Morgunblaðið - 23.06.1984, Page 26

26
MORGUNBLAÐIÐ, LAUGARDAGUR 23. JÚNÍ 1984
Fundir heilbrigðis- og
tryggingamálaráðherra
í læknishéruðum
NÆSTU fundir heilbrigdis- og trygg-
ingamáiaráðherra, Matthíasar
Bjarnasonar, í læknishéruðum eru
fyrirhugaðir sem hér segir:
í Reykjaneshéraði.
í Keflavík 25. júní í Glóðinni,
kl.20.30.
í Hafnarfírði 26. júní í samkomu-
sal Hrafnistu, kl. 20.30.
Ræðumenn á fundinum, auk
ráðherra, verða Hilmar Björg-
vinsson, deildarstjóri, sem ræðir
um almannatryggingar, Jóhannes
Pálmason, framkvæmdastjóri,
sem ræðir um sjúkrahúsrekstur
og Kristinn Guðmundsson, yfir-
læknir, sem ræðir um heilaskurð-
lækningar.
Fundirnir eru öllum opnir.
(FrétUtilkynning.)
Tímarit
lögfræðinga
— 1. tölublað komið út
ÚT ER komið tímarit lögfræðinga,
1. hefti á þessu ári. Meðal efnis má
nefna grein eftir Arnljót Björns-
son, prófessor, um bótaskyldu án
sakar, og grein eftir Björn Þ. Guð-
mundsson, þar sem hann reifar
hæstaréttardóm frá 1981.
Ritstjóri Tímarits lögfræðinga
er Jónatan Þórmundsson og er
þetta fyrsta hefti tímaritsins sem
hann ritstýrir.
Jónatan Þórmundsson
Leikári Þjóðleikhússins lýkur:
Síðustu sýningar á
„Gæjum og píum“
LEIKÁRI Þjóðleikhússins lýkur
fímmtudaginn 28. júní með 45. sýn-
ingu á söngleiknum „Gæjar og pí-
ur“. Einnig verða sýningar á söng-
leiknum þriðjudags- og miðviku-
dagskvöld 26. og 27. júní, en nú hafa
yfir 20 þús. manns séð „Gæja og
píur“ í uppfærslu Þjóðleikhússins.
Leikstjórar sýningarinnar eru
Kenn Oldfield og Benedikt Árna-
son og hljómsveitarstjóri er Þórir
Baldursson. Með helstu hlutverk í
söngleiknum fara Ragnheiður
Steindórsdóttir, Egill Olafsson,
Sigríður Þorvaldsdóttir, Bessi
Bjarnason, Flosi ólafsson og Sig-
urður Sigurjónsson.
Kvennalistinn
á Akureyri and-
vígur álveri
við Eyjafjörð
KVENNALISTINN á Akureyri hélt
almennan fund á Akureyri 16. júní
sl. Þar ályktaði fundurinn að at-
vinnuvandi Eyfírðinga verður ekki
leystur með byggingu álvers, að því
er segir í fréttatilkynningu Kvenna-
listans á Akureyri.
í ályktun Kvennalistans segir
einnig að í kjölfar byggingar ál-
vers, fylgi stórauknar skuldir og
væri ráðlegra að beina fjármagni
til atvinnuuppbyggingar sem
veitti fleira fólki vinnu við holl
skilyrði.
1NNLENTT
Borgarstjórn verði heimilt
að veita leyfi til hundahalds
Skráningargjald 4.800 kr. á ári samkvæmt tillögum að nýjum reglum um hundahald
Á FÚNDI borgarstjórnar Reykja-
víkur síðastliðinn fímmtudag var
lögð fram til fyrri umræðu tillaga
að nýrri samþykkt um hundahald
í borginni. Samkvæmt henni er
gert ráð fyrir að borgarstjórn sé
heimilt að veita lögráða einstakl-
ingum, sem búa í Reykjavík, leyfí
til hundahalds í lögsagnarum-
dæmi Reykjavíkur með nánari til-
greindum skilyrðum.
Tillagan gerir meðal annars
ráð fyrir að innheimt verði
skráningargjald, 400 krónur á
mánuði eða 4.800 krónur sam-
tals á ári, fyrir hvern hund sem
veitt er leyfi fyrir og verði það
innheimt fyrirfram í eitt ár
þann 1. mars ár hvert. Gert er
ráð fyrir að gjald þetta standi
undir kostnaði borgarinnar
vegna hundanna en hunda-
hreinsun og ábyrgðartrygging
eru ekki innifalin í þessu gjaldi.
Ennfremur er gert ráð fyrir því
að leitað skuli eftir afstöðu
borgarbúa til hundahalds í
borginni með því að bera það
undir atkvæði allra atkvæðis-
bærra borgarbúa, þegar nokkur
reynsla er fengin af fram-
kvæmd samþykktarinnar, þó
ekki síðar en 4 árum eftir gild-
istöku hennar. Tillögunni var
vísað til síðari umræðu með
samhljóða atkvæðum borgar-
fulltrúa.
