Morgunblaðið - 17.07.1987, Side 5

MORGUNBLAÐIÐ, FÖSTUDAGUR 17. JÚLÍ 1987
5
Sláturhúsaskýrslan:
Viljum ekki hleypa Sam-
bandinu í einokunaraðstöðu
- segir Sigurður Grétarsson framkvæmda-
stjóri V erslunarfélags Austurlands
„ÞAÐ ER alveg ljóst að við viljum ekki hleypa Sambandinu í einokun-
araðstöðu í þessari grein, en með þessum tillögum er stefiit að því.
Það gengur auðvitað ekki upp,“ sagði Sigurður Grétarsson fram-
kvæmdastjóri Verslunarfélags Austurlands er Morgunblaðið innti
hann álits á niðurstöðum hinnar svokölluðu sláturhúsaskýrslu. Þar
er meðal annars lagt til að sláturhús félagsins að Fellabæ á Fljóts-
dalshéraði verði lagt niður.
Sigurður sagði að nefndarmenn-
imir sem skiluðu þessu áliti gætu
ekki sagt til um hveijir ættu að
reka sláturhús og hverjir ekki því
samkvæmt búvörulögunum mætti
hver sem er reka sláturhús ef lögð
væru fram tilskilin heilbrigðisvott-
orð.
Smærri slátur-
hús hagkvæmari
„Það sem mér finnst verst er að
þeir leggja til að eingöngu stóru
sláturhúsin verði rekin áfram. Þessi
hús, þar sem hægt er að slátra um
2000 fjár á dag, eru alls ekki hag-
kvæm í rekstri. Eg tel miklu
hagkvæmara að reka sláturhús í
mátulega smáum einingum og
dreifa slátruninni á lengri tíma.
Þannig er hægt að bjóða lengur upp
á ferskt kjöt“.
Sigurður telur að endurbyggja
eigi litlu húsin og spara þannig fjár-
magn. Greinin leyfði ekki að íjárfest
væri meira og litlu sláturhúsin væm
nánast afskrifuð. Hann sagði að
nauðsynlegt væri að koma þeim í
það horf að þau uppfylltu kröfur
tímans hvað varðaði hreinlæti og
fleira.
Hann sagðist ekki heldur sjá að
það væri hagkvæmt að leggja niður
slátrun á stórum svæðum sem hefði
í för með sér að flytja yrði fé til
slátrunar um langan veg. Þá yrði
nauðsynlegt að flytja það í áföngum
og hvíla á leiðinni.
„Ef farið verður eftir niðurstöð-
um skýrslunnar, þar sem lagt er til
að sláturhús á Fljótsdalshéraði verði
tvö, tel ég eðlilegt að Verslunarfé-
lagið reki annað þeirra. Ef af þessu
verður mun reynast erfiðleikum
bundið að fá fólk til starfa í stóru
sláturhúsi í skamman tíma í senn.
Það er kannski sárast að í flest-
um tilfellum er lagt til að leggja
niður slátrun einmitt hjá þeim slát-
urhúsum sem alltaf hafa staðið í
skilum og greitt fullt verð til
bænda," sagði Sigurður. „Ennþá
er þó einungis um nefndarálit að
ræða og það er staðreynd að menn
hugsa ekki fyrir öllum hlutum þeg-
ar þeir gera svona tillögur. Það eiga
eftir að koma athugasemdir og
ýmsar leiðréttingar og ég lít ekki á
þær sem einhvem endanlegan og
afgerandi dóm og held reyndar að
af þessu verði aldrei. Menn gera
kannski úlfalda úr mýflugu með því
að taka þetta sem einhvern heilagan
sannleik.Ég held þó að nefndarálitið
sé þarfur umræðugrundvöllur. Við
munum hins vegar beijast til
síðasta blóðdropa í þessu máli“.
Leitast við að einoka
sláturhúsarekstur
Eyjólfur Konráð Jónsson alþing-
ismaður sagði í samtali við Morgun-
blaðið að hér væri ekkert annað á
ferðinni en enn ein tilraunin til að
skerða atvinnufrelsi. „Hér er verið
að leitast við að einoka slátur-
húsarekstur með því einfaldlega að
„slátra" þeim sem ekki lúta í auð-
mýkt SÍS-veldinu og ofstjórninni í
landbúnaðarmálum yfirleitt" sagði
hann.
