Morgunblaðið - 17.07.1987, Qupperneq 15

MORGUNBLAÐIÐ, FÖSTUDAGUR 17. JÚLÍ 1987
15
stætt fræðirit hérlendis. Hlaut hann
og viðurkenningu útlendra manna
bæði austan hafs og vestan, og eru
taldir ábyrgir lærdómsmenn í þeirri
grein.
Þegar sr. Sigurður lét af prests-
störfum á Selfossi, héldu margir
að nú hefði hann dregið sig í hlé
fyrir fullt og allt. En svo var ekki.
Prestslaust var á Reykhólum á
Barðaströnd. Þangað fór hann
ásamt konu sinni og þjónaði þar í
fimm ár. Hann varð prófastur Ar-
nesinga, vígslubiskup Skálholts-
bishupsdæmis hins forna,
heiðursdoktor við Háskóla íslands
og heiðursborgari Selfossbæjar.
Hann var sæmdur StrF 1980. Hann
var kvæntur Stefaníu Gissurardótt-
ur frá Byggðarhorni í Flóa og
eignuðust þau hjón 7 börn.
Að baki miklu starfi og margvís-
legum heiðri, stendur maðurinn
eftir, séra Sigurður Pálsson, sem
þorði að vera maður og sýna að
kirkjan hefur andlit, hvort heldur í
meðbyr eða mótbyr.
Blessuð sé minning hans.
Hannes Guðmundsson
Við brottför séra Sigurðar Páls-
sonar vígslubiskups af þessum
heimi er klukkum hringt. Messu-
gjörð er á enda. Hún hefur staðið
frammi svo lengi sem okkur rekur
minni til, er eftir lifum. Jafnframt
er samhringt til annarrar messu, í
ríki himnanna. Þar safnast menn
um hásæti Guðs, skrýddir hvítum
skikkjum og hafa pálmagreinar í
höndum. Þeir þjóna Guði dag og
nótt í musteri hans. Tilbeiðsla krist-
inna manna um alla jörðina endur-
speglar þá himnesku, ævarandi
guðsþjónustu, meðan veröld endist.
Að lifa er að tilbiðja Guð, þessa
heims og annars. Að afneita Guði
er að deyja. Svo einfalt er nú það
mál — og um leið svo dæmalaust
margslungið.
Séra Sigurður Pálsson verður
ekki borinn almæltu lofi í kveðju-
orðum þessum. Hann var mikil-
menni og gjörir hvorki að vaxa né
minnka í vitund þjóðar eða kirkju
við ýtarlegt eftirmæli. Sess hans í
sögu íslands er löngu tryggður,
hefur reyndar verið skörulega árétt-
aður fyrir fáum vikum í afmælisriti
Prestafélags Suðurlands og mun
styrkjast við hveija nýja athugun.
Hitt er margra manna háttur —
að þakka presti í messulok •- og
að hafa ínynd hans í huga sér, þeg-
ar klukkur kveða við á ný. Það á
við í dag — samtímis því sem fjöl-
skyldu séra Sigurðar allri eru
sendar hugheilar vinarkveðjur.
Guðsþjónusta í Bessastaðakirkju
haustið 1960 varð táknræn fyrir
þau þáttaskil, er orðið hafa í
íslenzkri kirkjusögu á ofanverðri
20. öld. Þar var séra Sigurður Páls-
son að verki og flutti heilaga messu
í samræmi við þá arfleifð evang-
eliskrar kristni, er honum var
hugleiknust alla tíð. Kirkjan var
alsetin og meira en það, enda var
um nýlundu að ræða. Ári síðar kom
út messubók séra Sigurðar Pálsson-
ar. Hún hafði meiri áhrif en öll
önnur verk þeirrar tegundar um
sömu mundir og var í grundvallar-
atriðum formlega viðurkennd með
útgáfu Handbókar íslenzku kirkj-
unnar árið 1981.
Maður nokkur ungur sótti fyrr-
greinda guðsþjónustu. Fremur kom
hann þar af forvitni og rælni en
einlægum ásetningi. I messulok
höfðu þó orðið umskipti í lífi hans:
Kirkjan hafði kastað á hann kveðju
með þeim hætti sem aldrei fyrr.
Óhögguð kirkjan og ævaforn — en
ólgandi af lífi. Þetta er þakkað í
dag.
Hitt er þá eigi síður þakkað, sem
eftir rann: Vegsögn séra Sigurðar
Pálssonar við æskumann í guð-
fræðinámi og konu hans unga.
