Morgunblaðið - 02.12.1984, Side 38

38
MORGUNBLAÐIÐ, SUNNUDAGUR 2. DESEMBER 1984
Myndbandaleiga
Til sölu myndb.leiga í fullum rekstri. Góöir tekju-
möguleikar, góö staösetning. Möguleiki á sölu aö
hluta.
Þeir sem áhuga skyldu hafa vinsamlega sendi greinar-
góöar upplýsingar til Mbl. merkt: „R — 101“. Farið
veröur meö umsóknir sem trúnaóarmál.
Rætur íslenzkrar
menningar
Ritsafn Einars Pálssonar. Vegna sölu Málaskólans
Mímis veröa bækurnar nú afgreiddar heima hjá
höfundi, aö Sólvallagötu 28, Reykjavík, sími 25149
(afgreiösla í hádeginu ki. 12—2). Öll sex ritin eru
nú fáanleg aftur, myndskreytt, fallega prentuö og í
vönduöu bandi.
Úrval af efnum
og sniöum í
jólakjóla á
litlar dömur.
ogue
BUÐIRNAR
VELJA ÞAÐ
BESTA
Árni Gunnlaugsson og Árni Stefán með bókina. Morgunbiaðíð/Júiíua
Ljósmyndabók með Hafnfirðingum:
Langaði til að skapa heim-
ild um fólkið og mannlífið
— segir Árni Gunnlaugsson höfundur og útgefandi
bókarinnar Fólkið í Firðinum
Árni Gunnlaugsson lögfræðingur í Hafnarfirði hefur nýlega gefið út
sérstæða bók sem ber nafnið „Fólkið í Firðinum“. Skal verkið verða tvö
bindi og er þetta hið fyrra sem komið er út. í bókinni birtast 188
Ijósmyndir af eldri Hafnfirðingum og fylgja myndunum 229 æviágrip
einstaklinga, upplýsingar um helztu störf þeirra og ýmis annar fróðleikur
— m.a. um hús sem sjást í baksýn á myndunum, en allar eru manna-
myndirnar teknar úti. Árni gefur bókina sjálfur út og er hún ekki fáanleg
annars staðar en hjá útgáfunni, Austurgötu 25, Hafnarfirði.
Blm. Mbl. gerði sér ferð í
Fjörðinn á dögunum til að
spjalla við Árna um tilurð þess-
arar bókar, og barst þá fyrst í
tal að hér væri um allsérstæða
útgáfu að ræða.
„Já, ég held að segja megi að
þessi útgáfa sé einstök á sínu
sviði, ég veit að minnsta kosti
ekki til þess að bók af þessu tagi
hafi komið út áður hér á landi,"
sagði Árni. „í bókunum verða
myndir og æviágrip 460 einstakl-
inga sem er stór hluti af eldri
kynnslóðinni hér í Hafnarfirði.
Reykvíkingar yrðu líklega að
gera bók með svona um þrjú þús-
und einstaklingum til að ná
sama hlutfalli."
— Er langt síðan þú byrjaðir á
þessu verki?
„Já, þetta verk á sér orðið
nokkuð langan aldur — það var
fyrir 25 árum að ég fékk áhuga á
því að taka góðar Ijósmyndir af
samborgurum mínum hér í
Hafnarfirði, og þá sérstaklega
þeim eldri. Kveikjan að þessum
áhuga hefur eflaust verið þær
Ijósmyndir af ýmsum Hafnfirð-
ingum, sem hinn kunni ljós-
myndari Gunnar Rúnar ólafs-
son tók á árunum 1940 til 1950,
en Gunnar lést árið 1965. Magn-
ús Jónsson minjavörður gaf á ár-
unum 1973 og 1975 út tvær bæk-
ur með þessum ljósmyndum
Gunnars og fylgdi vísa hverri
mynd. Varö þetta afar vinsæl út-
gáfa.
Eg átti orðið mikið safn
mynda og haustið 1979 hélt ég
ljósmyndasýningu í Góðtempl-
arahúsinu hérna, og sýndi þar
405 liósmyndir af eldri Hafnfirð-
ingum, sem ég hafði tekið á ár-
unum 1960 til 1979. Hún var vel
sótt og virtust Hafnfirðingar
kunna vel að meta þessar mynd-
ir. Flestar þessara mynda voru
teknar af fólkinu á förnum vegi
hér í Hafnarfirði en margar við
íbúðarhús viðkomandi fólks.
