Morgunblaðið - 01.02.1986, Blaðsíða 30

MORGUNBLAÐIÐ, LAUGARDAGUR1. FEBRÚAR1986
30
Eiríkur G. Brynjólfsson
ráðsmaður - Kveðjuorð
Fæddur 3. ágúst 1905
Dáinn 19. janúar 1986
Eiríkur G. Brynjólfsson lést í
Fjórðungssjúkrahúsinu á Akureyri
19. janúar síðastliðinn. Þó mig langi
til að minnast Eiríks lítillega þá get
ég ekki rakið ættir eða lífsferil hans,
til þess þekkti ég Eirík ekki nógu
vel. Hins vegar hef ég átt því láni
að fagna að kynnast verkum hans
og þar með að nokkru leyti áhuga-
málum og persónuleika sem veru-
lega tengjast lífsstarfí þess heiðurs-
’ manns sem nú er kvaddur, en hann
lést á sjötíu og fímm ára afmælis-
degi konu sinnar, Kamillu Þor-
steinsdóttur.
Það var mikið traust sem Eiríki
var sýnt þegar hann aðeins tuttugu
og tveggja ára var valinn úr hópi
19 umsækjenda til að gegna stöðu
ráðsmanns fyrir heilsuhælið í Krist-
nesi við stofnun þess 1927, en stjóm
hans á þeirri stofnun í rúm fímmtíu
ár reyndust starfseminni verulega
happdrjúg og farsæl. Strax frá
fyrsta degi Eiríks í starfí hafa
verkefnin fyrst og fremst verið
mótunarstörf, því þótt hælið væri
nýtt og til þess vandað eftir föngum
var aðbúnaður starfsfólks ekki góð-
ur. Verst voru þrengslin, því allt
starfsfólk og sjúklingar bjuggu í
þessu eina húsi sem reist hafði verið
og hræðsla almenn við berklana.
Byggia þurfti yfír starfsfólk og hlúa
að rekstrinum svo ávallt væri hann
sem hagkvæmastur. Aðgát þurfti
að hafa á öllum hlutum, sem til fjár-
reiða horfðu, enda skall heims-
kreppan á skömmu eftir að Krist-
neshæli hóf starfsemi sína og hefur
hún markað djúp spor í hugum
þess fólks sem þá var komið til
manns og oft er kallað aldamóta-
kynslóð.
Þegar ég tók við 'starfi fram-
kvæmdastjóra á Kristneshæli fyrir
rúmum 6 árum leiddi Eiríkur mig
í starfí fyrstu dagana, en síðarmeir
þegar ég fór að kynnast málum
betur vöknuðu nýjar spumingar
sem ég gat alltaf fengið svör við
hjá Eiríki án þess að hann reyndi
á nokkum hátt að hafa áhrif á
mínar skoðanir á viðfangsefninu
eða úrlausnir mála. Þegar Eiríkur
afhenti mér Qárráð fyrir stofnunina
get ég sagt að ijárhagsstaðan hafí
verið sérlega blómleg, enda lagði
hann sig fram um að skila mér búi
þannig að Qárhagsáhyggjur væru
ekki mín fyrstu kynni af nýju starfí.
Fyrir allt þetta er ég afskaplega
þakklátur. Það er líka góður en
vandmeðfarinn arfur sem mér hefur
tæmst, að fá verk Eiríks til varð-
veislu og rekstrar, enda hefur sá
orðstír legið á stofnuninni að þar
ríkti ráðdeild og festa sem ég er
oft minntur á.
Ég hef oft velt því fyrir mér eftir
að ég kynntist Eiríki hvemig hægt
var að framkvæma allt það sem hér
hefur verið gert í hans starfstíma
eins og allar ákvarðanir virðast
standa fastar í nefndum og ráðum
nú þegar framkvæma þarf, jafnvel
hin smæstu verk. Er ég helst á
því að Eiríkur hafí fyrst og fremst
framkvæmt af einstöku áræði og
skipulagshæfíleikum, sem einnig
sýndu sig í áhugamálum hans.
í árdaga Kristneshælis hóf Eirík-
ur framkvæmdir við mikinn og
fagran garð umhverfis spítalann,
sem síðar hafði góð og bætandi
áhrif á sjúklingana, þó slíkt sé
erfítt að meta til íjár eða heilsubót-
ar. Nokkm síðar lét hann girða 27
hektara lands til friðunar og upp-
græðslu skógar sem hann gerði sér
vonir um að yrðu fyrsta átak til
mikillar skógræktar í Hrafnagils-
hreppi og að hólfíð mætti stækka
til norðurs og suðurs eftir hlíðinni.
