Morgunblaðið - 30.01.1985, Blaðsíða 50

50
MORGUNBLAÐIÐ, MIÐVIKUDAGUR 30. JANÚAR 1985
* HmLi, Ywjcu Pæ ég uiflureim
j Kotmos-geimskulrLu árgerS 1998
Ást er ...
5'29[
tfo
... að halda fast
því sem þú hefur.
TM Req U S Pat Ott ail riqhts 'e*wv
* 1979 Los Angeíes Times Syndicate
Já, ég keypti þeesa glerull. Nú lát-
um við verða af því að koma okkur
upp glerhú.sinu í garðinum!
HÖGNI HREKKVlSI
s,FAZÐU TlL \/INSTRl VIP UOSASXAUZ NC'MEl?
TVÖ, 0<S 5VO ee t>AP pftRSeM STÓR06 FE iTOR.
KÖTTOIZ SiTUK A OTltTyieATiaÖPPUNUM.7
Guðlaugur ekki
íþróttamaður
E.A. hringdi:
Lesandi Velvakanda gerir at-
hugasemd við það að Arni Sig-
urðsson skuli hafa hlotið titilinn
íþróttamaður ársins í Vestmanna-
eyjum 1984 og telur Guðlaug Frið-
þórsson verðugri.
Mig langar til að benda á að
Guðlaugur er ekki íþróttamaður
þó að hann hafi unnið mikið afrek
á síðasta ári. Árni hefur æft mikið
og staðið sig mjög vel og átti því
titilinn fullkomlega skilinn sem
sundmaður.
Berum
meiri virð-
ingu fyr-
ir konum
Jóhann Þórólfsson skrifar:
Ég óska öllu kvenfólki hvar
sem er á landinu gleðilegs nýs
árs og gæfu og gengis á ókomn-
um árum. Þegar ég hugsa um
stöðu konunnar kemur mér
margt í hug. Oft hef ég hugsað
út í það hvað við karlmenn erum
lítið nærgætnir og berum litla
virðingu fyrir konunni, við höf-
um alltaf viljað að hún væri
okkur undirgefin. Þetta er rang-
ur hugsunargangur hjá okkur.
Konan á ekki að vera nein
ambátt okkar, hún á að vera
frjáls með sínar hugsanir og
skoðanir án þess að við séum að
segja henni að vera í þessu
horninu í dag eða hinu á morg-
un. Við erum alltof frekir og til-
litslausir gagnvart konum. Til
dæmis eigum við ekki að vera að
skipta okkur af því hvernig og
hverja hún kýs til Alþingis, hún
sjálf á að ráða því hverja hún
velur til forystu fyrir okkar
þjóð. Einnig á hún að fara meira
út í opinber störf heldur en ver-
ið hefur. Að vísu hefur það
breyst til batnaðar hin síðari ár
og þar reið á vaðið forseti okkar,
Vigdís Finnbogadóttir. Þá kom
góð hreyfing á kvenþjóðina. Ég
vil geta þess að eins og allir vita
er mikið rætt um jafnrétti karls
og konu en það vantar enn mikið
upp á að það sé komið í lag. Til
dæmis hafa konúr ekki sama
kaup fyrir sömu vinnu og karl-
maðurinn.
Það er til stórskammar að
verkalýðsfélögin skuli ekki
kippa þessu í lag heldur láta at-
vinnurekendur komast upp með
þetta. Það er eins og ég hef áður
sagt að konan verður alltaf betri
partur mannsins. Konur góðar
látið nú til skarar skríða og far-
ið meira út í stjórnmál, — 15
konur á þing næst þegar kosið
verður. Lítum upp til kvenfólks-
ins en tröðkum þær ekki niður í
svaðið eins og sumir karlmenn
gera. Við værum lítil peð á
taflborði lífsins ef að við hefðum
ekki haft hjálpfúsar hendur
konunnar og hver önnur en kon-
an bar okkur karlmennina í
þenna heim!
P.s.: Ég skrifa þetta ekki af
því að ég sé eitthvað betri en
aðrir karlmenn. Þess í stað óska
ég þess að við tökum höndum
saman og breytum hugarfarinu
í garð kvenna.
Erlingur Gíslason fer meó aðalhlutverkið í uppfærslu Þjóóleikhússins á
Skugga-Sveini Matthíasar Jochumssonar.
Um Skugga-Svein
eða Útilegumennina
Árni Böðvarsson skrifar:
Mér þykir undarlega við
bregða að hætta verður sýning-
um á Skugga-Sveini eftir til-
tölulega skamman tíma vegna
lélegrar aðsóknar. Ekki veit ég
hvort að einhverju leyti er um
að kenna misvitrum dómum
gagnrýnenda, en þegar ég hafði
mig í að fara í Þjóðleikhúsið nú
um helgina, þótti mér þetta
vera stórskemmtileg sýning,
bæði fyrir börn og fullorðna, og
á sama máli voru aðrir sem ég
heyrði ræða um hana. Vitan-
lega þarf enginn að gera ráð
fyrir að sjá þarna eitthvert
annað leikhúsverk en Matthías
samdi. Og raunar skil ég ekki
alveg hvers vegna þessi upp-
færsla var ekki nefnd Úti-
legumennirnir fremur en
Skugga-Sveinn, því hún er á
ýmsa lund nær fyrstu gerð
leikritsins sem ekki mun hafa
þótt heppileg fyrir almenning á
þeim tíma meðan skylt þótti að
tala af sérstakri virðingu um
yfirvöldin.
Þessi uppfærsla leikritsins
sýnir inn í ævintýraheim úti-
legumannasagna á hæfilega
raunsæjan hátt, forynjur
draumheima, og rómantík 19.
aldar án ofhleðslu. Og ég hvet
þá lesendur þessara orða sem
hafa ef til vill verið hikandi, að
missa ekki af síðustu sýning-
unni, og þá ekki síður yngri
kynslóðina.
Eldborg á Mýrum
Sigurjón Sigurbjörnsson skrif-
ar:
Eins og undanfarin ár hefir
Eimskipafélag íslands hf. sent
frá sér myndskreytt dagatal
fyrir árið 1985.
óviðunandi villa er þó í sam-
bandi við aðalmyndina í októ-
bermánuði, sem er falleg mynd
af Eldborg í Hnappadalssýslu.
Undir myndinni stendur „Eld-
borg á Mýrum".
Mýrarnar ná ekki lengra til
vesturs en Mýrasýslan, en sýslu-
mörk eru við Hítará.
Upphaf þessarar staðfræði-
villu mun mega rekja til Jarð-
fræði Þorleifs Einarssonar, sem
út kom fyrir mörgum árum og
hefir jafnlengi verið kennd í öll-
um framhaldsskólum. Þar er
mynd af Eldborg, sem undir
stendur „Eldborg á Mýrum".
Þar sem ég hefi hvergi séð þess-
ari villu úr Jarðfræðinni mót-
mælt, sendi ég þessar línur. Því
mál er að þessari eftiröpun
linni.