Morgunblaðið - 07.12.1984, Síða 16

16
MORGUNBLAÐIÐ, FÖSTUDAGUR 7. DESEMBER 1984
Bráðabirgðauppgjör
sauðfjárslátrunarinnar:
Aukinn meðalfall-
þungi eykur kjötfram-
leiðsluna um 529 tonn
í HAUST var slátrað um 725.733
dilkum í sláturhúsum landsins
og 69.895 fullorðnum kindum,
samkvæmt bráðabirgðaskýrslu
sem Framleiðsluráð landbúnað-
arins hefur tekið saman. Þetta
sláturfé gaf af sér um 10.635
tonn af dilkakjöti og 1.578 tonn
af kjöti af fullorðnu. Slátrað var
8,5% fsrri dilkum en í fyrra og
,A^C'
Netö*- ‘
í>
<\eí
22% færra af fullorðnu fé. Vegna
vænni dilka reyndist kjötmagnið
þó aðeins 5,9% minna en í fyrra.
Meðalfallþungi dilka reyndist
14,65 kg. sem er um 720 grömmum
meira en í fyrra þegar meðalfall-
þunginn var 13,93 kg. Þessi mis-
munur á vænleika lamba skilar
529 tonnum meira af kjöti en ella
hefði orðið, samkvæmt upplýsing-
um í fréttabréfi Upplýsingaþjón-
ustu landbúnaðarins. Mestur með-
alfallþungi dilka hjá einstökum
sláturleyfishafa var í Bolungar-
vík, þar reyndist meðalfallþungi
vera 17,25 kg., hjá Kaupfélaginu
Fram á Neskaupsstað 16,92 kg. og
þriðja í röðinni var Kaupfélag
Steingrímsfjarðar með 16,79 kg.
Á síðasta verðlagsári, það er frá
31. ágúst 1983 til 1. september sl.,
seldust 10.356 tonn af kindakjöti
og var útflutningur á sama tíma
3.828 tonn. Meðalneysla kinda-
kjöts á hvern íbúa hér á landi á
verðlagsárinu var 43,53 kg.
Kökubasar
MS-félagsins
Kökubasar MS-félags ísiands
(Multiple-Sclerosis) verður hald-
in í Blómavali við Sigtún, sunnu-
daginn 9. desember næst-
komandi. Þann sama dag verður
tekið við kökum frá klukkan 11 í
Blómavali. MS er sjúkdómur í
miðtaugakerfi. Ágóða af þessum
kökubasar verður meðal annars
varið til vinnslu og dreifingar á
tveimur mikilvægum upplýs-
ingabæklingum um þennan
sjúkdóm.
Bókasafn
Kennara-
háskólans
til sýnis
BOKASAFN Kennaraháskóla ís-
lands er til sýnis almenningi laug-
ardaginn 8. desember frá kl.
13.30—17.00. Tilefni þess er að safn-
ið flutti á sl. sumri í rúmlega 4000
m2 húsnæði í nýbyggingu skólans við
Stakkahlíð. í nýja húsnæðinu eru
lessæti fyrir 100 manns, bæði í sér-
stakri lesstofu og aðalsal og í vinnu-
herbergjum.
í safninu eru nú rösklega 30.000
bindi af bókum og u.þ.b. 4.500
tímaritaárgangar. Um 270 tímarit
berast reglulega. Megináhersla er
lögð á sálarfræði og uppeldis- og
kennslumál og er safnið nú orðið
öflugasta safn landsins á því sviði.
Starfsemi safnsins hefur vaxið ört
á skömmum tíma en fé til bóka-
kaupa hefur þó dregist mjög sam-
an á allra síðustu árum. Útlán
hafa fjórfaldast á síðasta áratug.
Á síðasta skólaári voru þau 18.294,
Morgunblaöid/Bjarni.
Hjalti Jón Sveinsson, höfundur bókarinnar „Hrossin frá Kirkjubæ" t.v., Pálmi Jónsson, bróðir þeirra Eggerts
og Stefáns, sem stunduðu hrossarækt í Kirkjubæ og Sigurður Haraldsson bóndi í Kirkjubæ.
Hrossin frá Kirkjubæ
Bók og myndsnælda gefnar út samtímis
UT ER KOMIN bókin „Hrossin frá Kirkjubæ" ásamt myndsnældu með
sama efni. Er þetta saga hrossaræktarinnar að Kirkjubæ á Rangárvöllum
og þeirra sem að henni hafa staðið, ásamt ýtarlegri umfjöllun um hrossin
þaðan. Þetta er í fyrsta skipti sem efni er unnið samhliða á bók og á
myndsnældu hér á landi. Útgefandi er Sjón og saga hf.
Frá árinu 1950 hefur ræktun
hrossa farið fram á Kirkjubæ.
