Morgunblaðið - 27.07.1985, Blaðsíða 44

44
MORGUNBLAÐIÐ, LAUGARDAGUR 27. JÚLÍ 1985
Minning:
Hjörtur Jóhanns
son Laugaskarði
Fæddur 12. nóvember 1925
Dáinn 21. júlí 1985
Hjörtur fæddist á Kirkjubæj-
arklaustri á Síðu, sonur hjónanna
Jóhanns Sigurðssonar bónda þar
og konu hans Jóhönnu Margrétar
Magnúsdóttur. Þau hjón voru
bæði skaftfellskra ætta.
Þegar Hjörtur var rúmlega
ársgamall fluttu foreldrar hans að
Núpum í Öifusi. Þar ólst hann upp
í stórum systkinahópi og vandist
sveitastörfum að þeirra tíðar
hætti. Hjörtur fór til náms að
Héraðsskólanum á Laugarvatni og
að því námi loknu stundaði hann
nám við Iþróttakennaraskólann
þar og lauk því námi árið 1946. Að
því loknu settist hann að í Hvera-
gerði og gerðist forstöðumaður
héraðssundlaugarinnar á Laugar-
skarði. Jafnframt kenndi hann við
barna- og unglingaskólann í
Hveragerði, bæði sund, fimleika
og fjölda annarra greina, enda var
hann fjölþættum gáfum gæddur.
Hann tók við forstöðu sundlaugar-
innar úr höndum Lárusar J. Rist,
sem var hinn mesti áhugamaður
og lyfti sannkölluðu Grettistaki,
ásamt ungmennafélaginu, við
fyrstu uppbyggingu sundlaugar-
innar, en það starf hófst árið 1937.
Það var árið 1946 sem Hjörtur
tók við forstöðu sundlaugarinnar
því er ekki að leyna að þrátt fyrir
eldlegan áhuga frumherjanna var
þar margt af vanefnum gert og
mikið verk framundan.
Árið 1964 var tekið í notkun ný
sundlaugarbygging. Er þar að
finna hina ákjósanlegustu að-
stöðu, böð af öllum gerðum og
annað er að heilsurækt lýtur.
Þetta hús gegndi og öðrum hlut-
verkum. Um árabil var þar einnig
aðsetur gagnfræðaskólans í
Hveragerði. Þótt þröngt væri setið
var samkomulag ætíð hið besta.
Mér er kunnugt um það að þessi
bygging og framgangur hennar og
þróun var Hirti mjög hugleikin og
ekkert til sparað af hans hendi til
að allt mætti þar sem best fara.
Sundlaugin sjálf hefir verið
snar þáttur í lífi flestra Hvergerð-
inga og raunar fjölda annarra.
Andi og viðmót hefir mjög mótast
af stjórnanda og þangað hefir ver-
ið gott að sækja.
Þá má ekki gleyma þætti Hjart-
ar við hátíðahöld 17. júní, sem far-
ið hafa fram við sundlaugina að
hluta, ár hvert um langt skeið.
Var hann jafnan boðinn og búinn
og vildi hvers manns vanda leysa.
Hjörtur kvæntist 19. nóvember
1949, Margréti Þorsteinsdóttur,
dóttur Þorsteins Jónssonar á
Ljósalandi í Hveragerði og konu
hans Agnar Sigfúsdóttur. Þau eru
bæði húnvetnskra ætta, og er þar
margt fólk er setti svip á samtíð
sína, af greind og gjörvileika.
Börn þeirra eru þrjú, Ester f. 25.
febrúar 1952, íþróttakennari og er
hann kvæntur Ernu Ingvarsdóttur
og eiga þau eina dóttur unga. Jó-
hanna f. 28. september 1964 stúd-
ent, stundar nú nám við íþrótta-
kennaraskólann á Laugarvatni.
Þau systkinin eru öll hið mesta
atgervisfólk og bera foreldrum
sínum og uppruna gott vitni.
Heimili sitt settu þau Hjörtur
og Margrét fyrst í lítilli íbúð sem
fylgdi gamla sundlaugarhúsinu,
en árið 1955 byggðu þau sér íbúð-
arhús nokkuð fyrir ofan sundlaug-
ina. Er þar víðsýnt til allra átta,
en innan dyra ríkti gestrisni og
hlýja sem mótaðist af þeirri ein-
lægni sem sumum er gefin, en
verður ekki lærð.
Hjörtur átti mörg áhugamál
utan starfs síns. Hann átti lengi
sæti í stjórn héraðssambandsins
„Skarphéðinn" og var óspar á tíma
sinn í þess þágu.
