Morgunblaðið - 06.12.1985, Blaðsíða 58
58
MORGUNBLAÐIÐ, FÖSTUDAGUR 6. DESEMBER1985
• lytLVnrY.rxi Phm iynditaW
mmmn
1-17
„ Sesar- salad, með enga "
\
*
Ast er...
... að finna til
einmanakenndar
þegar ekkert bréf
frá honum er í
j)6stkassanum.
TM R*o- U.S. P«t. Ott -»U rights rmarvsd
• 1978 Los Angatas Tlmm Syndlcate
Ertu ekki med eitthvað sem hægt
er að stýfa úr hnefa?
HÖGNI HREKKVÍSI
Sjónvarpið
sýni heil-
brigt efni
Halldóra Þorsteinsdóttir hringdi
til að skora á þá sem velja bíó-
myndir í sjónvarpið, að koma fram
fyrir alþjóð þrjú kvöld í röð, strax
eftir fréttir, og skýra ástæður þess
að soramyndir eru sýndar. Tíma-
bært væri orðið að íslendingar fái
að berja þessa furðufugla augum.
„Á sama tíma og læknar hvetja
fólk til að lifa heilbrigðu kynlífi
vegna smithættunnar af ónæmi-
stæringu, ýtir sjónvarpið undir
börn og unglinga að haga sér eins
og skepnur. Okkur vantar heilbrigt
og gott efni inn á heimili, afþrey-
ingu sem ekki er sýkt af allra
handa óþverra.
Áður en ég lýk þessu vil ég þó
þakka sjónvarpinu fyrir afbragðs
dýralífsmyndir og einnig leynilög-
regluþætti á þriðjudagskvöldum."
Skrifið eða
hringið til
Velvakanda
Velvakandi hvetur lesendur til að
skrifa þættinum um hvaöeina, sem
hugur þeirra stendur til — eða
hringja milli kl. 10 og 11.30, mánu-
daga
til föstudaga, ef þeir koma þvf ekki
við að skrifa. Meðal efnis, sem vel
er þegið, eru ábendingar og orða-
skipti, fyrirspurnir og frásagnir,
auk pistla og stuttra greina. Bréf
þurfa ekki að vera vélrituð, en nöfn,
nafnnúmer og heimilisföng verða
að fylgja öllu efni til þáttarins, þó
að höfundar óski nafnleyndar.
Sérstaklega þykir ástæða til að
beina þvi til lesenda blaðsins utan
höfuðborgarsvæðisins, að þeir láti
sinn hlut ekki eftir liggja hér i dálk-
unum.
Umgöngumst kertin með varúð
Kertaljósin gefa þessum árstíma ávallt hátíðlegan blæ. En
kertunum þarf að sinna af gætni og umgangast þau með varúð.
Þau þurfa að vera vel fest í öruggum kertastjökum og ein er sú
regla, sem aldrei má gleymast. Að slökkva á kertum áður en
gengið er til náða, farið úr herbergjum eða hús yfirgefin. Oft er
mikið um eldfimt skraut i nánd við kertin og því miður hefur
alltof oft lítið og fallegt kertaljós orðið að stóru, eyðandi báli
vegna aðgæslu- og hugsunarleysis. Njótum undirbúnings jólanna
með slysalausum dögum.
Víkverji skrifar
Fólk þreytist ekki á að dásama
veðurfarið í landinu. Allur sl.
vetur var með eindæmum að þessu
leyti og töldu fróðustu menn, að
það hefði verið bezti vetur, sem
komið hefði frá árinu 1939. Það
sem af er þessu hausti og vetri er
á sama veg. Veðrið er svo stillt og
gott að útlendingar, sem hingað
koma í fyrsta sinn skilja ekki það
umtal, sem þeir hafa heyrt um
veðurfar á Islandi. Finnskur mað-
ur, sem Víkverji ræddi við nú í
vikunni hafði sérstaklega orð á
þessu og bætti því við, að þá stund-
ina væri 20 stiga frost í Helsinki.
