Morgunblaðið - 27.07.1985, Blaðsíða 12

12
MORGUNBLAÐIÐ, LAUGARDAGUR 27. JÚLÍ 1985
Björn, Katrín og Hildur voru staðráðin í að fara aftur í kolkrabbann í tívolíinu.
Þórey Sigurðardóttir, húsfreyja á Bjarnastöðum, og dóttir hennar Margrét.
Sumar
og sól í
Hveragerði
Texti: Jóhanna Ingvarsdóttir — Myndir: Þorkell Þorkelsson
Jóhanna Hjartardóttir sér um miðaafgreiðsluna í laugina.
SUNNLENDINGAR hafa ekki
þurft að kvarta undanfarið vegna
veðursins og virðist veðurguðinn
vera að bæta þeim upp rigning-
una, sem var svo til allt sl. sumar.
Veðurstofan hefur spáð undanfar-
ið 6 til 10 stigum norðanlands á
meðan sunnlendingar fá 10 til 15
stig. Blaðamaður og ljósmyndari
Morgunblaðsins brugðu sér austur
fyrir fjall, nánar tiltekið til
Hveragerðis, í vikunni í góða veðr-
inu og heimsóttu m.a. sundlaug-
ina, Eden og tívolíið.
í afgreiðslu sundlaugar Hvera-
gerðis hittum við fyrst Jóhönnu
Hjartardóttur. Hún og bróðir
hennar, Þorsteinn Hjartarson,
voru tvö við vinnu í sundlauginni,
en Þorsteinn sá um gæsluna. Jó-
hanna sagði að aðsókn hefði verið
mjög góð, en þó hefði nokkur lægð
komið í byrjun júlí vegna kulda-
kastsins. „Reykvíkingar eru dug-
legastir við að koma hér í sund og
sólbað, en Hvergerðingar eru
mjög latir við að synda. Sundlaug-
in hefur auðvitað sína föstu gesti
eins og tíðkast og láta þeir sjá sig
á hverjum degi. Borgarbúar
bregða sér gjarnan austur fyrir
fjall um helgar og nota sér þá það
sem Hveragerði hefur upp á að
bjóða. Hveragerði er líka mátu-
lega langt frá Reykjavík og tekur
ekki nema u.þ.b. hálftíma að keyra
á rnilli."
Laugin er opin frá 7.00 á morgn-
ana til 20.30 á kvöldin. Á laugar-
dögum er opið frá 9.00 til 17.30 og
á sunnudögum frá 9.00 til 16.30.
Tveir sólbekkr eru til staðar ef hin
náttúrulega sól lætur ekki á sér
bera, en gufubað er aðeins opið
yfir vetrarmánuðina. Jóhanna
sagði að lokum að meira hefði bor-
ið á útlendingum í fyrrasumar
heldur en nú.
í heita pottinum við sundlaug
Hveragerðis hittum við Þóreyju
Sigurðardóttur, húsfreyju að
Bjarnastöðum í Ölfusi. Þórey
sagðist nota sér laugina frekar lít-
ið en líkaði vistin vel í svona ynd-
islegu veðri eins og var í Hvera-
gerði í fyrradag. „Éger garðyrkju-
fræðingur og starfa við það hér í
Hveragerði, en veðrið dró mig í
laugina í dag. Við Hvergerðingar
höfum verið mjög heppnir með
veðrið það sem af er sumri og mik-
ið hefur verið um ferðafólk hér,
bæði útlendinga og fólk af lands-
byggðinni." Þórey var með dóttur
sína í sundi, Katrínu, 2 ára og
sagðist hún koma dálítið oft í
sundið.
Þrjú ungmenni lágu makinda-
lega í góðum heitum pottinum líka
og er blaðamaður heilsaði þeim að
góðum íslenskum sið, kom í Ijós að
heimaland þeirra er Finnland. Þar
voru á ferð systurnar Irja og Anja
Nykanen og kærasti Irju, Kari
Koskela. Anja sagði að hún hefði
komið til íslands í apríl og væri
við vinnu í garðyrkjuhúsi í Hvera-
gerði. Hún fer heim til Finnlands í
september. „Jú, mér hefur líkað
ljómandi vel a íslandi. Landið er
mjög fallegt, fólkið er allt yndis-
legt og ég hef verið sérstaklega
heppin með veður."
