Morgunblaðið - 01.03.1985, Page 27

MORGUNBLAÐIÐ, FÖSTUDAGUR 1. MARS 1985
27
Fréttabréf úr Staðarsveit:
Kirkjan að Búðum
flutt á nýjan stað
HliAarholti, SUtarsreit, 18. rebrúar.
A sL. sumri var hafinn undirbún-
ingur að endurbyggingu á Búðakirkju
á Snæfellsnesi, en þessi framkvæmd
verður, svo sem áður hefir verið skýrt
frá, undir umsjón þjóðminjavarðar.
Hörður Ágústsson, ráðunautur þjóð-
minjavarðar í húsfriðunarmálum,
kom að Búðum á sl. vori og hélt
fræðsluerindi um sögu Búðakirkju og
byggingarstíl kirkna hér á landi á
liðnum öldum.
Við þetta tækifæri tók hann
ákvörðun um færslu kirkjunnar úr
kirkjugarðinum og upp á balann
norðan garðsins um 20—30 metr-
um fjær. Hinn 25. júní var hafist
handa um að rifa innan úr kirkj-
unni síðari tíma klæðningu til þess
að létta hana fyrir flutning. Ætl-
unin er að breyta henni aftur í það
horf sem talið er að hún hafi verið
í upphaflega. Ráðinn var smiður,
Haukur Þórðarson, til þess að sjá
um byggingu á sökklum undir
kirkjuna og fleira þessu viðkom-
andi. Einnig unnu að þessu margir
sjálfboðaliðar úr grenndinni. Þess-
um undirbúningi var lokið í sept-
ember. Þá var komið að þeim verk-
þætti að flytja kirkjuna í heilu lagi
á nýja grunninn. Svo vel vildi tilað
bóndinn í Syðri-Knarrartungu,
Gunnar Kolbeinsson, sem nýlega er
fluttur á þá jörð, er vanur flutningi
á gömlum húsum. Tók hann að sér
framkvæmd verksins. Hinn 14.
október var kirkjunni lyft af
grunni með „tjökkum". Voru síðan
sett undir hana ný fótstykki og
brautir lagðar undir hana að nýja
grunninum og hún dregin þangað
með dráttarvél. Þessi flutningur
gekk í alla staði mjög vel og var
honum lokið á fjórum dögum. Við
þetta unnu 5 menn.
Vonir standa til að á næsta vori
verði tekið til við að klæða kirkj-
una að utan og koma henni í fyrra
horf. Að sjálfsögðu ræðst hraði
framkvæmda af því fjármagni, sem
til þessa verks fæst, og væri því vel
þegin aðstoð í því efni frá burt-
fluttu fólki úr Búðasókn og öðrum
velunnurum Búðakirkju.
Byggt á gömlum býlum
Nú hafa risið tvö íbúðarhús á
gömlum eyðibýlum við sunnan-
verða Fróðárheiði. Sigurður Vig-
fússon og Sigríður Gísladóttir
byggja í Bjarnafossi en Eyjólfur
Gunnarsson og Hildur Svein-
björnsdóttir í Hraunhöfn. Að vísu
standa þessi nýju hús ekki á sömnu
stöðum og gömlu bæjarhúsin áður
en skammt þar frá.
Um miðjan september sl. hófust
undirbúningsframkvæmdir við
vegagerð að væntanlegum húsum
og gröftur fyrir undirstöður, sem
steyptar voru í október. í nóvem-
bermánuði voru húsin reist úr
steyptum einingum frá Loftorku í
Borgarnesi, sem skilar húsunum í
fokheldu ástandi, einangruðum og
múrhúðuðum að innan. Nú í febrú-
ar á þeim áfanga að ljúka. Má þetta
teljast góður byggingarhraði, enda
hefir tíðarfar til þessara fram-
kvæmda verið sérlega hagstætt.
Ekki er ætlunin að stunda hefð-
bundinn búskap á þessum nýju býl-
um. Þeir Sigurður og Eyjólfur reka
í sameiningu vinnuvélaútgerð. Auk
þess eru þeir að hluta til eigendur
að hótelinu á Búöum og aö þeim
rekstri vinna konurnar yfir sumar-
tímann meðan hótelið starfar.
