Morgunblaðið - 23.11.1985, Blaðsíða 3

MORGUNBLAÐIÐ, LAUGARDAGUR 23. NÓVEMBER1985
3
Nýrnaveiki
í klaklaxi
úr Kollafirði
í Tilraunastöd Háskóla Islands í
meinafræði á Keldum fer nú fram
umfangsmikil rannsókn á klaklaxi
úr eldisstöðvum og ám, m.a. með
tilliti til nýrnaveikisýkingar. Nýrna-
veikismit hefur fundist í laxi úr
Laxeldisstöð ríkisins í Kollafirði,
en ekki öðrum stöðvum enn sem
komið er, að sögn Sigurðar Helga-
sonar fisksjúkdómafræðings. Síð-
astliðinn vetur kom nýrnaveiki upp
í seiðum í Kollafjarðarstöðinni eins
og kunnugt er.
Sigurður sagði að niðurstöður
úr þessum rannsóknum væru ekki
fengnar, laxar væru að berast
alveg fram á þennan dag og tæki
það upp undir mánuð að rækta
sýnin. Sagði hann að ákvörðun
um aðgerðir í Kollafirði yrðu
væntanlega ekki teknar fyrr en
eftir að niðurstöður lægju fyrir.
Sigurður sagði að hrognin væru
sótthreinsuð tvisvar eftir hrogna-
töku. Það væri hins vegar engan
veginn örugg aðferð því smitið
gæti verið innan í hrognunum.
Því væri klaklaxinum slátrað og
hver lax merktur þannig að hægt
væri að rekja það hvar hrognin
væru til að eyða þeim ef nýrna-
veikisýking væri í laxinum. Hann
ítrekaði að þetta væri ekki örugg
aðferð til að koma í veg fyrir að
nýrnaveikin bærist inn í stöðv-
arnar, en sú besta sem kostur
væri á. Sagði Sigurður að það
hefði í sjálfu sér ekki komið á
óvart að nýrnaveiki væri í klak-
laxinum í Kollafirði, eftir að ljóst
varð hvað nýrnaveikin var út-
breidd í seiðunum í fyrra. Hann
sagði að búast mætti við því að
sjúkdómurinn væri í einhverjum
laxi í þeim tveimur árgöngum
frá Kollafjarðarstöðinni sem nú
væru í sjó.
Dauft yfir
loðnuveiðum
FREMUR dauft er nú yfir loðnu-
veiðum. Aflinn á fimmtudag var
7.730 lestir af 12 skipum. Síðdegis
á föstudag var aflinn orðinn 5.860
lestir af 9 skipum.
Auk þeirra skipa, sem áður er
getið í Morgunblaðinu, tilkynntu
Fífill GK (650 lestir) og Gullberg
VE (620 lestir) um afla á fimmtu-
dag. Síðdegis á föstudag höfðu
eftirtalin skip tilkynnt um afla:
Harpa RE, 630, Skarðsvík SH,
610, Þórshamar GK, 600, Bjarni
Ólafsson AK, 800, Sjávarborg GK,
800, Helga II RE, 530, Pétur Jóns-
son RE, 780, örn KE, 550 og
Guðmundur Olafur ÓF 560 lestir.
Rainbow Hope:
Missti átta
gáma í hafið
Flutningaskipið Rainbow Hope,
sem annast sjóflutninga frá Banda-
ríkjunum fyrir varnarliðið, missti
síðastliðinn mánudag 8 gáma í
hafið.
Skipið var statt um 500 mílur
suðvestur af landinu og lenti í
síðari óveðurshrinunni, sem hér
gekk yfir um helgina. Engin
meiðsli á mönnum urðu vegna
þess, og skipið slapp við skemmd-
ir. í fjórum þessara gáma voru
húsgögn, bíll í einum og grænmeti
og brauð í hinum gámunum. Ekki
liggur fyrir um hve mikið tjón er
þarna að ræða, samkvæmt upp-
lýsingum umboðsmanna skipafé-
lagsins hér á landi.
Davíð Oddsson
borgarstjóri
Við undirrituð, sem höfum öll starfað í borgarstjórnarflokki Sjálfstæðis-
flokksins undir öruggri forystu Davíðs Oddssonar, borgarstjóra, á þessu
kjörtímabili, skorum á alla kjósendur í prófkjöri Sjálfstæðisflokksins 24.
og 25. nóvember að tryggja áfram örugga forystu Davíðs Oddssonar,
borgarstjóra, í borgarmálum með því að kjósa hann í 1. sæti.