Morgunblaðið - 05.07.1988, Blaðsíða 30

30
MORGUNBLAÐIÐ, ÞRIÐJUDAGUR 5. JÚLÍ 1988
Utflutmngsráð Islands:
Vigdís heiðursgestur
á Islandskynningum í
Frankfurt og Hamborg
VEGLEGAR íslandskynningar
verða haldnar í Frankfurt og
Hamborg í tengslum við opin-
bera heimsókn forseta íslands
til Þýskalands, sem hófst 3. júlí.
Útflutningsráð íslands stendur
að þessum kynningum fyrir
hönd fjölmargra islenskra fyrir-
tækja sem eiga viðskipti við
Þýskaland. Forseti íslands, frú
Vigdís Finnbogadóttir, verður
heiðursgestur í hádegisverðar-
boðum sem haldin verða í báðum
borgunum, en þangað hafa
íslensku fyrirtækin boðið helstu
viðskiptavinum sinum.
Morgunblaðið/Árni Sæberg.
Ragnar Halldórsson stjórnarformaður ÍSAL heilsar dr. Jóhannesi Nordal við upphaf viðræðnanna í -
gær. Edward Notter Alusuisse og J.G.D. van der Ros Alumined Beheer fylgjast með.
Hagkvæmmskönnun um
nýtt álver var samþykkt
Allir aðilar bjartsýnir á að nýtt álver verði byggt
UNDIRRITAÐ hefur verið sérstakt samkomulag milli iðnaðarráð-
herra fyrir hönd íslenska ríkisins og fjögurra evrópskra álfyrir-
tækja um sameiginlega hagkvæmnisathugun fyrir nýtt 90.000—
110.000 tonna álver við Straumsvík. Evrópsku fyrirtækin eru Alum-
ined Beheer í Hollandi, Austria Metall í Austurriki, Grángers Alum-
inium í Svíþjóð og Alusuisse í Sviss.
Samkvæmt samkomulaginu
hefur verið gengið frá stofnun
sameiginlegrar verkefnisstjómar
til að annast undirbúning málsins.
Samhliða þessu munu framan-
greindir aðilar vinna að samstarfs-
samningum um hið nýja fyrirtæki.
Stefnt er að því að þessari undir-
búningsvinnu verði lokið fyrrihluta
næsta árs þannig að unnt verði
að taka endanlega ákvörðun um
byggingu álversins næsta vor.
Verði sú ákvörðun jákvæð mun
áiverið taka til starfa 1992.
„Ég er ánægður með að þessi
áfangi hefur náðst. Það má segja
að hann marki upphaf alvöruvið-
ræðna. Með því að leggja fram þá
fjármuni sem þarf í þessa hag-
kvæmniskönnun, sýna þessi fjögur
fyrirtæki í verki að þeim er full
alvara að stefna að því marki að
byggja hér nýtt álver," segir Frið-
rik Sophusson iðnaðarráðherra um
niðurstöðu álviðræðufundarins í
Reylg'avík.
„Við verðum að vísu að gera
okkur grein fyrir því að hér er
aðeins um hagkvæmniskönnun að
ræða, að vísu byggða á forathugun
sem við létum gera. Við höfum svo
aftur aðgang að öllum upplýsing-
um í málinu og það er fullur vilji
allra hlutaðeigandi að láta hlutina
ganga eins hratt og mögulegt er.“
Friðrik gat þess að mikið verk
sé enn fyrir höndum, eftir eigi að
semja um atriði eins og raforku-
verð, skattgreiðslur og fleira, en
hann sagðist bjartsýnn á að dæm-
ið gengi upp.
Mikilvægur áfangi
„Ég er mjög ánægður með þessa
niðurstöðu og tel hana mikilvægan
áfanga í málinu," segir dr. Jóhann-
es Nordal, en hann var í forystu
íslensku viðræðunefndarinnar.
„Þessi fyrirtæki hefðu ekki gert
þetta samkomulag og hefðu ekki
lagt út í þann kostnað sem er af
hagkvæmniskönnun nema þeir
hefðu verulegan áhuga á málinu."
Dr. Jóhannes Nordal sagði að
þeir teldu þetta góða samstarfsað-
ila, allt væru þetta traust fyrir-
tæki, sem hygðust nota framleiðsl-
una sjálf, en spákaupmennska lægi
ekki að baki áhuga þeirra.
