Morgunblaðið - 13.07.1984, Blaðsíða 23
MORGUNBLAÐIÐ, FÖSTUDAGUR 13. JÚLÍ1984
23
AF ERLENDUM VETTVANGI
eftir JAN ERIK LAURÉ
Meiri samstaða í norsku
ríkisstjórninni eftir
1000 daga að völdum
STJÓRN Kaare Willoch hafði setið við völd í eittþúsund daga síðastlið-
inn sunnudag. Á ýmsum sviðum er hægt að segja að stjórnin hafi haft
meðbyr, en hins vegar hefur það ekki komið borgaralegu flokkunum til
góða hvað vinsældir meðal kjósenda snertir, því samkvsmt skoðana-
könnunum, sem gerðar voru f júní síðastliðnum, bendir allt til að vinstri-
flokkarnir fengju meirihluta ef kosið væri til stórþingsins nú.
Fram til þess tíma að gengið
verður til kosninga að nýju f
Noregi, í september 1985, munu
mörg vandamál, sem erfið eru
úrlausnar, blasa við stjórninni.
Ríkisstjórnin hlaut í arf 15,2%
verðbólgu er hún tók við völdum
1981, sem tekist hefur að lækka
um helming á þriggja ára valda-
tíma stjórnarinnar. En það hef-
ur kostað fórnir.
Atvinnumálin hafa verið erf-
iðasta viðfangsefni stjórnarinn-
ar frá upphafi. f dag eru um 70
þúsund manns atvinnulausir f
Noregi, og í fljótu bragði séð
virðast litlar lfkur á að stjórn-
inni takist að standa við fyrir-
heit um að koma tölunni niður
fyrir 50 þúsund vorið 1985.
Iðnaður í sókn
Að vísu bendir allt til að iðn-
aðarframleiðsla eigi eftir að
aukast og að atvinnutækifæri
eigi eftir að opnast á næstunni í
iðnaði. Framleiðsluaukningin
fyrstu fimm mánuði ársins er
rúmum tveimur prósentum
hærri en á sama tímabili f fyrra.
Aukningin er fyrst og fremst í
útflutningsiðnaði. Sá iðnaður,
sem byggir á innanlandsmark-
aði, býr hins vegar við erfið
starfsskilyrði og félag norskra
iðnrekenda hefur varað við of
mikilli bjartsýni.
Afnám útvarpseinkaréttar
Eitt af athyglisverðari afrek-
um stjórnarinnar á þessum eitt-
þúsund dögum er afnám einka-
réttar ríkisins á útvarps- og
sjónvarpsrekstri. Var þeim
ráðstöfunum vel tekið og miðað
við afleiðingarnar virðist jarð-
vegur fyrir skammdrægar og
svæðisbundnar útvarps- og
sjónvarpsstöðvar hafa verið
frjór.
Jafnframt hafa í tfð stjórnar
borgaralegu fiokkanna verið
gerðar breytingar á heilbrigðis-
löggjöfinni, sem fólu i sér um-
fangsmiklar breytingar á heil-
brigðisþjónustunni. En engu að
sfður stendur stjórnin frammi
fyrir flóknu vandamáli á þessu
sviði, því fylkin og sveitarstjórn-
ir eiga í miklum erfiðleikum með
að fjármagna sinn þátt í rekstri
heilbrigðis- og félagsmálaþjón-
ustu vegna efnahagslegra þreng-
inga þeirra. Þetta hefur haft
sparnað í rekstri f för með sér,
og af þeim sökum standa 3.000
sjúkrahúsrúm auð. Á sama tfma
vantar 15.000 hjúkraheimilis-
pláss i bæjum og sveitum til að
fullnægja eftirspurn.
Samsteypa
Flokkur Kaare Willoch for-
sætisráðherra, Hægri flokkur-
inn, háði kosningabaráttuna
fyrir þremur árum með því að
lofa ýmsum viðtækum skatta-
lækkunum. Hins vegar hefur
ekki tekist að afla tilskilins fylg-
Káre Willoch
is í stórþinginu til að hægt yrði
að efna loforðin til fulls. Engu að
síður hefur verið komið svolítið
til móts við kjósendur, og at-
vinnulífið einnig, þar sem um
skattalækkanir hefur verið að
ræða.
