Morgunblaðið - 01.11.1987, Blaðsíða 54
T^ t-rr
7T-A 'f
54 B
MORGUNBLAÐIÐ, SUNNUDAGUR 1. NÓVEMBER 1987
* , Rikshaw Morgunblaðið/BAR
RIKSHAW:
Góðir gæjar
HUÓMSVEITINA Rikshaw œtti
ekki afi þurfa að kynna, en hún
er mönnum löngu kunn fyrir van-
j. daðan hljóðfœraleik, líflega
sviðsframkomu og síðast en ekki
sfst grípandi lagasmíðar. Þrátt
fyrir talsverða velgengni hér
heima hefur Iftið til piltanna
spurst síðasta árið — helst að
þeir hafi komið fram á stöku tón-
leikum. Nú er hins vegar svo
komið að þeir eru með nýja plötu
í farteskinu og hana ekki af verri
endanum. Platan kom út á föstu-
dag og ákvað Rokksfðungur þvf
að taka kappana tali. Beinast lá
víð að spyrja hvað valdið hefði
þeirri þögn, sem umlukið hefur
þá pilta að undanförnu.
„Við höfum verið að stússast f
ýmsu, en fyrst og fremst hefur það
verið þessi plata, sem hefur tekiö
- .- ,tíma okkar. Við byrjuðum að taka
hana upp f águst f fyrra og höfum
unnið hana með hléum síðan."
Nú tek ág eftir þvf að hún er
blessunarlega laus við þetta
fslenska „aulasánd", sem þvf mið-
Kátir
piltar
< Um þessar mundir er nokkur
gróska f gjörvöllum íslenskum
poppheimi. Bfl8kúrsbönd
spretta upp um borg og bý,
en þvf miður er minna um að
þau komi fram og spili nema
endrum og eins. Hins vegar
er nokkuð um að menn fari f
hljóðver og taki upp manni og
öðrum til ánssgju.
Umsjónarmaður Rokksfð-
unnar heyrði af einni slfkri
hljómsvert á dögunum, Kátum
pHtum. Þar eru á ferðinni
nokkrir piltar, sem leika til-
gerðarlaust rokk og syngja
kfmna og tvfræða texta við.
Að sögn hyggja þeir á plötu-
útgáfu næsta vor og miðað við
hvað piltamir eru að gera nú
lofar það góðu.
Hór er á ferðinni eftirtektar-
verð hljómsveit, Kátir plltar,
og það eru þeir.
ur virðist fylgja flestum fslenskum
tónlistarafurðum. Hvar tókuð þið
plötuna upp?
„Platan var tekin upp á Englandi
og reyndar var öll önnur vinna við
hana unnin þar. Meira að segja
umslagið var hannað þar.“
Já, og þið syngið á ensku. Eruð
þið f ensk-fslenska vinafólaginu?
„Það má kannski orða þaö svo.
Málið er bara það að platan er
gefin út af ensku útgáfufyrirtæki
og ætluð fyrir enskan og evrópskan
markað, svo að vitaskuld syngjum
við á ensku. Mér er sem ég sjái
svipinn á foringjunum ef við syngj-
um á íslenskul"
Hvaða útgáfufyrirtæki er
þetta?
„Það heitir Metropolitan
Productions og er nú svona miöl-
ungi stórt. Þeir gerðu samning viö
okkur og kosta þessa útgáfu okkar
algerlega."
Og eruð þið að „meika þaðu?
„[Hláturj Nei, ekki ennþá — það
kemur kannski. Þó menn fái út-
gáfusamning hafa þeir ekki himinn
höndum tekið, platan á ennþá eftir
að seljast. En við erum að minnsta
kosti komnir skrefi lengra heldur
en með fyrstu plötu. Það virðast
sumir halda að við Iftum voða stórt
á okkur og þykjumst vera að sigra
heiminn. Það er bara ekki þannig.
