Morgunblaðið - 24.01.1988, Page 23

MORGUNBLAÐIÐ, SUNNUDAGUR 24. JANÚAR 1988
B 23
að fínna eitthvað sem þeir geti
haldið uppá og haldið fram sem
sameiginlegri sögu. Þjóðhöfðingi
Ástrala er Elísabet drottning
Breta. Konungsúölskyldan er mjög
vinsæl í Ástralíu og öll blöð full
af frásögnum af t.d. Díönu og
Karli. í tengslum við tvö hundruð
ára afmælið er von á Elísabetu og
Filipusi, Karli og Díönu og Andrew
og Söru. Þau koma ekki öll í einu,
heldur með nokkru millibili og allir
hlakka mikið til.
í Ástralíu eru bæði ríkisskólar
og einkaskólar og sýnist sitt hverj-
um um ágæti þeirra. Hins vegar
er þeim sameiginlegt að þar eru
nemendur í skólabúningum og þar
ríkir strangur agi. Ætlast er til
að nemendur hlýði kennurum skil-
yrðislaust en aldrei hef ég heyrt
að beitt sé líkamsrefsingum í því
skyni. Sjúkrahús eru ýmist ríkis-
reicin eða í einkaeign. Þau ríkisre-
knu þykja mun betur búin tækjum
og mannskap. Ég vann fyrst á
ríkissjúkrahúsi, var ein af fimmtán
hundruð hjúkrunarfræðingum sem
þar unnu. Ég man enn hvemig
mér leið þegar ég kom fyrst í
matsalinn sem rúmaði þúsund
manns og þekkti ekki eitt andlit.
Ég hætti að vinna um tíma vegna
bameignar en fór aftur að vinna
þegar Karen var orðin fjórtán
mánaða. Þá fékk ég mér vinnu á
litlu hjúkrunarheimili fyrir aldraða.
Þar hef ég unnið í afleysingum og
aðra hveija helgi. Vaktafyrirkomu-
lag á sjúkrahúsum er svipað og
hér. Hins vegar er miklu meiri
stéttaskipting á sjúkrahúsum þar
en hér gerist. Ég var ekki vön því
að þurfa hálfgert að fara í felur
og mega varla segja orð. Þeir hafa
þetta með ensku lagi eins og svo
margt annað. Þar sem ég vinn
núna er þetta líkara því sem hér
gerist.
Efnahagsmálin hafa verið frem-
ur erfíð í Ástralíu undanfarið og
atvinnuleysi töluvert. Það er mikil
umræða um stjómmál og efna-
hagsmál í fjölmiðlum. Verka-
mannaflokkurinn fer með stjóm
landsins en forsætisráðherra er
Bob Hawke. Miklar umræður hafa
verið um fána landsins, margir
vilja fá nýjan fána, en sá sem nú
er við lýði er með breska fánann
í einu hominu. Margir vilja gera
Ástralíu að lýðveldi og rjúfa tengsl
við breska kopungsvaldið en kon-
ungssinnar era sterkir.
Náttúra Ástralíu er um margt
ólík því sem annars staðar gerist.
Þar era t.d. villtar kengúrar. Þær
era af mörgum tegundum, það
vissi ég ekki þegar ég kom fyrst.
Bændum er illa við þær því þær
éta svo mikið gras. Krókódílar era
til og fyrir kemur að þeir éti fólk
en það er oftast nær vegna þess
að fólk sýnir vítavert gáleysi. Menn
synda í sjónum þó þeir hafí verið
varaðir við því og æða út á ár í
litlum kænum. Við höfum hins
vegar lítið af þessu að segja í Syd-
ney því þar era ekki krókódílar.
Hákarlamir era hins vegar alltaf
til staðar úti í fírðinum. Þeir éta
stundum fólk, en það er sjaldgæft.
Yfírleitt er ríkjandi í Astralíu
mikill áhugi á Evrópu og alla
dreymir um að ferðast þangað,
jafnvel krakka í skólum. Eftir leið-
togafundinn veit fólk í Ástralíu
miklu meira um ísland en gerðist
þegar ég kom fyrst út. Þá vora
allir fjölmiðlar fullir af fréttum og
frásögum af íslandi og það var
reglulega gaman að vera íslend-
ingur í Ástralíu þá. Því er ekki að
neita að þó margt sé gott þama
úti þá togar gamla landið í mann.
Þó maður eigi góðan kunningjahóp
í Ástralíu þá koma þeir ekki í stað
ættingja og gömlu vinanna heima.
En við eram samt sæmilega ánægð
þama eins og er, en hvað við tek-
ur er ómögulegt að segja til um.
TEXTI:
GUÐRÚN GUÐLAUGSDÓTTIR
P.S. Meistari eða byrjandi á skíðum - það eru allir jáfnir
í austurrísku brekkunum!
FLUGLEIÐIR
-fyrír þíg-
Vetrarfrí í austurrísku Ölpunum, á skíðum í heimsins bestu
brekkum... það er sannarlega engu líkt! í hinum dýrlegu
fjallabæjum er loftið tært og heilnæmt og þar muntu kynnast
heillandi stemningu sem líður þér seint úr minni.
Mayrhofen, Zell am See og Kitzbúhel eru staðirnir þrír sem
Flugleiðir bjóða ferðir til í vetur. Beint áætluncu'flug er til Salzburg
vikulega, en þaðan er stutt til allra áfangastaða. Fararstjórar verða
sem fyrr hinn góðkunni Rudi Knapp, sem er innfæddur Tíróli
og íslenskumælandi, og Ingunn Guðmundsdóttir.
Verðdæmi:
A. Kr. 31.478 á mann í tvíbýli á Landhaus Heim.
Tvær vikur í mars, brottför 5/3, 13/3 og 19/3.
B. Kr. 32.016 á mann í tvíbýli á Landhaus Heim.
Tveggja vikna páskaferð, brottför 26/3.
C. Kr. 27.715 á mann, miðað við 4 saman í íbúð á
Landhaus Heim. Tvær vikur í mars, brottför 5/3,12/3
og 19/3.
D. Kr. 28.790 á mann, miðað við 4 saman í íbúð á
Landhaus Heim. Tveggja vikna páskaferð, brottför
26/3.
Allar nánari upplýsingar færðu á söluskrifstofum Flugleiða,
hjá umboðsmönnum og ferðciskrifstofum. Söluskrifstofur
Flugleiða: Lækjargötu 2, Hótel Esju og Kringlunni.
Upplýsingasími: 25100.
AUK hl. 110.60/SlA