Tónlistargáfur hafði hann góð-
ar, lék á hljóðfæri og söng um ára-
tuga skeið í kirkjukór Hveragerðis
og Kotstrandarsóknar. Lengst af
var hann heilsuhraustur og léttur
á fæti, vel meðalmaður á hæð,
fremur grannholda, og vel á sig
kominn.
Ekki mun þeim er þekktu Hjört
og sáu hann glaðan og reifan um
síðustu jól og áramót hafa rennt
grun í að hann yrði allur á miðju
sumri.
Nokkru eftir áramót veiktist
hann og fór síðan í sjúkrahús og
átti ekki afturkvæmt þaðan.
Þungbær veikindi bar hann með
því æðruleysi er honum var gefið
og uppgjöf og vonleysi var ekki á
honum að finna, fremur en hjá
forföður hans séra Jóni Stein-
grímssyni, er hann einn kennim-
anna í eldsveitum hélt tryggð við
söfnuð sinn á hverju sem gekk.
Hjörtur átti í senn vináttu og
virðingu nemenda sinna og allra
er honum kynntust. Hann var
skemmtilegur í viðræðu, sagna-
maður góður, hafði glöggt auga
fyrir ýmsu broslegu og sagði frá af
glettni og hýrleika.
Þessi heilsteypti og góði dreng-
ur er horfinn af sviðinu, en svo
skal líf fram ganga og verður ekki
að gert. En minning samferða-
manna um hann mun lengi lifa.
Ég og kona mín og börn þökkum
honum órofa tryggð og vináttu.
Betri granna getur ei.
Margréti og börnum þeirra og
ættingjum öllum sendum við inni-
legar samúðarkveðjur.
Axel V. Magnússon
í dag er kvaddur hinstu kveðju
frá Hveragerðiskirkju, vinur minn
og mágur, Hjörtur Sigurður Jó-
hannsson, kennari, en hann lést í
Borgarspítalanum þann 21. júlí sl.,
langt fyrir aldur fram. Hann hafði
undanfarna mánuði verið að berj-
ast við sjúkdóm þann sem lækna-
vísindin hafa enn ekki náð fulln-
aðartökum á. Batahorfur voru þó
nokkrar á tímabili, en skyndilega
syrti í álinn.
Foreldrar Hjartar voru Jó-
hanna Magnúsdóttir og Jóhann
Sigurðsson frá Núpum í Ölfusi.
Systkini: Ragnheiður, Helgi, Sig-
geir, Ingólfur, Gunnlaugur, Gyð-
ríður, Ingigerður og Lárus en tvö
þau síðastnefndu eru bæði látin.
Á mínum bernsku- og uppvaxt-
arárum hér í Hveragerði, átti ég
því láni að fagna að inn í fjöl-
skylduna tengdist ungur og glæsi-
legur maður, Hjörtur nokkur frá
Núpum í Ölfusi, íþróttakennari að
mennt, en hann hafði verið ráðinn
sem sundkennari og umsjónar-
maður að sundlauginni í Lauga-
skarði, auk íþróttakennslu við
Barna- og unglingaskólann í
Hveragerði. Hjörtur og systir mín,
Margrét, tengdust snemma þeim
trúnaðarböndum sem aldrei bar
skugga á, einstaklega samhent
hjón, sem alltaf var gott að leita
til, vildu gera gott úr öllum hlut-
um og hvers manns vanda leysa.
Börn þeirra eru: Ester, Þorsteinn
Georg og Jóhanna Margrét. Þor-
steinn er kvæntur Ernu Ingvars-
dóttur og eiga þau eina dóttur,
Álfhildi að nafni.
Mannkostir og hæfileikar
Hjartar komu strax í ljos. Hann
var fyrirmyndin sem allir litu upp
til og báru virðingu fyrir. Hann
var og algjör reglumaður á áfengi
og tóbak. Til Hjartar var alltaf
hægt að leita með sín mál, maður-
inn var alltaf jafn yfirvegaður og
úrræðagóður og gaf sér alltaf tíma
til að ræða málin. Það var því eng-
in furða, að á Hjört hlóðust allra
handa störf sem hann síðan vann
ötullega að. Hér var um að ræða
ýmiss konar störf og nefndir á
vegum hreppsins, auk starfa að
íþróttamálum. Fram í huga minn
streyma ótal minningar um Hjört.
