Morgunblaðið - 06.11.1986, Blaðsíða 3

MORGUNBLAÐIÐ, FIMMTUDAGUR 6. NÓVEMBER 1986
3
Akranes:
Haldið áfram með
Grundaskóla
Reykjavík:
Verslanir opn-
ar frá 8 til 22?
LÖGÐ hefur verið fram
greinargerð í borgarráði um
opnunartíma verslana í
Reykjavík. I henni er lagt
til að verslanir verði opnar
frá mánudegi til föstudags,
milli kl. 8.00 og 22.00, laug-
ardaga frá kl. 8.00 til 18.00
en lokað á sunnudögum.
Borgarráði hefur verið falið af
borgarstjórn að endurskoða gild-
andi samþykkt um opnunartíma
verslana með það fyrir augum að
rýmka hann. í niðurstöðu greinar-
gerðarinnar, sem lögð hefur verið
fyrir borgarráð, segir höfundur
hennar Gunnar Eydal skrifstofu-
stjóri borgarstjómar, að ef
samræma eigi opnunartíma versl-
ana milli nærliggjandi sveitarfe-
laga verði að koma til lagabreyting
eða rýmkun á gildandi samþykkt.
Bent er á hugsanlegar leiðir tii
breytinga og lagt til að verslanir
verði opnar frá mánudegi til föstu-
dag milli kl. 8.00 og 22.00,
laugardag frá kl. 8.00 til 18.00
og lokað á sunnudögum. Af-
greiðslutími söluturna verði
óbreyttur frá því sem nú er en
athugað verði um rýmkun vörulista
svo sem varðandi mjólkurafurðir.
Blómaverslanir, brauðbúðir og
minjagripaverslanir geti með sér-
stöku leyfi haft opið á sunnudögum
með sama hætti og á laugardögum.
Hugmyndir þessar eru settar fram
sem umræðugrundvöllur um hugs-
anlegar breytingar á samþykkt um
afgreiðslutíma verslana að loknum
óformlegum viðræðum hagsmuna-
aðila.
Akranesi.
NÚ ERU að hefjast framkvæmd-
ir við B-áfanga Grundaskóla á
Akranesi og hafa tilboð i grunn-
gröft og malarakstur nú þegar
verið opnuð og tilboði Skóflunn-
ar hf. á Akranesi verið tekið.
Þá hefur bæjarstjórn Akraness
samþykkt að heimila tæknideild
bæjarins að bjóða út verk að fok-
heldu húsi og frágengnu að utan.
Hin nýja bygging verður alls 815
fm að stærð á einni hæð og
3380 ms. Húsið verður byggt úr
steinsteypu og burðarhluti þaks
er úr límtré.
Fyrsta skóflustunga nýja skóla-
hússins var tekin föstudaginn 31.
október að viðstöddum eldri nem-
endum skólans og kennurum en
þessi hluti skólans mun verða ætl-
aður elstu deildunum. Það var
formaður nemendaráðs skólans,
Sigurður Arnar Jónsson, sem tók
fyrstu skóflustunguna.
Tilboð í fokheldishluta skólahúss-
ins verða opnuð 11. nóvember nk.
og eru áætluð verklok á þeim
áfanga 15. júní 1987. Stefnt er að
því að húsið verði fullbúið við upp-
haf kennslu haustið 1987. Fram-
kvæmdanefnd byggingarinnar
skipa Andrés Ólafsson bæjarfull-
trúi, Þórður Björgvinsson varabæj-
arfulltrúi og Guðbjartur Hannesson
skólastjóri Grundaskóla og bæjar-
fulltrúi.
Morgunblaðið/JG
Sigurður Arnar Jónsson, formaður nemendaráðs Grundaskóla, tekur fyrstu skóflustunguna að nýja
skólahúsinu.
