Morgunblaðið - 08.07.1984, Síða 26

26
MORGUNBLAÐIÐ, SUNNUDAGUR 8. JÚLÍ 1984
Þorsteinn Pálsson með fjölskyldu sinni á Þingvöllum í gær.
Morgunblaðiö/Rax.
Getum hæglega gert efnahags-
legt jafnvægi og framfarir
að varanlegum veruleika
býr. Arangurinn sem orðið hefur
er því að þakka að fólkið í landinu
skildi og skynjaði að með sam-
stilltu átaki og tímabundnum
fórnum í lífskjörum væri unnt að
koma á þeirri festu sem gæti lagt
grundvöll að nýrri sókn til bættra
lífskjara.
Um það leyti sem Alþingi lauk í
vor var því lýst yfir af hálfu
beggja stjórnarflokkanna að þeir
litu svo á að ríkisstjórnin stæði nú
á krossgötum. Sannarlega er það
svo að það er áður óþekkt að ríkis-
stjórn hafi innan árs náð fram öll-
um meginmarkmiðum sem um var
samið í upphafi. Af þeirri ástæðu
hefur verið talið nauðsynlegt að
semja um nýja verkefnaáætlun.
En við svo búið er ofur eðlilegt að
fólk vilji fá svör við þeirri spurn-
ingu hvað við taki. Einsýnt virðist
að verkalýðsfélögin ætli að hag-
nýta sér möguleika til þess að
leysa upp kjarasamninga á miðju
umsömdu samningstímabili.
Stjórnarandstaðan hefur þegar
tilkynnt að hún muni sameigin-
lega freista þess að hagnýta sér
þessar aðstæður til þess að ýta
undir upplausn og ringulreið á
vinnumarkaðnum. Þegar svo er
komið málum hlýtur fólkið í land-
inu að kalla eftir svörum við þeirri
spurningu hvort unnt sé að halda
áfram á þeirri braut sem lögð hef-
ur verið eða hvort það sé óumflýj-
anlegt að þjóðin rati á ný í ógöng-
ur óðaverðbólgunnar.
í raun réttri er svarið undir
okkur sjálfum komið. Ef þjóðin er
tilbúin til þess að halda barátt-
unni áfram getum við hæglega
gert efnahagslegt jafnvægi og
framfarir að varanlegum veru-
leika. Við sjálf verðum hvert fyrir
sig og öll saman að gera okkur
grein fyrir því að aukin hagsæld
og velmegun er undir því komin að
við með vinnandi höndum og
starfandi huga sýnum þolgæði og
þrautseigju til áframhaldandi
baráttu. Sjálfstæðisflokkurinn er
fyrir sitt leyti reiðubúinn hér eftir
sem hingað til að veita þá stjórn-
málalegu forustu sem til þarf.
Ræða Þorsteins Pálssonar, formanns
Sjálfstæðisflokksins, í Varðarferð
á Þingvöllum í gærmorgun
Góðir ferðafélagar!
Við erum hér á þessum júlí-
morgni saman komin á vegum
Landsmálafélagsins Varðar á
helgasta stað þjóðarinnar. Hér
eru þau vé sem umlykja stærstu
og örlagaríkustu stundir íslands-
sögunnar. Það er ánægjulegt að
við skulum að þessu sinni geta
gerí Þingvöll að fyrsta áningar-
stað í ferð okkar. Þeir menn eru til
sem telja að það eigi ekki að vera á
verkefnaskrá landsmálafélaga að
hafa forgöngu fyrir náttúruskoð-
un en við skulum hafa hugfast að
það er landið og gullkistan um-
hverfis það sem hefur alið þjóðina
og séð henni fyrir fæði og klæði.
Saga landsins og þjóðarinnar er
samofin heild þar sem hvorugt
verður frá hinu skilið. Það er á
landinu og fiskimiðunum um-
hverfis þar sem við heyjum bar-
áttuna fyrir okkar daglega brauði.
Það er einmitt fyrir þá sök sem við
höfum í Varðarferðum stillt sam-
an strengi náttúrubarnsins og
stjórnmálabaráttunnar í hjarta
okkar.
Veggir Almannagjár og lyngið á
Lögbergi helga gætu sagt okkur
mikla sögu ef náttúran mætti
mæla. Hér varð þjóðveldið til. Hér
var við kristni tekið af lýði. Hér
komu oddvitar þjóðarinnar saman
á tímum niðurlægingarinnar und-
ir erlendri stjórn. Hér hafa ís-
lendingar fjórum sinnum á liðinni
öld komið saman til mikilla þjóð-
hátíða.
Á þessum stað hefur þjóðin
fundið mátt sinn, hún hefur skynj-
að það afl sem býr í sameinaðri
þjóð þó lítil sé. Við finnum hér í
dag eins og endra nær helgi stað-
arins og þegar við á þessu ári
minnumst þess að 40 ár eru liðin
frá stofnun lýðveldis á íslandi,
skynjum við með Halldóri Lax-
ness að klukkan sem áður brast,
alskærum ómi sló út yfir vatn og
skóg, mín klukka, klukkan þín
kallar oss heim til sín.
Þessi staður kallar okkur til
verka. Við stofnun lýðveldisins
var það brýnt fyrir þjóðinni að í
raun réttri lyki sjálfstæðisbarátt-
unni aldrei. Á liðnu ári höfum við
háð harða og erfiða baráttu við
meinsemdir sem grafið höfðu um
sig í efnahags- og atvinnulífi þjóð-
arinnar. Við gengum ekki til
þeirrar baráttu vegna þess eins að
við vildum koma á festu og öryggi
og leggja grundvöll að bættum og
betri lífskjörum fólksins í landinu.
Hitt vissum við mæta vel að þessi
Hluti þátttakenda í Varðarferðinni.
barátta skiptir sköpum fyrir efna-
hagslegt sjálfstæði þjóðarinnar.
Og það er ekki síst í því ijósi sem
við höfum gert okkur grein fyrir
að því verki verður að halda
áfram.
Grundvöllur að nýrri
sókn til bættra lífskjara
Fyrir rúmu ári voru teknar
ákvarðanir um umfangsmeiri og
róttækari aðgerðir í efnahags- og
atvinnumálum en dæmi eru um á
síðari árum. Sjálfstæðisflokkur-
inn hafði þar um forustu. Honum
var það kleift vegna þeirrar sam-
stöðu sem tekist hafði innan
flokksins og vegna þess mikla at-
fylgis sem hann fékk í kosningun-
um. Sjálfvirkni verðþenslukerfis-
ins var afnumin. Breytt stefna í
gengismálum veitti nýju blóði inn
í framleiðsluatvinnuvegina og
leiddi til ört lækkandi verðbólgu.
Samhliða voru þegar í upphafi og
hafa síðar verið gerðar verulegar
ráðstafanir í skatta- og trygg-
ingamálum til þess að bæta stöðu
þess fólks sem við kröppust kjör
Nýjar viðræður
— fimm atriði
Að mörgu er að hyggja áður en
vegur er varðaður en ábyrgð á því
verki hvílir nú á herðum stjórnar-
flokkanna. Ég geri ráð fyrir að
viðræður þeirra í milli geti hafist
um miðjan næsta mánuð og ég hef
ástæðu til að ætla að þær verði
árangursríkar. Sjálfstæðisflokk-
urinn mun fyrir sitt leyti undir-
búa þessar viðræður með marg-
víslegum hætti, meðal annars með
tveimur sameiginlegum fundum
þingflokks og miðstjórnar nú á
næstu vikum.
Ég ætla að nefna hér fimm at-
Morgunbla9i#/RAX