Morgunblaðið - 05.07.1988, Blaðsíða 46
46
MORGUNBLAÐIÐ, ÞRIÐJUDAGUR 5. JÚLÍ 1988
Hve lengi enn hofum við efni á að hafa
Halldór sem sjávarútvegsráðherra?
Eigum við að fórna öllu þessu aðeins fyrir stolt ráð herrans
og 0,25% útflutningsteknanna, þ.e. hvalaafurðanna?
eftir Magnús H.
Skarphéðinsson
Nýverið stöðvuðu finnskir toll-
verðir sjö flutningagáma frá Islandi
sem innihéldu afurðir hvalanna sem
veiddir voru í fyrrasumar hér við
land, eins og kunnugt er. En það
ýmislegt annað í þessu máli sem
er ekki eins kunnugt.
Orðnir þekktir
alþjóðasmyglarar
með hvalkjöt
Það er til dæmis lítið kunnugt
hér á landi að víðast hvar erlendis
erum við íslendingar að fá á okkur
orð alþjóðasmyglara með afurðir
dýra sem við veiðum þrátt fyrir
marggefin loforð okkar um að
hætta því.
I okkur hvalavini hér heima á
Fróni hringja fréttamenn hvað-
anæva að úr veröldinni og spyija
okkur hvers vegna í ósköpunum
stjórnvöld íslands stöðvi ekki tafar-
laust hinar ólöglegu veiðar hins
undarlega íslenska hvalveiðifyrir-
tækis Hvals hf., og hinar sífelldu
smygltilraunir þess með afurðir
hvaldýranna út um allan heim.
Þessir sömu fréttamenn verða því
ekki lítið undrandi þegar við neyð-
umst til að segja þeim að því miður
standi stjómvöld sjálf á bak við
veiðamar, skipuleggi þær og hvetji
hvalveiðifyrirtækið með ráðum og
dáð(!).
Eg vil aðeins upplýsa það hér að
það er hreint ekkert skemmtilegt
að vera Islendingur hinum megin
línunnar í símanum í samtölum við
þessa erlendu fréttamenn og þurfa
að upplýsa þá um lögleysuna og
siðleysið í öllu þessu hörmulega
hvaldrápsmáli hér heima.
Eða hvað eigum við annars að
segja við þetta fólk? Og hvað getum
við svosem sagt við þetta fólk? Eig-
um við að blekkja það með því að
segja því að þetta sé allt saman
byggt á misskilningi hjá þeim, eins
og flestar útskýringar framsóknar-
ráðherra íslandssögunnar hefjast í
Qölmiðlum og á fundum um þetta
mál? Ég get a.m.k. ekki gert það
gegn betri vitund þó Halldór Ás-
grímsson sjávarútvegsráðherra ís-
lands geri það og fari á hveija ráð-
stefnu Alþjóðahvalveiðiráðsins á
fætur annarrri til að gefa heims-
byggðinni þar langt nef þegar við
höfum verið minnt á gefín loforð
íslands um að hætta hvalveiðum
árið 1986. Svona hegðun íslands á
alþjóðavettvangi heitir víst réttur
smáríkja, í dagblaðinu Tímanum.
Það er nú svo.
Öll ríki aðilar að
sáttmálanum nema ísland
Það er líka lítið kunnugt hér
heima að meira en 90 ríki jarðar
hafa komið sér saman um alþjóðleg
lög og alþjóðasáttmála sem reyna
eftir fremsta megni að girða fýrir
alþjóðaverslun með lifandi dýr eða
plöntur sem taldar eru í útrýming-
arhættu að mati færustu vísinda-
manna hnattarins. Sama gildir með
verslun afurða þessara tegunda
(species). Sáttmáli þessi heitir Con-
vention of trade of endangered
species of fauna and flora. (Wash.
1973).
Meira en 40 ríki samþykktu
þennan sáttmála við stofnun hans
árið 1973 eða fljótlega á eftir.