Tilraunaveiðar á lang-
lúru frá Þorlákshöfn
Fiskurinn frystur
í heilu lagi og
seldur til Japans
NÚ standa yfir tilraunaveiðar á
langlúru hjá Glettingi í Þorláks-
höfn í samvinnu við Hafrann-
sóknastofnun og sjávarútvegs-
ráðuneytið. Langlúran, sem ekki
hefur verið nytjuð hér sem heitið
getur, er veidd í dragnót og hafa
veiðar gengið þokkalega.
Þorleifur Björgvinsson, fram-
kvæmdastjóri í Glettingi, sagði í
samtali við Morgunblaðið, að veið-
arnar, sem stundaðar væru í
Háfadjúpi, væru enn á tilraunastigi
en gengju þokkalega ef veður leyfði.
Komið væri með langlúruna ó-
slægða að landi og hún heilfryst
með „haus, hala og innyflum".
Hann sagði að fiskurinn væri seldur
tit Japans og nokkrir gámar væru
á leiðinni þangað. Verð fyrir lang-
lúruna væri því ekki ljóst enn, en
búizt væri við því, að það yrði sæmi-
legt. Lítið væri vitað um veiðanleg-
an stofn langlúrunnar og væru
menn að prófa sig áfram. Yrði veiði
nægjanleg og verð viðunandi, ætti
þessi veiðiskapur að geta orðið góð
búbót, sérstaklega þar sem hann
væri utan kvóta. Hingað til hefði
þetta kykvendi verið fyrir sjómönn-
um, en það væri svipað venjulegum
kola. Heldur lengra og þynnra og
því minna hold á fisknum.
í bókinni íslenzkir fiskar segir
Gunnar Jónsson meðal annars um
langlúru: „Langlúran getur náð 55
sentímetra lengd hér við land, en
hefur mælzt stærst 63 sentímetrar
við Ameríku. Langlúran er langvax-
in, þunn og hálfgagnsæ. Haus er
lítill. Kjaftur er lítll og tennur smá-
ar, þéttstæðar og meitilyddar...“
„Við Island varð Jónas
Hallgrímsson fyrstur til að lýsa
langlúrunni, en hún var annars lítt
þekkt hér, þangað til botnvörpu-
veiðar hófust hér kringum aldamót-
in 1900. Hún finnst hér allt í
kringum landið, en einkum þó við
það sunnan- og vestanvert frá
Berufjarðarál til Aðalvíkur, en hún
er mun sjaldséðari í kalda sjónum
norðanlans og austan..."
„Árið 1978 varð langlúruaflinn í
NA-Atlantshafi 2.578 tonn. Helztu
veiðiþjóðimar voru Skotar (1.152
tonn) og Danir (560 tonn). Islend-
ingar veiddu aðeins 120 tonn af
langlúru það árið og var það þá
heildaraflinn á Islandsmiðum.
Langlúruaflinn varð mestur í NA-
Atlantshafi 5.801 tonn árið 1966.
Á íslandsmiðum hefur hann orðið
mestur 1.417 tonn árið 1960 og
varð afli Íslendinga einnig mestur
það árið eða 931 tonn.“
Færð allgóð
nema á fjall-
vegum á
Vestfjörðum
FÆRÐ á þjóðvegum landsins
er allgóð nema þá helst á fjall-
vegum á Vestfjörðum.
Steingrímsfjarðarheiði lokaðist
í fyrradag, en verður væntanlega
rudd á morgun. Aðeins stórir bflar
komast um Barðastrandasýslu til
Patreksfjarðar og yfir til Bfldu-
dals. Dynjandis- og Hrafnseyrar-
heiðar hafa verið ófærar síðan um
síðustu helgi og verða lokaðar
áfram, samkvæmt upplýsingum
frá Vegaeftirliti ríkisins. Þá voru
Breiðadals- og Botnsheiðar orðn-
ar þungfærar í gær og því illa
fært til ísafjarðar, Önundarfjarð-
ar og Súgandafjarðar. Þar er
fyrirhugað að moka í dag.