Morgunblaðið - 27.07.1985, Blaðsíða 37
MORGUNBLAÐIÐ, LAUGARDAGUR 27. JtJLÍ 1985
37
GRÉTA ÖSP JÓHANNESDÓTTIR NEMI í FATAHÖNNUN
Sýnir í Pompidousafninu
Gréta Ösp Jóhannesdóttir sem
er við nám í fatahönnun við
Esmod-skólann í París hlaut þá við-
urkenningu nú í sumar að verkefni
hennar á skólasýningu, alklæðnað-
ur, var valið til að fara á sýningu á
Pompidou-safnið í París.
„Á lokasýningunni sem við vor-
um með í skólanum áttum við að
hafa til hliðsjónar herklæði allra
tíma og allra landa og okkur var
skipt í hópa. Það kom í minn hlut
að vera í hópi sem einbeitti sér að
Indlandi á nýlendutímabilinu.
Þessi sýning tókst vonum framar
og forráðamenn Pompidou báðu
okkur um að fá sýnishorn af því
sem við vorum að gera þarna og
mitt stykki varð fyrir valinu.
Þetta er samsýning á Pompidou
þar sem helstu hönnunar- og
klæðskeraskólar í París sýna
ásamt þessum stóru nöfnum í
tískuheiminum„.
— Hvað ertu búin að vera lengi
við nám í þessum skóla?
»Ég er búin að vera í tvö ár í
Esbon og reyndar erum við þrjár
íslenskar stelpur að læra þarna.
Fyrst var ég í Sorbonne í frönsku.
Þetta nám sem ég stunda er tví-
þætt, ég hef stundað bæði nám í
fatahönnun og hinsvegar í klæð-
skerasaumi. Hvor greinin um sig
tekur venjulega þrjú ár.
Hingað til hefur námið verið
það strembið að ég gæti allt eins
verið á hvaða stað sem er í veröld-
inni, því það hefur enginn tími
gefist til að skoða borgina. Næsta
vetur hyggst ég þó bæta um betur
og geyma klæðskeranámið þangað
til ég sé fyrir endann á fatahönn-
uninni.
Mikið af þessum krökkum sem
eru með mér í skóla eru að koma
úr myndlistarnámi og eru þjálfuð
sem teiknarar, en það tók mig óra-
tíma að mála því ég hafði aldrei
komið nálægt slíku af viti og í
fyrstu kunnni ég ekki að halda á
pensli. Þetta bitnaði dálítið á
hönnuninni og ég gat ekki sinnt
því námi sem skyldi, var í sann-
leika sagt dauðhrædd um að falla
og mjög hissa á þessum árangri
sem skilaði sér í lokin."
— Ein sígild: Saumarðu á sjálfa
þig?
„Já, næstum því undantekning-
arlaust sauma ég hverja einustu
flík á mig. Ég get ekki hugsað mér
að kaupa t.d. jakka á 3000 krónur
sem ég sé í hendi mér að ég gæti
saumað fyrir 300. Þannig að þegar
mér gefst tími þá sauma ég. Það
hefur eins og ég sagði áðan lít.ill
tími verið aflögu undanfarið til
nokkurs fyrir utan námið þannig
að farangurinn minn á heimleið-
inni samanstóð af allskyns efnum.
Ég hef saumað á mig lengi, lík-
lega síðan ég var 12 ára. Móðir
mín hefur lengstum verið iðin við
að sauma á sig og áður fyrr á alla
fjölskylduna. Þegar ég komst svo á
viðkvæman aldur fannst mér allt
hryllilega púkalegt sem mamma
var að sauma og fór þá sjálf að
fikra mig áfram eftir einföldum
sniðum og breytti svo smám sam-
an víddum, síddum, vösum og
krögum. Núorðið bý ég að auðvit-
að til sniðin sjálf."
— Þú ert nýkomin frá París.
Hvers megum við vænta í tísk-
unni?
„Yfirleitt virðist það sem er að
gerast í tískuheiminum berast
fljótt hingað. Ég var samt dálítið
hissa á klæðaburðinum þegar ég
kom til landsins í þetta skipti.
Fyrir skömmu tölti ég niður
Laugaveginn og settist á bak við
sólgleraugun mín á Austurvöll og
skoðaði mannfólkið.
Það er undarlegt hve ungar kon-
ur eru einhæfar í klæðaburði.
Flestar voru þær í mjög síðum
þröngum pilsum og blússum yfir.
Það sem mér fannst mest áber-
andi af nýjungum í París voru
gallaföt, þá fyrir ungu kynslóðina
og litir eins og ryðbrúnt, rústrautt
og blátt. Það er nú samt þannig að
vissir litir ganga alltaf og svo bæt-
ast nýir við eins og þessir sem ég
var að tala um. Allt sem undir-
strikar kvenlegheit er í sókn;
þröng belti, snið sem undirstrika
línurnar og svo framvegis."
Gréta víkur aftur að því sem við
blasti á Austurvelli og segir að
það sé virkilega áhugavert að sjá
nve strákar eru orðnir hugaðir
hvað snertir klæðnað. Þeir eru
miklu „smartari" á heildina litið
en stelpumar og gera meira af því
að vera öðruvísi.
Hún segir að lokum, sposk eins
og til að bera í bætifláka fyrir orð
sín um ósjálfstæði kvenna þegar
hún sér svipinn á blaðakonunni
klæddri síðu þröngu pilsi og í
blússu yfir, að það sé þó eitt sem
vanti aðeins meira af hjá karlpen-
ingnum en væri orðið frekar al-
gengt á götum Parísar og það er
að strákarnir þori að láta hárið
vaxa.
TILBOÐ:
Góöar ferðalugtir til nota í tjaldið, sumar-
bústaöinn og viö fleiri aðstæöur á aðeins
kr. 350.-
Einnig Wonder rafhlöður:
Stórar......................4stk. kr. 120
miöstærð....................4stk. kr. 86
litlar......................4stk. kr. 62
Esso) OlíufélagiÖ hf
AUK hf 15 134