Auðvitað væri afskaplega gaman
að sigra heiminn, en við erum fyrst
og fremst í þessum bransa til þess
að vera hljómsveit. Tilgangur
hljómsveita er að spila og hér
heima er markaðurinn bara of lítill.
Líttu á okkur; við spiluðum kannski
á hálfs árs fresti og þess á milli
var sáralítið að gera annaö en að
æfa og semja lög fyrir auglýsingar.
Ytra er þetta allt annað mál. Þar
er hægt aö spila þrisvar í viku án
þess að fullmetta markaðinn. Svo
einfalt er það. Auðvitað reynum við
að hasla okkur völl þar.“
Þannlg að þaö ar nær vonlaust
aö vera atvinnumaður á íslandi?
„Ekki vonlaust, en afskaplega
erfitt. Það sem vantar mest hér á
landi er aðstaða fyrir lifandi tónlist
— einhvern lítinn og þægilegan
stað, þar sem ekki er allt undirlagt
af brennivínsbersekjum og dunandi
danstónlist. Það er fjöldinn allur
af efnilegum hljómsveitum, sem
hafa lagt upp laupana einfaldlega
af því að meðlimirnir nenntu þessu
hokri ekki.“
En hvernlg plata er þetta?
„Tja, við erum kannski ekki réttu
mennirnir til þess að leggja mat á
það; frekar að þú gerðir það. Ann-
ars leiðist okkur að vera að flokka
okkurtil og frá. Þetta er allt popp."
Popp?
„Já, hvað er ekki popp. Popp
hefur ekki neikvæða merkingu
lengur og getur svo sannariega
verið frumlegra en margt, sem
beinlínis er gert með það fyrir aug-
um að vera alveg sérlega framúr-
stefnulegt og einstakt.
En þlð ætlið að „meika það“?
„Við ætlum hið minnsta að reyna
að vera matvinnungar. Viö völdum
þetta fram yfir annað — tveir okkar
eiga t.a.m. ólokið háskólanámi —
og það oft skrýtið þegar við erum
spurðir hvað við gerum í raun og
veru, eins og hljómsveitin sé eitt-
hvert tómstundagaman. Við höfum
a.m.k. möguleika á því og það þurfa
ekki allir íslendingar að vera hold-
tekjur Garðars Hólm. Þegar band
eins og Sykurmolarnir kemur fram,
hljómsveit sem fer sínar eigin leið-
ir og virkilega hefur eitthvað við
sig, þá kemur bara í Ijós að það
er slegist um samning við hana.
Það er náttúrulega ekki sjálfgefið
að Molarnir slái í gegn, en þeir eiga
altjent möguleika og hann góðan.
Helstu vandræðin við að vera á
samning ytra er að það er tals-
verðu þrýstingur á að menn poppi
sig talsvert og meira en góðu hófi
gegnir. Sykurmolarnir eiga tæpast
eftir að lenda í þessu, en þetta
getur flækt málin."
Verðlð þið þá einhver sykurhljóm-
sveit áður en yfir lýkur?
„Rikshaw verður Rikshaw.“
Og með það lauk samtalinu,
en platan (sem lofar góðu við
fyrstu áheyrn) verður tekin til
umfjöllunar á næstu Rokksíðu.
Góðlr gæjar.
A.M.
Ljótir
andarungar
Hingað til lands er væntan-
leg í þessari viku bandaríska
rokkhljómsveitin The Swans og
hún heldur tónleika á vegum
Listvinafélags MH í MH 5. nóv-
ember. Með The Swans í MH
verða S/H draumur og Sykur-
molarnir.
Swans hefur vakið töluverða
athygli í Bretlandi fyrir tónlist
sína og texta sem er hvort
tveggja óvægið og ágengt. Að-
alamaður Swans er söngvarinn
Michael Gira, sem semur meg-
nið af tónlistinni og gefur henni
hugmyndagrunn til að starfa á.
