Morgunblaðið - 27.07.1985, Blaðsíða 5
MORGUNBLAÐIÐ, LAUGARDAGUR 27. JÚLl 1985
5
Skákþing Norðurlanda:
Jóhanni nægir jafntefli til
að öðlast stórmeistaratitil í
síðustu umferðinni í Gjövik
(•iövik í Noreffi. 25. iúlí. Frá Áskeli Erni Kárasvni. fréttamanni Monmnblaðsins.
(ijövik í Noregi, 25. júlí. Frá Askeli Erni Kárasyni, fréttamanni Morgunblaösins.
JÓHANN Hjartarsson og Helgi Ólafsson báru báðir sigur úr býtum í 10. og
næstsíðustu umfcrð í landliðsflokki á Skákþingi Norðurlanda í Gjövik. Jóhann
vann Jens Chr. Hansen frá Færeyjum og Helgi vann Danann Öst-Hansen.
Jóhanni nægir því jafntefli í síðustu umferð mótsins til að öðlast stórmeistara-
titil.
Önnur úrslit í 10. umferð voru
þau að Helmers og Agdestein gerðu
jafntefli og sömuleiðis Máki og
Schiissler og Wiedenkeller og
Westerinen, en skák Yrjöla og Curt
Hansen fór í bið. Staðan í mótinu
þegar ein umferð er eftir er sem
hér segir: Efstir og jafnir eru Jó-
Mjólkursala
dróst saman um
8,17% í júní
SALA flestra tegunda mjólkurvara
dróst saman í júnímánuði miðað við
sama mánuð í fyrra. I'annig minnkaði
sala mjólkur um 303 þúsund lítra, eða
8,17%. Sala á rjóma minnkaði um
15,29% skyri um 9,13% smjöri/-
smjörva 24,72% og ostum 9,79% svo
nokkrar helstu tegundirnar séu nefnd-
ar. Innvegin mjólk minnkaði lítillega,
eins og áður hefur komið fram, eða um
105 þúsund lítra, sem er 0,89% sam-
dráttur.
í maí varö nokkur aukning í
mjólkursölu, og mjólkurframleiðslu,
en raddir voru uppi um að um mán-
aðamótin maí/júní hefði staðið
þannig á dögum að þessir mánuðir
væru ekki fyllilega sambærilegir við
fyrra ár. Ef litið er á þessa tvo mán-
uði saman kemur í ljós að heildar-
innviktunin er 1,55% meiri en sömu
mánuði í fyrra, en sala á mjólkur-
vörum svipuð, til dæmis er mjólk-
ursalan 0,12% minni en sömu mán-
uði í fyrra.
Fyrstu sex mánuði ársins hefur
mjólkurframleiðslan aukist um 894
þúsund lítra, eða 1,64%. Sala
mjólkurvara hefur aftur á móti
dregist saman. Til dæmis minnkaði
seld mjólk um 438 þúsund lftra, eða
1,92%, skyr um 3,92%, smjör/smj-
örvi um 2,34%, og ostar um 0,80%.
Aukning varö í einstaka tegundum,
svo sem rjóma, 2,37% og jógúrt
0,38%. Ef litið er á allt verðíagsárið,
það er september til júní, kemur enn
meiri samdráttur fram: Sala á mjólk
hefur dregist saman um 1.131 þús-
und lítra, eða 2,95%. Sala á skyri
minnkaði líka á þessu tímabili en
salan jókst hins vegar heldur á flest-
um öðrum tegundum, ef litið er á
þetta 10 mánaða tímabil.
hann og Agdestein með l'k vinn-
ing. í þriðja sæti er Helgi Ólafsson
með 7 vinninga. í fjórða sæti er
Helmers með 6 vinninga. í 5. til 6.
sæti eru Yrjöla og Curt Hansen
með 5 vinninga og biðskák.
Schússler er í 7. sæti með 4Vfe vinn-
ing. í 8. sæti er Wiedenkeller með 4
vinninga. í 9. til 11. sæti eru Máki,
Öst-Hansen og Westerinen með 3 'k
vinning. í 12. sæti er Jens Chr.
