Morgunblaðið - 27.07.1985, Blaðsíða 38
38
MORGUNBLAÐIÐ, LAUGARDAGUR 27. JtJLl 1985
Afmæliskveðja:
Víglundur Jónsson
útgerðarmaður
Næstkomandi mánudaií, 29.
þ.m., er Víglundur Jónsson útgerð-
armaður í Ólafsvík 75 ára. Hann
er fæddur að Haga í Staðarsveit,
sonur hjónanna Jóns Sigurðssonar
og Guðrúnar Sigtryggsdóttur, sem
lengst af bjuggu á Arnarstapa.
Þau hjón eignuðust 10 börn. Af
þeim náðu 9 fullorðins aldri og var
Víglundur sá þriðji i röðinni.
Hann ólst þvi upp í stórum barna-
hópi. Auk þess var mjög gest-
kvæmt á því heimili og þarf víst
ekki að taka það fram að aldrei
var tekið fyrir greiða. Það leiðir
því af sjálfu sér að mikið varð að
leggja á sig til að afla þessum
stóra hópi viðurværis, og voru þau
hjón Jón og Guðrún dugleg og ráð-
deildarsöm. Jón, sem var annálað-
ur þrekmaður, stundaöi bæði
búskap og sjómennsku, auk þess
var hann kaupfélagsstjóri fyrir
lítið kaupfélag sem var á Arnar-
stapa árin 1919 til 1945, en það var
algert aukastarf, og mun heldur
hafa aukið útgjöld heimilisins, því
öllum var veittur beini er komu til
að versla. Það leiddi því af sjálfu
sér að börnin urðu snemma að
fara að vinna. Þeir bræður Víg-
lundur og Tryggvi, sem báðir urðu
kunnir aflamenn, voru ekki gamlir
eru þeir fóru að róa litlum bát
heiman frá sér.
Frá 17 ára aldri var Víglundur
með kunnum aflamönnum bæði á
vetrum og og á síldveiðum á sumr-
um, hann stundaði og smíðar.
Ekki var mikill kostur á skóla-
göngu en hann tók þó skipstjóra-
próf frá Stýrimannaskóla Reykja-
víkur árið 1935. Snæfell, 14 tonna
bát, keypti hann ásamt yngri
bróður sínum, Tryggva, árið 1938.
Stækkaði hann bátinn síðar í 17
tonn. Með Snæfellið var Víglundur
á vertíð frá Sandgerði og Hafnar-
firði.
Árið 1940 flutti Víglundur með
Snæfelli til Ólafsvíkur. Þar var þá
vor í lofti. Hraðfrystihús ólafsvík-
ur hafði tekið til starfa. Iðnaðar-
menn eins og Böðvar Bjarnason
húsasmiður og Bjarni Sigurðsson
vélsmiður fluttu hingað um svipað
LAUGAVEGI 116. S. 10312
# V Voitii
Veitingahus
meö öllum veitingum.
Niðurgengt í diskótek.
Opiö allan daginn alla daga, bæði
uppi (krá) og niöri (diskótek) öll
kvöld vikunnar.
Komiö og skoöiö nýjasta skemmti-
staöinn í hjarta borgarinnar. Sjón er
sögu ríkari.
Verið velkomin.
* 3
SnyrtHegur
Kíaeönaöur.
Aldursta^-
marK 20ar
úr góðu eldhúsi.
SSEi«—*
w ypipxwiiÐiji 3
'hj/
LAUGAVEGI 116 S. 10312
leyti. Bjarni hóf strax störf í
Vélsmiðjunni Sindra ásamt bróð-
ur sínum Guðjóni Sigurðssyni,
sem hafði starfrækt áðurnefnda
smiðju í mörg ár. Sagði Halldór
Jónsson sem síðar varð einn mesti
útgerðarmaður við Breiðafjörð að
það hefði verið þeim sem við út-
gerð fengust ómetanlegt að fá
slíkan snilling og Bjarna Sigurðs-
son til starfa í Ólafsvík. Þegar
Víglundur kom með Snæfellið til
Ólafsvíkur voru hér fyrir aðeins 2
dekkbátar, að öðru leyti opnir vél-
bátar.
Nokkrir dugnaðarmenn sem því
miður er ekki tækifæri til að gera
grein fyrir hér (verður eflaust gert
þegar saga Ólafsvíkur verður rit-
uð) höfðu reynt að gera út dekk-
báta, en hafnleysið var þeim erfið-
ast. Það hafði því verið hafin bar-
átta fyrir bættri hafnaraðstöðu og
tók Víglundur ótrauður þátt í
þeirri baráttu. 1943 keypti hann 27
tonna bát ásamt Lárusi Sveins-
syni, ungum dugnaðarmanni sem
hann átti kyn til. Lárus og Víg-
lundur stofnuðu saltfiskverkunina
Hróa hf. ásamt fleirum árið 1947-
—1948. En Hraðfrystihús ólafs-
víkur var þá of lítið til að geta
verkað allan þann fisk sem að
landi barst í Ólafsvík. (Lárus
drukknaði haustið 1947 áður en
fyrirtækið Hrói tók til starfa).
Hrói hf. hefur lengi verið ein
stærsta saltfiskverkunarstöð á
landinu. 1954 hættir Víglundur að
fara sjálfur með bát og eftir það
verður framkvæmdastjóm Hróa
ásamt stjórn eigin útgerðar í landi
hans aðalstarf. Hér er ekki timi
eða tækifæri til að rekja fram-
kvæmdasögu Víglundar Jónsson-
ar. En skylt er að geta þess að
hann hafði ávallt afburða duglega
menn, bæði háseta og skipstjórn-
armenn.
Víglundur er kvæntur ágætis
konu, Kristjönu Tómasdóttur, sem
hefur búið manni sínum indælt
heimili.
Þau hjón eignuðust 3 mannvæn-
leg börn og hefur bókhald fyrir-
tækisins hvílt að mestu á herðum
dóttur þeirra, Ragnheiði, hin síð-
ari ár.
Tvö síðastliðin ár hafa þau hjón
átt við vanheilsu að stríða og hef-
ur tengdasonur þeirra, Pétur Jó-
hannsson, tekið við mestu af þeim
störfum er á Víglund hafa hlaðist.
Að síðustu sendi ég þeim hjón-
um og börnum þeirra mínar bestu
óskir og þjóðinni til handa vona ég
að hún eignist sem flesta, jafn far-
sæla athafnamenn og Víglund
Jónsson.
Sigurður Brandsson
Golfmyndir eftir
R. Lár. að Jaðri
Akureyri, 24. julí.
í TENGSLUM við íslandsmót í golfi, sem hefst á Jaðarsvelli á Akureyri
30. júlí, efnir Kagnar Lár til myndlistarsýningar í golfskálanum, þar
sem hann mun sýna kolateikningar og vatnslitamyndir, allar tengdar
golfi og Jaðarsvelli. Golfklúbbur Akureyrar tók í notkun í vetur sem
leið stóraukið nýtt húsrými á Jaðri og hefur það verið eftirsóttur
sýningarstaður myndlistarmanna síðan, en sýning Ragnars er sú sjötta
sem þar er haldin á skömmum tíma. Sýningin stendur til sunnudags-
kvölds og er öllum opin.
G.Berg