Morgunblaðið - 24.12.1986, Page 29

MORGUNBLAÐIÐ, MIÐVIKUDAGUR 24. DESEMBER 1986
29
Morgunblaðið/Ól.K.Mag.
Aðstandendur plötunnar Jól alla daga fengu aflienta gullplötu frá
Steinum hf við hátíðlega athöfn á Lækjartorgi um helgina.
Geysimikil sala á hljómplötum:
Fjórar plötur hafa selst í
meira en 10 þús. eintökum
GÓÐ sala hefur verið á hljóm-
plötum fyrir jólin og höfðu fjórar
hljómplötur, „Jól alla daga“, „í
takt við tímann", með Sinfóníu-
hljómsveit íslands, „Frelsi til
sölu“, plata Bubba Mortens og
„Með kveðju heim“, plata Krist-
jáns Jóhannssonar, selst í meira
en 10 þúsund eintökum síðastlið-
inn laugardag.
Steinar Berg formaður félags
íslenskra hljómplötuútgefenda
sagðist ekki muna eftir að jafn
margar hljómplötur hefðu selst í
yfir 10 þúsund eintökum fyrir jólin.
„Það hefur verið gífurlega góð og
jöfn sala á öðrum plötum líka,“
sagði Steinar. „Fyrir hver jól koma
út á milli 40 og 50 nýjar plötur og
á þessum tveimur dögum sem eftir
eru til jóla þegar salan samsvarar
eins til tveggja mánaða sölu er ekki
ósennilegt að fleiri bætist í hóp með
söluhæstu plötunum."
Verð á hljómplötum er hlutfalls-
lega hagstæðara en oft áður að
sögn Steinars og hefur verið lögð
áhersla á að halda verði á íslensku
plötunum niðri.
Selma Jónsdóttir, forstöðumaður Listasafns íslands veitir listaverk-
um Sörens Hjorth Nielsen viðtöku af Tryggva Ólafssyni. Auk þeirra
eru á myndinni Daði Guðbjörnsson, listmálari, Hringur Jóhannes-
son, listmálari og Helgi Gíslason, myndhöggvari.
Listasafn íslands:
Eignast úrval
svartlistarmynda
LISTASAFNI Islands barst á
dögunum vegleg gjöf, þegar frú
Inger Hjorth Nielsen, ekkja Sör-
ens Hjorth Nielsen, gaf safninu,
20 myndir eftir mann sinn. Mynd-
irnar eru úrval af svartlistar-
myndum málarans.
Sören Hjorth Nielsen fæddist í
Svostrup á Mið—Jótlandi árið 1901.
Arið 1921 kom hann til Kaup-
mannahafnar og varð nemandi
málarans Einars Nielsen. Þar
kynntist hann m.a. Jóni Engilberts,
sem hann heimsótti til Reykjavíkur,
ásamt 16 nemendum sínum árið
1965. Hjorth Nielsen fór í Grafiska
skólann, einn af fimm skólum innan
Konunglegu akademíunnar. Hann
byrjaði snemma að þrykkja sjálfs-
myndir (mest steinþrykk), myndir
af lífinu á ölkrám og af mannlífi í
almenningsgörðum Kaupmanna-
hafnar, myndir af útigangsmönn-
um, og heimilislausum auðnuleys-
ingjum.
Aðalviðfangsefni Hjorth Nielsen
var manneskjan, en samhliða því
var hann mikill náttúruunnandi.
Hann var alla tíð starfsamur og sem
svartlistarmaður náði hann að verða
sígildur meistari í lifanda lífi. Hann
var prófessor við Konunglegu
dönsku akademíuna frá 1957-1971.
Að sögn frú Hjorth Nielsen, var
maður hennar mjög norrænn í
hugsun. Hann hreifst af Norður-
löndum, af náttúru þeirra og þá
ekki síst hinni hverfulu birtu sem
honum fannst hann finna þar. Hann
hafði miklar mætur á norrænum
bókmenntum, ekki síst íslendinga-
sögunum. Þess vegna fór hann
yfirleitt með nemendur sína í ferða-
lög til þessara landa, m.a. til
Gotlands, Færeyja og íslands. Frú
Hjorth Nielsen fannst það því vera
í anda manns síns að Tryggvi Ólafs-
son, fyrrverandi nemandi hans,
óskaði þess að gefa Listasafni ís-
lands úrval af svartlistarmyndum
hans. Sagði frú Hjorth Nielsen að
staðið hefði til að gefa safninu 10
myndir, en það væri henni ánægju-
efni að geta bætt við gjöf hans 10
myndum til viðbótar.