Tveir ungir bændur hér í Stað-
arsveit hófu refarækt á sl. hausti.
Það eru þeir Helgi Sigurmonsson á
Hraunsmúla og Salómon Þórar-
insson á Syðri-Tungu. Báðir
byggðu þeir vönduð stálgrindahús
yfir dýrin. Eru þeir nú komnir með
40 refalæður og 15 karldýr hvor.
XJöfóar til
11 fólks í öllum
starfsgreinum!
Þeir fóðra dýrin í vetur á innfluttu
þurrfóðri, sem bleytt er fyrir gjöf.
Engin fóðurblöndunarstöð er hér á
svæðinu enn sem komið er enda eru
þetta fyrstu refabúin á sunnan-
verðu Snæfellsnesi. I undirbúningi
er að fóðurstöð taki til starfa í
Borgarnesi á næstunni. Mun hún
þá anna fóðurþörfinni á þessu
svæði. Þeir Helgi og Salómon láta
vel af umgengni sinni við refina og
hyggja gott til þessarar nýju bú-
greinar. Er vonandi að vel takist til
og að þetta verði upphaf að traustri
framleislugrein, er tryggi ásamt
öðru búsetu fólks hér.
Síöastliðið laugardagskvöld fór
fram á Lýsuhóli árlegur þorrafagn-
aður. Þar mættu á þriðja hundrað
manns úr Staðarsveit og nærliggjandi
Búðakirkja komin á nýja grunninn.
byggðarlögum. Að lokinni setning-
arræðu frú Kristínar Thorlacius
oddvita fór fram borðhald þar sem
borinn var fram hefðbundinn
þorramatur. Síðan voru flutt
heimatilbúin gamanmál við góðar
undirtektir samkomugesta. Að lok-
um var dansað fram eftir nóttu.
Skemmtunin fór í alla staði vel
fram og var til sóma fyrir þá er að
henni stóðu.
— ÞB.
Islenska kartaflan
>m hráefnt er einhver
ódýrasti matur
Það er kominn tími til að við
íslendingar nýtum kartöfluna okkar
á fjölbreytilegri hátt en sem meðlæti, soðið eða bakað. g\w» nitt
Kartafian er nefnilega ódýrt, ljúffengt og hollt hráefni, CÍM CsMMMMM r €✓.»
sem sómir sér jafnt í hversdags- og veislu
réttum, í potti, á pönnu, í ofni eða grilli
og í köldum réttum í óendanlegum tilbrigðum. CP|Y|
Við höfum ekki lengur efni á að horfa fram hjá &M^MMM Fl/I %*M éM
jafn hagstæðu hráefni - uppskriftabæklingurinn bíður úti í búð.

#
Kartöflugratin fyrir 4-5
•500 g kartöflur • 1 lítill laukur • Yi paprika rauð eða græn •150 g sýrður rjómi »salt • pipar.
Skrælið kartöflurnar og skerið í þunnar sneiðar. Saxið papriku og lauk. Smyrjið eldfast mót og raðið
kartöflum, lauk og papriku í lögum í mótið, stráið salti og pipar milli laga. Hrærið upp sýrða rjómann
og dreifið yfir kartöflurnar, hafið lok á mótinu. BakaðJ ofni við 200°C í 45 mín.
Borið fram sem sjálfstæður réttur með hrásalati og/eða grófu brauði.
íslenskar kartöflur eru auðugar af C-vítamíni,
einkum ef þeirra er neytt með hýðinu. Þær
innihalda einnig B, og B2 vítamín, níasín, kalk,
járn, eggjahvítuefni og trefjaefni.
í 100 grömmum af íslenskum kartöflum eru
aðeins 78 hitaeiningar. Til viðmiðunar má nefna
að í 100 g af soðinni ýsu eru 105 he, kotasælu
110, soðnum eggjum 163, kjúklingum 170, nauta-
hakki 268 og í hrökkbrauði 307.
Reynum Ijúffenga leið til sparnaðar
- matreiðum úr íslenskum kartöflum
(GrœnmetisverslúiTj
l landbúnaðarins [
Síðumúla 34 - Sími 81600