Stofnfundurinn var haldinn í Was-
hington D.C. m.a. vegna mikils
áhuga náttúruvemdarfólks í
Bandaríkjunum á þessum málum.
Hefur hann yfírleitt verið kenndur
við þá borg manna á meðal síðan
og kallaður Washingtonsáttmálinn
frá 1973.
í þessum 90 ríkja hópi eru öll
Norðurlöndin að íslandi einu und-
anskildu. Þar eru líka öll ríki Evr-
ópubandalagsins og EFTA til sam-
an að íslandi einu undanskildu,
sem og allra rikja Norður-Ameríku
011 kommúnistaríki Austur-Evrópu
er þama líka að fínna ásamt Sov-,
étríkjunum, — hvaladrápurunum
Magnús H. Skarphéðinsson
„Eingöngn vegna nor-
rænnar frændsemi og
nýlokinnar kurteisis-
heimsóknar íslenska
forsætisráðherrans til
Finnlands sáu finnsk
stjórnvöld sig tilneydd
til að leysa málið á sem
diplómatískan hátt og
leyfa heimsendingu
kjötsins út um bak-
dyrnar.“
miklu til skamms tíma. Og meira
að segja eru Japanimir sjálfír þarna
líka. Það vantar eins og fyrr sagði
aðeins eina þjóð á þennan lista sem
annars er talin með þróuðum ríkjum
á hnettinum, nefnilega Evrópurík-
ið ísland.
Sérstaða okkar íslendinga í nátt-
úruvemdarmálum er orðin eins-
dæmi á norðurhveli jarðar. Nánast
öll ríki suðurhvelsins eru einnig
aðilar að sáttmálanum, eða að búa
sig undir að gerast meðlimir að
honum.
Afstaða íslands kemur ekki á
óvart. Sáttmálinn þrengir að rétti
ríkja til að drepa villt dýr hömlu-
laust, og þess vegna að útrýma
dýrategundum í stundarhagnaðar-
skyni. Svo einfalt er það. A þessu
fremur litla sýnishomi sést pólitísk
afstaða eyríkisins íslands í náttúru-
vemdunarmálum. Er hægt að
hugsa sér skýrara dæmi um sér-
stöðu rikis í þessum málaflokki?
Tæplega.
Þess vegna er ísland ekki
aðili að sáttmálanum
Það er líka enn minna kunnugt
að það er á grundvelli þessa sátt-
mála sem hvalkjötsfarmamir frá
íslandi eru sífellt stöðvaðir í erlend-
um höfnum, alls staðar þar sem til
þeirra fréttist á annað borð. Og það
er ódýr skýring íslensku utanríkis-
og sjávarútvegsráðuneytanna að
yppa bara öxlum þegar upp kemst
um smyglið ytra og segja að þetta
séu bara svo nýjar reglur hjá þess-
um útlendingum, — sem annars
ekkert viti um þetta mál. Enda
hafí þeir aldrei veitt hvali sjálfír!
(Sbr. ummæli íslensku framsóknar-
ráðherranna á sl. ári þegar upp
komst um hvalkjötssmyglið í fyrra
f Hamborg.)
KJORSTAOUR
KAUPAHEDNA
Til forna leystu höfðingjar þjóðarinnar
ágreiningsmál sín á Þingvöllum.
Þótt nútímamenn noti aðrar og oftast friðsamlegri aðferðir
til að leysa sín mál eru
Þingvellir enn sem fyrr viðeigandi umhverfi fyrir
viðskiptafundi.
Bjóddu viðskiptavinum þínum næst í viðskiptaverð á
Hótel Valhöll,
það tekur aðeins 40 mínútur að aka þangað frá Reykjavík.
Sannaðu til, þar komist þið að góðri niðurstöðu.
Hótel Valhöll
x Þingvöllum
sími 98-22622
Nýja söluskrífstofan okkar
- er oð Austurstrœti 22 m Sími: 62 30 60.
f
i' ARNARFLUG