 26900.