Morgunblaðið - 01.02.1986, Blaðsíða 13

MORGUNBLAÐIÐ, LAUGARDAGUR 1. FEBRÚAR1986
13
5 .G!R.A 396
fra kr. w w U ■
Tökum vel með
farnar Lada-bifreiðir
upp í nýjar.
Hagstæðir
greiðsluskilmálar.
VERÐSKRA:
Lada 1200 195.000.-
Lada Safír 230.000.-
Lada 1500 skutb. 4 gíra 248.000.-
Lada Lux 4 gíra 259.000.-
Lada 1500 skutb. 5 gíra 268.000.-
Ryðvörn innifalin í verði
Allir okkar bílar
eru árgerð 1986, ryðvarðir og tiibúnir
til afhendingar strax.
Söludeildin
er opin í dag frá kl. 13-
Varahlutaverslunin opin fré
9-12.
BIFREIÐAR OG LANDBUNAÐARVELAR HF.
SUÐURLANDSBRAUT 14 S.: 38600 S. SOLUDEELD: 31236
Enginn rígur
á milli okkar“
. fjöldanum!
— segja þremenningarnir ungu sem skipa
efstu sæti Skákþings Reykjavíkur
KAPPKOSTUM ÁVALLT AÐ BJÓÐA LADA-VARAHLUTI Á SEM LÆGSTU VERÐI.
„Það er alltaf stefnan að sigra
á mótum og auðvitað gaman ef
það tekst, en á milli okkar er
enginn rígur þó að við séum að
berjast um sömu sætin,“ sögðu
þremenningarnir Þröstur Árna-
son 13 ára, Hannes Hlíðar Stef-
ánsson 13 ára og Héðinn Stein-
grímsson nýorðinn 10 ára í
samtali við blaðamann. Þröstur'
Arnason varð eins og áður hefur
komið fram í Morgunblaðinu
skákmeistari Reykjavíkur,
yngstur þeirra, sem unnið hafa
þann titil.
Piltar þessir hafa vakið sérstaka
athygli á skákmótum fyrir góða
frammistöðu þótt ungir séu. Þeir
Hannes og Þröstur hafa sótt um
þátttöku í Reykjavíkurskákmótinu,
sem hefst 11. febrúar næstkom-
andi, en þar sem þeir hafa ekki
hlotið alþjóðleg skákstig, verður
mótsnefnd að bjóða þeim sérstak-
lega. Þá halda þeir til Svíþjóðar í
dag til að tefla í einstaklingskeppni
norrænna skólanema 20 ára og
yngri ásamt sjö öðrum keppendum
héðan.
„Við verðum í viku erlendis,“
sagði Hannes. „Nei, þetta tefur
okkur ekkert sérstaklega frá nám-
inu. Við þurfum auðvitað að fá frí
hjá skólastjórunum, en það er yfir-
leitt í lagi frá þeirra hálfu."
Þeir félagar sögðust allir vera í
Taflfélagi Reykjavíkur þar sem
væri teflt á þriðjudags- og fimmtu-
dagskvöldum og á iaugardögum.
„Við þekktumst ekkert áður enda
úr sitt hvorum skólanum, en nú
hittumst við bæði hjá félaginu,
teflum alltaf á sömu mótunum og
vinnum til skiptis, sagði Þröstur.
Héðinn er í Hvassaleitisskóla en
sagðist einu sinni hafa verið í ísaks-
skóla, þar sem mikið hefði verið
teflt, aðallega í hádeginu, og skóla-
stjórinn m.a.s. stundum tekið þátt.
Stelpurnar eru lítið í skák — „ætli
þetta sé ekki bara strákaíþrótt."
Héðinn sigraði í sínum aldursflokki
í fyrra á Norðurlandakeppni skóla-
bama. „Hinir voru allir svo lélegir
nema einn Daninn og Magnús Ar-
mann einnig frá íslandi, en við
Magnús sömdum upp ájafntefli. Ég
stefni ákveðið á sigur nú á mótinu
og hlakka mikið til ferðarinnar. Ég
missi lítið úr skólanum þar sem
alls konar foreldra- og kennara-
fundir eru framundan og krakkarn-
ir því í fríum hvort sem er.“
Þröstur er í Seljaskóla og sagði
hann skákáhuga hafa aukist mjög
þar að undanfömu. Hann sagði að
pabbi sinn hefði kennt sér mann-
ganginn er hann var 6 ára gamall
og hefðu þeir feðgar teflt mikið í
gegnum tíðina. „Pabbi vann mig
alltaf fyrstu árin, en nú hefur
dæmið snúist við. Ég er afskaplega
afslappaður á skákmótum. Maður
verður að venja sig á það ef árangur
á að nást.“ Hannes er í Hagaskóla
og sagði hann að bræður sínir hefðu
að mestu kennt sér skák þegar
hann var 5 ára gamall. Hann sagði
að það væri alls ekki víst að honum
tækist að sigra Héðin í biðskákinni
og þar með hreppa 1. sætið. Það
eina sem hann gæti gert er að hugsa
allar mögulegar leiðir — það gæti
hvað sem er gerst.
Þeir Hannes og Þröstur sögðust
hafa teflt saman sl. þrjú ár og fóm
þeir báðir einnig á norræna skóla-
mótið í fyrra. Hannes sigraði þá í
sínum aldursflokki og Þröstur lenti
í 3. sæti. Þeir sögðust ekki undir-
búa sig neitt sérstaklega fyrir skák-
ir heldur reyndu að fylgjast vel með
öðmm skákum andstæðinganna.
Morgunblaðið/Bjami
Skákmennirnir ungu frá vinstri: Þröstur Árnason, Héðinn Steingrímssosn og Hannes Stefánsson. Þröst-
ur er yngsti skákmeistari Reykjavíkur frá upphafi.