Morgunblaðið - 09.01.1985, Qupperneq 22

22
MORGUNBLAÐIÐ, MIÐVIKUDAGUR 9. JANÚAR 1985
Svona er ásUndið í Svíþjóð þessa dagana. Nístingskuldi og skafrenningur og bflar fastir á öllura vegum.
Kuldamir í Evrópu:
Franska Rivieran
að hverfa í snjó
Nian, Frakkludi, 8. iuáar. AP. QW
SNJÓAÐ hefur í allan dag á
frönsku Rivierunni og er nú borgin
Nissa hulin 20 sm djúpri mjallar-
breiðu. Annars staðar í Frakklandi
eru kuldarnir enn meiri og sam-
göngur víða erfiðar vegna mikilla
snjóa.
Frá Nissa til Cannes, meðfram
Miðjarðarhafsströndinni, átti
fólk hvarvetna í þeim erfiðleik-
um, sem fylgja vetrarveðrum á
norðlægari slóðum, og sem fólk á
þessum sólarströndum hefur
hingað til aðeins lesið um í blöð-
um. Með ströndinni sjálfri var
snjórinn um 20 sm djúpur en
strax og komið er inn í landið
eykst hann og þar er jafnfallinn
snjór víða hálfur metri á dýpt.
Mestöll umferð hefur stöðvast og
flugumferð en lestir ganga enn
þótt þær séu seinna á ferðinni en
venjulega.
Metkuldi hefur mælst víða í
Frakklandi, t.d. í Pyrenea-
fjöllum og sums staðar í Suð-
austur-Frakklandi, og vitað er
um 22 menn, sem orðið hafa úti.
Samgönguráðherra Frakka,
Paul Quiles, gekkst fyrir því, að
ríkisjárnbrautirnar og neðan-
jarðarlestirnar í París skytu
skjólshúsi yfir 22.000 manns í
borginni, sem hvergi eiga höfði
sínu að halla.
Alls konar slys hafa orðið, sem
rekja má til kuldakastsins, og er
þá ekki átt við umferðarslysin,
sem eru að sjálfsögðu fjölmörg.
Eitt átti sér t.d. stað í bænum
Plachy-Buyon þegar maður
nokkur reyndi að þíða klakann
úr frosnum leiðslum með log-
suðutæki með þeim afleiðingum,
að húsið brann til kaldra kola.
Yfirvöld í Frakklandi hafa
gefið út viðamiklar upplýsingar
til almennings um það hvernig
fólk á að bregðast við í svona
kuldum, hvernig það á að klæða
sig o.s.frv., enda eins gott því að
veðurfræðingar sjá engin merki
um batnandi tíð alveg í bráð.
í Limafirði á Jótlandi er einn ísbrjótur og flesta vetur á áhöfnin náðuga daga. Að undanförnu hefur hún hins
vegar haft í nógu að snúast enda ísinn orðinn 70—120 sm þykkur. Hér er ísbrjóturinn, Goliath Göl (Lv.) að
hjálpa skipi brott frá Aggersund.
Höfnin í Rungsted á Norður-Sjálandi er ísi lögð langt út fyrir hafnargarða og bfða nú margir eftir þvf að
Eyrarsundið leggi alveg svo hægt verði að ganga þurrum fótum til Svfþjóðar. Ef kuldunum linnir ekki verður
það hægt eftir nokkra daga.
Indland:
Handtökur
vegna
Nýju Delhf. 8. janúar. AP.
LÖGREGLAN í Delhí, höfuðborg
Indlands, segist hafa handtekið
rúmlega 60 manns, allt hindúa, í
kjölfarið á óeirðum þeim sem hófust
er Indira Gandhi var myrt á dögun-
um, og beindust eingöngu gegn síkh-
um í landinu. Hinir handteknu hafa
verið sakaðir um að hafa tekið þátt í
uppþotum sem leiddu til dauða
margra síkha og eyðileggingar á
eignum þeirra. Segir lögreglan að öll
kurl séu ekki komin til grafar og
óeirÖa
ugglaust verði fleiri handteknir á
næstunni.