Þessi merkilegi þáttur í íslenskri
hrossarækt hófst upp úr 1940,
þegar Eggert Jónsson frá Nauta-
búi í Skagafirði, þá útgerðar-
maður í Njarðvíkum, keypti
rauðblesóttar hryssur víðs vegar
að af landinu. Hann keypti einn-
ig tvo stóðhesta í sama lit. Þetta
gerði Eggert í því skyni að rækta
rauðblesótt gæðingakyn, en
hann trúði því að ýmsir rauð-
blesóttir góðhestar, sem hann
hafði kynnst, væru af gömlum
stofni sem gaman væri að ná
aftur.
f bókinni er saga Eggerts rak-
in og hvernig ræktunin hófst í
Kirkjubæ. Þá er sagt frá því þeg-
ar Stefán bróðir hans tók við bú-
inu að honum látnum. Síðari
helmingur bókarinnar segir frá
Sigurði Haraldssyni, núverandi
bónda á Kirkjubæ, sem tók við
búinu árið 1967. Sagt er frá
starfi Sigurðar og segir hann frá
hugmyndum sínum um hrossa-
rækt og eins um þann góða ár-
angur sem náðst hefur í ræktun-
inni og hefur verið að koma í Ijós
á undanförnum árum.
Bókin er að nokkru leyti byggð
á viðtölum við fjölda hestafólks,
sem kynnst hefur ræktuninni og
hrossunum í fortíð og nútíð.
Einnig eru í bókinni skrár yfir
þær stofnhryssur sem voru á
Kirkjubæ þegar ræktunarstarfið
hófst, stofnhryssur sem voru
þegar Sigurður Haraldsson tók
við búinu og stofnhryssur sem
þar eru í dag. Sagt er frá þeim
stóðhestum sem notaðir hafa
verið og einnig er skrá yfir öll
ættbókarfærð hross, sem annað
hvort eru 50 eða 100% Kirkju-
bæingar.
Hjalti Jón Sveinsson, ritstjóri
Eiðfaxa, er höfundur bókarinn-
ar. Auglýsingastofa Gísla B.
Björnssonar sá um hönnun og
útlit, en bókin er unnin í
Prentsmiðjunni Odda. Margar
myndir prýða bókina og voru
nokkrar teknar gagngert fyrir
hana.
Jafnhliða bókinni kemur út
samnefnd kvikmynd „Hrossin
frá Kirkjubæ“ í takmörkuðu
upplagi á myndsnældu. Mynd-
snældan er gefin út á þremur
tungumálum, íslensku, ensku og
þýsku.
Kvikmyndataka hófst fyrir
tveimur árum og hefur megin-
áhersla verið lögð á að sýna
hrossin við mismunandi aðstæð-
ur á öllum árstímum. Kapp var
lagt á að íslenskt landslag fengi
að njóta sin, svo að myndin yrði
í senn landkynning og heimild-
armynd um íslenska hestinn og
ræktun hans.
Fjöldi þekktra knapa og hesta
kemur fram í myndinni og
kappkostað hefur verið að sýna
allt það besta og fegursta sem
íslenski hesturinn býr yfir.
Ef vel tekst til um þessa útgáfu
er áhugi á að skoða fleiri hesta-
stofna.
Framleiðandi myndarinnar er
kvikmyndagerðin Sýn hf. Hjalti
Jón Sveinsson hafði umsjón með
tökum myndarinnar og gerð
ásamt Guðmundi Bjartmars-
syni, kvikmyndagerðarmanni.
Guðmundur sá um klippingu
myndarinnar og hljóðsetningu,
en auk hans önnuðust þeir Einar
Bjarnason, Ernst Kettler,
Hjálmtýr Heiðdal og Sigurður
Sæberg Jónsson kvikmyndatöku.
Sjón og saga hf. er nýtt út-
gáfufyrirtæki sem mun standa
að fjölþættri útgáfu í myndum
og máli. Að baki Sjón og sögu
standa 15 manns, fólk sem starf-
ar við auglýsingagerð, teiknarar,
ljósmyndari, prentari, kvik-
myndagerðarmenn, textahönn-
uðir, o.fl. Framkvæmdastjóri er
Gísli B. Björnsson.
Bókasafn Kennaraháskólans.
þar af um 20% til lánþega utan
skólans.
Safnið er opið allan ársins
hring. Að vetrarlagi er það opið
frá kl. 8.15—18.00 alla virka daga
nema laugardaga, þá er það opið
frá 10.00—17.00. Á sumrin er opið
5 daga vikunnar, frá 9.00—16.00.
Kennarar og áhugafólk um upp-
eldismál er sérstaklega velkomið í
heimsókn á laugardaginn 8. des-
ember frá kl. 13.30—17.00. Á sama
tíma verða kennaranemar með
kaffisölu í skólanum til ágóða
fyrir námsferð sína til kennara-
háskólans í Tromsö síðar í vetur.