Morgunblaðið - 15.06.1985, Page 37
MORqUNBLAÐiP. LAUGARDAGUR íð.jQNÍ,]^,
§1
Athugasemd
um laxveiðispár
— eftir Björn
Jóhannesson
Það kann að vera álitamál hvort
iaxveiðispár séu ákjósanlegar. T.d.
geta svartsýnisspár haft áhrif á
sölu sportveiðileyfa og jafnvel á
sálarástand stangveiðimanna. En
gerist menn á annað borð spá-
menn og þetta á einkum við um
fiskifræðinga sem eðlilegt er að
almenningur treysti, þá er sann-
gjarnt að krefjast þess að þeir
sneiði hjá rökleysum. En að mínu
mati vill svo óheppilega til að
fleirum en einum laxasérfræðingi
í opinberri þjónustu hefur nýlega
orðið á glappaskot í þessu sam-
bandi. Þeir hafa feilreiknað sig
um eitt ár svo sem nú skal greina.
Til þess að laxaseiði silfrist á til-
teknu vori eða sumri og gangi til
sjávar, þarf það að hafa náð lág-
marksstærð, svokallaðri göngu-
stærð, (10—11 sm) haustið áður.
Minni seiði dveljast áfram í ánni
og þau sem að haustinu ná göngu-
stærð hverfa ekki þaðan á haf út
fyrr en næsta sumar, jafnt þótt
vaxtarskilyrði í ánni hafi verið hin
ákjósanlegustu á sumrinu. Að
öðru jöfnu ná færri seiði göngu-
stærð á tilteknu sumri ef kalt er í
ári og vaxtarskilyrði óhagstæð.
Þessi einföldu atriði eru mergur-
inn málsins.
Að öðru jöfnu hafa því tiltölu-
lega fá laxaseiði náð göngustærð
kalda sumarið 1983, og þar af leið-
andi voru tiltölulega fá seiði þess
búin að ganga til sjávar vorið eða
sumarið 1984 (vegna hagstæðs tið-
arfars munu þau að vísu hafa
gengið óvenju snemma úr ánum).
„Vænta má lélegrar
smálaxagöngu 1985 og
sömuleiöis slakrar stór-
laxagöngu sumarið
1986.“
Af því leiðir svo, að vænta má lé-
legrar smálaxagöngu 1985 og sömu-
leiðis slakrar stórlaxagöngu sumarið
1986. Önnur áhrif kalda sumarsins
1983 voru þau að þá hurfu laxa-
seiði óvenju síðla sumars til hafs.
Þetta hefur stytt vaxtartímabilið í
hafinu, enda var smálax óvenju
smávaxinn sumarið 1984.
Finnur Garðarsson, fiskifræð-
ingur hjá Veiðimálastofnun, tekur
fram í viðtali við Morgunblaðið
frá 8. júní, að „mælingar sem við
höfum gert benda til þess að víða
hafi mikið af seiðum gengið til
sjávar" sumarið 1984. Eg kemst
ekki hjá því að vefengja þessa
staðhæfingu. Ámóta ranga tel ég
spá hans um að „smálaxagöngur
muni verða sterkar" á þessu
sumri. Finnur er einfaldlega einu
ári á „undan áætlun" með sínar
spár.
Loks skal þess getið, að fram-
angreindar bollaleggingar eiga
ekki við um laxagöngur sem
grundvallast á seiðum sem sleppt
er frá hafbeitarstöðvum, þar sem
fjöldi, stærð og hreysti slíkra
seiða eru óháð íslensku veðurfari.
Höíundur er verktrædingur og
starfaði unt árabil hjá Þróunar-
stofnun SÞ í New York.
Doktor í verkfræði
GRÉTAR Tryggvason lauk nýlega
doktorsprófi í verkfræði frá Brown
University á Rhode Island í Banda-
ríkjunum.
Grétar er fæddur 2. febrúar 1956,
sonur hjónanna Tryggva Stefáns-
sonar bónda á Skrauthólum á Kjal-
arnesi og Sigríðar Arnfinnsdóttur.
Hann lauk stúdentsprófi frá
Menntaskólanum við Hamrahlíð af
eðlisfræðibraut árið 1975 eftir
þriggja ára nám. Haustið 1976 hóf
hann nám í vélaverkfræði við Há-
skóla Islands og lauk prófi þaðan
1980. Síðastliðin fimm ár hefur
hann verið við nám í Bandaríkjun-
um.
Grétar skrifaði ritgerð til loka-
prófs og ber hún nafnið „Numerical
studies of flows with sharp inter-
faces".
Dr. Grétar Tryggvason
Eiginkona Grétars er Elfa Jóns-
dóttir handavinnukennari og eiga
þau tvö börn.
...plús fólkiö
og fjöriö á Bifröst!
Nú er aldeilis upplagt að njóta þess sem Hótel Bifröst hefur uppó að bjóða
- allar veitingar; góðan mat, meðlœti og drykki í sérflokki. Góð aðstaða
fyrir hópa, hópafslóttur. Skemmtileg afþreyingar- og afslöppunaraðstaða,
auk vandaðrar gistingar - og síðast en ekki síst er nóttúrufegurðin hjó okkur
alveg einstök!
HótelBifröst
Borgarfirði. Sími 93-5000.
irætti*
Vorha
Sjálfstæðisflokksins
Dregió í dag
Opið frá kl. 10—20.
Vinsamlega gerið skil á heimsendum miöum. Af-
greiöslan er í Valhöll, Háaleitisbraut I.Sími 82900.
Sjálfstæðisflokkurinn.
Sækjum —
sendum