Um 1.200 síkhar voru drepnir í
óeirðum sem hindúar stóðu fyrir
eftir að forsætisráðherrann var
myrtur, en það voru tveir af líf-
vörðum frú Gandhi, síkhar, sem
ódæðið frömdu. óeirðirnar stóðu
yfir í fjóra daga eða uns herinn
bældi ólguna niður með valdi.
Hinir handteknu verða ákærðir
fyrir morð, íkveikju og gripdeildir.
Reykingabann á
Rauða torginu
Moflkrn, 8. janúar. AP.
Borgarráð Moskvuborgar hefur
bannað reykingar á Rauða torginu
frá og með fimmtudegi og er tilgang-
urinn sá að gefa anddyri Kremlar
virðulegri blæ.
Sðgðust borgaryfirvöld hafa
tekið ákvörðun sína eftir að bréf
hefðu borist frá mörgum Moskvu-
búum og ferðamönnum þar sem
lagt var til reykingabann á fræg-
um stöðum og vinsælum.
„Bréfin voru frá fólki af öllum
þjóðfélagsgerðum, frá stríðs- og
verkalýðshetjum, gömlum bolsé-
víkum og ungu fólki," sagði í
kvöldblaði, sem flutti fregnirnar
af reykingabanninu.
Samkvæmt tilkynningunni eru
reykingar bannaðar á Rauða torg-
inu frá og með 10. janúar og á
torginu umhverfi8 gröf óþekkta
hermannsins. Reykingabann hef-
ur verið í gildi i leikhúsum, söfn-
um, járnbrautastöðvum og öðrum
opinberum byggingum Moskvu-
borgar.
Verið er að undirbúa aðferðir til
að framfylgja „af festu“ reyk-
ingabanni á Rauða torginu. Dag-
lega eru þúsundir vindlinga traðk-
aðar niður í torgið og hafa fylk-
ingar gamalla sópkvenna haft ær-
in starfa við að halda þessum
vinsæla ferðamannastað þokka-
lega hreinum.
Mannrán í Líbanon
Beirút, 8. juúar. AP.
ÁTTA árásarmenn vopnaðir vélbyss-
um rændu í dag bandarískum presti,
sem stjórnaði hjálparstarfsemi kaþ-
ólsku kirkjunnar í vesturhluta Beir-
út. Var frá þessu skýrt af hálfu Ifb-
önsku lögreglunnar í dag.
Maðurinn heitir séra Lawrence
Martin Jenco. Mannræningjarnir
komu aðvífandi á tveimur bifreið-
um, þar sem Jenco var á leið til
vinnu frá heimili sínu, en bílstjóri
ók honum í sérstakri bifreið. Þrír
af mannræningjunum stukku í
veg fyrir bifreið Jencos og neyddu
hann og bílstjóra hans til þess að
færa sig í aftursæti bifreiðarinn-
ar. Síðan settist einn mannræn-
ingjanna undir stýri bifreiðarinn-
ar og ók henni á brott i skyndi, en
hinir bílarnir tveir fylgdu á eftir.
Bílstjóri prestsins, Khaled
Krunfol, sem er múhameðstrúar-
maður, kvaðst hafa reynt að snú-
ast til varnar gegn mannræningj-
unum, en þá hefði einn þeirra bar-
ið hann í höfuðið með byssuskafti,
svo að hann hlaut af því áverka.
Ferðum Rússa í lofthelgi
Noregs fjölgar stórum
Oaftó, 8. janúar. Frú Ju Erik Unré, frétUriUr. Mbl.
Norskar ornistuþotur voru sendar
samtals 471 sinni í veg fyrir sovézk-
ar flugvélar sem ýmist rufu eða voru
á leið inn í lofthelgi Noregs árið
1984.
Er hér um að ræða verulega
fjölgun frá fyrri árum, fjöldi til-
vika af þessu tagi hefur verið um
250 á ári. Ein skýringin er að Sov-
étmenn héldu tvennar stórar her-
æfingar þar sem mjög margar
sovézkar flugvélar tóku þátt.
Einnig hafa langdrægari F-16
orrustuflugvélar tekið við af Star-
fighter við gæzlu lofthelginnar.