Plötur sveitarinnar bera gjarnan
nöfn sem vísa í átt að yrkisefni
Gira; fyrsta platan hét Filth, og
síðan komu Cop, Raping a
Slave, Time is Money (Bastard),
Greed, Holy Money og Screw,
The Swans leika hráa og háv-
aðasama rokktónlist og eru á
meðal eftirminnilegri tónleika-
hljómsveita eins og undirritaður
fékk að kynnast á tónleikum
með Sykurmolunum í Lundún-
um fyrir skemmstu.
Michael Gira er upprunninn
úr bandarísku pönkhreyfingunni
og stofnaði Swans með gítar-
leikaranum Norman Westerberg
og slagverksleikaranum Rol
Mosimann. Síðan slóst í hópinn
hljómborðsleikarinn Jarboe, en
hún hafði fram að því unnið við
Ijóðatúlkun á segulböndum.
Þannig skipuð hefur sveitirTleik-
ið í Englandi við misjafna hrifn-
ingu gagnrýnenda, en allir hafa
verið á sama máli um að tónleik-
ar sveitarinnar séu með þeim
eftirminnilegri. Michael Gira hef-
ur sagt að tónlist/textar sveitar-
innar fjalli um það hvernig fólk
éti hvert annað og hvernig það
sé síðan étið af peningum. Lát-
um það vera, en víst er að það
er fengur að því að fá Swans
hingað til lands til tónleikahalds.
Ekki má síðan gleyma því að
á undan Swans koma fram tvær
af betri rokksveitum íslenskum,
S/H draumur og Sykurmolarnir.
S/H draumur hefur ekki haldið
tónleika síðan í sumar, enda
hefur sveitin verið að vinna að
plötu sem kemur út 1. desem-
ber. Reyndar er þegar komin út
lítil plata sem gefur til kynna við
hverju megi búast. Sykurmol-
arnir hafa aftur verið iðnari við
að spila, en líklega verða þetta
síðustu stórtónleikar þeirra hér-
lendis að sinni, enda er sóst
eftir að fá þá til Englands af
þarlendum útgefendum. Þeir
stáklu senunni í Town and
Country Club 14. október sl. og
það verður því gaman að sjá
hvað gerist nú.
Nr. Flytjandi—titill venjul. verð afslverö
1. Bruce Springsteen - T unnel of love 799 719
2. Labamba-Úr mynd 799 719
3. MichaelJackson-BAD 799 719
4. BeeGees-ESP 799 719
5. TerenceTrent D’Arby- Introdusing 799 719
6. Pet Shop Boys - Acctually 799 719
7. ABC-AlphabetCity 799 719
8. HörðurTorfason - Hugflæði 899 809
9. Cock Robin - Afther here through midland 799 719
10. The Smiths - Strangways, here we come 799 719
11. Mike Oldfield — Islands 799 719
12. Hooters - One way home 799 719
13. Jethro Tull - Crest for a knave 799 719
14. Mick Jagger - Primitiv cool 799 719
15. Depenche Mode - Music for the masses 799 719
16. Yes-BigGenerator 799 719
17. Tom Waits - Franks wilde years 799 719
18. P.I.L —Happy? 799 719
19. Fra Lippo Lippi - Light and Shades 799 719
20. Billy Joel - Consert 799 719
Þú gerir ekki betri kaup.
Tilboðvikunnar:
Yes — Big Generator
Stórkostleg plata sem
nær að slá út það
besta sem Anderson
og félagar hafa sent
frá sér. Staðreynd.
Venjul. verð 799,-
Tilboðsverð 639,-
Póstkröfuþjónusta.
Rauðarárstíg 16
s. 11620 og 28316
Símsvari opinn
allan sólarhringinn.
Sími 28316.
Góð þjónusta.
ftoinorhf
Austurstræti, Glæsibæ, Rauðarárstíg, Strandgötu og Hagkaup, Kringl-
unni. Póstkröfusími 11620 og 28316 (slmsvari).
ÓDÝRASTA MÚSÍKIN í BÆNUM