Morgunblaðið - 12.08.1984, Qupperneq 35

MORGUNBLAÐIÐ, SUNNUDAGUR 12. ÁGÚST 1984
35
60 ára:
Guðmundur Benedikts
son ráðuneytisstjóri
Einn ágætasti maður, sem ég
hefi kynnst um mína daga, Guð-
mundur Benediktsson ráðuneytis-
stjóri, verður sextugur 13. ágúst
nk. Er hverri þjóð happ, þegar
slikir drengir fæðast enda ekki á
hverju strái. Ég kynntist honum
ungur að árum á Akureyri, þegar
við stunduðum nám í Menntaskól-
anum þar. Guðmundur var tveim-
ur bekkjum á eftir mér í skóla, en
við urðum vinir við fyrstu kynni
og hefir það ekki breyst, nema þá
til styrkingar — reyndar þess ekki
þörf. Við erum líka frændur og
feður okkar aldavinir, sem skrif-
uðust á langa ævi. Hefi ég ekki
lesið hlýrri og elskulegri bréf, en
faðir Guðmundar reit föður mín-
um. Okkur Guðmundi var vel
kunnugt um vináttu og frændsemi
feðra okkar og mun það m.a. hafa
orðið til þess að aldrei örlaði á
tortryggni hvors í annars garð.
Heima var oft minnst á Benedikt
skólastjóra á Húsavík og fjöl-
skyldu hans og ég skynjaði að þá
bar ekki á góma neitt hversdags-
fólk. Um það var talað með sér-
stökum raddblæ. Hins vegar sá ég
Guðmund fyrstan þeirra systkina.
Fannnst mér sem draumur rættist
að sjá einhvern úr hópi þessa
frændfólks míns, sem ég hafði svo
oft heyrt getið. Og Guðmundur
brást ekki vonum mínum. Hann
var skemmtilegri og geðþekkari en
aðrir menn, gæddur meira hugar-
flugi en flestir eða allir þeir sem
ég hafði kynnst. Einstaklega
glöggur á sérkenni manna og
fundvís á það, sem skoplegt er.
Sjálfur er hann skáldmæltur vel,
og þekking hans á innlendum og
erlendum úrvalsbókmenntum
ótrúlega yfirgripsmikil. Oft fórum
við í gönguferðir. Aldrei höfðum
við lengi labbað saman, þegar leiði
og hversdagsleiki hurfu sem dögg
fyrir sólu og;
„Gleði og gaman
gullin spunnu
símu sældar
um sálir órar.“
svo sem segir í Saknaðar- og
kveðjudrápu, er afmælisbarnið
reit okkur vinum sínum, sem urð-
um stúdentar 1943 og fórum suð-
ur, en hann sat þá enn nyrðra á
skólabekk tvo vetur og eftir stúd-
entspróf kenndi hann einn vetur
við gagnfræðaskólann á Siglufirði.
Mér þóttu þessi ár, er ég hitti ekki
minn kærasta vin, lengi að líða,
þótt margt mætti gera sér til
dundurs hér syðra.
En haustið 1946 kom Guðmund-
ur suður og innritaðist í lagadeild
Háskólans. Urðum vð vinir hans
úr árgangi 1943 frá MA harla
fegnir hingaðkomu hans. Oft bar
fundum okkar Guðmundar saman
á háskólaárum og áttum við þá
glaðar stundir. Það prýddi hvern
dag að hitta Guðmund Bene-
diktsson. Við tókum mikinn þátt í
félagslífi stúdenta, vorum m.a.
báðir formenn Stúdentafélags Há-
skólans og Stúdentafélags Reykja-
víkur.
Frá 1951 til 1959 unnum við í
sömu húsakynnum. Guðmundur á
málflutningsstofu Eggerts Claes-
sen og Gústafs Sveinssonar, en ég
hjá Vinnuveitendasambandi ís-
lands. Ætíð hlakkaði ég jafn mik-
ið til að hitta Guðmund. Aldrei
brást, að hann hefði eitthvað ný-
meti á boðstólum. Stundum vitur-
lega eða skemmtilega sögu, stund-
um spánnýja skrítlu. Slíkt er ekki
bráðónýtt á vetrarmorgni i hríð.
snjó, og skammdegismyrkri.
