Morgunblaðið - 14.07.1988, Blaðsíða 7

MORGUNBLAÐIÐÍ ttMMTUDAÖUR 14. JÚLÍ 1988
7
Gosdrykkjastríðið:
Engínn tekur mark á
Verðlagsstofnun lengur
- segir Ragnar Birgisson
„VERÐLAGSSTOFNUN þarf að
taka sig á. Það er ekki nóg að
hóta aðgerðum en fylgja svo
engu eftir. Þess vegna tekur
enginn mark á Verðlagsstofnun
lengur,“ sagði Ragnar Birgisson,
forstjóri Sanitas, þegar borin
voru undir hann ummæli Georgs
Ólafssonar, verðlagsstjóra, í
Morgunblaðinu i gær. Þar sagði
hann að sumar gosdrykkjaverk-
smiðjurnar væru vísar að því að
selja mönnum vöru á röngum
forsendum og lævíslegar söluað-
ferðir notaðar, sem btjóti í bága
við viss ákvæði verðlagslaga. Þar
vísar hann til þess að neytendum
hefur gefist kostur á því að safna
flipum af dósum, töppum af
flöskum eða taka þátt í öðrum
leikjum gegn viðurkenningum
eða verðlaunum ýmis konar, frá
fótboltum til bíla. Verðlagsstjóri
sagði að ef ekki yrði lát á þessu
yrði málið sent viðeigandi dóms-
stólum. Hvorki Vífilfell né Sanit-
as telja sig bijóta í bága við lög
með verðlauna- eða viðurkenn-
ingaleikjum sínum og Pétur
Björnsson, forstjóri Vífilfells
sagði að þeir hefðu enga athuga-
semd fengið frá Verðla^sstofnun
vegna leiks, sem þeir eru með í
gangi núna.
„Sú ákvörðun var tekin fyrir
mörgum árum að ef við færum ein-
Þórshöfn í Færeyjum:
Hafnaryfir-
völd kaupa
björgunar-
netið Markús
Hafnarstjórnin í Þórshöfn í
Færeyjum hefur ákveðið að
kaupa björgunarnetið Markús og
setja upp við höfnina. Ákvörðun
þessi er tekin í kjölfar óhapps
fyrir nokkrum dögum er tveir
farþegar af Norrönu féllu í sjó-
inn við komu skipsins til Þórs-
hafnar. Erfiðlega gekk að ná
þeim upp vegna skorts á þar til
gerðum búnaði.
í frásögn færeyska Dagblaðsins
í síðustu viku kemur fram, að eng-
ir stigar eru á hafnarkantinum og
er haft eftir Knúti Björk, formanni
„Tórshavnar Bjargingarfelags" að
mjög sé til vansa að engir stigar
skuli vera þama. Vegna þess geti
fólk, sem fellur í sjóinn, engan veg-
inn bjargað sér sjálft nema með því
að synda yfir á Þinganes. Hakar
og björgunarhringir væru góðra
gjalda verðir, en þá þyrfti einhver
að vera uppi á bryggjunni til að ná
fólkinu upp.
Hafnarstjórinn Pauli Hansen,
segir í samtali við Dagblaðið að
auðvitað hefði verið bezt að hafa
stiga á hafnarkantinum, en svo
væri ekki og líklega ekki hægt að
koma þeim fyrir. Því yrði gripið til
þess ráðs að kaupa björgunarnetið
Markús og það sett upp í inngangin-
um að hafnarskrifstofunum. Það
kostaði um 6.000 færeyskar krónur
(um 40.000 íslenzkar) og væri því
of dýrt til að setja upp á mörgum
stöðum á bryggjunni.
í nýrri reglugerð um öryggis-
búnað skipa, er skylda að hafa
Markúsarnetið um borð í nýsmíðuð-
um stærri skipum og innan þriggja
ára verða öll skip yfir ákveðinni
stærð að hafa það um borð.
hvem tíma að nota dósir undir gos-
drykkjaframleiðslu okkar þá yrði
jafnframt rekinn öflugur áróður
fyrir landhreinsun. Leikurinn, sem
við emm með í gangi núna, í sam-
vinnu við Bylgjuna og Stöð 2 geng-
ur einmitt út á það,“ sagði Lýður
Á. Friðjónsson, fjármálastjóri Vífil-
fells, í samtali við Morgunblaðið.
„Við höfum engar athugasemdir
fengið frá Verðlagsstofnun vegna
þessa leiks nema í gegnum fjöl-
miðla enda er þetta fyrst og fremst
hugsað sem hvati til þess að íslend-
ingar gangi betur- um landið.“
Ragnar Birgisson sagði að þeirra
leikur væri fyrst og fremst mark-
aðskönnun, þannig að þeir gætu
fylgst með hversu lengi gosdrykk-
irnir stoppuðu í hillum verslana, þar
sem geymsluþol væri mismunandi
eftir umbúðum og þeir vildu ekki
selja gamla vöm. „Við vomm ekki
fyrstir til þess að fara út í leiki sem
þessa. Sól byijaði á því að veita bíl
í verðlaun í tengslum við Trópí og
seinna peningaverðlaun fyrir að
finna milljónustu dósina af Sólgosi.
Síðan var Vífilfell með sambærileg-
an leik í desember og við gátum
ekki setið aðgerðalausir. Verðlags-
stofnun óskaði eftir lögfræðilegri
greinargerð frá okkur, sem við höf-
um skilað, en svar hefur ekki borist
frá stofnuninni enn. Að okkar mati
brýtur þessi leikur okkar ekki í
bága við lög,“ sagði Ragnar.
Lýður sagði að leikir eða sam-
keppni af þessu tagi væri ekki ein-
skorðuð við gosdrykkjaiðnaðinn.
„Þetta þekkist í fjölmörgum þjón-
ustugreinum og vafalaust er ekki
alltaf farið eftir verðlagslögum.
Útvarpsstöðvamar gefa fólki til
dæmis kost á að hringja inn á
ákveðnum tímum og ákveðnum
fjölda hlustenda er veitt verðlaun.
Einnig er algengt að bjóða auka
hamborgara frían ef einn er keypt-
ur og svo framvegis og mér er ekki
kunnugt um að athugasemdir hafi
verið gerðar við það,“ sagði hann.
mmmt
FARSIMINN
ER HEIMSÞEKKTUR FYRIR VANDAÐAN TÆKNIBUNAÐ OG SKYRAN HLJOM
□ Sérstaklega hannaður til að þola □ Sérhannaður fyrir framtíðar-
hnjask
□ 100 númera minni
□ Hægt að nota tvö símtól á sama
tæki án aukabúnaðar
□ Meðfærilegur og nettur
□ Tveggja ára ábyrgð
möguleika á tengingu við telefax
og fotofax
□ Viðurkennd viðgerðaþjónusta
Staðgreiðsluverð frá kr. 111.321
(Stofngjald til Pósts og síma kr. 9.125)