Morgunblaðið - 23.11.1985, Side 2

2
MORGUNBLAÐIÐ, LAUG ARDAGUR 23. NÓVEMBER1985
íslenska skipafélagið heimilar að:
Hlutafé verði
200 milljónir
Á HLUTHAFAFUNDI í fslenska
skipafélaginu hf. í gær var heimilað
að auka hlutafé félagsins í 200 millj-
ónir króna.
í fréttatilkynningu frá íslenska
skipafélaginu segir:
„Er það ætlun félagsins með
þessari aðgerð að undirbúa, hvort
heldur er samvinnu við aðra aðila,
eins og rætt hefur verið um að
undanförnu, eða aðrar leiðir til
rekstrar á íslandssiglingum, sem
til greina geta komið.
Stjórn félagsins beinir því til
þeirra fjölmörgu aðila, sem að
undanförnu hafa lýst áhuga sínum
á eflingu íslandssiglinganna og
þjónustu við íslenskt athafnalíf,
sem og allra annarra, sem vilja
taka þátt í þessu átaki, að hafa
samband við framkvæmdastjóra
félagsins, Þórð H. Hilmarsson, á
skrifstofu þess í Hafnarhúsinu
v/Tryggvagötu.
ASÍ boðar til for-
mannaráðstefnu
um samningana
Samninganefnd hefur enn ekki veriö skipuð
ÁKVEÐIÐ hefur verið að boða til
formannaráöstefnu Alþýðusambands
íslands hinn 9. desember næstkom-
andi þar sem rætt verður um kröfu-
gerö og fyrirkomulag samninga. Ás-
Hjálparstofnun
kirkjunnar:
Aðstoð við
afganskt
flóttafólk
HJÁLPARSTOFNUN kirkjunnar er
nú að undirbúa hjálparstarf í Pakist-
an, þar sem talið er að a.m.k. tvær
milljónir afganskra flóttamanna búi
við hungurmörk.
Gunnlaugur Stefánsson, starfs-
maður Hjálparstofnunarinnar, fer
á sunnudag til Pakistan og hyggst
dveljast þar i átta daga til að
kynna sér ástandið og safna upp-
lýsingum um það með hvaða hætti
aðstoð í slendinga gæti helst komið
að gagni. Hann sagði í samtali við
blaðið, að fyrirhugað væri að söfn-
un fyrir afganska flóttamenn yrði
annar meginþáttur i fjársöfnun
Hjálparstofnunar kirkjunnar fyrir
næstu jól.
mundur Stefánsson, forseti ASl, sagði
að markmið fundarins væri fyrst og
fremst að samræma sjónarmið hinna
ýmsu félaga innan ASÍ fyrir væntan-
lega samningagerð í byrjun næsta árs.
Ásmundur sagði að það væri
misskilningur, að samningaviðræð-
ur væru hafnar á vegum samninga-
nefndar ASÍ og BSRB, eins og skilja
mátti af frétt Morgunblaðsins sl.
föstudag. „Það hafa hvorki verið
teknar ákvarðanir um kröfugerð
eða hvernig staðið verður að samn-
ingum. Á sambandsstjórnarfundi
Alþýðusambandsins í síðustu viku
var almenn umræða um kjaramál
og í einstökum aðildarsamtökum
hafa á síðustu dögum'verið gerðar
ályktanir, svo sem á þingi Verka-
mannasambandsins og Landssam-
bands íslenskra verslunarmanna",
sagði Ásmundur.
„Formannaráðstefna hefur verið
boðuð 9. desember næstkomandi
þar sem gert er ráð fyrir ákvarð-
anatöku bæði um kröfugerð og
vinnubrögð í sambandi við samn-
ingana. Við höfum átt fund með
forsvarsmönnum BSRB, ég og vara-
forsetar Alþýðusambandsins, til að
miðla upplýsingum um stöðu mála
og leggja fram þær ályktanir sem
gerðar hafa verið að undanförnu.
Hins vegar var á þeim fundi ekki
verið að leita eftir sameiginlegri
niðurstöðu varðandi einstök efnis-
atriði, hvað svo sem síðar kann að
verða,“ sagði Ásmundur Stefáns-
son.
Niðurstaða hjá SÍS í dag?
íslandsbók árituð
Pamela Sanders, fyrrum sendiherrafrú á íslandi, áritaði í gær bók sína um ísland, „Iceland 66 North“ í
Bókaverslun Sigfúsar Eymundssonar.
Pamela Brement ferðaðist víða um ísland meðan hún dvaldi hér ásamt manni sínum, Marshall Brement,
sendiherra, og í bókinni lýsir hún kynnum sínum af landi og þjóð. Ljósmyndir í bókinni eru eftir kanadíska
Ijósmy ndarann Roloff Beny.