Um þær mundir hittum við
Guðmundur oft eftir vinnu þá Pét-
ur heitinn Sæmundsen og Sverri
Hermannsson. Voru fundir þessir
í Grænustofu Vonarstræti 4, þar
sem Sverrir réð ríkjum. Hér
ræddu menn af eldmóði og alvöru-
þunga, bæði þjóðmál, dægurmál,
skáldskap fornan og nýjan og
sagðar voru gamansögur. Er þetta
sá skemmtilegasti og fjörmesti
„klúbbur" sem ég hefi verið í.
Stundum heilsuðum við Guð-
mundur upp á Jónas heitinn
Sveinsson lækni, sem tók okkur
opnum örmum. Sagði hann okkur
með sínum hrífandi frásagnar-
máta sögur bæði frá stóru löndun-
um þar sem hann hafði stundað
nám í læknisfræði og ýmsum at-
vikum er höfðu hent hann á langri
leið bæði sem lækni og leikmann.
Dæmisögur lágu honum einnig á
tungu. Eg man ávallt er hann á
góðri stundu sagði við okkur:
„Minnist þess drengir mínir, að
vitringurinn ornar sér við sama
eld og brjálæðingurinn notar til
að kveikja í húsi sínu."
Haustið 1950 kvæntist Guð-
mundur Kristínu sinni, gáfaðri og
elskulegri konu, dóttur hinna mik-
ilhæfu hjóna, Soffíu Jónsdóttur
Claessen og Eggerts Claessen
hæstaréttarlögmanns, sem var
framkvæmdastjóri Vinnuveit-
endasambandsins og þá húsbóndi ®
minn. Er ekki að orðlengja það, að
alla tíð síðan höfum við húsfreyja
mín verið tíðir gestir á hinu fagra
og fágæta heimili á Reynisstað og
átt þar dásamlegar og ógleyman-
legar stundir. Hent hefir að dagur
ljómaði í austri, er upp var staðið
frá fagnafundum.
Elskulegi frændi. Ég hefi hér að
framan rifjað upp örfá atvik af
kynnum okkar og samskiptum.
Frá þeim eru allar minningar góð-
ar. Orðum skrýddur innlendum og
erlendum, meira en menn viti
dæmi til og virtur vel í háu emb-
ætti getur þú horft fram á veginn
við hlið hamingjudísar þinnar
Kristínar, mannkostakonunnar,
sem á sér fáa líka. Á sextugsaf-
mæli þinu árnum við Lúlú þér og
fjölskyldu þinni allra heilla og
þökkum ykkur Kristínu órofa vin-
áttu liðinna ára.
Barði Friðriksson
Dæmi um verð: áður: nú: áður: nú:
Herrabómullarbuxur 789.-kr. 589.-kr. Ferðatöskur 50sm. 689.-kr. 489.-kr.
Herragallabuxur 889.-kr. 599.-kr. Sængurverase tt 689.-kr. 499.-kr.
Dömubómullarbuxur 889.-kr. 599.-kr. Handklæði 65.95kr. 49.95kr.
Dömugallabuxur 599.-kr. 399.-kr. Bjórkönnur 79.95kr. 49.95kr.
Barnabuxur 449.-krr 349.-kr. Leikbrúður 129.-kr. 79.95kr.
Barnapeysur 389.-kr. 249.-kr. Æfingaskór 489.-kr. 359.-kr.
Dömus trígaskór 299.-kr. 199.-kr. Strigaskór/uppreimaðir 589.-kr. 399.-kr.
K venleðurskór 789.-kr. 499.-kr. Ferðatöskur 65sm. 389.-kr. 989.-kr.
áður:______nú_______
Ikea borð 90x60sm og stóll úr hvítlökkuðu beyki 2.190.-kr. 1.590.-kr.
Ikea borðstofustóll úr gegnheilli hnotubrúnni furu 2.195.-kr. 1.295.-kr.
HAGKAUPS