Morgunblaðið - 03.03.1985, Blaðsíða 31

MORGUNBLAÐIÐ, SUNNUDAGUR 3. MARS 1985
31
Ar og dagur
æskunnar
Ávarp biskups íslands, herra
Péturs Sigurgeirssonar, á
æskulýðsdegi þjóðkirkjunnar
„Lát engan líta smáum augum
á æsku þína, en ver þú fyrir-
mynd trúaðra, í orði, í hegðun, í
kærleika, í trú, í hreinleika." (1.
Tim. 4:9)
Svo mælti Páll postuli eitt
sinn til æskumanns. Segja má,
að Páll tali hér máli æskulýðs-
dags kirkjunnar, sem árlega er
haldinn fyrsta sunnudag í mars,
og er 3. mars nk.
í annan stað er æskulýðsdag-
urinn útvalinn til íhugunar og
áminningar fyrir okkur, sem
eldri erum, hvernig við rækjum
hlutverk uppalandans og búum
heiminn í hendur þeirra, sem
eiga að taka við og erfa landið.
Að þessu sinni er æskulýðs-
dagurinn á því ári, sem Samein-
uðu þjóðirnar hafa kjörið ár
æskunnar. Það gefur æskulýðs-
deginum aukið gildi, og gerir
hann „tvíheilagan", ef svo má að
orði komast.
„Höfum við gengið til góðs
götuna fram eftir veg?“
spyr Jónas Hallgrímsson í kvæð-
inu fsland. Reynum að svara
þeirri spurningu og taka mið af
því, sem reynslan hefir kennt
okkur í uppeldismálum. Matthí-
as lét í ljós ósk landi okkar og
þjóð til handa, er hann kvað:
„Verði gróandi þjóðlíf með
þverrandi tár,
sem þroskast á guðsrikisbraut.”
Æskan er verðmætasta eign
hverrar þjóðar. Hag hennar og
heill eigum við að bera fyrir
brjósti, hið „gróandi þjóðlíf með
þverrandi tár“. Ýmislegt tor-
veldar þó, að sú sameiginlega
hugsjón okkar nái fram að
ganga. Áfengis- og fíkniefna-
vandamálið er ásamt ófriðar-
hættunni það ískyggilegasta,
sem hrjáir æskulýðinn í dag.
Margir stynja og tárfella af
völdum ofdrykkju og eiturlyfja
og það böl hrjáir fólkið, yngri
sem eldri. Því nefni eg þetta að
nú virðist vera hætta á því að
áfengur bjór flæði yfir landið
með fyrirsjáanlegum afleiðing-
um til viðbótar við áfengisbölið,
sem fyrir er. Þessi tegund áfeng-
is mun ekki síst valda tjóni í lífi
fjölda æskufólks og barna og enn
auka þann vanda, sem foreldrar
eiga við að stríða í uppeldismál-
um.
Práleitt er að láta þetta verða
á ári æskunnar, eins og á hvaða
Pétur Sigurgeirsson
tíma sem er. Skylda okkar er að
firra þá bölinu, sem ekki kunna
fótum sínum forráð, þeim
ógnum, sem hægt er að kjósa
frá. Nóg er af hinu ófyrirséða
tjóni og böli, sem að höndum
ber, og menn geta enga rönd við
reist.
Það var eitt sinn 1. desember á
stúdentsárum mínum, að
háskólastúdentar mættu við Há-
skólann til að skipa sér í raðir og
ganga i fylkingu til hátíðahalda í
borginni í tilefni dagsins.
„Hvert er ferðinni heitið?" —
spurði einn í röðinni, þegar lagt
var af stað. „I kirkju til guðs-
þjónustu" — var svarið. Það var
fyrsti liður á hátíðadagskránni.
Og stúdentinn svaraði umyrða-
laust:
„Það var ánægjulegt!"
„Eg varð glaður, er menn
sögðu við mig: Göngum í hús
Drottins." (Sálm. 122:1.) Þetta er
í stystu máli ávarp þess æsku-
lýðsdags, sem að höndum ber.