Heilbrigðisráð hefur fjallað
um tillöguna. í greinargerð
þess, sem lögð var fram á fund-
inum gerir það tillögu um tölu-
verðar breytingar á efni sam-
þykktarinnar. Leggur ráðið til
að hundahald verði bannað í
Reykjavík, en að borgarstjórn
hafi heimild til að veita nokkr-
um aðilum undanþágu frá því
banni vegna þeirrar starfsemi
sem þeir annast svo sem við ör-
yggisgæslu og fyrir blinda og
sjónskerta. Ráðið telur nauð-
synlegt að banna dvöl aðkomu-
hunda frá öðrum lögsagnar-
umdæmum í borginni til að
auðvelda eftirlitið og varar við
hættu sem stafað getur af
skipshundum. Ennfremur gerir
heilbrigðisráð meðal annars til-
lögu um að borgarstjórn verði
heimilt til reynslu að veita
þeim lögráða Reykvíkingum,
sem halda hunda við gildistöku
samþykktar, sem gerir ráð
fyrir að hundahald verði bann-
að, undanþágu frá banni á með-
an dýrin lifa.
Matthías Bjarnason
„Lykilorðið er
endurmenntun“
Stjórnunarfélag fslands tekur við rekstri Málaskólans Mímis
„MÉR þykir rétt að kveðja núna.
Það eru komnir nýir tímar og nýir
menn og Stjórnunarfélag íslands
hefur sýnt að það stefnir fram á
við,“ sagði Einar Pálsson á blaða-
mannafundi, sem Stjórnunarfélag
íslands boðaði til í tilefni þess, að
félagið hefur tekið við rekstri
Málaskólans Mímis, sem Einar
Pálsson hefur rekið einn frá árinu
1954.
Sigurður Helgason, stjórnar-
formaður Stjórnunarfélagsins,
sagði að félaginu hefði þótt vel
til fallið að taka yfir rekstur
skólans, þar sem lykilorðið væri
það sama hjá báðum stofnunum,
þ.e. endurmenntun. „Einar
Pálsson og skóli hans hafa verið
á svipaðri línu og við og með því
að taka við rekstri skólans erum
við að víkka okkar starf á sviði
endurmenntunar. Það starf felst
í því að styðja við bakið á
menntakerfinu eins og það er í
dag og gefa fólki kost á að bæta
við sig kunnáttu eftir að eigin-
legri skólagöngu þess er lokið.
Til þess að sinna slíkum þörfum
getur svona stofnun verið til
mikillar hjálpar," sagði Sigurð-
ur.
Málaskólinn Mímir var stofn-
aður árið 1947 af Halldóri P.
Dungal. Eignaðist Einar Pálsson
skólann að hálfu árið 1952 en að
fullu 1954 og hefur hann rekið
skólann einn síðan. Á þessum ár-
um sem liðin eru hefur skólinn
skapað sér nafn sem leiðandi að-
ili í tungumálafræðslu fyrir al-
menning á íslandi og hafa þús-
undir íslendinga sótt námskeið
skólans. Einnig er útlendingum
kennd íslenska við skólann og
hefur Einar Pálsson samið
námsefnið, sem notað er við þá
kennslu. Þá hefur skólinn geng-
ist fyrir einkaritaranámskeið-
um, þeirra á meðal Pitman-
námskeiðunum, sem haldin eru
hér á landi með sérstöku leyfi
frá samnefndri stofnun í Eng-
landi.
„Það er erfitt að gera sér grein
fyrir þeim gífurlegu breytingum,
sem átt hafa sér stað síðan
Málaskólinn Mímir hóf göngu
sína,“ sagði Einar Pálsson. „Þá
var ekki búið að finna upp segul-
bandið eða nein kennslugögn
önnur en bókina og tíðarandinn
var sá, að kennarinn hefði allan
réttinn og nemandinn engan. Við
snerum þessu við, styttum nám-
ið og gerðum það aðgengilegra,
þannig að nemendur gætu lært
tungumál án málfræðistagls."
Ekki munu fyrirhugaðar mikl-
ar breytingar á starfi Málaskól-
ans Mímis, að sögn forráða-
manna Stjórnunarfélagsins,
heldur verður byggt á þeim
grunni, sem mótaður hefur verið
og hann efldur.
Einar Pálsson lætur nú af
störfum til þess að geta helgað
sig fræðistörfum eingöngu. En
hann mun eiga sæti í skólastjórn
Mímis og „fá að hafa fingurinn á
slagæð framfaranna," eins og
hann orðaði það.
(Ljósm. Mbl. Emilía.)
Einar Pálsson, eigandi og skólastjóri Málaskólans Mímis, og Sigurður Heigason, stjórnarformaður Stjórnunar-
félagsins, takast í hendur. í miðjunni stendur Árni Gunnarsson, framkvæmdastjóri Stjórnunarfélags íslands.
Þeir Einar og Sigurður halda á skjali, sem á eru rituð helstu markmið Málaskólans Mímis, m.a. „að kenna
tungumál þannig að þau verði að sem mestu gagni á sem skemmstum tíma“.