Hansen með 2 vinninga.
Færeyingurinn Jens Chr. Han-
sen hefur sýnt það á mótinu, að
hann er ekki auðsigraður og Jó-
hann var ekki of viss fyrir skákina
að honum tækist að vinna. En þeg-
ar til kom var þetta fremur auð-
veldur sigur í 30 leikjum hjá Jó-
hanni. Um skák Helga er það að
segja, að hann var með hvítt eins
og Jóhann, en fékk ekkert sérstakt
frumkvæði út úr byrjuninni og stóð
lakar um tíma. Honum tókst þó að
notfæra sér tímahrak Danans er
líða tók á skákina og sigra. Eins og
áður segir þýða þessi úrslit í 10.
umferðinni að Jóhann þarf aðeins
jafntefli út úr síðustu umferðinni
til þess að ná lokaáfanga að stór-
meistaratitli. Jóhann teflir í síð-
ustu umferðinni við Harry Schússl-
er frá Svíþjóð og er Jóhann með
svart. Helgi verður með hvítt gegn
Jens Chr. Hansen frá Færeyjum.
Agdestein teflir við Finnan Yrjöla í
síðustu umferðinni, en talsverðar
líkur eru á að þeir Jóhann, Helgi og
Agdestein verði þrír efstir og jafn-
ir á mótinu þegar upp verður stað-
ið. Ef fleiri en einn verða í efsta
sæti mótsins hefur verið ákveðið að
úrslitakeppnin verði með því sniði
að tefldar verða hálftíma-skákir
milli þeirra efstu. Þetta er mjög
óvenjulegt og hefur mælst mis-
jafnlega fyrir meðal keppenda.
Hefur Helgi þegar lýst því yfir að
hann muni ekki taka þátt í slíku
einvígi.
Af öðrum íslendingum á Skák-
þingi Norðurlanda er það að segja
að í meistaraflokki, þar sem átta
umferðum af níu er lokið, er Áskell
Örn Kárason með 5 vinninga.
Þröstur Árnason er með 4 vinninga
og þeir Jóhannes Ágústsson og
Tómas Gestsson með 3'k vinning. I
opnum flokki, þar sem einnig er
lokið 8 umferðum af 9, eru þeir Jón
Þór Bergþórsson, Magnús Sigur-
jónsson og Einar óskarsson allir
með 4 vinninga.
John F. Lehman, flotamálaráðherra Bandaríkjamanna, Marshall Brement,
fráfarandi sendiherra Bandaríkjanna á íslandi, og Pamela Brement sendi-
herrafrú.
Bandaríski sjóherinn
heiðrar Marshall
Brement sendiherra
FYRIR SKOMMU heiðraði
flotamálaráðherra Bandaríkjanna
fráfarandi sendiherra þeirra á íslandi,
Marshall Brement, fyrjr störf hans
hér í þágu samskipta íslendinga og
Bandaríkjamanna og fyrir það sem
sendiherrann hefði lagt af mörkum til
að auðvelda bandaríska flotanum að
sinna skyldum sínum í þágu varna
íslands og norðurvængs Atlantshafs-
bandalagsins, eins og segir í frétta-
tilkynningu um þennan atburð frá
Menningarstofnun Bandaríkjanna f
Reykjavík.
John F. Lehman, flotamálaráð-
herra Bandaríkjanna, afhenti
Marshall Brement æðsta heiðurs-
merki sjóhersins, sem veitt er
óbreyttum borgara fyrir störf í al-
mannaþágu (U.S. Navy’s Distin-
guished Public Service Medal) við
hátíðlega athöfn í bækistöðvum
varnarliðsins á Keflavíkurflugvelli.
Við afhendinguna sagði Lehman
meðal annars að heiðursmerkið
hefði einungis verið veitt fjórum
mönnum síðastliðin fimm ár og
Brement væri fyrsti sendiherrann
sem yrði þessa heiðurs aðnjótandi
um langt árabil. Ráðherrann fór
lofsamlegum orðum um störf Brem-
ents sem sendiherra. Ennfremur
lagði hann áherslu á mikilvægi Is-
lands í varnarkeðiu Vesturlanda.