Guð blessi þann dag, öll ár og
daga í lífi og starfi hinnar ís-
lensku þjóðar.
Verkfræðingafélag íslands:
Lýsir furðu á
ummælum iðn-
aðarráðherra
STJÓRN Verkfræðingafélags ís-
lands hefur beöið Morgunblaðiö að
birta eftirfarandi yfirlýsingu:
Stjórn Verkfræðingafélags Is-
lands furðar sig á ummælum iðn-
aðarráðherra á Alþingi í umræð-
um um sjóefnavinnslu á Reykja-
nesi.
Verkfræðingafélagið er með
þessu ekki að fella dóm um arð-
semi sjóefnavinnslunnar. Hins
vegar vill félagið eindregið mót-
mæla niðrandi aðdróttunum í
garð nafngreindra, ráðgefandi
verkfræðinga verksmiðjunnar, svo
og fúkyrðum í garð verkfræð-
ingastéttarinnar í heild.
Það er kunnara en frá þurfi að
segja, að lífskjör í þróuðu lör.dun-
um byggjast fyrst og fremst á
tækniþekkingu og hagnýtingu
hennar. Hvar værum við stödd án
raforkuframleiðslu, hitaveitna og
hvers konar annarji nýtingu
tækninnar, sem byggist á verk-
fræðilegri þekkingu? Mikið af
þessum framförum hefur orðið
einmitt vegna þess, að íslenskir
verkfræðingar hafa haldið hug-
myndum sínum að stjórnvöldum.
Mjög er nú rætt um nýsköpun
atvinnulífs og nýjan iðnað. Sú
uppbygging verður að byggjast á
nýrri tækni og mun því ekki síst
hvíla á verkfræðingum. Hversu
vel ráðgjöf þeirra og störf munu
nýtast er ekki síst háð því hversu
mikið gagnkvæmt traust og skiln-
ingur ríkir milli þeirra og þess
ráðherra, sem fer með iðnaðar- og
orkumál.
Grænland:
Sútunarstöð fer
út í klæðagerð
Grænlandi, 28. febrúar. Frá NiLs Jörgen
Bniun, frétUriUra Mbl.
TILRAUN sem hið ópinbera gerði til
að reka sútunarstöð í Julianehaab í
Suður-Grænlandi hefur gersamlega
mistekisL Verksmiðjan hefur safnað
skuldum upp á 9 milljónir danskra
króna (um 32 millj. ísl. kr.), frá því
að bæjarfélagið, heimastjórnin og
hópur hluthafa yfirtóku reksturinn.
Landsþingið hefur veitt fyrir-
tækinu 9 milljóna d. kr. fjárhags-
aðstoð, svo að það geti byrjað með
hreint borð.
Um 20.000 sútuð selskinn höfðu
hrúgast upp hjá fyrirtækinu, með
öllu óseljanleg um þessar mundir.
Þess vegna hefur landsþingið
ákveðið að leggja fram 14 milljón-
ir d. kr. til vélakaupa, svo að verk-
smiðjan geti hafið klæðagerð.
Flugleiðirbpöa flug og bíl í tengslum við áætlunarflug félagsins til 11 borga í Evrópu.
Þessir staðir eru: Björgvin, Glasgow, Gautaborg, Frankfurt, Kaupmannahöfn,
London, Luxemborg, Osló, París, Salzburg og Stokkhólmur. Ef þú vilt hafa
fararstjórnina í eigin höndum, þá hentar enginn ferðamáti þér betur en
flug og bíll.
Það er ódýrt að ferðast um Evrópu á bílaleigubíl.
Við hittum ykkur kannski í Búdapest.
LEITIÐ FREKARI UPPLVSINGA UM FLUG & BÍL
A SÖLUSKRIFSTOFUM FLUGLEIÐ A,
HJÁ UMBOÐSMÖNNUM
FÉLAGSINS, EÐA A
FERÐASKRIFSTOFUNUM.
semvtljá
heiminn og
skilja hannbetur