Þetta veðurfar hefur margvísleg
áhrif á þjóðlífið. í fyrsta lagi
sparar það mikla fjármuni, sem
ella hefðu gengið til þess að moka
snjó, halda vegum opnum auk allra
þeirra peninga, sem tafir af völd-
um veðurfars á samgöngum og
annarri þjóðlífsstarfsemi kosta
okkur. f öðru lagi er augljóst, að
margvíslegar verklegar fram-
kvæmdir, sem yfirleitt stöðvast,
þegar komið er fram í október
hafa getað haldið áfram mun leng-
ur en ella vegna veðurfarsins. í
þriðja lagi og það, sem kannski
skiptir mestu máli er að veðurfar
hefur tvímælalaust jákvæð áhrif á
skaplyndi og sálarlíf þjóðarinnar
í skammdeginu. Það fer ekkert á
milli mála að skammdegið leggst
þungt á þjóðina og svartsýni gríp-
ur um sig á þessum árstíma, þegar
myrkrið leggst yfir. Þetta fádæma
góða veðurfar á mikinn þátt í að
létta þessa skammdegisbyrði fyrir
fólk.
X X X
Atvinnufyrirtækin í landinu
hafa mörg hver tekið rækilega
við sér á fjölmiðlaöld og leggja
sívaxandi áherzlu á tengsl við fjöl-
miðla og almenna kynningu á
starfsemi sinni. í þeim efnum
skiptir mestu, að þessi kynningar-
starfsemi sé trúverðug og að henni
sé staðið á þann veg, að skapi
traust. Þetta tekst misjafnlega.
Að undanförnu hafa nokkrar
umræður farið fram um stöðu
Arnarflugs og í tilefni af sjón-
varpsfrétt á dögunum var mikil
áherzla lögð á það af hálfu forráða-
manna félagsins, að afkoma flug-
félags fyrstu 6 mánuði ársins
skipti ekki höfuðmáli, heldur hitt
hver staðan væri að sumri loknu.
Þetta er auðvitað alveg rétt. En
einmitt vegna þessara ábendinga
forsvarsmanna Arnarflugs fyrir
nokkrum dögum vekur fréttatil-
kynning, sem fyrirtækið sendi frá
sér í fyrradag furðu. Eins og hún
var send fjölmiðlum var höfuðá-
herzla lögð á „rekstrarbata", sem
orðið hefði frá því á fyrstu 6 mán-
uðum ársins og var þetta fyrsti
þáttur fréttatilkynningar og fyrir-
sögn hennar. Þegar betur var að
gáð kom i ljós, að umtalsvert tap
hafði orðið á rekstri félagsins
fyrstu 9 mánuði ársins. Forráða-
menn Arnarflugs geta ekki annars
vegar sagt, að ekkert sé að marka
6 mánaða uppgjör en miða svo við
það til þess að setja 9 mánaða
uppgjör í betra ljós. Fréttatilkynn-
ingar af þessu tagi vekja ekki
traust. .
X X X
réttir um rán og árásir á fólk
verða stöðugt tíðari. Nýjasta
dæmið um þetta er ránið, sem
grímuklæddur maður framdi í Fé-
lagsmálastofnun Reykjavíkur-
borgar í fyrradag. Tvennt vekur
sérstaka athygli. Fyrst það að rán-
ið er framið um hábjartan dag á
stað, þar sem búast má við tölu-
verðri umferð fólks. Það eitt sýnir
þá örvæntingu, sem þarna hlýtur
að búa að baki. í annan stað, að
ræninginn virðist hafa haft ein-
hverja hugmynd um, að konan,
sem rænd var hafði verið að sækja
peninga, sem áttu að ganga til
ákveðinna þarfa. Bendir það til
þess að ræninginn hafi áður fylgzt
með ferðum starfsfólks og vinnu-
brögðum. Afbrotum af þessu tagi
fjölgar. Þau eru líklega að mestu
afleiðing fíkniefnaneyzlu. Þetta er
óhugnanleg þróun í okkar fámenna
og friðsæla samfélagi.
XXX
erðamaður, sem var að koma
frá Amsterdam hafði orð á því
að ekki yrði þverfótað fyrir íslend-
ingum á götum þeirrar borgar. Eru
jólainnkaupin að færast til út-
landa þrátt fyrir kjaraskerðingu
og lélega afkomu?