Forstjóri Arnarflugs
hefur sagt upp störfum
Fráleitt að meta afkomu fyrirtækisins
út frá fyrstu sex mánuðum ársins, segir Agnar Friðriksson
„ÞAÐ er rétt, ég hef sagt upp störfum hjá Arnarflugi og gerði það fyrir um
það bil sex vikum. En það var talað um það á stjórnarfundi Arnarflugs á
fimmtudaginn að þetta yrði trúnaðarmál fyrst um sinn og hef ég ekki viljað
brjóta þann trúnað. Hins vegar er komin upp ný staða þegar búið er að gera
mig að ómerkingi í sjónvarpinu og upplýsa samkvæmt áreiðanlegum heimildum
að ég hafi sagt upp,“ sagði Agnar Friðriksson, forstjóri Arnarflugs, en sögu-
sagnir hafa verið um það undanfarið að hann hafi sagt upp störfum og var
því haldið fram i sjónvarpsfréttum í gær þrátt fyrir að Agnar svaraði þeirri
spurningu fréttamanns: „Sagðirðu upp störfum á stjórnarfundi í gær,“ neit-
andi. „Mér var gert að halda trúnað og ég sagði ekki ósatt þegar ég sagðist
ekki hafa sagt upp í GÆR,“ sagði Agnar.
Agnar sagði að uppsögn sín stæði
ekki í neinum tengslum við umræð-
ur um rekstarafkomu Arnarflugs
nú. „Ég sagði upp af persónulegum
ástæðum. Sannleikurinn er sá að ég
hef í of mörgu að snúast og þessi
mikla vinna hefur komið hart niður
á fjöldskyldunni." Agnar er for-
maður bæjarráðs Garðabæjar og
hefur lýst því yfir að hann muni
gefa kost á sér til áframhaldandi
starfa þar.
Aðspurður um tap Arnarflugs á
fyrstu sex mánuðum ársins, sagði
Agnar: „í rekstraráætlun Arnar-
flugs fyrir árið 1985 er gert ráð
fyrir 30 milljóna króna hagnaði og
ég sé ekki ástæðu til að ætla á þessu
stigi að sú áætlun standist ekki.
Milliuppgjör endurskoðenda fyrir
fyrstu sex mánuði ársins sýna tap
upp á 57 milljónir króna, sem er
heldur meira tap en reiknað var
með. Ekki liggja fyrir fullnaðartöl-
ur um útkomu þriðja ársfjórðungs-
ins, en bráðabirgðatölur benda til
að um hagnað sé að ræða. Munar
þar mestu um pílagrímaflugið, sem
skilar Arnarflugi um 50% af heild-
artekjum félagsins. Það vita það
allir sem að íslenskum flugrekstri
starfa að þriðji ársfjórðungurinn
er aðaltekjutímabilið og galdurinn
er í því fólginn að græða meira þá
en nemur tapinu á öðrum tímum.
Ég get nefnt til samanburðar að
samkvæmt upplýsingum, sem ég
hef, nam tap Flugleiða fyrstu sex
mánuði ársins 280 milljónum
króna. í okkar rekstraráætlun eru
áætlaðar tekjur upp á 1100 milljón-
ir, en bókfærðar tekjur fyrstu sex
mánuðina eru aðeins rúmar 300.
Sem sýnir hversu óraunhæft er að
draga ályktanir af rekstrarafkomu
islensks flugfélags út frá fyrstu sex
mánuðunum," sagði Agnar Frið-
riksson.
Uppgjör fyrir þriðja ársfjórðung
mun liggja fyrir eftir u.þ.b. viku
að sögn Ágnars og verður níu mán-
aða útkoma félagsins rædd á
stjórnarfundi Arnarflugs miðviku-
daginn 4. desember.
Mikil vantrú á að samningar
takist við íslenska skipafélagið hf.
FULLTRÚAR Hafskips og íslenska skipafélagsins annars vegar og SÍS hins
vegar ræddust við fram undir miðnætti í fyrrakvöld, en fram eftir degi í gær
funduðu aðilar hvor í sínu lagi. Síðdegis hittust aðilar svo á nýjan leik og
funduðu fram á kvöld. Ekki fengust neinar fregnir af þeim fundi í gærkveldi,
en búist er við að til tíðinda dragi árdegis í dag og aðilar komist að niðurstöðu
um hvort samningsgrundvöllur sé fyrir hendi eða ekki. Pressan, sem lögð er
á að ná niðurstöðu fyrir hádegi í dag, er sett vegna þess að það verða ein-
hverjar tillögur að liggja fyrir eftir hádegi þegar Sambandsstjórn kemur saman
á nýjan leik til þess að afgreiða þetta mál.
