Morgunblaðið - 13.07.1984, Blaðsíða 2
2
MORGUNBLAÐIÐ, FÖSTUDAGUR 13. JÚLÍ 1984
Hvolsvöllur:
Langferðabif-
reið ók útaf
Skemmdi og eyðilagði landbúnaðartæki
LANGFERÐABIFREIÐ er ekið var
Suðurlandsveg frá Þórsmörk á leið
til Hvolsvallar fór útaf um hádegis-
bilið í gær, á mótum Suðurlandsveg-
ar, Fljótshlíðarvegar og Austurvegar.
Auk bílstjórans voru 26 farþegar í
bifreiðinni, en engum þeirra varð
meint af útafakstrinum.
Að sögn lögreglunnar á Hvols-
velli virðist sem langferðabifreið-
in hafi verið á talsverðum hraða,
því hún fór yfir tvær graseyjar og
malarborið svæði sem er við sím-
stöðina. Þar ók hún á jarðkapal-
rúllur og utan í Ijósastaur. Ekki
vildi bifreiðin stöðvast og hélt
áfram beint á rammgerða girð-
ingu sem umlykur svæði í eigu
Kaupfélags Rangæinga. Fyrir inn-
an girðinguna voru ýmis landbún-
aðartæki, svo sem áburðardreif-
ari, heysnúningsvél og súgþurrk-
unarblásari. Lenti bifreiðin á
þessum tækjum og eyðilagði sum
þeirra en skemmdi önnur.
Að sögn bifreiðarstjórans virk-
aði hemlunarbúnaður bifreiðar-
innar ekki þegar hann ætlaði að
draga úr hraða hennar á mótum
fyrrgreindra gatnamóta. Farþeg-
unum, sem aðallega voru útlend-
ingar, var komið fyrir á hóteli en
þangað voru þeir síðan sóttir síðar
um daginn.
MorgunbladiA/Gils Jóhannsson.
Iðnaöarbanki íslands:
Hlöðver Þórarinsson.
Morgunblaöiö/Vilborg.
Sumarfríiö undirbúið
VIÐ BRYGGJUNA á Sauðárkróki lá báturinn Þórir SK-16 og var
Hlöðver Þórarinsson, einn þriggja eigenda, að dytta að henni. Hlöðver
kvaðst hafa verið á netum, en nú yrði bátnum lagt um mánaðarskeið og
tíminn notaður til að mála hann og lagfæra, auk þess sem meiningin
væri að fara í sumarfrí. Að því loknu sagðist hann væntanlega fara á
net, þó að yfirleitt væri fiskiríið fremur lélegt á haustin, en það væri
reynandi að vinna upp í kvótann, sem rúm 20 tonn væru eftir af.
Eigendur Þóris SK-I6 eru auk Hlöðvers, bróðir hans Þorbjörn Þórar-
insson og Eyjólfur Sveinsson.
Fær réttindi til að veita
alhliða gjaldeyrisþjónustu
IÐNAÐARBANKI íslands hefur nú
fengið réttindi til að veita viðskipta-
vinum sínum alhliða gjaldeyrisþjón-
ustu. Er Iðnaðarbankinn fyrsti
einkabankinn hér á landi sem fær
þessi réttindi, en fram að þessu hafa
ríkisbankarnir þrír, Landsbankinn,
Útvegsbankinn og Búnaðarbankinn
getað veitt þessa þjónustu.
Valur Valsson, bankastjóri í
Iðnaðarbankanum, sagði í samtali
við Morgunblaðið, að bankinn
myndi ekki hefja þessa þjónustu
við viðskiptavini sína fyrr en með
haustinu, því það tæki tíma að
þjálfa starfsfólk til þessara starfa
því þau krefðust talsverðrar sér-
þekkingar.
„Bankinn fékk leyfi til alhliða
gjaldeyrisþjónustu síðastliðinn
mánudag, en fram að því hafði
starfsemi gjaldeyrisdeildar bank-
ans verið takmörkuð við þjónustu
við ferðamenn og innlána á gjald-
eyrisreikninga,“ sagði Valur. „Með
þessu leyfi komum við til með að
geta sinnt bankaþjónustu vegna
inn- og útflutnings, sem ríkis-
bankarnir einir höfðu áður leyfi
til.
Við ráðgerum að framkvæma
þessa þjónustu þannig að hún
muni valda sem minnstum kostn-
aði og ekki verður bætt við starfs-
fólki. Þá munum við eftir sem áð-
ur starfa í samvinnu við Útvegs-
bankann varðandi gjaldeyrismál-
in.
Undanfarin 30 ár hefur Iðnað-
arbankinn leitast við að fá rétt-
indi til fullrar gjaldeyrisþjónustu
við sína viðskiptavini og því má
segja að við stöndum á vissum
tímamótum í sögu bankans. Við
höfum talið erlend viðskipti vera
eðlilegan þátt í alhliða bankaþjón-
ustu og því höfum við sóst lengi
eftir því að fá að veita okkar
viðskiptavinum hana,“ sagði Valur
Valsson bankastjóri að lokum.