Þetta eru ekki andlitsmyndir —
allar myndirnar eru teknar úti
við og margar sýna fólkið við
vinnu eða á gangi hér í bænum.
Við myndatökur hafði ég það yf-
irleitt fyrir reglu að viðkomandi
hefði átt lengi heima í Hafnar-
firði og náð 70 ára aldri."
— Hver var tilgangur þinn
með þessum myndatökum?
• „Mig langaði til aö skapa
heimild um fólkið, mannlífið og
byggðina hér í Hafnarfirði á
þessum árum. Ég hef alltaf haft
mikinn áhuga fyrir samborgur-
um mínum, sem varð svo til þess
að ég réðst í þetta verk. Það var
ekki fyrr en eftir ljósmyndasýn-
inguna að sú hugmynd vaknaði
hjá mér að gefa þetta út á bók,
og láta þá jafnframt fylgja
myndunum upplýsingar um fólk-
ið og ýmsan fróðleik. Ég fékk
góðar undirtektir við þessari
hugmynd og þar kom að ég
ákvað að láta til skarar skríða.
í byrjun árs 1983 sendi ég
kynnisbréf og eyðublöð til allra
sem myndir höfðu verið af á sýn-
ingunni, og jafnframt til ætt-
ingja þeirra sem látnir voru. Ég
vildi gjarnan nota tækifærið hér
og koma á framfæri þakklæti
fyrir hversu greitt og ljúfmann-
lega fólk brást við að senda mér
svör sín, — og það á reyndar við
um þetta verk allt að ef ég hefði
ekki notið velvilja fólksins sem
hlut átti að máli hefði þessi
draumur minn ekki getað orðið
að veruleika.
Með kynnisbréfunum sendi ég
spurningalista þar sem spurt var
um þessi atriði: Fæðingardag og
ár, fæðingarstað, foreidra, nafn
maka, giftingardag, fæðingar-
dag maka og foreldra hans.
Einnig hvaðan og hvenær við-
komandi hefði flust til Hafnar-
fjarðar, ef fæðingarstaður var
annar, og enfremur hvar við-
komandi hefði átt heima í Hafn-
arfirði og hvar lengst af. Spurt
var um bðrn, fæðingardag þeirra
og ár, og að lokum um helztu
störf viðkomanda. Hér í bókinni
er því samankominn tölverður
ættfræðifróðleikur, og svo er þar
að finna ýmsa fróðleiksmola sem
varða byggðasögu Hafnarfjarð-
ar. í textum við myndir er t.d.
víða getið um aldur húsa.“
— Hvenær er síðara bindi
bókarinnar væntanlegt?
„Það kemur um mitt næsta ár.
f þessum tveim bindum verða
birtar myndirnar sem voru á
ljósmyndasýningunni. 188
myndir eru í þessu fyrsta bindi
og æviágrip 229 einstaklinga.
Við valið var farið eftir staf-
rófsröð A til I, en í seinna bind-
inu verða um 210 myndir. Mun
nafnaskráin fylgja seinna bind-
inu.“
— Er svo von á fleiri bindum?
„Ég geri mér vonir um að svo
geti orðið. Undirtektir hafa verið
mjög góðar við þessari bók sem
komin er út og virðist vera góður
grundvöllur fyrir útgáfu sem
þessari. Ég hef haft mikla
ánægju af þessu starfi — þó það
hafi jafnframt verið tímafrekt
og krefjandi. Það hefur þó auð-
veldað mér framkvæmdina mik-
ið að ég er sjálfur innfæddur
Hafnfirðingur og persónulega
kunnugur öllum sem í bókinni
eru. Þá hefur sonur minn, Árni
Stefán,, sem rekur ljósmynda-
þjónustuna Assa að Austurgötu
25 hér í Hafnarfirði, lagt i það
mikla vinnu að stækka myndirn-
ar fyrir prentun, hann hefur
samræmt lýsingu þeirra og unn-
ið þær upp af mikilli vandvirkni.
Frændi minn, Gunnlaugur Bald-
vinsson arkitekt, sá um hönnun
og útlit bókarinnar, og var ekki
til sparaö við að gera hana sem
bezt úr garði."
I