„Okkur virðist að þeirra sam-
band innbyrðis sé gott og því vænt-
um við góðs af þessu samstarfi,"
sagði dr. Jóhannes. í máli hans
kom einnig fram að eignaraðild
fyrirtækjanna í nýja álverinu yrði
jöfn, hvert með 25% hlut ef ekkert
óvænt kæmi upp.
Aðspurður um hvort hann sæi
nokkra erfiðleika framundan í
þessu máli sagði dr. Jóhannes að
tvennt væri eftir sem ráðið gæti
úrslitum. Annarsvegar það hve vel
hagkvæmniskönnunin kæmi út og
hinsvegar að eftir væri að semja
um ýmsa hluti og nefndi hann sem
dæmi sömu atriðin og iðnaðarráð-
herra, raforkuverð og skattgreiðsl-
ur.
Mjög jákvæðar viðræður
Edward Notter forstjóri Alu-
suisse sagði að viðræðurnar í
Reykjavík hefðu verið mjög já-
kvæðar og uppbyggjandi. Hann
sagðist bjartsýnn á að hagkvæmn-
iskönnun kæmi vel út.
„Þetta verkefni á jafn mikla eða
meiri möguleika að ná fram að
ganga og nokkurt annað á sama
vettvangi í heiminum í dag,“ sagði
Edward Notter. „Þetta er vissulega
mjög traust tækifæri fyrir okkur.“
Aðspurður um hvort hann sæi
fram á nokkrar verulegar hindran-
ir í framtíðinni, sagði Notter svo
ekki vera. „Við eigum að vísu eft-
ir að ganga frá hlutum eins og
raforkusamningum og okkar bíður
mikið af lögfræðilegum verkefn-
um. Auk þess þurfum við að kanna
nánar vinnuaflsmarkaðinn hér, en
hin mikla þensla á honum og eftir-
spum umfram framboð kann að
skapa erfiðlefka. Eg er hins vegar
viss um að lausn fæst á þessum
má.lum,“ segir Notter.
í máli hans kom fram að við
álver af þeirri stærðargráðu sem
rætt er um þurfi á milli 300 og
400 manns til starfa.
Raforkuverðá
svipuðum nótum
„Við höfum nú náð samkomu-
lagi um framhald þessa máls og í
mínum augum lítur dæmið vel út.
Við vonumst til að geta komið
þessu í verk,“ sagði Per Olof Aron-
son forstjóri Grángers Aluminium.
Aðspurður um hvort eitthvað
væri farið að ræða um hugsanlegt
raforkuverð til hins fyrirhugaða
álvers sagði Per Olof Aronson að
íslenska viðræðunefndin hefði upp-
lýst þá um hvers þeir megi vænta.
„Við væntum þess að raforkuverð-
ið verði sanngjamt og byggt upp
á svipuðum nótum og það er til
ÍSAL. Segja má að þetta atriði
hafi myndað grunninn að áhuga
okkar," sagði hann. „Það er mikil-
vægt að við getum náð samkomu-
lagi um þetta og virðist sem svo
geti orðið.“
Per Olof sagði að nokkrir frek-
ari fundir milli aðila væru áformað-
ir í náinni framtíð. Búið væri að
skipuleggja það starf og fljótlega
tækju undimefndir aðila til starfa.
Þeir sem ræddust við í gær hittast
aftur í september.
„Tel að af þessu verði“
J.G.D. van der Ros aðstoðarfor-
stjóri Alumined Beheer sagði að
þótt hagkvæmniskönnunin skæri
endanlega úr um hvort af bygg-
ingu hins nýja álvers yrði teldi
hann að það myndi rísa og raunar
sagðist hann telja að átt hefði að
byija á þessu verki fyrr.
„Það á að vísu eftir að semja
um ótal hluti en ég sé engar vem-
legar hindranir í vegi þessarar
framkvæmdar. Hefðu þær verið til
staðar hefðum við ekki skrifað
undir þetta samkomulag," sagði
van der Ros. Hann ræddi einnig
um vinnuaflsmarkaðinn hér og
þensluna á honum sem er óþekkt
fyrirbrigði í flestum öðmm Evr-
ópulöndum. Til dæmis er atvinnu-
leysi í Hollandi nú um 10%. „ísland
er tiltölulega lítill vinnumarkaður
og því verðum við að kynna okkur
náið hvemig hann er uppbyggður,"
sagði hann.
