Morgunblaðið - 02.11.1984, Síða 43

MORGUNBLAÐIÐ, FÖSTUDAGUR 2. NÓVEMBER 1984
43
Morgunblaðið/FriÖþjófur.
Starfsmenn og eigendur Hrafnsins. Á mvndinni eru frá vinstri Valur, Guömundur Óli, Guðlaug, Hrafnkell,
Jóhann, Björn, Ólafur og Benedikt.
Hrafninn, nýr veitingastaður:
„Ætlum okkur að mæta
síauknum kröfum fólks“
NÝLEGA var nýr veitingastaður,
Hrafninn, opnaður ( Reykjavík.
Hrafninn er til húsa að Skipholti
37, þar sem billjardstofan Júnó var
áður. Eigendur eru þau Guðlaug
Jónsdóttir og Hrafnkell Guðjóns-
son.
Veitingasalir Hrafnsins eru á
tveimur hæðum. Á þeirri efri,
sem innréttuð er í „golden
twenty“-stíl eru framboðnar
léttar veitingar, en á neðri hæð-
inni, sem innréttuð er í ind-
verskum stíl, verður íburðar-
meiri matur á boðstólum. Salur-
inn á efri hæðinni er 130 fer-
metrar, en neðri hæðin, sem
meðal annars er skreytt með
indverskum kimonoum, flestum
frá 17. öld, er 115 fermetrar.
Staðurinn hefur vínveitingaleyfi
og auk almennra drykkja er
bjórlíki á boðstólum.
Þau Guðlaug og Hrafnkell
sögðu í samtali við Morgunblað-
ið, að rekstur staðarins hefði
gengið mjög vel síðan opnað
hefði verið í lok september. Það
virtist fyllilega grundvöllur fyrir
nýjum stað af þessu tagi þrátt
fyrir mikinn fjölda matsölustaða
i borginni. Lögð væri áherzla á
góðan viðurgjörning, þjónustu
og húsbúnað, enda væri það ætl-
un þeirra að mæta síauknum
kröfum fólks til veitingastaða.
Þeim hefði auðnast að fá gott
starfsfólk og frábæran mat-
reiðslumann og væru því bjart-
sýn á framtíðina.
Hönnuður staðarins er Karl
Júlíusson, leðursmiður, en arki-
tekt Vatnar Viðarsson.
Amarflug flýgur milli Ítalíu og Kúbu:
Kvikmyndir sýndar
í fyrsta skipti í
íslenskri flugvél
ARNARFLUG hefur samið við ít-
alskar ferðaskrifstofur um leiguflug
millí Ítalíu og Kúbu. Farnar eru
þrjár flugferðir á viku. Samningur-
inn er til eins árs og nemur heildar-
velta þessa verkefnis 400 milljónum
íslenskra króna.
Arnarflug leigir Boeing 707 far-
þegaþotu frá flugfélaginu Air
Portugal til þessa verkefnis.
Flugvélin ber íslenska einkenn-
isstafi, TF-VLV, og var á undan
notuð í pílagrimaflugi Arnarflugs
í haust. Hún er með sæti fyrir 189
farþega og var þéttsetin í fyrstu
ferðunum.
Þess má geta að í flugvélinni
eru sýningartæki og kvikmyndir
sýndar á leiðinni og mun það í
fyrsta sinn sem slíkur búnaður er
notaður í flugvél sem rekin er af
íslensku flugfélagi.
Það er ítalska ferðaskrifstofu-
keðjan Mondadori sem samdi við
Arnarflug um þetta verkefni og
setur Kúbuferðirnar á markað, en
fjöldi ítalskra ferðaskrifstofa sel-
ur þær. í fyrstu er einungis flogið
frá Mílanó til Havana en á næst-
unni hefjast einnig ferðir frá Róm
og í undirbúningi eru ferðir frá
Vínarborg í Austurríki. Farnar
verða þrjár ferðir í viku til Kúbu.