„Þessu ofríkisvaldi kynntist ég
náið haustið 1976 þegar reynt var
að knésetja fyrirtæki bænda í
Skagafírði. Enginn mundi trúa þeim
siðlausu aðferðum sem ég þá kynnt-
ist þótt ég segði frá þeim, og því
læt ég það vera. Hitt er deginum
ljósara að á Alþingi er enginn meiri-
hluti fyrir því að beita þeim aðgerð-
um sem í skýrslunni eru nefndar.
Um hana hef ég annars ekkert
annað að segja en að hún er löng
og leiðinleg lesning, þar sem SÍS-
manni er auðvitað falið að annast
„félagslega og viðskiptalega þátt-
inn“, það er að leggja á ráðin um
að drepa niður fijálsan rekstur.
Auðvitað á rekstur sláturhúsa að
vera frjáls að uppfylltum almennum
heilbrigðis- og hreinlætisreglum
rétt eins og frystihúsarekstur. Allt
annað er brot á reglum um atvinnu-
frelsi. Það er tími til þess kominn
að mafíuherramir fari að gera sér
það ljóst að þeir geta ekki lengur
leikið sér með landbúnaðarmálin og
sameiginlega hagsmuni neytenda
og bænda.
En birting skýrslu þessarar gefur
gott tilefni til að Alþingi taki
hraustlega á móti svo að ljóst megi
verða að tilgangslaust er að sýna
frekar afturhaldsklærnar. I áratug
tókst kerfinu að koma í veg fyrir
beinar greiðslur til bænda. Afurða-
lánasvindlið var í algleymingi en á
því hefur verið linað. Það þolir kerf-
ið ekki og krefst allsheijaryfirráða
á ný með því að sölsa allar afurðim-
ar til sín þannig að það geti á ný
beitt valdi sínu á kostnað bænda
og neytenda og valsað með fíjár-
muni þjóðarheildarinnar að vild
sinni. Hér er ekki um neina smápen-
inga að ræða. Ég hef sagt áður og
segi enn: Vandi landbúnaðarins er
SÍS - og þar með vandi neytenda
og þjóðarheildarinnar".
Heimsmeistara-
mót unglinga í
skák hefst 19. júlí
Heimsmeistaramót unglinga í skák hefst i Man-
ila á Filippseyjum sunnudaginn 19. júlí n.k. og
stendur yfir í eina viku.
Að þessu sinni eiga tveir íslendingar rétt til þátt-
töku. Annar þeirra er Hannes Hlífar Stefánsson
heimsmeistari sveina í skák en hann öðlaðist rétt
til þátttöku í þessu móti þegar hann var krýndur
heimsmeistari fyrr í sumar.
Hinn íslenski þátttakandinn er Þröstur Þórhalls-
son og verður Guðmundur Siguijónsson þeim til
aðstoðar í ferðinni.
Frá vinstri Guðmundur Siguijónsson, Þröstur Þór-' .
hallsson og Hannes Hlifar Stefánsson.
1
KJÖTMIÐSTÖOIH Laugalæk 2. s. 666511
miLujmm
Heildsöluverð á okkar
frábæra hangikjöti
Hangilæri
420.- kr. kg.
Hangiframpartar
321.- kr. kg.
Úrbeinuð hangilæri
568.- kr. kg.
Úrbeinaðir hangiframpartar
487.- kr. kg.
Soðin hangilæri úrbeinuð
720.- kr. kg.
Lpndon lamb
514.- kr. kg.
Lambahamborgarhryggir
337 kr. kg.
Lambagrillsneiðar
294.- kr. kg.
Lambagrillkótilettur marineraðar
401.- kr. kg.
Lambalærisneiðar kryddlegnar
548.- kr. kg.
Lambarifjasteik krydduð
171.- kr. kg.
Lambaleggir
333.- kr. kg.
Lambamjaðmasteik
282.- kr. kg.
Lambahryggir
372.- kr. kg.
Lambalæri
383.- kr. kg.
Lambaframhryggur
480.- kr. kg.
Nauta T-bonesteikur
513.- kr. kg.
Nautagrillsteikur
378.- kr. kg.
Nautabógsteikur
378.- kr. kg.
Nautapiparsteik
864.- kr. kg.
Nautabuffsteik
783.- kr. kg.
Nautafillet
864.- kr. kg.
Nautahnakkafillet
491.- kr. kg.
Nautainnlærissteik
783.- kr. kg.
Svínahnakki úrbeinaður
613.- kr. kg.
Svínakótilettur
677.- kr. kg.
Svínalærissneiðar
452.- kr. kg.
Svínarifjasteikur
562.- kr. kg.
Svínarif
267.- kr. kg
Opið ídag tilkl. 20.00
laugardag til kl. 16.00.