„Ánægður fyrir hönd
Austria Metall“
„Ég get ekki verið annað en
mjög ánægður fyrir hönd Austria
Metall með þessa niðurstöðu af
viðræðunum," sagði Friedrich
Stachel sérstakur fulltrúi Austria
Metall í áhættuverkefnum. „Við
höfðum vonast eftir jákvæðri nið-
urstöðu af viðræðunum því ísland
er einn af áhugaverðari möguleik-
um sem við emm að skoða nú
hvað varðar framtíð fyrirtækisins.
Við verðum að loka álveri okkar í
Ranshofen eftir Ijögur ár þar sem
það er orðið úrelt.“
Stachel sagði að evrópsk fyrir-
tæki á sviði hráálsframleiðslu yrðu
í auknum mæli að leita út fyrir
álfuna með framleiðslu sína þar
sem orku til hennar væri ekki leng-
ur að fínna á heimaslóðum. Hann
sagði að íslendingar ættu þakkir
skildar fyrir að gefa þeim mögu-
leika á að taka þátt í þessu starfí
sem nú er hafíð og hann sagðist
vona að það bæri þann ávöxt sem
að er stefnt.
í Frankfurt verður haldið boð á
Hótel Intercontinental og í Ham-
borg á Hótel Atlantic. A báðum
stöðum verða sendiherra íslands í
Bonn og Útflutningsráð íslands,
fyrir hönd hagsmunaaðila, gest-
gjafar. í boði er íslenskur matur
og matreiðslu annast þeir Hilmar
B. Jónsson í Frankfurt og Gísli
Thoroddsen í Hamborg. Þar verður
jafnframt tískusýning á ullarvör-
um frá Álafossi hf. en í Frankfurt
verður sýning á litskyggnum frá
íslandi í gangi allan tímann. Gest-
um verður afhent kynningarefni
með upplýsingum um ísland og
íslensk fyrirtæki.
Reikna má með að í Hamborg
verði það einkum viðskiptavinir
íslenskra útflutningsfyrirtækja
sem sækja hádegisverðinn, en í
Frankfurt fólk úr ferðaiðnaði og
fjármálalífínu. Góðar undirtektir
hafa verið meðal boðsgesta og er
búist við allt að 200 gestum á
hvorum stað. Jafnframt verður
lögð áhersla á kynningu í þýskum
fjölmiðlum og í því skyni hefur
Utflutningsráð fengið til liðs þýskt
almannatengslafyrirtæki, sem að-
stoðar við að koma á framfæri
efni um ísland og útflutning á
íslenskum vörum og þjónustu.
(Fréttatilkynningf)
INNLENT
Morgunblaðið/Þorkell
Samgönguráðherra, Matthías Á. Mathiesen, afhendir Örlygi Hálf-
dánarsyni, forstjóra Arnar og Örlygs, Fjölmiðlabikar Ferðamálaráðs
en Kjartan Lárusson, formaður ráðsins, fylgist með.
Ferðamálaráð:
•• ••
Orn og Orlygnr fá
Fj ölmiðlabikarinn
Bókaútgáfan Örn og Örlygur
hlaut f gær Fjölmiðlabikar
Ferðamálaráðs, sem nú er veittur
í sjötta sinn fyrir framúrskar-
andi umfjöllun um ferðamál.
Matthías Á. Mathiesen, sam-
gönguráðherra, afhenti Örlygi
Hálfdánarsyni, forstjóra Amar og
Örlygs, Fjölmiðlabikarinn og sagði
löngu tímabært að útgáfan hlyti
viðurkenningu fyrir framlag sitt til
ferðamála. I ávarpi Kjartans Lárus-
sonar, formanns Ferðamálaráðs,
kom fram hve mikilvægt væri að
ferðamál fengju góða umíjöllun og
bikarinn væri meðal annars hvatn-
ing til þess.
Kjartan Lárusson sagði að Örn
og Örlygur hlytu bikarinn fyrir ára-
langa útgáfu handbóka fyrir ferða-
menn og ýmissa bóka annarra sem
ferðamálum tengjast. Nefndi hann
meðal annars bækur um Þingvelli
og Mývatn, fuglabók og plöntubók,
Ferðabók Eggerts og Bjama að
ógleymdu Landinu þínu. Jafnframt
Vegahandbókina, en fimmtu útgáfu
hennar er nú dreift um land allt.
Bókin er fáanleg á þremur tungu-
málum.