Þau Irja og Kari komu sl.
sunnudag til landsins gagngert til
að heimsækja Önju. Þau ætla að-
eins að dvelja hér í viku, en sögðu
að þeim líkaði vel við landið það
sem af væri heimsókninni. Kari
sagðist bíða þess í ofvæni að sjá
íslenska eskimóa, en hann hafði
ekki fundið neinn ennþá. „Þegar
Spánverjar, ítalar og aðrar þjóðir
heimsækja okkur í Finnlandi, bú-
ast þeir gjarnan við að sjá ísbirni,
en venjulega verða þeir að bíta í
það súra epli að verða án þess.
Ýmislegt broslegt getur komið
upp á yfirborðið hjá fólki sem fer
til annarra landa í leit að ein-
hverju sem þjóðsögurnar segja til
um,“ sagði Kari að lokum.
Fyrir framan Eden hittum við
þau hjónin Hrein Júlíusson og
Sigurlínu Káradóttur ásamt dótt-
ur þeirra, Hrafnhildi, frá Siglu-
firði. Með þeim í samfloti voru
hjónin Stefán Björnsson og
Hjördís Káradóttir frá Reyðar-
firði. Hreinn sagði að ferðinni
væri heitið bvert sem sólin færi og
hefði hún helst haldið sig sunnan-
lands. „Fyrir norðan höfum við
Siglfirðingar haft heldur votviðra-
samt veður það sem af er sumri og
bendir allt til að svo verði eitt-
hvað, a.m.k. er þolinmæðin að
þrotum komin hvað það varðar.
Eigandi Eden, Bragi Einarsson, var
ánægður með það sem af er sumri.
Við lögðum af stað í fríið sl. föstu-
dag og keyrðum fyrst um Snæ-
fellsnesið í góðu veðri. Við vorum
rétt að renna í hlaðið hér og ætl-
um að skoða staðinn aðeins nánar.
Síðan er engin ferðaáætlun ákveð-
in heldur fer hún algjörlega eftir
veðri og vindum. Við ferðumst
með tjaldvagna í eftirdragi, sem
er mjög þægilegur ferðamáti og
gistum við á Þingvöllum í nótt
sem leið. Rigningin hefur annað
slagið náð í okkur en þá höfum við
bara gefið í og keyrt inn í sólina
aftur.“
Hjördís sagði að lítið hefði sést
til sólar á Austfjörðum og er það
af sem áður var. „Líklega vill veð-
urguðinn vera sanngjarn og getum
við lítið sagt við því.“
Árna Vilhjálmsson og Helgu
Magnúsdóttur frá Húsavík hittum
við í Eden þar sem þau voru að
gæða sér á veitingum. „Við erum
orðin ansi langþreytt á veðrinu á
Húsavík. Við eigum að venjast því
betra, a.m.k. yfir sumarmánuð-
ina,“ sagði Árni. „Við erum að
hvíla okkur á rigningunni og í
leiðinni erum við að sýna barna-
börnum okkar tveimur dásemdir
Suðurlandsins og svo auðvitað
heimsækjum við alla vinina, sem
koma undir venjulegum kringum-
stæðum til okkar í góða veðrið
fyrir norðan. Ætli við dólum ekki
áleiðis til Víkur í Mýrdal nú á eft-
ir,“ sagði Árni að lokum.
Bragi Einarsson, eigandi Eden,
sagði að þetta sumar væri hið
besta sem komið hefði í mörg ár.
Ferðamannastraumur hér hefur
vaxið mjög mikið með tilkomu tív-
olísins og eins hefur veðrið verið
hér með besta móti það sem af er
sumri og ekki hefur það dregið úr
aðsókninni.