Hlýja og alúð við nývígðan prest,
samfara leiftrandi athugagreinum
og djúpri íhygli. Óþrotleg þekking
á högum heilagrar kirkju og hátt-
semi hennar allri. Lotningin fyrir
húsi Guðs.
Hið síðastnefnda var stærst og
mest. Það eitt að ganga með séra
Sigurði inn í lágreista sveitakirkju
var viðburður eigi minni en að heyra
fjölmenni leika og syngja. Atferli
vígslubiskups var óbreytt, hvort
heldur tveir menn fóru með tíðar-
gjörð að fátæklegu altari ellegar
út var boðið því bezta, sem til var
í landinu af mannafla og hátíða-
brigðum. Orðin voru ein og söm:
„Sannarlega er Drottinn á þessum
stað.“
Þakkir einnig fyrir ást á Skál-
holti, staðnum helga. Þakkir fyrir
holl ráð og heilsteypta liðveizlu við
mótun ungmenna. Þökk fyrir há-
messur í kirkjunni miklu. Þökk fyrir
biskupsblessun við brotningu
brauðsins innan veggja Skálholts-
skóla. Þökk fyrir Isleifsregluna,
samfélag bræðra og systra í Kristi.
Þakkir loks fyrir hönd Þingvalla-
kirkju. Hún naut návistar safnaðar-
öldungsins séra Sigurðar á hátíð
fyrir fáum árum, er fimm aldar-
fjórðungar voru liðnir frá
kirkjuvígslu. Einnig þann dag var
viðmót biskups og látbragð mcð
sömu ummerkjum og forðum.
Drottinn gaf, og Drottinn tók.
Lofað veri nafnið Drottins. Ég bið
Guð að styrkja og hugga frú Stef-
aníu Gissurardóttur. Oft höfum við
Dóra setið við hennar borð og séra
Sigurðar. Þangað heim var gott að
koma, öllum stundum. Góða heim-
von hlaut hver sá að eiga, er fyrir
því borði réði.
Megi frú Stefanía nú gleðjast við
þá von — og vissu. Gæti svo Guð
vor allra.
Heimir Steinsson
Minning:
Knstján Kristjánsson
fv. yfírborgarfógeti
I dag kveðjum við Kristján Krist-
jánsson, fyrrverandi yfirborgarfó-
geta. Lífsferill hans mun eflaust
verða rakinn á þessum síðum. Störf
hans þekkja flestir fulltíða lands-
menn, en færri þekkja til ferils
hans og þróttmikils starfs hans inn-
an Oddfellowreglunnar.
Kristján gekk í Oddfellowregluna
árið 1933, þá 35 ára að aldri, og
markaði varanleg spor í starfi og
uppbyggingu reglunnar á þessum
54 ára ferli sínum í henni. Óll hans
störf einkenndust af þrótti, skap-
festu og ósérhlífni enda var hann
fljótt valinn til forystu og síðar til
æðstu metorða innan hennar.
Handtak þessa góða drengs var
hlýtt og traust, samverustundirnar
uppbyggjandi og skemmtilegar.
Hann var lærifaðir á alvörustundum
og hrókur alls fagnaðar þegar gleð-
in ríkti.
Fyrir hönd Oddfellowreglunnar
og stjórnar Stórstúkunnar er góðum
samferðamanni þökkuð heillarík
störf og ógleymanlegar samveru-
stundir. Aðstandendum öllum færi
ég bestu samúðarkveðjur.
Árni Jónsson
VERÐLAUIMAMYIMD ÁRSINS
★ ★★★ S.V. Mbl.
★ ★★★ „Hreint út sagt
frábær“. S.Ó.L. Tíminn.
Hvað gerðist
raunverulega í
Víetnam?
Þvílíkt stríð.
Mann setur
hljóðan.
SIMI 22140
MYND SEM EKKI MÁ MISSA AF!
Viðleguútbúnaður og
garðhúsgögn í miklu
Úrvali. Hagstætt verð.
fyjaslód 7, Reyk|avik - Pósthóll 659
Símar 14093 • 13320 Nafnnr. 9879 -1698
Samkvæmistjöld
fyrir félagasamtök, ættarmótin, garðveisluna,
skátana og sem sölutjöld.
22.260.
31.360.
40.460.
Hústjöld,
göngutjöld, Ægistjöld og allt í útileguna.
Einnig mikið úrval af sólhúsgögnum.
1 —26 manna hústjöld, Ægistjöld, göngutjöld og samkvæmistjöld.
5 manna tjald, verð kr. 7,669,-
fleygahiminn, verð kr. 8,688,-
Montana, 4ra manna,
verð kr. 14.950.
Hellas, 2ja manna, kr. 2.730.
3ja manna kr. 3.550.