Tel ég að þessi stórhugur beri órækt
vitni áræðis og mikiþa skipulags-
hæfileika því aldrei fékkst ein ein-
asta króna viðurkennd hjá fjárveit-
ingavaldinu til þessa verks, hvorki
til plöntukaupa, vinnulauna eða
annars. I þessu hólfí var á tímum
Eiríks plantað u.þ.b. sextíu þúsund
plöntum, en auk þess hefur vaxið
þar sjálfsáður skógur í miklum
mæli. Þannig varð þessi skógur til
án þess að fólk vissi af, en á aðal-
fundi Skógræktarfélags íslands
1963 má segja að skógurinn hafí
verið afhjúpaður þegar gestum var
kynnt verkið og þótti svo mikið til
umhverfís staðarins koma að Sig-
urður Blöndal, núverandi skógrækt-
arstjóri, taldi vera einsdæmi við
opinbera stofnun hérlendis. Árið
1964 yar Eiríkur sæmdur silfur-
bikar Skógræktarfélags íslands.
Eiríkur var mikill áhugamaður
um málefni sveitarinnar. Sat hann
m.a. í sveitarstjóm í 2 kjörtímabil
og var formaður skólanefndar um
árabil. Eiríkur var líka ötull tals-
maður sameiningar sveitarfélag-
anna þriggja framan Akureyrar,
sérstaklega með tilliti til hagræð-
ingar í rekstri og uppbyggingu.
Skrifaði hann m.a. blaðagreinar
þessu til stuðnings þar sem fram-
sýni hans á málefnum sveitarfélag-
anna kemur glögglega í ljós.
Ég vil að lokum láta í ljós þakk-
læti Kristnesspítala fyrir að hafa
fengið til forystu slíkan stórhuga
með áræði og framsýni sem Eiríkur
hafði. Það hefur eflaust verið erfítt
að sitja undir þeirri umræðu sem
átti sér stað 1962 um að leggja
stofnunina niður, en ég er ekki í
vafa um að Eiríkur hefur með
sannfæringarkrafti og framsýni átt
stóran hlut í því að ekkert varð úr
þeim áformum heldur hélt hann
áfram uppbyggingunni.
Eitt sinn þegar Eiríkur var að
segja skógræktarfólki frá skógar-
hólfínu sagði hann að trén væru
bæn jarðarinnar til himinsins.
Ég vil biðja góðan guð að veita
Kamillu og öðrum aðstandendum
styrk á erfíðri stund, en minningin
um góðan dreng, ástríkan eigin-
mann og föður mun lifa.
Bjarni B. Arthursson
Minning:
GuðlaugurJ. Alex-
andersson, Sólbakka
^ Fæddur 9. nóvember 1894
Dáinn 22. janúar 1986
Sem Ioftbára risi við hörpuhljóm
og hverfi í eilífðargeiminn,
skal þverra hver kraftur og kulna hvert blóm
—þau komu til þess í heiminn.
En þó á sér vonir hvert lífsins Ijós
er lúta skal dauðans veldi,
er moldin sig hylur með rós við rós
erroðnaísólareldi.
(Jóhannes Jónsson frá Asparvík)
í dag verður til moldar borinn elsku-
legur afí minn, Guðlaugur Jakop
Alexandersson, Sólbakka Hellis-
sandi.
„Afí á Sandi" eins og við systkin-
^ in vorum vön að kalla hann, fæddist
í Stapatúni Snæfellsnesi þann 9.
nóvember 1894, og var því á 92.
aldursárí þegar kallið kom frá þeim
sem er æðstur allra. Þetta er hár
aldur, og margj, hægt að gera á svo
langri ævi, enda er óhætt að segja
að afí hafí ekki setið auðum höndum
um ævina frekar en aðrir sem
byggðu upp landið fyrir okkur unga
fólkið.
Afí hóf búskap ásamt ömmu árið
1929 á Sólbakka á Hellissandi og
bjuggu þau þar öll sín hjúskaparár.
Þau eignuðust 8 böm og komu
þeim öllum til manns, og það eitt
sér er nú ekki svo lítið verk, því
að ekki var nú mikið um hin verald-
legu gæði í þá daga, ekki rafmagn
hvað þá meira.
Það var alltaf gaman að koma
vestur á Hellissand að heimsækja
afa og ömmu, en það gerðum við
lengi framan af á hveiju sumrí og
alltaf var eftirvæntingin jafn mikil
hjá okkur systkinunum, enda var
þetta ævintýri líkast. Afí var með
kindur og það þurfti náttúrlega að
heyja fyrir þær, hápunktur sumars-
ins var því tengdur heyskapnum
enda fengum við að hjálpa til, topp-
urinn var svo þegar heyið var komið
í hlöðu en þá stálumst við krakkam-
ir til að leika okkur í heyinu en afí
var nú lítt hrifínn af að vita af
okkur inn í troðfullri hlöðunni, en
mig gmnar nú samt að hann hafi
haft lúmskt gaman af því þegar við
tvístruðumst í allar áttir þegar við
sáum hann nálgast.
Eftir að afí og amma fluttu í
bæinn og í þjónustuíbúðir Hrafnistu
við Jökulgrunn í Reykjavík, fóm
samskiptin að verða meiri enda
styttra að fara. Afí var mjög bam-
góður maður, og hún var nú ekki
há í loftinu dóttir mín þegar hún
var farin að heimta að fá að fara
til „langana — langana", helst á
hveijum degi, enda höfðum við
mamma mjög gaman af því að fara
með Matthildi Dröfn komunga í
burðarrúmi til afa og sjá hvað hann
ljómaði þegar hann horfði á einn
yngsta afkomanda þeirra hjóna.