„Tívolíið verður aðeins rekið á
sumrin og það stendur til að
stækka það á næsta ári um helm-
ing og bæta við fleiri tækjum. Að-
allega er það fjölskyldufólk sem
kemur í tívolíið, margir frá
Reykjavík og utan af landi. Ég
geri ráð fyrir að það fólk, sem
ákveðið hefur að ferðast um eigið
land, hafi í upphafi bætt Hvera-
gerði við þá staði sem heimsækja
á, vegna tívolísins, og nýtur því
önnur þjónusta hér góðs af. Tívolí-
ið hefur mjög vel borgað sig fyrir
alla þjónustu hér í sumar, t.d. hef-
ur verið tvöföld umsetning hér hjá
mér í Eden.“
Um miðaverðið í tívolíinu sagði
Bragi að það væri eiginlega of
lágt, en miðinn kostar 50 krónur.
Bragi sagði að alltaf væri til úrval
grænmetis í Eden og væri verðið
lægst þar. T.d. kostar kílóið af
tómötum 49 krónur og af gúrkum
er kílóið 59 krónur.
„Fjöldamargar rútur hafa kom-
ið hingað með erlenda ferðamenn,
en ég hef varla séð til svokallaðra
„puttalinga". Erlendu ferðamenn-
irnir versla mjög mikið af íslensku
ullarvörunum, sem hér eru á
boðstólum og finnst þeim líklega
verði mjög stillt í hóf því að í
Bandaríkjunum er íslensk gæra
seld á 100 dollara en hér fæst gær-
an á 19 dollara." Bragi sagði að
lokum að hann væri mjög bjart-
sýnn á að tilkoma skemmtigarðs-
ins eigi eftir að bæta mjög alla
þjónustu í Hveragerði og umferð
um staðinn.
í tívolíinu var mikið um dýrðir
að vanda. Krakkarnir flýttu sér
frá einu tækinu í annað af spenn-
ingi og teymdu foreldra sína í
miðasölurnar.
Friðgeir Kristinsson var á ferð
með tvö lítil, þau Margréti, 2 ára,
og Ólaf Kristinn, 3 ára. „Við kom-
um frá sumarbústað í Þrastaskógi
og virðast krakkarnir hér
skemmta sér konunglega," sagði
Friðgeir og var þar með rokinn af
stað. Margrét og ólafur Kristinn
máttu hinsvegar ekkert vera að
því að rabba við blaðamann þvi
næsta tæki beið þeirra og þau
máttu ekki neinn tíma missa.
Katrín og Hildur, báðar 9 ára og
Björn, 13 ára, voru að koma úr
kolkrabbanum þegar blaðamaður
rakst á þau og voru þau staðráðin
í að fara aftur í hann. „Okkur
finnst kolkrabbinn skemmtileg-
astur. Jú, við vorum aðeins hrædd
í byrjun, en svo venst maður
þessu. Klessubílarnir eru líka fer-
lega skemmtilegir."
Katrín og Björn eru frá Akur-
eyri og Hildur er af Seltjarnarnes-
inu. Þau voru öll á ferðalagi með
foreldrum sínum, sem höfðu próf-
að kolkrabbann, en síðan ekki þol-
að meira og farið í kaffi í Eden.
„Hvert okkar keypti miða fyrir
500 krónur og finnst okkur það
svolítið dýrt. T.d. þarf að borga
meira en einn miða í sum tækin. í
kappaksturinn þarf þrjá miða.
Okkur finnst einnig of dýrt að
kaupa happdrættismiðana fyrir 25
krónur því maður fær svo sjaldan
vinning."
Síðast hittum við fjölskyldu,
sem býr í Svíþjóð en er hér á landi
í þriggja vikna fríi. Þórólfur Jóns-
son var þar á ferð með sænska
konu sína, Kerstin Almqvist, og
fjögurra ára dóttur þeirra, Helgu.
Einnig var vinur þeirra, Þórir
Indriðason, 11 ára, með í förinni.
Þórólfur sagði að sér þætti tívolíið
mjög skemmtilegt. „Mér finnst
hinsvegar vanta trjágróður og
eins mætti skemmtigarðurinn
vera stærri."