Nær þriðjungs
samdráttur
í sölu kinda-
kjots í juni
í JÚNÍ seldust 458 tonn af kindakjöti
innanlands. Kr það 210 tonnum, eða
nærri þriðjungi, minna en í júní á síð-
asta ári. Það sem af er verðlagsárinu,
þ.e. undanfarna 10 mánuði, hefur
kindakjötssalan verið 787 tonnum
minni en á sama tíma á síðasta ári.
í júní seldust 381 tonn af dilka-
kjöti (551 tonn í fyrra) og 77 tonn af
kjöti af fullorðnu (118 t.). Samtals
gera þetta 458 tonn á móti 668 tonn-
um í fyrra og er samdrátturinn því
210 tonn eða 31,5%. Á tímabilinu frá
1. september til 30. júní seldust hér
innanlands 6.635 tonn af dilkakjöti
(7.199 t.) og 1.374 tonn af kjöti af
fullorðnu (1.596 t.). Samtals seldust
því 8.008 tonn af kindakjöti á móti
8.795 á sama tímabili á síðasta verð-
lagsári og nemur samdráttur í sölu
þetta tímabil 787 tonnum, eða 9%.
Ur landi voru flutt 2.216 tonn á
móti 3.539 tonnum á sama tíma í
fyrra. Vegna mikils samdráttar i
slátrun sl. haust voru birgðir þann
30/6 3.500 tonn, eða lítið eitt minni
en á sama tíma í fyrra, þrátt fyrir
samdrátt í innanlandssölu og út-
flutningi.
1. Veðdeild Iðnaðarbanka íslands hf. býður út
verðtryggð skuldabréf, 2. flokk 1985,
kr. 25.000.000,00. Verðgildi hvers bréfs er
kr. 50.000,00 og eru bréfin 500 talsins.
2. Bréfin verða fyrst og fremst afhent:
a) Byggingaverktökum íbúðarhúsnæðis og
framleiðendum einingahúsa, í skiptum fyrir
verðtryggð skuldabréf á hendur kaupendum
fasteigna.
b) Fyrirtækjum, sem vilja selja skuldabréf á
verðbréfamarkaði með milligöngu banka.
3. Viðskiptamenn selja bréfin á verðbréfamarkaði og
ræðst sölugengi bréfanna því af ávöxtunarkröfu
markaðarins.
4. Bréfin verða gefin út á nafn og bera 2% fasta vexti
p.a. Afborganir höfuðstóls og vextir eru verðtryggðir
samkvæmt lánskjaravísitölu. Bréfin eru til 5 ára,
með jöfnum árlegum afborgunum. Gjalddagar eru
10. júlí ár hvert, í fyrsta sinn
10. júlí 1986.
6.
7.
Greiðslustaðir afborgana eru afgreiðslustaðir
Iðnaðarbanka Islands hf. og getur kröfuhafi vitjað
greiðslu gegn framvísun bréfs. Sé þess óskað,
mun bankinn sjá um innheimtu bréfsins og ráðstafa
afborgunum samkvæmt ákvörðun eiganda, honum
að kostnaðarlausu. Einnig má fela öðrum bönkum
eða sparisjóðum bréf til innheimtu. Verði
afborgunar ekki vitjað á réttum gjalddaga, mun
Veðdeildin greiða kröfuhafa dagvexti frá gjalddaga
bréfsins til greiðsludags, og eru vextimir hinir sömu
og á almennum sparisjóðsreikningum, eins og þeir
eru á hverjum tíma.
Til tryggingar bréfunum eru eignir og tekjur
Veðdeildar Iðnaðarbanka íslands hf., auk ábyrgðar
bankans sbr. 36. gr. reglugerðar fyrir bankann nr.
62/1982.
Skattaleg meðferð bréfanna fer að gildandi reglum
um skattalega meðferð skuldabréfa. Bréfin eru
stimpilfrjáls.
Útibú bankans taka við umsóknum og veita nánari
upplýsingar.
Reykjavík, 24. júlí 1985,
Iðnaðarbankinn