Flugtími frá Ítalíu til Kúbu er
11 Vfe klukkustund og er höfð við-
koma í Gander á Nýfundnalandi,
en til baka er flogið beint til It-
alíu, án millilendingar, og tekur
flugið þá um tíu stundir. Flug-
stjóri í fyrstu ferðinni var Arn-
grímur Jóhannsson, yfirflugstjóri
Arnarflugs.
Halldór Sigurðsson, deildar-
stjóri erlendra verkefna, gekk frá
samningnum fyrir hönd Arnar-
flugs.
Sumargleði að ljúka
Sumri er nú lokið og vertíð
Sumargleðinnar því að Ijúka. Hún
hefur skemmt f veitingahúsinu
Broadway að undanfornu og kemur
fram í síðasta skipti þar nú um helg-
ina, í kvöld og annað kvöld.
Þetta var 14. sumarið í röð sem
„Gleðin" hefur farið um landið og
voru viðtökur nú betri en nokkru
sinni áður að sögn aðstandenda.
Þeir halda nú á vit nýrra ævintýra,
en næsta sumar mun Sumargleðin
fara af stað á nýjan leik og þá verð-
ur 15 ára afmæli hennar haldið há-
tíðlegt um allt land. Sumargleðin
er tveggja klukkustunda stanslaus
skemmtidagskrá og dansleikur á
eftir. Á myndinni má sjá Ómar
Ragnarsson og Bessa Bjarnason
sem báðir hafa verið lengi með
Sumargleðinni í einu atriðanna á
Broadway.
Basar Kvenfélags
Langholtssóknar
MEÐ LÍNUM þessum á ég erindi
við alla þá er þurfa næstu vikur að
brjóta um það heilann hvernig nauð-
þurftir og tekjur fái haldizt í hendur.
Eg veit af áralangri reynslu að betri
kjör en bjóðast á bazar Kvenfélags
Langboltssóknar eru vandfundin.
Þar eru á boðstólum gómsæt nær-
ing, haglega gerðir munir og flíkur,
já listfengi og notagildi haldast í
hendur.
Þær eru ekki lagstar í kaup-
mennsku konurnar, nei, en þær
bera áhyggjur af því að enn er
langt í land að greiddir séu allir
byggingarreikningar starfsstöðv-
ar safnaðarins á holtinu. Átaka-
laust rís slíkt musteri ekki. Því
hafa ofnar verið kyntir; nálar og
prjónar tifað og á laugardaginn kl.
2 fáum við séð í Safnaðarheimil-
inu hverju konurnar og heimili
þeirra hafa áorkað þessu sinni,
fáum líka séð hverju vinveitt
fyrirtæki hafa gaukað að þeim.
Eitt er víst. Þar verður margt
að skoða, mörg kostakaupin gerð.
Eigir þú vin sem þér er annt um
láttu hann þá vita um bazar Kven-
félagsins í Safnaðarheimilinu við
Sólheima kl. 2 á laugardaginn.
Sig. Haukur
Daihatsusalurinn
Ármúla 23. Símar 81733 og 685870
Þessir glæsilegu bílar eru til sölu hjá okkur
núna, og eru á staðnum.
Toyota Carina 1800 GL árgerö 1983, km 43.000. Litur rauöbr., 4ra dyra, 5 gíra, m. útvarpi VERÐ 315.000.-
Toyota Carina GL árgerö 1980, 4ra dyra, 5 gíra, km 83.000. Litur gullbrons. Verð aöeins 210.000.-
Saab 99 GL 4ra dyra árgerö 1981, km aöeins 21.000. Litur dökkblár. Verð 310.000.-
Subaro 4x4WD station 1800 GL Hátt og lágt drif, árgerö 1982, km. 30.000. Útvarp og kassetta, silsa- bretti, grjótgrind, litur vínrauöur. Verð I 350.000.- |
Suzuki Fox 4x4 WD jeppi árgerö 1983, km 22.000. Litur hvítur, útvarp og segulband. Verð 300.000.-
Galant GL 4ra dyra árg. 1979, km aðeins 48.000. Litur dökgraenn. Góöur bíll Verð 160.000.-
og margt fleira á söluskrá.
Daihatsuumboðið
Ármúla 23, símar 685870 og 81733.