Sören Hjorth Nielsen lést suma-
rið 1983, tæplega 82 ára að aldri.
Hann hefði því orðið 85 ára á þessu
ári og af því tilefni og í minningu
hans eru myndimar gefnar Lista-
safni íslands til varðveislu.
Með kveðju heim
Hljómplötur
Egill Friðleifsson
Og þá er komin út önnur hljóm-
plata með Kristjáni Jóhannssyni.
Ber sú titilinn „Með kveðju heim“.
Þar er að finna tólf lög, innlend
að þessu sinni, og þar á meðal
margar af dýrustu perlum
íslenskra sönglaga. Lög, sem
þjóðin hefur unnað áratugum
saman og sem hafa sungið sig inn
í vitund hvers mannsbams. En
nú er mikið haft við. Að þessu
sinni mætum við lögunum í nýjum
búningi. Nú er það ekki píanóið
sem aðstoðar söngvarann heldur
heil sinfóníuhljómsveit. Jón Þórar-
insson hefur tekið sig til og klætt
lögin í hljómsveitarbúning. Hand-
bragðið er fagmannlegt og
smekklegt eins og vænta mátti,
þó þessi umbreyting fari lögunum
dálítið misvel að mínu áliti. Dæmi
um þar sem sérlega vel hefur til
tekist má nefna „Til skýsins" eft-
ir Emil Thoroddsen, en glæsileg
útsetningin ásamt frábærri túlkun
Kristjáns á þessu rismikla lagi
gefur því nýtt líf. Sömuleiðis er
„Heimir" Sigvalda Kaldalóns
einkar vel heppnað. Hins vegar
kann ég betur við „Draumaland“
Sigfúsar Einarssonar með gamla
laginu og sömuleiðis „Þú eina
hjartans yndið mitt“ Sigvalda
Kaldalóns.
Það væri að bera í bakkafullan
lækinn að hrósa Kristjáni Jó-
hannssyni fyrir sönginn. Um það
skal ekki farið mörgum orðum.
Margir nefna hann stórsöngvara
og hann ber þann titil með rentu.
Sjálfsagt hefur hann ekki staðið
hærra sem söngvari en einmitt í
dag. Hann á það til að gefa dálít-
ið glannalegar yfírlýsingar um
eigið ágæti í fjölmiðlum, sem
hneyksla suma, en er um leið einn
örfárra sem hafa efni á slíku.
Röddin er glæsileg, innlifun
sterk og tjáningin áhrifarík og
hann gefur mörgum þessara laga
nýjan og ferskan blæ, þó velta
megi vöngum jrfír meðferð ein-
stakra laga.
Það er Royal Philharmonic
Orchestra í London sem leikur
með Kristjáni undir stjóm Kar-
stein Andersen, en hann starfaði
hér um árabil og þekkir þessi lög
sjálfsagt ágæta vel.
Samvinna þeirra er góð þó
bregði fyrri lítilsháttar óná-
kvæmni á stöku stað, eins og t.d.
í „Minning" eftir Markús Krist-
jánsson, þar sem söngvarinn á það
til að vera ekki samstíga hljóm-
sveitinni.
Það er vel vandað til plötunnar
á allan hátt og frést hefur að hún
renni út eins og heitar lummur
og hafa popparamir lítið að segja
í Kristján hvað vinsældir varðar
ef miðað er við plötusölu. Það
verður enginn svikinn af þessari
hljómplötu Kristjáns Jóhannsson-
ar, sem hér bætir enn einni rósinni
í sitt hnappagat.
Suðurveri Stigahlið
OPIO: Alla daga 74 23
Sj> 681920 Gerárgötu 26, Akureyri
OPID: Alla daga 15 - 22.30
0 260*
Úlfarsfelli Hagamel
OPIO: Mán. — lau. 9 22 / sun. 15 22
24960 Viöihlíð 13, Sauðárkróki íu> 55f
22 OPID: Mán — fös. 1 7-22 / lau. - sun. 16-22
OPIÐ UM JÓLIN:
24. des. 10.00-15.00
25. des. LOKAÐ
26. des. 14.00-23.30
EKKERT AUKAGJALD FYRIR LOKAÐAN DAG!
Skipholt 50C 688040
OPID Mrin lós 12 23 / lau.—sun. 14 — 23