í fréttatilkynningu beinir stjórn-
in því til þeirra sem að undanförnu
hafa lýst áhuga sínum á eflingu
íslandssiglinganna, sem og allra
annarra sem taka vilja þátt í þessu
átaki, að hafa samband við fram-
kvæmdastjóra félagsins.
Mikillar vantrúar gætir í röðum
kaupfélagsstjóra SÍS, svo og meðal
ákveðinna Sambandsstjórnar-
manna, að samningar geti tekist um
sameiningu Hafskips (íslenska
skipafélagsins) og Skipadeildar
Sambandsins. Það kom áþreifan-
lega í ljós á fundi kaupfélagsstjóra
í Holtagörðum í gær, en þar voru
jafnframt mættir allir æðstu menn
Sambandsins. Valur Arnþórsson,
formaður Sambandsstjórnar, stað-
festi í gær að hann myndi kalla
saman Sambandsstjórnarfund síð-
degis í dag, þar sem stjórnin tæki
ákvörðun um hvert framhald þessa
máls yrði eða hvort um eitthvert
framhald yrði að ræða.
Einn forystumaður Sambandsins
sagði í samtali við blaðamann
Morgunblaðsins að líkur á samning-
um færu nú minnkandi, þar sem
hugmyndir þær sem fulltrúar Haf-
skips kynntu á fundi með fulltrúum
SÍS í fyrrakvöld væru langt frá því
að vera aðgengilegar fyrir Sam-
bandið. Þar átti hann við að óskir
um yfirtöku Sambandsins á skuld-
um Hafskips í Útvegsbankanum
væru langt fyrir ofan það sem full-
trúar SÍS hefðu látið sér detta í
hug. Annar sagði að þetta gæti enn
farið á hvorn veginn sem væri. Það
myndi skýrast í dag, hvort gengið
yrði til alvörusamninga.
Ólafur Sverrisson, kaupfélags-
stjóri í Borgarnesi og varaformaður
Sambandsstjórnar, sagðist ekki
hafa trú á að af samningum yrði
þar sem andstaða við samstarf við
Hafskip væri mjög megn innan
samvinnuhreyfingarinnar. Hann
sagðist vera í minnihlutahópi kaup-
félagsstjóra, þar sem hann væri því
fylgjandi að mál þetta væri kannað
til hlítar. „Meginástæðan fyrir
andstöðu svo margra kaupfélags-
stjóra um þetta samstarf er sú, að
þeir menn sem eru í og hafa verið
í forsvari fyrir Hafskip, eru einmitt
þeir menn sem hvað harkalegast
hafa ráðist á samvinnuhreyfinguna
í gegnum árin,“ sagði Ólafur. „Mín
rök fyrir því að vera því fylgjandi
að þessi möguleiki verði kannaður
er sú sannfæring að Sambandið
verði að efla skiparekstur sinn,“
sagði Ólafur.
„Það eru niðurstöður þeirrar
könnunar, sem nú fer fram, sem
munu ráða því hver mín afstaða
verður," sagði Valur Arnþórsson í
gær. Hann sagði að það væru fyrst
og fremst þeir starfsmenn Sam-
bandsins, sem hefðu unnið að því
að skoða þessi mál og stjórn Sam-
bandsins, sem hefðu fengið í hendur
tölulegar staðreyndir og efnisleg
rök. Aðrir hefðu því ekki getað
myndað sér skoðanir á ýmsum
hugsanlegum valkostum nema út
frá almennum sjónarmiðum. „Það
er réttur og skylda Sambands-
stjórnar einnar að taka ákvörðun í
þessu máli,“ sagði Valur.
Hermann Hansson, kaupfélags-
stjóri á Höfn í Homafirði, sagði að
sín viðbrögð við þessum viðræðum
væru frekar neikvæð og sagðist
hann ekki tfua því að samningar
gætu tekist milli þessara aðila. „Eg
held að menn komist að þeirri niður-
stöðu að slíkt samstarf sé ekki
skynsamlegt," sagði Hermann, „því
það sem raunverulega myndi gerast
við slíkt samstarf væri að við legð-
um fram eignir og fengjum í staðinn
skuldir Hafskips."
Þórarinn Sigurjónsson, alþingis-
maður og einn Sambandsstjórnar-
manna, sagðist ekki vera jákvæður
gagnvart slíku samstarfi, en hann
vildi að málið væri skoðað í botn.
Axel Gíslason, aðstoðarforstjóri
Sambandsins, hefur verið í forsvari
fyrir fulltrúa SÍS í viðræðunum við
Hafskip. Hann sagði í gær að ekkert
væri hægt að fullyrða á þessu stigi
hvort samningar tækjust eða ekki,
en viðræðum væri alls ekki lokið.
Málið myndi skýrast í dag.