Fyrstu tvö árin sátu eingöngu
flokksmenn Hægri í stjórn Will-
och, sem þó varð að reiða sig á
stuðning Miðflokksins og Kristi-
lega þjóðarflokksins i stórþing-
inu. I fyrrasumar gengu flokkar
þessir hins vegar inn í stjórnar-
samstarfið og mynduð var sam-
steypustjórn borgaralegu flokk-
anna þriggja.
Stjórnarsamstarfið hefur ekki
verið hnökralaust. Einkum hefur
komið í ljós ágreiningur i vor i
mörgum stórum málum, en
klofningi var afstýrt á sama
tíma og Willoch varð að taka
langt veikindafri vegna sjúk-
dóms.
Meiri samstaða
Og eftir að forsætisráðherra
kom til starfa á ný um miðjan
síðasta mánuð, hvatti hann
ákaft til meiri samstöðu meðal
stjórnarflokkanna fram til
næstu kosninga. Og nú hafa
flokkarnir þrír gjört það heyr-
inkunnugt að þeir stefna að
áframhaldandi samstarfi. Og
með því að bindast samtökum
við næstu kosningar er hugsan-
legt að flokkarnir haldi meiri-
hluta þingsæta, enda þótt sósíal-
ísku flokkarnir hljóti meirihluta
atkvæða í kosningunum.
En ákveðnir atburðir i þinginu
í vor hafa hins vegar varpað ör-
lítið nýju ljósi á norsk stjórn-
mál. Þar hefur náðst málamiðl-
un milli stjórnar- og stjórnar-
andstöðuflokkanna í veigamikl-
um málum, svo sem framtíðar-
skipan norska ríkisolíufyrir-
tækisins Statoil og stefnu Norð-
manna í afvopnunar- og örygg-
ismálum.
Og mögulegt er talið að mála-
miðlun náist um enn stærra mál,
þ.e.a.s. skattamálin, áður en til
kosninga kemur. Er það áhuga-
mál margra flokkanna að ná
slíku samkomulagi á grundvelli
tillagna svokallaðrar skatta-
nefndar, sem i mörg ár hefur
unnið að endurskoðun á norska
skattakerfinu. Helzt er spurt
hvort stefna Hægri flokksins i
skattamálum sé ekki frábrugðin
stefnu annarra flokka til að
málamiðlun náist, sem t.d.
Verkamannaflokkurinn geti fall-
ist á.
Jan Erik Lauré er blaðamaður og
fréttaritari Morgunblaðsins í Nor-
egi.
Ráðherrar, sem fara með mikilvæga milafiokka í stjórn Willochs. Á
myndinni eru frá vinstri Kjell Magne Bondevik kirkju- og menntamila-
riðherra, Rolf Presthus fjirmilariðherra og Johan J. Jakobsen
samgönguriðherra.
Til sölu repromaster
(Eskofot 5060)
Upplýsingar í síma 81477 milli kl. 8 og 17, utan
vinnutíma símar 14258 og 32814.
Auglýsing
Með tilvísun til 17. og 18. gr. skipulagslaga nr.
19/1964 er hér meö auglýst deiliskipulag á staö-
festu aöalskipulagi í Suöur-Selás. Afmörkun
svæöisins er sýnd á uppdrætti Borgarskipulags,
dags. 28.11.1983.
Uppdráttur ásamt greinargerö liggur frammi al-
menningi til sýnis hjá Borgarskipulagi Reykjavíkur,
Þverholti 15, frá og meö föstudeginum 13. júlí til
24. ágúst n.k. Athugasemd, ef einhverjar eru, skal
skilaö á sama staö eigi síöar en kl. 16.15, föstu-
daginn 7. september 1984.
Þeir, sem eigi gera athugasemdir innan tilskilins
frests, teljast samþykkir.
Reykjavík, 13. júlí 1984.
Borgarskipulag Reykjavíkur,
Þverholti 15,
105 Reykjavík.
HAFÐU
Holts
VIÐ HÖNDINA!
Bifreiðavörur í fjölbreyttu úrvali
Fást um land allt
Louisa Matthíasdóttir
Brian Pilkington
Jóhannes Geir
°"STDRÐ
Ársáskrift kr. 540