Afkomendur þeirra em orðnir æði
margir eða 83, það sagði afí mér á
aðfangadagskvöld nú sl. og hann
þurfti ekki einu sinni að hugsa sig
um þegar ég spurði hann að því
hvað við væmm nú orðin mörg. Það
segir meira en mörg orð um það
hve vel og fallega afi hugsaði til
okkar.
Afí dvaldi síðustu árin á Hrafn-
istu í Reykjavík og vil ég þakka
starfsfólki hjúkmnardeildar G fyrir
góða umönnun.
Ég veit að góður Guð heldur
vemdarhendi sinni yfír ömmu
gömlu, sem nú sér á eftir tryggum
og elskulegum eiginmanni sínum.
Að lokum vil ég þakka afa fyrir
allt það góða sem hann leiddi af
sér á langri ævi.
Blessuð sé minning hans.
Fanney Björk Karlsdóttir
Birting afmœlis- og
minningargreina
ATHYGLI skal vakin á því, að afmælis- og minningargrein-
ar verða að berast blaðinu með góðum fyrirvara. Þannig
verður grein, sem birtast á í miðvikudagsblaði, að berast
í síðasta lagi fyrir hádegi á mánudag og hliðstætt með
greinar aðra daga. í minningargreinum skal hinn látni
ekki ávarpaður. Þess skal einnig getið, af marggefnu til-
efni, að frumort ljóð um hinn látna eru ekki birt á minning-
arorðasíðum Morgunblaðsins. Handrit þurfa að vera vélrituð
og með góðu línubili. Meginregla er að minningargreinar
birtist undir fullu höfundamafni.
raðauglýsingar
raðauglýsingar
raðauglýsingar
Sjálfstæðisfólk Akureyri
Sjálfstæðisfélögin á Akureyri hafa ákveðið að efna til prófkjörs vegna
væntanlegra bæjarstjórnarkosninga. Prófkjörið fer fram þann 22.
og 23. febr. nk. Framboðsgögn afhendir hrl. Ragnar Steinbergsson,
Espilundi 2, vinnusimi 24150 og heimasimi 24459.
Skilafrestur er til 10 febr. nk. fyrir kl. 17.00.
Kjörstjórn.
Sauðárkrókur
Félagsfundur í sjálfstæðlsfélögum Sauðárkróks verður haldinn mánu-
daginn 3. febr. nk. kl. 20.30 i Sæborg.
Dagskrá:
1. Inntaka nýrra félaga.
2. Undirbúningur fyrir væntanlegar bæjarstjórnarkosningar.
3. Önnur mál.
Sjálfstæðisfólk fjölmennið.
Vestmannaeyjar
Fulltrúaráðsfundur sjálfstæðisfélaganna í Vestmannaeyjum verður
haldinn sunnudaginn 2. februar kl. 16.00 i Hallarlundi.
Dagskrá:
1. Prófkjörslisti kynntur.
2. Önnur mál.
Stjómin.
Þorrablót Selfoss
Sjálfstæðisfélögin á Selfossi halda árlegt Þorrablót föstudaginn 14.
febrúar nk. í Inghól, Selfossi. Skemmtiatriði og dans. Miðaðpantanir
hjá formönnum félaganna fyrir miðvikudaginn 12. febrúar: Haukur,
sími 1766. Sigurður Þór, sími 2277 eða 1678, Alda, sími 4212 og
Þóra, sími 1608.
Sjálfstæðisfélögln.
HF.IMDALl.UR
f ■ U ■ S
Vetrarferð Heimdallar
Dagana 8.-9. febrúar mun Heimdallur halda til fjalla i skíða- og
skemmtiferð. Farið verður i skiðaskála Vals í Hamragili. Áhugasamir
eru beðnir að hafa það hugfast, að skiði eru ekki nauðsynlegur búnað-
ur, en þeir geta strax farið að pakka niöur ullarsokkunum og góða
skapinu. Verö ferðarinnar er kr. 550 og er þá rútugjald og kókópöffs-
morgunverður innifaliö.
Nánari upplýsingar og skráning er í síma 82900.
Skólanefnd Heimdallar.
Sjálfstæðisfólag Sauðórkróks, Sjálfstæðis-
kvennafólag Sauðárkróks og FUS Vikingur.
Landsmálafélagið Vörður
Straumhvörf í íslenskum
stjórnmálum ?
Dr. Hannes H. Gissurarson flytur erindi á
Varðarfundi þriðjudaginn 4. febrúar nk. kl.
20.30 i Sjálfstæðishúsinu Valhöll sem hann
nefnir „Straumhvörf i islenskum stjórn-
málurn?". Að loknu framsöguerindi verða
umræður.
Sjálfstæöismenn og aðrir áhugamenn um
stjórnmál eru hvattir til að fjölmenna.
Stjóm Varðar.