Ríkisstjórnin:
Nefnd geri tillögur um við-
brögð við útlánaaukningunni
Á ríki.sstjórnarfundi sem haldinn
var í gær var skipuð þriggja manna
nefnd til að athuga hvernig ríkis-
stjórnin getur brugðist við aukningu
heidarútlána viðskiptabankanna, sem
aukist hafa mun meira en heildarinn-
lán. í nefndinni sitja Þórður Frið-
jónsson, efnahagsráðunautur ríkis-
stjórnarinnar, Jón Sigurðsson, for-
stjóri Þjóðhagstofnunar og Jóhannes
Nordal, Seðlabankastjóri.
Heildarútlán viðskiptabankanna
jukust sex fyrstu mánuði þessa árs
um 18,0% en á sama tíma hækkuðu
innlán um 14,7%. I samtali við
Morgunblaðið í gærkvöldi vildi
Þórður Friðjónsson lítið tjá sig um
málið. En að sögn Þórðar kemur
ýmislegt til greina, en hvort gripið
verði til hækkunar á bindiskyldu
eða hækkun útlánavaxta, vildi hann
ekkert segja um. Aðspurður sagðist
Þórður Friðjónsson ekki eiga von á
því að hlutfallsleg hækkun útlána
miðað við innlán yrði til þess að
áætlanir ríkisstjórnarinnar um
verðbólgu röskuðust.
Gylfi segist ekki hafa
notað nein lyf á bannlista
— segir Hjörtur G. Gíslason, bróðir Gylfa
GYLFI GÍSLASON, lyftingamaður, segist ekki hafa notað nein þeirra
lyfja sem séu á bannlista Alþjóðalyftingasambandsins, að sögn bróður
hans, Hjartar G. Gíslasonar, læknis, og hann skilji ekki hvernig á því
standi að hann hafi komið jákvæður út úr lyfjaprófun á Evrópumeistara-
mótinu í lyftingum í vor, enda hafi ennþá ekki verið tilgreint hvaða lyf á
bannlistanum hann eigi að hafa notað og þar til það hafi verið gert, sé
þetta marklaust.
„Ég heyrði í Gylfa skömmu
eftir mótið og þá kom fram hjá
honum að hann hafði komið
jákvæður út úr lyfjaprófinu. Það
var rannsakað nánar og hann
kom aftur jákvæður út úr próf-
inu. Hann hefur ekki tekið nein
lyf sem eru á bannlista og það er
ekki hægt að setja menn í bann
án þess að tilgreina fyrir hvað
þeir eru settir í bann. Þessi til-
kynning er auðvitað allsendis
ófullnægjandi," sagði Hjörtur,
er Morgunblaðið ræddi við hann,
en hann hefur verið í sambandi
við Gylfa vegna þessa máls.
Hjörtur sagði að Gylfi hefði
keppt á nokkrum mótum síðast-
liðið ár. Þrívegis hefði hann ver-
ið lyfjaprófaður, síðast 4. apríl
og hefðu prófin ávallt verið nei-
kvæð. Evrópumótið var haldið
síðari hluta aprílmánaðar og
fyndist sér ótrúlegt út af fyrir
sig að hann hefði notað lyf á
þessum stutta tíma fram að Evr-
ópumótinu, en Evrópumót væru
alltaf lyfjaprófuð.
Hjörtur sagði að á þessum
bannlista yfir lyf væru til dæmis
ýmis kóteinlyf, magnyl og fleira.
Þá hefði Gylfi átt við bólgur í
hnjám að stríða og verið þess
vegna á bólgueyðandi lyfjum,
sem hann var að nota um það
leyti sem hann fór á þetta mót.
Hann hefði gefið þessi lyf upp og
þau væru ekki á bannlista.
— Er mögulegt að þetta lyf
hafi getað valdið því að prófið
varð jákvætt?
„Ég get ekki fullyrt um það, en
málið er bara það, að ekki er
hægt að dæma mann í keppnis-
bann, nema það sé ljóst fyrir
hvað maðurinn er dæmdur. Það
eru fjöldamörg efni á bannlista
og það verður að tiltaka hvaða
efnaflokk um er að ræða, hvort
það eru hormónalyf, örvandi lyf,
kódein-lyf eða eitthvað annað,
sem eru talin hafa fundist. Þar
til það er gert er þetta mark-
leysa og raunar stórfurðulegt
hvernig að þessu er staðið og
fréttin því ótímabær," sagði
Hjörtur.
íslensku skip-
in afgreidd
á mánudag
FLUTNINGASKIPIN Keflavík og
Vesturland, sem beðið hafa afgreiðslu
í l’ortúgal, verða afgreidd á mánu-
dagsmorgun, að því er segir í skeyti,
sem SÍF barst síðdegis í gær.
Að sögn Valgarðs J. Ólafssonar,
framkvæmdastjóra, stóðu vonir til
að skipin fengju afgreiðslu í dag, en
samkvæmt skeytinu eru ekki líkur
til að það verði fyrr en á mánu-
dagsmorgun. „En ég held að það
megi treysta því að svo verði með
bæði skipin," sagði Valgarð.
Flutningaskipið Keflavfk hefur
nú beðið löndunar í Aveiro í Portú-
gal síðan 29. júnf síðastliðinn, með
um 1.500 lestir af saltfiski. Vestur-
land hefur beðið afgreiðslu í Lissa-
bon síðan á miðvikudag með svipað
magn. Þriðja skipið, Eldvík, átti að
leggja af stað í gærkvöldi, með
saltfiskfarm áleiðis til Portúgal og
samkvæmt þessu ætti það að fá
skjóta afgreiðslu er þangað kemur.