Hann var allt í senn, vinur, mág-
ur, félagi; vinnuveitandi og upp-
fræðari. Á uppvaxtarárum minum
var Laugaskarð mitt annað heim-
+
Drengurinn okkar,
BJÖRGVIN KÁRASON,
er látinn.
Kristín Björgvinsdóttir, Kóri Kaaber.
t
Móöir okkar,
INGVELDUR EINARSDÓTTIR,
Breíðvangi 57, Hafnarfiröi,
lést í Sólvangi 25. Júlí. Jarðarförin auglýst síðar.
Börnin.
+
Móöir okkar,
INGIBJÖRG KORTSDÓTTIR,
andaöist á sjúkradeild Elliheimilisins Grundar þann 26. júií.
Jaröarförin veröur auglýst síöar.
Fyrir hönd barna hinnar látnu,
Sveinfríöur Sveinsdóttír.
Fóstra okkar. + SIGRÍÐUR PÉTURSDÓTTIR, Baröavogi 36,
er látin. Jaröarförin hefur fariö fram í kyrrþey aö ósk hinnar látnu.
Helga Hjólmtýsdóttir. Bjarni Hjólmtýsson.
+
Móöir mín, tengdamóöir, amma og langamma,
RANNVEIG HALLDÓRSDÓTTIR,
óöur til heímitis Álfheimum 21, Reykjavík,
lést 16. júlí á Elli- og hjúkrunarheimilinu Grund. Útförin hefur fariö
fram í kyrrþey.
Þökkum sýnda samúö. Sérstakar þakkir til starfsfólks Grundar fyrir
hlýju og góöa umönnun.
Halldór Christensen, Elín Jónsdóttir,
börn og barnabörn.
+
Eiginmaöur minn, faöir, tengdafaöir og afi,
HELGI STEFÁN JÓSEFSSON,
Smáratúni 15,
Keflavík,
er lést 21. júlí, veröur jarösunginn mánudaginn 29. júlí, kl. 14.00,
frá Keflavíkurkirkju.
Gyöa Helgadóttir,
Þóra Helgadóttir,
Björn Helgason,
+
Móöir okkar og tengdamóöir,
LOVÍSA JÓNSDÓTTIR,
fró Hrísey,
andaöist 24. júlí. Minningarathöfn veröur í Þjóökirkjunni í Hafnar-
firöi þriöjudaginn 30. júli kl. 10.30.
Jarösett veröur í Hrísey miövikudaginn 31. júlí kl. 14.00.
Jón Áskelsson, Ingibjörg Sæmundsdóttir,
Ásgeir Áskelsson, Jóhanna Bogadóttir,
Agnar Áskelsson, Bjarnveig Guömundsdóttir,
Zophanius Áskelsson, Þórhildur Jóhannesdóttir,
Gyöa Áskelsdóttir, Jón Þ. Einarsson.
+
Faöir okkar, tengdafaöir og afi,
SIGURÐUR GREIPSSON,
fyrrv. skólastjóri,
Haukadal,
veröur jarösunginn frá Skálholtskirkju, laugardaginn 27. júlí kl.
13.30. Jarösett veröur í Haukadal. Bílferö frá BSI kl. 11.00, meö
viökomu í Hverageröi kl. 12.00. og kl. 12.30. úr Fossnesti.
Fyrir hönd vandamanna, synir,
tengdadætur og barnabörn.
+
Útför eiginmanns mins,
MAGNÚSAR S. JÓNSSONAR
bókbindara,
Sólheimum 35,
fer fram frá Fossvogskirkju mánudaginn 29. júli kl. 15.00.
Blóm og kransar eru afþakkaöir, en þeir sem viidu minnast hins
látna eru vinsamlegast beönir aö láta líknarsjóöi njóta þess.
Oddrún Einarsdóttir.
+
Innilegar þakkir fyrir samuö og vinarhug viö andlát og jaröarför,
INGVELDAR MAGNÚSDÓTTUR,
fyrrum Ijósmóöur,
Vorsabæ, Skeiöum.
Systkinin fró Vorsabæ
og systkinabörn hinnar lótnu.
+
Þökkum hjartanlega samúö, vináttu og hlýju viö andlát og útför,
móöur okkar, tengdamóöur og ömmu,
JÓNÍNU JÓNSDÓTTUR,
Álfheimum 16.
Guö blessi ykkur öll.
Sigríöur Guömundsdóttir, Þóröur Halldórsson,
Jóna Guömundsdóttir, Ragnar Júlíusson,
Ásdís Elfa Jónsdóttir, Smóri Hermannsson
og fjölskyldur.